កូរិនថូស ទី២ ១៣

ព្រះគម្ពីរសញ្ញាថ្មី សៀវភៅសិក្សាសម្រាប់សិស្សថ្នាក់សិក្ខាសាលា ( ២០២៣ )

មាតិកា
សេចក្តីផ្តើមអំពីព្រះគម្ពីរសញ្ញាថ្មី សៀវភៅសិក្សាសម្រាប់សិស្សថ្នាក់សិក្ខាសាលា
ឯកសារណែនាំ
ម៉ាថាយ ១; លូកា ១
ទិដ្ឋភាពទូទៅនៃ ម៉ាថាយ ២; លូកា ២
យ៉ូហាន ១
ម៉ាថាយ ៣; ម៉ាកុស ១; លូកា ៣
ម៉ាថាយ ៤; លូកា ៤–៥
យ៉ូហាន ២–៤
ម៉ាថាយ ៥; លូកា ៦
ម៉ាថាយ ៦–៧
ម៉ាថាយ ៨; ម៉ាកុស ២–៤; លូកា ៧
ម៉ាថាយ ៩–១០; ម៉ាកុស ៥; លូកា ៩
ម៉ាថាយ ១១–១២; លូកា ១១
ម៉ាថាយ ១៣; លូកា ៨; ១៣
ម៉ាថាយ ១៤; ម៉ាកុស ៦; យ៉ូហាន ៥–៦
ម៉ាថាយ ១៥–១៧; ម៉ាកុស ៧–៩
ម៉ាថាយ ១៨; លូកា ១០
យ៉ូហាន ៧–១០
លូកា ១២–១៧, យ៉ូហាន ១១
ម៉ាថាយ ១៩–២០; ម៉ាកុស ១០; លូកា ១៨
ម៉ាថាយ ២១–២៣; ម៉ាកុស ១១; លូកា ១៩–២០; យ៉ូហាន ១២
យ៉ូសែប ស្ម៊ីធ—ម៉ាថាយ ១; ម៉ាថាយ ២៥; ម៉ាកុស ១២–១៣; លូកា ២១
ម៉ាថាយ ២៦; ម៉ាកុស ១៤; យ៉ូហាន ១៣
យ៉ូហាន ១៤–១៧
លូកា ២២; យ៉ូហាន ១៨
ម៉ាថាយ ២៧; ម៉ាកុស ១៥; លូកា ២៣; យ៉ូហាន ១៩
ម៉ាថាយ ២៨; ម៉ាកុស ១៦; លូកា ២៤; យ៉ូហាន ២០–២១
កិច្ចការ ១–៥
កិច្ចការ ៦–៩
កិច្ចការ ១០–១៥
កិច្ចការ ១៦–២១
កិច្ចការ ២២–២៨
រ៉ូម ១–៦
រ៉ូម ៧–១៦
កូរិនថូស ទី១ ១–៧
កូរិនថូស ទី១ ៨–១៣
កូរិនថូស ទី១ ១៤–១៦
កូរិនថូស ទី២ ១–៧
កូរិនថូស ទី២ ៨–១៣
កាឡាទី
អេភេសូរ
ភីលីព; កូល៉ុស
ថែស្សាឡូនីច ទី១–២
ធីម៉ូថេ ទី១–២, ទីតុស, ភីលេម៉ូន
ហេព្រើរ ១–៦
ហេព្រើរ ៧–១៣
យ៉ាកុប
ពេត្រុស ទី១–២
យ៉ូហាន ទី១–៣; យូដាស
វិវរណៈ ១–៥
វិវរណៈ ៦–១៤
វិវរណៈ ១៥–២២

កូរិនថូស ទី២ ១៣

« ចូរអ្នករាល់គ្នាពិចារណាខ្លួនឯងមើល តើស្ថិតនៅក្នុងសេចក្តីជំនឿឬទេ »

ស្ត្រីម្នាក់កំពុងឈរឆ្លុះមើលរូបរបស់នាងនៅបង្អួចនៃអគារមួយ ។ អ្នកក៏អាចមើលឃើញផ្លូវថ្នល់ពីក្រោយផងដែរ ។

