Mga sakop sa pamilya sa Taiwan nagtan-aw sa karaang litrato sa mga album.
Unsa ang mahitabo ngadto sa bilyones ka mga anak sa Langitnong Amahan kinsa mipuyo ug namatay nga walay kahigayonan sa pagpaminaw kang Jesukristo o pagdawat sa awtorisadong mga ordinansa sa Iyang ngalan? Si Apostol Pedro mitudlo nga si Jesukristo misangyaw sa ebanghelyo ngadto sa kalibotan sa mga espiritu human sa Iyang kamatayon, nga naghimo sa mga panalangin sa ebanghelyo nga maanaa alang sa tanang mga anak sa Langitnong Amahan. Kini nga leksiyon makatabang kanimo sa pagsuhid og mga paagi sa pagtabang sa Manluluwas sa Iyang buhat sa pagtubos sa mga patay.
Usa ka makalibog nga pangutana
Si Elder D. Todd Christofferson sa Korum sa Napulog Duha ka Apostoles miingon:
Imahe
Hulagway ni Elder D. Todd Christofferson. Gilitratohan niadtong Marso 2020.
Ang Kristiyanong mga nagtuon sa relihiyon [mga iskolar] dugay nang nagsugakod niini nga pangutana, Unsa ang padulngan niining bilyon nga nabuhi ug namatay nga walay kahibalo kabahin ni Jesus?
(D. Todd Christofferson, “The Redemption of the Dead and the Testimony of Jesus,” Ensign, Nob. 2000, 9)
Unsaon nimo pagtubag sa usa ka tawo nga nangutana nimo niini?
Mipadayon si Elder Christofferson:
Imahe
Hulagway ni Elder D. Todd Christofferson. Gilitratohan niadtong Marso 2020.
Uban sa Pagpahiuli sa ebanghelyo ni Jesukristo miabot ang pagsabot kon sa unsang paagi ang wala mabunyagi nga patay matubos ug kon sa unsang paagi ang Dios mahimong usa ka “hingpit, makiangayong Dios, ug usa ka maluloy-on nga Dios usab” [Alma 42:15].
(D. Todd Christofferson, “The Redemption of the Dead and the Testimony of Jesus,” 9)
Ang Manluluwas didto sa kalibotan sa mga espiritu
Samtang ang kahibalo sa kaluwasan alang sa mga patay napasig-uli pinaagi kang Propeta Joseph Smith, ang Biblia naglakip og mga tudling nga nagpakita kanato nga kadtong mga kamatuoran nasabtan ug gitudlo sa naunang Apostoles. Pananglitan, si Apostol Pedro mitudlo mahitungod sa unsa ang gibuhat ni Jesukristo alang sa kadtong namatay nga walay kahibalo sa ebanghelyo.
Basaha ang 1 Pedro 3:18–20; 4:6 aron makita unsa ang gitudlo ni Pedro mahitungod sa giunsa ni Jesukristo pagpadayon sa Iyang buhat aron pagluwas sa mga anak sa atong Langitnong Amahan, bisan human sa Iyang kamatayon. Bantayi kon sa unsang paagi kini nga mga bersikulo magkalahi diha sa Hubad ni Joseph Smith (tan-awa sa 1 Pedro 3:20 ug 1 Pedro 4:6).
Ang 1 Pedro 4:6 usa ka tudling sa doktrinal nga kahanas. Ikonsiderar ang pagmarka sa mga tudling sa doktrinal nga kahanas sa lahi nga paagi aron mas sayon ra nimo kining makit-an.
Unsa ang gitudlo niining mga bersikulo kanimo mahitungod sa pagpangalagad sa Manluluwas didto sa kalibotan sa mga espiritu?
Sumala sa 1 Pedro 4:6, nganong gisangyaw man ang ebanghelyo ngadto sa mga patay?
Sa unsang paagi ang doktrina sa kaluwasan alang sa mga patay nagpakita sa gugma ug kaluoy sa Dios alang sa Iyang mga anak?
Ang pagpadayag sa karon nga panahon [modern] mahitungod sa kalibotan sa mga espiritu
Ang pagpadayag sa karon nga panahon mahimong makatabang kanato nga makakat-on og dugang mahitungod sa gibuhat sa Manluluwas samtang Siya anaa sa kalibotan sa mga espiritu.
Imahe
Hulagway ni Joseph F. Smith
Sa dihang si Presidente Joseph F. Smith (1838–1918) mibasa ug namalandong niining sama nga mga bersikulo sa 1 Pedro, siya nakadawat og panan-awon sa pagpangalagad sa Manluluwas taliwala sa mga patay. Kini nga pagpadayag natala diha sa Doktrina ug mga Pakigsaad 138 ug naglakip sa mga detalye nga wala mahibaloi kaniadto sa mga miyembro sa Simbahan. Mahimong magsulat og usa ka cross-reference o pag-link sa 1 Pedro 4:6 ngadto sa Doktrina ug mga Pakigsaad 138 diha sa imong mga kasulatan.
