Si Pedro misulat ngadto sa mga disipulo ni Jesukristo kinsa lig-on sa ilang hugot nga pagtuo. Samtang nahiduol na siya sa kataposan sa iyang kinabuhi, si Pedro gustong motabang niini nga mga Santos nga mahinumdom sa dagkong mga panalangin nga gisaad ngadto sa mga matinud-anon. Iyang gidasig ang mga Santos sa pagpalambo og mga kinaiya ni Jesukristo. Kini nga leksiyon gituyo aron sa pagtabang kanimo nga mobuhatog mga lakang aron mahimong mas susama kang Jesukristo.
Lakang-sa-lakang nga mga kalamposan
Unsa ang usa ka mahinungdanong tumong ang gusto nimong makab-ot?
Unsay imong gibuhat aron makab-ot kini nga tumong?
Si Elder Scott D. Whiting sa Seventy mipakigbahin og usa ka leksiyon nga nakat-onan niya ug sa iyang asawa panahon sa usa ka kasinatian nila samtang nagtungas sa Bukid sa Fuji sa Japan. Ang leksiyon nga ilang nakat-onan mahimong makatabang kanimo sa paghimo sa imong mga tumong. Mahimong imong tan-awon ang bidyo nga “Pagkahimong sama Kaniya,” nga anaa sa ChurchofJesusChrist.org, gikan sa time code 2:35 hangtod sa 3:09, o mobasa sa mosunod nga pahayag:
Imahe
Ang Mt. Fuji, sa Japan, nagbarog nga harianon diha sa luyo sa kagabhion sa hinapos sa tinglarag. Ang kataposang pagpasiplat sa kahayag sa adlaw nga makita sa kasadpang tungason nga bahin nga napuno sa niyebe. Ang Lake Kawaguchi ang naa sa atubangan uban sa lungsod sa Fujikawaguchiko nga nahimutang taliwala sa lanaw ug sa bukid. Nipis nga niyebe ang mibukot sa lungsod ug sa duol nga kakahoyan.
Imahe
Opisyal nga Hulagway ni Elder Scott D Whiting. Gilitratohan niadtong Marso 2017.
Pipila ka tuig nang milabay, ang akong asawa ug ako mibarog sa sinugdanan sa agianan sa kinatas-ang bukid sa Japan, ang Mount Fuji. Sa pagsugod namo sa among pagtungas mitan-aw mi sa tumoy didto sa layo ug naghunahuna kon makaabot ba mi didto.
Sa among pagpadayon, ang kakapoy, sakit sa mga kaunoran, ug ang mga epekto sa kataas miresulta na. Sa among hunahuna, importante alang namo nga tutokan lamang ang sunod nga lakang. Moingon mi, “Siguro dili dayon ko makaabot sa ibabaw, apan mahimo nako kining sunod nga lakang karon dayon.” Paglabay sa panahon ang lisod nga buluhaton sa kataposan makab-ot ra—usa ka lakang human sa laing lakang.
Kini nga ehemplo mahimong magamit sa pagkab-ot sa daghang nagkalain-laing mga tumong. Unsa ang matabang niini kanato aron makasabot mahitungod sa tumong sa pagkahimong sama kang Jesukristo?
Paggahin og higayon sa pagpamalandong unsa ang imong nabuhat ug ginabuhat aron mahimong sama ni Jesukristo.
Unsa ang nakalisod mahitungod sa pagpaningkamot aron mahimong mas sama ni Jesukristo?
Unsa ang nakatabang kanimo aron makahimo og pag-uswag sa pagkahimong mas sama ni Jesukristo?
Hinumdomi nga importante nga matan-aww ang imong pag-uswag sa pagkahimong mas sama ni Jesukristo isip usa ka hinay-hinay, lakang-sa-lakang nga proseso. Sa imong pagtuon niini nga leksiyon, pangita og unsa ang lagmit nimong mabuhat uban sa tabang sa Manluluwas aron mabuhat ang sunod nga lakang.