អ្នកដឹកនាំក្នុងនគរព្រះតែងតែជាគោលដៅនៃការរិះគន់ ។ ក្នុងអំឡុងសម័យព្រះគម្ពីរសញ្ញាថ្មី សមាជិកសាសនាចក្រមួយចំនួននៅក្រុងកូរិនថូសបានរិះគន់ប៉ុល ។ លោកបានឆ្លើយតបដោយអញ្ជើញពួកគេឲ្យពិនិត្យមើលទំនាក់ទំនងរបស់ពួកគេផ្ទាល់ជាមួយនឹងព្រះគ្រីស្ទ ។ មេរៀននេះអាចជួយអ្នកឲ្យយកឈ្នះលើការល្បួងក្នុងការរិះគន់អ្នកដទៃ រួមទាំងថ្នាក់ដឹកនាំសាសនាចក្រផងដែរ តាមរយៈការពិនិត្យមើលភាពស្មោះត្រង់របស់អ្នកចំពោះព្រះអម្ចាស់ ។

សំណួរស្មោះត្រង់ ឬជាការរិះគន់ ?

តើមានគំរូអ្វីខ្លះអំពីរបៀបដែលមនុស្សសព្វថ្ងៃនេះអាចរិះគន់ដល់ថ្នាក់ដឹកនាំសាសនាចក្រ ?
តើអ្វីជាភាពខុសគ្នារវាងការមានសំណួរ ឬកង្វល់ដោយស្មោះត្រង់អំពីអ្វីដែលថ្នាក់ដឹកនាំសាសនាចក្របានបង្រៀន ឬនិយាយ និងការរិះគន់បុគ្គលនោះ ?

ជាទូទៅ ការរិះគន់នរណាម្នាក់មានន័យថា ជាការវិនិច្ឆ័យពួកគេក្នុងន័យអវិជ្ជមាន ដោយលើកឡើងពីកំហុស ឬការភាន់ច្រឡំរបស់ពួកគេ ។ នៅក្នុងព្រះគម្ពីរ ការរិះគន់អាចត្រូវបានគេហៅថា ការនិយាយអាក្រក់ ឬការរអ៊ូរទាំប្រឆាំងនឹងនរណាម្នាក់ ។

វាអាចទៅរួចក្នុងការស្គាល់កំហុស ឬចំណុចខ្សោយរបស់អ្នកដទៃ ដោយមិនចាំបាច់រិះគន់ ។ យើងកំពុងរិះគន់គេហើយ នៅពេលយើងនិយាយ ឬសរសេរអំពីអ្នកដទៃក្នុងន័យវិនិច្ឆ័យ ឬអវិជ្ជមាន ។

ហេតុអ្វីបានជាវាសំខាន់ដើម្បីយកឈ្នះលើការល្បួងឲ្យរិះគន់អ្នកដទៃ រួមទាំងថ្នាក់ដឹកនាំសាសនាចក្រផងដែរ ?

នៅពេលអ្នកសិក្សា កូរិនថូស ទី២ ១៣ សូមរកមើលរបៀបដែលយើងអាចចៀសវាងពីការរិះគន់ ជាពិសេសអំពីអ្នកដែលព្រះអម្ចាស់បានហៅឲ្យដឹកនាំសាសនាចក្ររបស់ទ្រង់ ។

ការរិះគន់ ការនិយាយអាក្រក់ និងការរអ៊ូរទាំ

វាហាក់ដូចជាថាពួកបរិសុទ្ធខ្លះនៅក្រុងកូរិនថូសបានរិះគន់ប៉ុលជាសាធារណៈ ( សូមមើល កូរិនថូស ទី២ ១០:១០; ១២:១០–១៥ ) ។ នៅក្នុង កូរិនថូស ទី២ ១៣:១–២ ប៉ុលបានអំពាវនាវពួកគេឲ្យប្រែចិត្តដោយនិយាយបែបខ្លាំងៗ ។