Basaha ang Doktrina ug mga Pakigsaad 138:29–34, 57–58, nga mangita alang sa dugang nga mga panabot mahitungod sa pagpangalagad sa Manluluwas diha sa kalibotan sa mga espiritu.
1. Tubaga ang mosunod nga mga pangutana diha sa imong journal sa pagtuon:
Unsa ang imong nakat-onan gikan sa imong pagtuon sa Doktrina ug mga Pakigsaad 138 nga sa imong pamati labing importante kaayo? Ngano man?
Sa unsang paagi nga ang pagsabot unsa ang nahitabo didto sa kalibotan sa mga espiritu nakaimpluwensiya sa imong mga kasinatian sa pagbuhat sa buhat sa templo ug sa family history?
Unsa nga ebidensiya sa gugma ug kalooy ni Jesukristo ang imong nakita niini nga mga bersikulo?
Atong responsibilidad
Si Elder Dale G Renlund sa Korum sa Napulog Duha ka Apostoles namulong sa atoang responsibilidad sa pagtabang sa Manluluwas sa Iyang buhat sa pagtubos sa mga patay. Mahimo kang motan-aw sa bidyo nga “Buhat sa Family History ug sa Templo: Pagselyo ug Pagkaayo,” nga anaa sa ChurchofJesusChrist.org, gikan sa time code nga 3:01 hangtod sa 3:47, o basaha ang mosunod nga pamahayag:
Imahe
Opisyal nga hulagway ni Elder Dale G. Renlund sa Korum sa Napulog Duha ka Apostoles, Enero 2016.
Isip mga miyembro sa Simbahan, gihatagan kita’g balaang responsibilidad sa pagsiksik sa atong katigulangan ug pagtigom sa mga kasaysayan sa pamilya. Mas labaw kini kay sa giawhag nga kalingawan, tungod kay ang mga ordinansa sa kaluwasan gikinahanglan sa tanang anak sa Dios. Kita ang mangita sa kaugalingon natong katigulangan kinsa namatay nga wala makadawat sa mga ordinansa sa kaluwasan. Ang mga ordinansa para sa mga patay atong mahimo pinaagi sa pagpuli diha sa mga templo, ug ang atong katigulangan ray mopili kon dawaton ba nila ang mga ordinansa. Giawhag usab kita nga tabangan ang mga miyembro sa ward ug stake sa ngalan sa mga sakop sa ilang pamilya. Makatingala gayod, nga pinaagi sa family history ug sa templo nga buhat, makatabang kita og luwas sa mga patay.
Sa unsang paagi nga ang pagsalmot sa buhat sa family history ug sa templo nakaapekto sa imong kinabuhi o sa kinabuhi sa uban? Kon wala pa ka makasalmot niini, sa unsang paagi sa imong hunahuna kini lagmit makaapekto sa imong kinabuhi?
Paggahin og higayon karon sa pagsalmot sa o pagkat-on og dugang mahitungod sa buhat sa kaluwasan alang sa mga patay. Depende sa anaa nga oras ug anaa nga kapanguhaan sa imong dapit ug pinulongan, pagpili og usa o daghan pa sa mosunod nga mga kapilian alang niini nga kalihokan:
Bisitaha ang FamilySearch.org o gamita ang FamilySearch Family Tree nga app. Tan-awa kon makakita ka ba sa mga ngalan sa katigulangan kinsa nagkinahanglan pang makadawat sa mga ordinansa sa pagkapari. Mahimong nimong ireserba kini nga mga ngalan ug dalhon sila ngadto sa templo sa imong kaugalingon o isumiter ang mga ngalan ngadto sa templo aron ang laing mga tawo mahimong makabuhat sa mga ordinansa alang kanila. Ang Mga Ordinansa nga Andam Na nga feature mahimong gamiton sa pagtabang kanimo aron dali nga maila ang mga katigulangan kinsa nagkinahanglan sa mga ordinansa sa pagkapari. (Alang sa mga direksiyon kon unsaon paggamit niini nga feature, tan-awa sa “Family Tree App: Ordinances Ready,” New Era, Ene. 2019, 45.)
Bisitaha ang “Kasaysayan sa Pamilya [Family History]” nga seksiyon sa Mga Hilisgotan sa Ebanghelyo [Gospel Topics] (topics.ChurchofJesusChrist.org) aron sa pagkaplag og mga pagpasabot, mga kasulatan, mga mensahe sa kinatibuk-ang komperensiya, ug mga bidyo bahin sa kasaysayan sa pamilya.
Bisitaha ang “Kasaysayan sa Pamilya [Family History]” nga koleksiyon sa bidyo diha sa Media Library sa (videos.ChurchofJesusChrist.org) aron sa pagkaplag og makadasig nga mga bidyo bahin sa pag-apil sa buhat sa templo ug family hisotry.
Paghimo og listahan sa mga pangutana mahitungod sa imong mga katigulangan nga mahimo nimong ipangutana sa imong mga ginikanan o lain pang mga paryente. Sa usa ka maayo nga higayon, ipangutana ang imong mga pangutana ug hisgoti kon sa unsang paagi nga ang imong pamilya mahimong makasalmot sa buhat sa templo ug sa family history nga magkauban.