Diosnong kinaiya
Sa usa ka sulat alang ngadto sa mga miyembro sa Simbahan kinsa aduna nay hugot nga pagtuo kang Jesukristo, si Apostol Pedro mipahayag sa iyang tinguha alang kanila aron makadawat sa mga panalangin sa pagkahibalo sa Langitnong Amahan ug ni Jesukristo ug sa Ilang diosnong kinaiya.
Basaha ang 2 Pedro 1:2–4, nga mangita sa mga panalangin nga mahimong moabot kanato pinaagi niini nga kahibalo.
Unsa sa imong hunahuna ang buot ipasabot sa “makaambit sa diosnong kinaiya”? (2 Pedro 1:4).
Ang matag usa kanato adunay diosnong kinaiya tungod kay matag usa kanato “hinigugmang espiritu nga anak nga lalaki o babaye sa langitnong mga ginikanan” (“Ang Pamilya: Usa ka Pamahayag ngadto sa Kalibotan,” ChurchofJesusChrist.org). Si Jesukristo mahimong makatabang kanato nga mapalambo ug malunsay ang Kristohanong mga hiyas sa atong pagpaningkamot nga mosunod sa Iyang hingpit nga ehemplo ug mosalig ngadto Kaniya aron matabangan kita nga mabag-o.
1. Kompletoha ang mosunod nga kalihokan diha sa imong journal sa pagtuon. Pagdugang niini sa kinatibuk-an sa leksiyon.
Sa imong journal sa pagtuon, pagdrowing og usa ka yanong outline sa Bukid sa Fuji o lain nga bukid nga imong napili. Sa imong bukid, pagsulat og pipila sa mga hiyas ni Jesukristo.
Hain sa mga hiyas ni Jesukristo ang imong labing gidayeg? Ngano man?
Basaha ang 2 Pedro 1:5–7, nga mangita sa Kristohanong mga hiyas nga gilista ni Pedro. Idugang kini nga mga hiyas ngadto sa mga nasulat nimo sa imong bukid sa imong journal.
Paggahin og higayon sa paghunahuna mahitungod sa unsa lagmit ang buot ipasabot ni Pedro sa hugpong sa pulong nga “himoa … ang tanang [kakugi]” (bersikulo 5).
Sa unsang paagi nimo kini mahulagway sa imong dayagram?
Basaha ang 2 Pedro 1:8–11, nga mangita unsa ang gisulti ni Pedro sa mga Santos nga mahitabo kon sila makapalambo niini nga mga hiyas.
Unsa ang usa ka kamatuoran nga imong nakat-onan gikan niini nga mga bersikulo?
Paghunahuna mahitungod kon unsa ang lagmit nimong madugang sa imong dayagram tungod sa unsay imong nakat-onan. Mahimo kang magdugang og usa ka ulohan sa ibabaw sa imong bukid nga nagsuma sa usa ka importante nga kamatuoran nga imong gikat-onan mahitungod sa pag-ila kang Jesukristo.
Mahimo nimong itandi ang imong dayagram sa mosunod nga ehemplo ug pagdugang og bisan unsang detalye nga pamati nimo makatabang.
Imahe
Bukid nga Dayagram sa Diosnong mga Hiyas
Unsa ang atong mahimo aron makapalambo sa Kristohanong mga hiyas?
Sa unsang paagi sa imong hunahuna nga ang pagpalambo sa diosnong mga hiyas makatabang kanato nga makaila kang Jesukristo ug mahimong mas sama Kaniya?
Pagpalambo og Kristohanong mga hiyas
Ang panaw sa pagpalambo og Kristohanong mga hiyas mahimong magsugod sa yanong unang lakang sa pagpili og usa ug pagkat-on og dugang mahitungod niini. Sugdi kini nga panaw karon pinaagi sa pagpili og usa sa mga hiyas nga nalista sa 2 Pedro 1:5–7 ug nasulat sa imong bukid nga dayagram.