សូមអាន កូរិនថូស ទី២ ១៣:៣ ដោយស្វែងរកភស្ដុតាងអ្វីដែលសមាជិកមួយចំនួននៃសាសនាចក្រនៅក្រុងកូរិនថូសចង់បានពីប៉ុល ។ ការទាមទាររបស់មនុស្សទាំងនេះដើម្បីមើលភស្តុតាងដែលថា ប៉ុលពិតជាបាននិយាយជំនួសព្រះគ្រីស្ទ អាចជាភស្តុតាងបន្ថែមថាមនុស្សកំពុងរិះគន់លោកជាសាធារណៈហើយ ។ សូមអានសេចក្តីថ្លែងការណ៍ខាងក្រោមដោយប្រធាន ហិនរី ប៊ី អាវរិង នៃគណៈប្រធានទីមួយ ដោយរកមើលថាតើការរិះគន់ថ្នាក់ដឹកនាំរបស់យើងអាចជះឥទ្ធិពលលើយើងយ៉ាងដូចម្តេច ។

ប្រធាន ចច ឃ្យូ ខេនិន បានផ្ដល់ការព្រមានមួយហើយខ្ញុំសូមផ្ដល់វាដល់បងប្អូនទុកជាការព្រមានរបស់ខ្ញុំផ្ទាល់ ។ ខ្ញុំជឿថាលោកបានមានប្រសាសន៍ពីការពិត ៖ « … គ្មាននរណាម្នាក់ … អាចនិយាយអាក្រក់ពីបុគ្គលដែលព្រះបានចាក់ប្រេងតាំង ហើយរិះគន់អ្នកមានសិទ្ធិអំណាចរបស់ព្រះនៅលើផែនដី ដោយពុំបានធ្វើឲ្យព្រះអាក់អន់ព្រះទ័យបានឡើយ ។ ព្រះវិញ្ញាណបរិសុទ្ធនឹងដកខ្លួនចេញពីបុគ្គលនោះ ហើយគាត់នឹងចូលទៅក្នុងភាពងងឹត ។ ហេតុដូច្នេះហើយ តើបងប្អូនឃើញថា រឿងនេះសំខាន់ប៉ុណ្ណាទេ ដែលយើងគួរតែមានការប្រុងប្រយ័ត្ននោះ ? »

( ហិនរី ប៊ី អាវរិង « The Power of Sustaining Faith » Liahona ខែ ឧសភា ឆ្នាំ ២០១៩ ទំព័រ ៥៩ )

សូមអាន នីហ្វៃ ទី១ ២:១២–១៣, ១៦, ១៩–២១ ។ សូមប្រៀបធៀបការរអ៊ូរទាំរបស់លេមិន និងលេមយួលប្រឆាំងនឹងលីហៃ និងព្រះអម្ចាស់ទៅនឹងទង្វើដ៏ស្មោះត្រង់របស់នីហ្វៃ ។

សូមសរសេរនៅលើក្រដាសមួយសន្លឹកដោយប្រើប៊ិច ឬខ្មៅដៃ ។

ចៀសវាងការរិះគន់

សូមអាន កូរិនថូស ទី២ ១៣:៥–៦ ដោយរកមើលការប្រឹក្សាដែលប៉ុលបានផ្តល់ដល់ពួកបរិសុទ្ធនៅក្រុងកូរិនថូស ដែលបានសួរថាតើព្រះអម្ចាស់បានមានព្រះបន្ទូលតាមរយៈលោកឬអត់ ។ វាអាចមានប្រយោជន៍ក្នុងការដឹងថា កាត់ចោលចេញ គឺជាអ្នកដែលមិនស័ក្តិសម ឬបានបរាជ័យក្នុងការសាកល្បង ។

ដោយផ្អែកលើអ្វីដែលប៉ុលបានបង្រៀន សូមបញ្ចប់សេចក្ដីថ្លែងការណ៍ខាងក្រោមនេះ ៖ ជំនួសឲ្យការរិះគន់ថ្នាក់ដឹកនាំសាសនាចក្រ យើងគួរតែ …

ចេញពី កូរិនថូស ទី២ ១៣:៥ អ្នកប្រហែលជាបានកំណត់គោលការណ៍មួយដូចនេះ ៖

ជំនួសឲ្យការរិះគន់ថ្នាក់ដឹកនាំសាសនាចក្រ យើងគួរតែពិនិត្យមើលភាពស្មោះត្រង់របស់យើងចំពោះព្រះអម្ចាស់វិញ ។

