ធីម៉ូថេ ទី១ ៤:១២

ព្រះគម្ពីរសញ្ញាថ្មី សៀវភៅសិក្សាសម្រាប់សិស្សថ្នាក់សិក្ខាសាលា ( ២០២៣ )

មាតិកា
សេចក្តីផ្តើមអំពីព្រះគម្ពីរសញ្ញាថ្មី សៀវភៅសិក្សាសម្រាប់សិស្សថ្នាក់សិក្ខាសាលា
ឯកសារណែនាំ
ម៉ាថាយ ១; លូកា ១
ទិដ្ឋភាពទូទៅនៃ ម៉ាថាយ ២; លូកា ២
យ៉ូហាន ១
ម៉ាថាយ ៣; ម៉ាកុស ១; លូកា ៣
ម៉ាថាយ ៤; លូកា ៤–៥
យ៉ូហាន ២–៤
ម៉ាថាយ ៥; លូកា ៦
ម៉ាថាយ ៦–៧
ម៉ាថាយ ៨; ម៉ាកុស ២–៤; លូកា ៧
ម៉ាថាយ ៩–១០; ម៉ាកុស ៥; លូកា ៩
ម៉ាថាយ ១១–១២; លូកា ១១
ម៉ាថាយ ១៣; លូកា ៨; ១៣
ម៉ាថាយ ១៤; ម៉ាកុស ៦; យ៉ូហាន ៥–៦
ម៉ាថាយ ១៥–១៧; ម៉ាកុស ៧–៩
ម៉ាថាយ ១៨; លូកា ១០
យ៉ូហាន ៧–១០
លូកា ១២–១៧, យ៉ូហាន ១១
ម៉ាថាយ ១៩–២០; ម៉ាកុស ១០; លូកា ១៨
ម៉ាថាយ ២១–២៣; ម៉ាកុស ១១; លូកា ១៩–២០; យ៉ូហាន ១២
យ៉ូសែប ស្ម៊ីធ—ម៉ាថាយ ១; ម៉ាថាយ ២៥; ម៉ាកុស ១២–១៣; លូកា ២១
ម៉ាថាយ ២៦; ម៉ាកុស ១៤; យ៉ូហាន ១៣
យ៉ូហាន ១៤–១៧
លូកា ២២; យ៉ូហាន ១៨
ម៉ាថាយ ២៧; ម៉ាកុស ១៥; លូកា ២៣; យ៉ូហាន ១៩
ម៉ាថាយ ២៨; ម៉ាកុស ១៦; លូកា ២៤; យ៉ូហាន ២០–២១
កិច្ចការ ១–៥
កិច្ចការ ៦–៩
កិច្ចការ ១០–១៥
កិច្ចការ ១៦–២១
កិច្ចការ ២២–២៨
រ៉ូម ១–៦
រ៉ូម ៧–១៦
កូរិនថូស ទី១ ១–៧
កូរិនថូស ទី១ ៨–១៣
កូរិនថូស ទី១ ១៤–១៦
កូរិនថូស ទី២ ១–៧
កូរិនថូស ទី២ ៨–១៣
កាឡាទី
អេភេសូរ
ភីលីព; កូល៉ុស
ថែស្សាឡូនីច ទី១–២
ធីម៉ូថេ ទី១–២, ទីតុស, ភីលេម៉ូន
ហេព្រើរ ១–៦
ហេព្រើរ ៧–១៣
យ៉ាកុប
ពេត្រុស ទី១–២
យ៉ូហាន ទី១–៣; យូដាស
វិវរណៈ ១–៥
វិវរណៈ ៦–១៤
វិវរណៈ ១៥–២២

ធីម៉ូថេ ទី១ ៤:១២–១៦

« ចូរធ្វើជាគំរូដល់ពួកអ្នកជឿ »