Sa luna sa ubos, ihulagway hain nga kapilian ang imong napili ug unsa ang imong nakat-onan o nabati samtang imong gihimo kini nga kalihokan.
2. Diha sa imong journal sa pagtuon, ihulagway hain nga kapilian ang imong napili ug unsa ang imong nakat-onan o nabati samtang imong gihimo kini nga kalihokan.
Opsiyonal: Gustong Makakat-on pa og Dugang?
Unsa man ang akong responsibilidad sa akong mipanaw nga mga katigulangan?
Si Elder Quentin L. Cook sa Napulog Duha ka Apostoles mitudlo:
Imahe
Opisyal nga hulagway ni Elder Quentin L. Cook. Gitawag ngadto sa Korum sa Napulog Duha ka Apostoles niadtong 6 sa Oktubre 2007.
Ang doktrina sa pamilya kalabot sa family history ug buhat sa templo klaro. Ang Ginoo sa Iyang orihinal nga pagpadayag nagpasabot sa “bunyag alang sa inyong mga patay” [Doktrina ug mga Pakigsaad 127:5; gidugang ang paghatag og gibug-aton]. Ang atong doktrinal nga obligasyon mao ang ngadto sa atong mga katigulangan. Kini tungod kay ang celestial nga pag-organisar sa langit gibasi sa mga pamilya. Ang Unang Kapangulohan nag-awhag sa mga miyembro, ilabi na ang kabatan-onan ug mga young single adult, nga hatagan og gibug-aton ang buhat sa family history ug mga ordinansa alang sa ilang kaugalingong ngalan sa pamilya o sa mga ngalan sa katigulangan sa mga miyembro sa ilang ward ug stake. Kinahanglang makonektar kita ngadto sa atong mga gamot ug mga sanga.
Si Presidente Thomas S. Monson (1927–2018) mitudlo:
Imahe
Opisyal nga hulagway ni Presidente Thomas S. Monson, 2008.
Ang Ginoo, kutob sa akong nasayran, wala gayod mopasabot nga ang Iyang buhat kutob ra sa mortal nga kinabuhi. Hinoon, ang Iyang buhat molukop sa kahangtoran. Nagtuo ko nga Iyang gipadali ang Iyang buhat sa kalibotan sa espiritu. Ako nagtuo usab nga ang Ginoo, pinaagi sa Iyang mga sulugoon didto, nag-andam og daghang mga espiritu aron modawat sa ebanghelyo. Ang atong tahas mao ang pagpangita sa atong mga patay ug dayon moadto sa templo ug mopahigayonsa balaan nga mga ordinansa nga magdala sa kadtong nalapas sa tabil og susamang mga oportunidad nga anaa nato. …
Akong mga kaigsoonan, mopamatuod ko nga ang Ginoo mopanalangin nato samtang kita modawat ug mosanong niini nga hagit.
(Thomas S. Monson, “Pagpadali sa Buluhaton,”Liahona Hunyo 2014, 4–5)
Sa unsang paagi ako makaapil sa buhat sa templo ug sa family history?
Aron makita kon unsa ang gitudlo ni Elder David A. Bednar sa Korum sa Napulog Duha ka Apostoles bahin niining importante nga buhat, tan-awa ang “The Time Is Now” (3:19), anaa sa ChurchofJesusChrist.org.
Si Presidente Russell M. Nelson mipahayag:
Imahe
Opisyal nga hulagway ni Presidente Russell M. Nelson nga gikuha niadtong Enero 2018
Bisan kanus-a nga mobuhat kamo og bisan unsa nga makatabang kang bisan kinsa—sa matag habig sa tabil—nga mopadulong sa paghimo og mga pakigsaad sa Dios ug sa pagdawat sa ilang mahinungdanong mga ordinansa sa bunyag ug sa templo, nagtabang kamo sa pagpundok sa Israel. Ingon lang niana ka yano.
(Russell M. Nelson ug Wendy Nelson, “Paglaom sa Israel” [tibuok kalibotan nga debosyonal sa kabatan-onan, Hunyo 3, 2018], dugang ngadto sa New Era ug Ensign 15, ChurchofJesusChrist.org)
Sa unsang paagi nga ang buhat sa templo ug family history makapanalangin kanako?
Sa iyang Abril 2018 nga mensahe sa kinatibuk-ang komperensiya, si Elder Dale G. Renlund sa Korum sa Napulog Duha ka Apostoles naglista og daghan sa mga panalangin nga atong madawat gikan sa pagsalmot sa buhat sa templo ug family history. Tan-awa kini nga kinutlo o basaha ang tibuok mensahe (Dale G. Renlund, “Buhat sa Family History ug sa Templo: Pagsilyo ug Pagkaayo,” Liahona, Mayo 2018, 46–49).
Tan-awa ang “Redeeming the Dead Redeemed Me” (4:57), anaa sa ChurchofJesusChrist.org, aron makita kon sa unsang paagi nga ang usa ka tawo napanalanginan pinaagi sa pag-apil niini nga buhat.