ប្រធាន អាវរិង បានមានប្រសាសន៍ដូចខាងក្រោមអំពីអាកប្បកិរិយារបស់យើងចំពោះអ្នកដែលព្រះអម្ចាស់បានហៅឲ្យបម្រើ ។ សូមរកមើលរបៀបដែលពាក្យពេចន៍របស់លោកពង្រឹងអ្វីដែលប៉ុលបានបង្រៀននៅក្នុង កូរិនថូស ទី២ ១៣:៣, ៥ ៖

ព្រះអម្ចាស់ដឹកនាំសាសនាចក្ររបស់ទ្រង់
ប្រធាន អាវរិង បង្រៀនយើងថា ព្រះអម្ចាស់ដឹកនាំសាសនាចក្ររបស់ទ្រង់តាមរយៈពួកព្យាការី ហើយថាយើងចាំបាច់ត្រូវមានសេចក្ដីជំនឿដើម្បីគាំទ្រដល់អស់អ្នកដែលបានហៅឲ្យដឹកនាំនៅក្នុងសាសនាចក្រ ។

វាទាមទារឲ្យមានសេចក្ដីជំនឿដើម្បីជឿថា [ ព្រះយេស៊ូវគ្រីស្ទ ] ស្គាល់រាស្ត្រដែលទ្រង់ហៅយ៉ាងឥតខ្ចោះ ទាំងសមត្ថភាព និងសក្ដានុពលរបស់ពួកគេ ហើយដូច្នេះហើយ មិនមានកំហុសក្នុងការហៅរបស់ទ្រង់ឡើយ ។

រឿងនោះអាចនាំឲ្យមានស្នាមញញឹម ឬការគ្រវីក្បាលចំពោះអ្នកស្ដាប់ខ្លះៗនៅទីនេះ—ទាំងអ្នកដែលគិតអំពីការហៅបម្រើរបស់ខ្លួន ថាជាការខុសឆ្គងមួយ ក៏ដូចជាអស់អ្នកដែលគិតអំពីមនុស្សដែលពួកគេស្គាល់ខ្លះ ដែលមើលទៅហាក់ដូចជាមិនសមនឹងការហៅរបស់ពួកគេនៅក្នុងនគររបស់ព្រះអម្ចាស់ផងដែរ ។ ការប្រឹក្សារបស់ខ្ញុំចំពោះក្រុមទាំងពីរនេះ គឺថាសូមពន្យារពេលក្នុងការវិនិច្ឆ័យដូច្នោះ រហូតដល់អ្នកអាចមើលឃើញកាន់តែល្អប្រសើរពីអ្វីដែលព្រះអម្ចាស់ទតមើលឃើញសិន ។ ផ្ទុយទៅវិញការវិនិច្ឆ័យដែលអ្នកត្រូវធ្វើ គឺថា អ្នក មានសមត្ថភាពដើម្បីទទួលវិវរណៈ ហើយធ្វើតាមវាដោយពុំភ័យខ្លាច ។

( ហិនរី ប៊ី អាវរីង « The Lord Leads His Church » Liahona ខែ វិច្ឆិកា ឆ្នាំ ២០១៧ ទំព័រ ៨២ )

ចូរអ្នករាល់គ្នាពិចារណាខ្លួនឯងមើល

នៅពេលយើងទទួលការសម្ភាសន៍ដើម្បីទទួលប័ណ្ណចូលព្រះវិហារបរិសុទ្ធ យើងត្រូវបានសួរថាតើយើងគាំទ្រដល់ថ្នាក់ដឹកនាំសាសនាចក្រឬអត់ ។ ប្រធាន អាវរិង បានផ្ដល់យោបល់នូវសំណួរមួយចំនួន ដែលអាចជួយយើងឲ្យរៀបចំដើម្បីឆ្លើយសំណួរនេះ ។ សូមស្វែងរកការបំផុសគំនិតពីព្រះវិញ្ញាណបរិសុទ្ធ ពេលអ្នកសញ្ជឹងគិតពីសំណួរទាំងនេះ ។