Usa ka paagi nga ikaw mahimong makat-on og dugang mahitungod sa hiyas nga imong napili mao ang paggamit sa Giya ngadto sa mga Kasulatan, , o ang function sa pagpangita sa Gospel Library aron makita ang mga kasulatan o mga pamahayag nga may kalabotan niana nga hiyas.
Pagsulat og mga note sa imong journal sa pagtuon, ug ikonsiderar ang pagmarka sa importanteng hugpong sa mga pulong diha sa kasulatan nga imong nabasa.
2. Tubaga ang mosunod nga mga pangutana diha sa imong journal sa pagtuon:
Hain nga hiyas ang imong gipili nga tutokan?
Unsa ang imong nakat-onan mahitungod kang Jesukristo ug niini nga kinaiya gikan sa imong mga pagtuon?
Sa unsang paagi nga ang iong kinabuhi lagmit mouswag pinaagi sa pagpalambo niini nga Kristohanong hiyas?
Unsa nga mga paningkamot ang andam nimong buhaton aron mahimong mas sama sa Manluluwas pinaagi sa pagpalambo niini nga hiyas?
Opsiyonal: Gustong Makakat-on pa og Dugang?
Unsa man ang akong mahimo aron mapalambo ang Kristohanong mga hiyas?
Si Elder Scott D. Whiting sa Seventy mipasabot:
Imahe
Opisyal nga Hulagway ni Elder Scott D Whiting. Gilitratohan niadtong Marso 2017.
Aron makita ang tinuod nga pag-uswag, kinahanglan kamo og padayong paningkamot. Sama sa pagsaka sa usa ka bukid nga nagkinahanglan og pagpangandam daan ug paglahutay ug pagpadayon atol sa pagtungas, mao usab kini nga biyahe nga nagkinahanglan og tinuod nga paningkamot ug sakripisyo. Ang tinuod nga Kristiyanismo, diin naningkamot kita nga mahimong mahisama sa atong Agalon, kanunay nga nagkinahanglan sa atong labing maayong mga paningkamot. …
Nasayod ko nga ang pagkahimong sama Kaniya pinaagi sa Iyang balaanong tabang ug kalig-on mahimong makab-ot pinaagi sa usa ka lakang human sa laing lakang. Kay kon dili, wala unta Niya ihatag kanato kini nga sugo [tan-awa sa 1 Nephi 3:7].
Unsa ang mahitabo samtang maningkamot ko nga makabaton og Kristohanong kinaiya?
Si Elder Robert D. Hales (1932–2017) sa Korum sa Napulog Duha ka Apostoles mipasabot:
Imahe
Opisyal nga hulagway ni Elder Robert D. Hales sa Korum sa Napulog Duha ka Apostoles, 2003
Ang mga hiyas sa Manluluwas, sama sa atong pagsabot niini, dili usa ka sinulat nga sundon o lista nga himoon. Nahiusa kini nga mga kinaiya, nadugang ngadto sa usag usa, nga milambo diha kanato sa makaimpluwensya nga pamaagi. Sa laing pagkasulti, dili kita makabaton og usa ka Kristohanong kinaiya nga dili usab maimpluwensiyahan ang uban. Samtang ang usa ka kinaiya mahimong lig-on, mao usab ang daghan pa.
Si Elder David A. Bednar sa Korum sa Napulog Duha ka Apostoles mitudlo:
Imahe
Elder David A. Bednar, Korum sa Napulog Duha ka Apostoles opisyal nga hulagway. 2020.
Ang panabang gikan sa Manluluwas maanaa alang sa tibuok nga panaw sa pagka-mortal—gikan sa pagkadautan ngadto sa pagkamaayo ngadto sa pagka mas maayo ug sa pag-usab sa atong pinakakinaiyahan.