វាមិនងាយស្រួលក្នុងការរស់នៅតាមដំណឹងល្អនៃព្រះយេស៊ូវគ្រីស្ទនៅក្នុងកន្លែងទុច្ចរិតដូចក្រុងអេភេសូរឡើយ ។ ប្រាកដណាស់ អ្នកទាំងឡាយណាដែលដូចជាធីម៉ូថេ ជាអ្នកបានជ្រើសរើសរស់នៅក្នុងជីវិតសុចរិត បានលេចធ្លោក្នុងចំណោមមិត្តភក្តិរបស់ពួកគេ ។ ប៉ុន្តែ ប៉ុលបានលើកទឹកចិត្តធីម៉ូថេឲ្យក្រោកឡើងដើម្បីយកឈ្នះលើការរិះគន់របស់អ្នកដទៃពីព្រោះតែលោកនៅក្មេង ឬសេចក្ដីជំនឿរបស់លោក ហើយ « ធ្វើជា … គំរូដល់ពួកអ្នកជឿ » ( ធីម៉ូថេ ទី១ ៤:១២ ) ។ មេរៀននេះមានគោលបំណងជួយអ្នកឲ្យខិតខំធ្វើជាគំរូនៃភាពជាសិស្សរបស់ព្រះយេស៊ូវគ្រីស្ទក្នុងយុវវ័យរបស់អ្នក ។

តើវានឹងនិយាយអ្វីអំពីអ្នក ?

ប្រសិនបើមាននរណាម្នាក់មកសង្កេតមើលអ្នករយៈពេលមួយសប្តាហ៍ តើភស្តុតាងអ្វីខ្លះដែលធ្វើឲ្យពួកគេមើលឃើញថាអ្នកកំពុងព្យាយាមដើរតាមព្រះយេស៊ូវគ្រីស្ទ ?
តើពួកគេអាចនឹងឃើញអ្វីខ្លះក្នុងជីវិតរបស់អ្នកដែលធ្វើឲ្យពួកគេអាចកែលម្អខ្លះៗ នៅពេលអ្នកស្វែងរកការដើរតាមព្រះគ្រីស្ទ ?

សូមពិចារណាមើលវីដេអូ ៖ « The Lost Purse » ( ២:៤០ ) ដែលមាននៅលើគេហទំព័រ ChurchofJesusChrist.orgដែលបង្ហាញពីគំរូខ្លះៗនៃភាពជាសិស្សដូចព្រះគ្រីស្ទ ។

The Lost Purse
When a young woman’s purse is left behind after a dance, adult leaders search through it to find the owner’s identity, which is revealed to them in an unexpected way.

ហេតុអ្វីបានជាវាសំខាន់ ដើម្បីពិចារណាអំពីគំរូអ្វីដែលយើងកំពុងតែធ្វើសម្រាប់អ្នកដទៃ ?

សូមគិតអំពីអារម្មណ៍ដែលអ្នកទុកចិត្តចំពោះការធ្វើជាគំរូដល់អ្នកដើរតាមព្រះយេស៊ូវគ្រីស្ទសម្រាប់មនុស្សនៅជុំវិញអ្នក ហើយហេតុអ្វី ។

នៅពេលអ្នកសិក្សាមេរៀននេះ សូមស្វែងរកការណែនាំពីព្រះវិញ្ញាណបរិសុទ្ធ ដើម្បីស្គាល់ពីរបៀបដែលអ្នកកំពុងធ្វើជាគំរូដែលជួយអ្នកដទៃ ហើយដឹកនាំពួកគេទៅកាន់ព្រះអង្គសង្គ្រោះ ។ ប្រសិនបើអ្នកមិនទុកចិត្តក្នុងការធ្វើជាគំរូដល់អ្នកដទៃទេ សូមស្វែងរកសេចក្ដីពិតដែលអាចជួយអ្នក និងជំរុញទឹកចិត្តអ្នក ។

ការលើកទឹកចិត្តរបស់ប៉ុលដល់ធីម៉ូថេ

ព្រះគម្ពីរសញ្ញាថ្មីរួមបញ្ចូលសំបុត្រពីរដែលប៉ុលបានសរសេរទៅមិត្តម្នាក់ដែលគួរឲ្យទុកចិត្តបំផុតរបស់គាត់គឺធីម៉ូថេ ( សូមមើល កូរិនថូស ទី១ ៤:១៧ ) ។ នៅពេលអ្នកអានព័ត៌មានខាងក្រោមអំពីធីម៉ូថេ សូមគិតអំពីមូលហេតុដែលគំរូរបស់គាត់នឹងធ្វើឲ្យអ្នកដទៃផ្លាស់ប្តូរ ។ តើអ្នកទាក់ទងទៅនឹងគាត់របៀបណា ?