បងប្អូនប្រហែលជាធ្លាប់ ឬនឹងត្រូវបានសួរថា តើបងប្អូនគាំទ្រដល់ប៊ីស្សពរបស់បងប្អូន ប្រធានស្តេក ពួកអ្នកមានសិទ្ធិអំណាចទូទៅ និងពួកអ្នកកាន់តំណែងទូទៅក្នុងសាសនាចក្រដែរឬទេ ។ …

… បងប្អូនអាចរៀបចំខ្លួនដោយសួរខ្លួនឯងនូវសំណួរដូចតទៅនេះ ៖

តើខ្ញុំធ្លាប់គិត ឬនិយាយពីភាពទន់ខ្សោយរបស់បុគ្គលដែលខ្ញុំបានសន្យាថាគាំទ្រដែរឬទេ ?

តើខ្ញុំធ្លាប់រកមើលភស្តុតាងថា ព្រះអម្ចាស់កំពុងដឹកនាំពួកគាត់ដែរឬទេ ?

តើខ្ញុំធ្លាប់ធ្វើតាមការដឹកនាំរបស់ពួកគាត់ដោយមានមនសិការ និងដោយភក្ដីភាពដែរឬទេ ?

តើខ្ញុំធ្លាប់និយាយពីភស្ដុតាងដែលខ្ញុំអាចមើលឃើញថា ពួកគាត់គឺជាពួកអ្នកបម្រើរបស់ព្រះដែរឬទេ ?

តើខ្ញុំអធិស្ឋានឲ្យពួកគាត់ជាទៀងទាត់តាមឈ្មោះរបស់ពួកគាត់ និងដោយអារម្មណ៍នៃសេចក្ដីស្រឡាញ់ដែរឬទេ ?

ចំពោះយើងភាគច្រើន សំណួរទាំងនេះនឹងដឹកនាំទៅរកការពិបាកចិត្តមួយចំនួន និងត្រូវការការប្រែចិត្ត ។

( ហិនរី ប៊ី អាវរិង « The Power of Sustaining Faith » Liahona ខែ ឧសភា ឆ្នាំ ២០១៩ ទំព័រ ៥៩ )

ប្រសិនបើសំណួរទាំងនេះ « ដឹកនាំទៅរកការពិបាកចិត្តមួយចំនួន » សូមអធិស្ឋាន ហើយសរសេរអំពីអ្វីដែលអ្នកអាចធ្វើបានដើម្បីប្រែចិត្ត និងផ្លាស់ប្តូរ ។

ជម្រើស ៖ តើចង់រៀនសូត្របន្ថែមទៀតទេ ?

តើអ្វីទៅជាគ្រោះថ្នាក់នៃការរិះគន់មនុស្សដែលព្រះអម្ចាស់បានហៅ ?

ព្យាការី យ៉ូសែប ស៊្មីធ ( ឆ្នាំ ១៨០៥–១៨៤៤ ) បានបង្រៀន ៖

[ ប្រសិនបើមនុស្សម្នាក់ ] ក្រោកឡើងដើម្បីថ្កោលទោសដល់មនុស្សដទៃ ដោយស្វែងរកកំហុសជំទាស់នឹងសាសនាចក្រ ហើយនិយាយថាពួកគេគ្មានជម្រើសទេ ខណៈដែលបុគ្គលនោះផ្ទាល់គាត់ជាមនុស្សសុចរិត វាប្រាកដណាស់ថា មនុស្សម្នាក់នោះកំពុងស្ថិតនៅក្នុងផ្លូវឆ្ពោះទៅរកការក្បត់សាសនា ហើយប្រសិនបើគាត់ពុំប្រែចិត្តទេ នោះគាត់នឹងក្បត់សាសនាយ៉ាងពិតប្រាកដដរាបណាព្រះទ្រង់មានព្រះជន្ម ។

( Teachings of Presidents of the Church: Joseph Smith [ ឆ្នាំ ២០០៧ ] ទំព័រ ៣១៨ )

តើការមានសំណួរជារឿងមិនអីទេមែនទេ ?

ប្រធាន ឌៀថើរ អេហ្វ អុជដូហ្វ ដែលកាលនោះនៅក្នុងគណៈប្រធានទីមួយបានបង្រៀន ៖

តើវាមិនអីទេឬដែលមានសំណួរអំពីសាសនាចក្រ ឬគោលលទ្ធិរបស់សាសនាចក្រនោះ ? មិត្តភក្ដិវ័យក្មេងជាទីស្រឡាញ់របស់ខ្ញុំអើយ យើងគឺជាមនុស្សដែលសួរសំណួរ … ដោយសារយើងដឹងថា សំណួរនាំទៅរកសេចក្ដីពិត ។ …

… អ្នកខ្លះអាចមានអារម្មណ៍អៀនខ្មាស ឬថាមិនស័ក្ដិសម ដោយសារពួកគេបានរកសំណួរដែលទាក់ទងទៅនឹងដំណឹងល្អ ប៉ុន្ដែពួកគេមិនចាំបាច់មានអារម្មណ៍បែបនោះទេ ។ ការសួរសំណួរមិនមែនជាសញ្ញានៃភាពទន់ខ្សោយនោះទេ វាគឺជាប្រផ្នូលមួយនៃការរីកចម្រើន ។ …

ចូរកុំខ្លាចសួរសំណួរឡើយ ។ ចូរឆ្ងល់ ប៉ុន្ដែកុំសង្ស័យឡើយ ! សូមកាន់ខ្ជាប់ទៅនឹងសេចក្ដីជំនឿ និងពន្លឺដែលអ្នកបានទទួលរួចហើយនោះជានិច្ច ។ ដោយសារយើងឃើញភាពមិនល្អឥតខ្ចោះនៅក្នុងជីវិតរមែងស្លាប់ ។ មិនមែនអ្វីៗទាំងអស់នឹងសមហេតុផលទេនៅពេលនេះ ។

( ឌៀរថើរ អេហ្វ អុជដូហ្វ « The Reflection in the Water » [ Church Educational System devotional for young adults, Nov. 1, 2009 ] នៅលើគេហទំព័រ broadcasts.ChurchofJesusChrist.org )

តើព្យាការីទំាងឡាយមិនចេះខុសទេឬ ?

សឺរី ឌូវ អតីតទីប្រឹក្សាក្នុងគណៈប្រធានសមាគមសង្គ្រោះទូទៅបានមានប្រសាសន៍ ៖

មនុស្សមួយចំនួនមានការច្របូកច្របល់ពីសំណួរនេះ ៖ ប៉ុន្តែ តើព្យាការីដែលជាអ្នកមើលឆុត និងជាអ្នកទទួលវិវរណៈ មិនចេះខុសទេឬ ? នោះជាសំណួរខុស ។ សំណួរដែលល្អជាងនេះនោះគឺ តើនរណាជា ពួកព្យាការី ? ពួកលោកគឺជាអ្នកកាន់កូនសោបព្វជិតភាពដែលបានតែងតាំងដែលផ្តល់សិទ្ធិអំណាចរបស់ព្រះអម្ចាស់ដើម្បីចែកចាយពាសពេញផែនដី ។ ពួកលោកប្រហែលជាមិនល្អឥតខ្ចោះទេ ។ ប៉ុន្តែពួកលោកគឺជាអ្នកដឹកនាំដែលបំផុសគំនិតយ៉ាងល្អឥតខ្ចោះបំផុតនៅលើផែនដី ហើយបំណងតែមួយគត់របស់ពួកលោកគឺបរិសុទ្ធឥតខ្ចោះ—គឺដើម្បីជួយយើងឲ្យស្វែងរកផ្លូវត្រឡប់ទៅផ្ទះវិញដោយចង្អុលយើងទៅរកព្រះយេស៊ូវគ្រីស្ទ ។

( សឺរី ឌូវ « Prophets » [ BYU–Pathway Worldwide devotional ថ្ងៃទី ១៣ ខែ កក្កដា ឆ្នាំ ២០២១ ] ២ byupathway.org/speeches )