ម្ដាយ និងជីដូនរបស់ធីម៉ូថេជាគំរូដ៏សុចរិត ប៉ុន្តែឪពុករបស់លោកជាសាសន៍ក្រិកដែលទំនងមិនមែនជាអ្នកជឿ ( សូមមើល កិច្ចការ ១៦:១; ធីម៉ូថេ ទី២ ១:៥; ៣:១៤–១៥ ) ។
ធីម៉ូថេកំពុងបម្រើជាអ្នកដឹកនាំសាសនាចក្រនៅក្រុងអេភេសូរ ( សូមមើល ធីម៉ូថេ ទី១ ១:៣ ) ជាទីក្រុងធំមួយដែលការថ្វាយបង្គំរូបព្រះ និងអំពើអសីលធម៌បានរីកសុះសាយ ( សូមមើល កិច្ចការ ១៩:៣៥ ) ។
ប៉ុលបានលើកឡើងថា សមាជិកខ្លះបានសង្ស័យលើលទ្ធភាពនៃការដឹកនាំរបស់ធីម៉ូថេ ព្រោះលោកមានវ័យក្មេង ( សូមមើល ធីម៉ូថេ ទី១ ៤:១២ ) ។

សូមអាន ធីម៉ូថេ ទី១ ៤:១២–១៦ ដោយស្វែងរកអ្វីដែលប៉ុលបានទូន្មានឲ្យធីម៉ូថេធ្វើ ។

តើការទូន្មានអ្វីដែលអ្នករកឃើញថា មានអត្ថន័យចំពោះអ្នក ?
តើអ្នកនឹងសង្ខេបការអញ្ជើញរបស់ប៉ុលពី ខទី ១២ និងសេចក្ដីសន្យានៅក្នុង ខទី ១៦ ទៅជាសេចក្ដីថ្លែងការណ៍នៃសេចក្ដីពិតតែមួយដោយរបៀបណា ?

ប៉ុលបានបង្រៀននៅក្នុង ធីម៉ូថេ ទី១ ៤:១២, ១៦ ថា ប្រសិនបើយើងជាគំរូដល់ពួកអ្នកជឿនៃព្រះយេស៊ូវគ្រីស្ទ នោះយើងអាចជួយនាំសេចក្ដីសង្គ្រោះដល់ខ្លួនយើង និងមនុស្សដទៃទៀត ។

ការស្វែងយល់ពីបញ្ជីនៅក្នុងបទគម្ពីរអាចជួយយើងឲ្យឃើញរបៀបជាច្រើនដើម្បីអនុវត្តតាមសេចក្តីពិតនៃដំណឹងល្អនៅក្នុងជីវិតរបស់យើង ។ នៅក្នុង ខទី ១២ ប៉ុលបានរាយបញ្ជីអំពីផ្នែកដែលយើងអាចប្រែក្លាយកាន់តែដូចព្រះគ្រីស្ទ ដើម្បីធ្វើជាគំរូល្អដល់អ្នកដែលនៅជុំវិញយើង ។

សូមអាន ខទី ១២ ម្តងទៀត ហើយគូសចំណាំពាក្យដែលពិពណ៌នាអំពីផ្នែកនីមួយៗដែលប៉ុលបានអញ្ជើញយើងឲ្យផ្តោតទៅលើ ។ សូមពិចារណាថតចម្លងបញ្ជីនេះនៅក្នុងសៀវភៅកំណត់ហេតុការសិក្សារបស់អ្នក ។

តើអ្នកនឹងពន្យល់ថាតើពាក្យនីមួយៗមានន័យដូចម្តេច ? ( ប្រសិនបើចាំបាច់ សូមប្រើឧបករណ៍សិក្សាព្រះគម្ពីរ ឬវចនានុក្រម ដើម្បីជួយអ្នកក្នុងការឲ្យនិយមន័យលើពាក្យពេចន៍ទាំងនោះ ) ។

វាអាចមានប្រយោជន៍ក្នុងការដឹងថា ពាក្យ ការសន្ទនា ក្នុងខនេះសំដៅលើការប្រព្រឹត្ត ឬអាកប្បកិរិយារបស់យើង ។

សូមជ្រើសរើសផ្នែកពីរដែលប៉ុលបានរាយបញ្ជី ហើយឆ្លើយសំណួរខាងក្រោម ៖

សូមសរសេរនៅលើក្រដាសមួយសន្លឹកដោយប្រើប៊ិច ឬខ្មៅដៃ ។

តើអ្នកអាចធ្វើជាគំរូដោយរបៀបណា ?

សូមរាយបញ្ជីអំពីរបៀបជាច្រើនដែលអ្នកអាចធ្វើជាគំរូនៅក្នុងផ្នែកដែលអ្នកបានជ្រើសរើស ។ ឧទាហរណ៍ ដើម្បីធ្វើជាគំរូ « ដោយពាក្យសម្ដី » អ្នកអាចរាយបញ្ជីអំពីគំនិតមួយចំនួនដូចខាងក្រោម ៖

បង្ហាញការដឹងគុណឲ្យបានញឹកញាប់
សូមផ្តល់ការសរសើរដោយស្មោះដល់មនុស្ស
សូមនិយាយការពិត
ជៀសវាងការប្រើពាក្យប្រមាថ
បង្ហាញសេចក្ដីស្រឡាញ់របស់អ្នកឲ្យបានញឹកញាប់
និយាយទៅកាន់មនុស្សដោយការគោរព
ជៀសវាងការនិយាយដើម
អធិស្ឋានដោយស្មោះជាងពេលកន្លងទៅ

សូមចំណាយពេលបន្តិចដើម្បីសញ្ជឹងគិតពីរបៀបដែលព្រះអម្ចាស់អាចប្រទានពរដល់អ្នក និងអ្នកដទៃ ប្រសិនបើអ្នកព្យាយាមធ្វើជាគំរូតាមរបៀបទាំងនេះ ។

ជម្រើស ៖ តើចង់រៀនសូត្របន្ថែមទៀតទេ ?

តើខ្ញុំអាចក្លាយជាគំរូកាន់តែប្រសើរដោយរបៀបណា ?

សូមពិចារណាមើលវីដេអូខាងក្រោមមួយ ឬច្រើនដែលមាននៅលើគេហទំព័រ ChurchofJesusChrist.orgដែលបង្ហាញពីរបៀបជាច្រើនដែលយុវវ័យធ្វើជាគំរូដល់មនុស្សដែលនៅជុំវិញពួកគេ ។ នៅពេលអ្នកមើល ចូរគិតអំពីរបៀបដែលអ្នកអាចធ្វើជាគំរូដល់អ្នកដទៃ ។

« Sharing Your Light » ( ២:៥៦ )

Sharing Your Light
A young woman from the Philippines shares her faith and hope in knowing that by setting a good example, those around her can return to following the Savior.

« Charity: An Example of the Believers » ( ៤:៥០ )

Charity: An Example of the Believers
A group of young women reach out in kindness and charity to a student with a disability, fulfilling her dream and giving everyone something to cheer about.

« Something Different About Us: Example » ( ២:៥១ )

Something Different About Us: Example
Luis sets an example for his friend who is not a member of the Church. He said of fulfilling his duties of the Aaronic Priesthood, “I’m representing Jesus Christ, and that’s amazing."

តើគំរូរបស់ខ្ញុំតាំងពីវ័យជំទង់ពិតជាសំខាន់ឬ ?

ស៊ីស្ទើរ បូនី អេច ខ័រឌុន ប្រធានយុវនារីទូទៅ បានបង្រៀនអំពីសារៈសំខាន់នៃគំរូរបស់អ្នក ៖

ដើម្បីឲ្យគេអាចឃើញ
ស៊ីស្ទើរ ខ័រឌុនអញ្ជើញពួកយើងទាំងអស់គ្នាឲ្យធ្វើតាមគំរូរបស់ព្រះយេស៊ូវគ្រីស្ទ ហើយក្លាយជាពន្លឺនិងគំរូមួយដល់អស់អ្នកនៅជុំវិញយើង ។

មិត្តជាទីស្រឡាញ់របស់ខ្ញុំ ហេតុអ្វីការបញ្ចាំងពន្លឺរបស់យើងសំខាន់ខ្លាំងម្ល៉េះ ? ព្រះអម្ចាស់មានបន្ទូលប្រាប់យើងថា « មានមនុស្សជាច្រើននៅលើផែនដីនៅឡើយ … ដែលលាក់ពីសេចក្ដីពិត ពីព្រោះពួកគេមិនដឹងជាទៅរកសេចក្ដីពិតឯណាទេ » [ គោលលទ្ធិ និងសេចក្ដីសញ្ញា ១២៣:១២ ] ។ យើងអាចជួយបាន ។ យើងអាចបញ្ចាំងពន្លឺយើងដោយមានគោលបំណង ដើម្បីឲ្យមនុស្សដទៃអាចឃើញបាន ។ យើងអាចធ្វើការអញ្ជើញមួយ ។ យើងអាចធ្វើដំណើរជាមួយអ្នកដែលកំពុងបោះជំហានទៅរកព្រះអង្គសង្គ្រោះបាន មិនថាយឺត និងស្ទាក់ស្ទើរយ៉ាងណាទេ ។ …

ខ្ញុំសូមថ្លែងទីបន្ទាល់ថា ព្រះអម្ចាស់នឹងពង្រីកការខិតខំដ៏តូចតាចទាំងអស់ ។ ព្រះវិញ្ញាណបរិសុទ្ធនឹងបំផុសគំនិតយើងឲ្យដឹងពីអ្វីត្រូវនិយាយ និងធ្វើ ។ ការប៉ុនប៉ងបែបនោះអាចតម្រូវឲ្យយើងបោះជំហានចេញពីកន្លែងសុខស្រួលរបស់យើង ប៉ុន្ដែយើងអាចមានការធានាថា ព្រះអម្ចាស់នឹងជួយឲ្យពន្លឺយើងបានចាំងទៅ ។

( បូនី អេច ខ័រឌុន « That They May See » Liahona ខែ ឧសភា ឆ្នាំ ២០២០ ទំព័រ ៨០ )

ប្រធាន ថូម៉ាស អេស ម៉នសុន ( ឆ្នាំ ១៩២៧–២០១៨ ) បានបង្រៀនអំពីការធ្វើជាគំរូ ៖

សូមធ្វើជាគំរូ ។ … ឱកាសរបស់យើងនៅចំពោះមុខយើងនៅទីនេះ និងឥឡូវនេះ ។ ប៉ុន្តែឱកាសទាំងនោះអាចវិនាសបាន ។ ទំនងជាឱកាសទាំងនោះនឹងត្រូវបានរកឃើញនៅក្នុងគេហដ្ឋានរបស់យើងផ្ទាល់ និងនៅក្នុងសកម្មភាពប្រចាំថ្ងៃនៃជីវិតរបស់យើង ។ ព្រះអម្ចាស់ និងលោកគ្រូរបស់យើងបានគូសចំណាំផ្លូវ ៖ « [ ទ្រង់ ] បានយាងចុះឡើងធ្វើការល្អ » ។ ( កិច្ចការ ១០:៣៨ ) ។ ទ្រង់ពិតជាគំរូមួយដែលត្រូវធ្វើតាម—ទាំងជាគំរូដល់អ្នកជឿផងដែរ ។

ចុះយើងវិញ ?

( ថូម៉ាស អេស ម៉នសុន « An Example of the Believers » Ensign ខែ វិច្ឆិកា ឆ្នាំ ១៩៩២ ទំព័រ ៩៨ )

ធីម៉ូថេ ទី១ ៤:១៦ ។ តើប៉ុលចង់មានន័យយ៉ាងណា ពេលលោកនិយាយថា « សង្គ្រោះខ្លួនអ្នក » ?

ខណៈដែលប៉ុលបានប្រើពាក្យ « អ្នកនឹងសង្គ្រោះខ្លួនអ្នកបាន ព្រមទាំងពួកអ្នកដែលស្តាប់អ្នកផង » ( ធីម៉ូថេ ទី១ ៤:១៦ ) លោកក៏បានថ្លែងទីបន្ទាល់ថា យើងអាចត្រូវបានសង្គ្រោះតែតាមរយៈព្រះយេស៊ូវគ្រីស្ទប៉ុណ្ណោះ ( សូមមើល ធីម៉ូថេ ទី១ ១:១៥–១៦; ២:៥–៦ ) ។ យើងអាចអនុវត្តសេចក្តីជំនឿទៅលើព្រះយេស៊ូវគ្រីស្ទតាមរយៈការខិតខំរបស់យើង ហើយអនុញ្ញាតឲ្យទ្រង់សង្គ្រោះយើង ។