កូរិនថូស ទី២ ១១

ព្រះគម្ពីរសញ្ញាថ្មី សៀវភៅសិក្សាសម្រាប់សិស្សថ្នាក់សិក្ខាសាលា ( ២០២៣ )

មាតិកា
សេចក្តីផ្តើមអំពីព្រះគម្ពីរសញ្ញាថ្មី សៀវភៅសិក្សាសម្រាប់សិស្សថ្នាក់សិក្ខាសាលា
ឯកសារណែនាំ
ម៉ាថាយ ១; លូកា ១
ទិដ្ឋភាពទូទៅនៃ ម៉ាថាយ ២; លូកា ២
យ៉ូហាន ១
ម៉ាថាយ ៣; ម៉ាកុស ១; លូកា ៣
ម៉ាថាយ ៤; លូកា ៤–៥
យ៉ូហាន ២–៤
ម៉ាថាយ ៥; លូកា ៦
ម៉ាថាយ ៦–៧
ម៉ាថាយ ៨; ម៉ាកុស ២–៤; លូកា ៧
ម៉ាថាយ ៩–១០; ម៉ាកុស ៥; លូកា ៩
ម៉ាថាយ ១១–១២; លូកា ១១
ម៉ាថាយ ១៣; លូកា ៨; ១៣
ម៉ាថាយ ១៤; ម៉ាកុស ៦; យ៉ូហាន ៥–៦
ម៉ាថាយ ១៥–១៧; ម៉ាកុស ៧–៩
ម៉ាថាយ ១៨; លូកា ១០
យ៉ូហាន ៧–១០
លូកា ១២–១៧, យ៉ូហាន ១១
ម៉ាថាយ ១៩–២០; ម៉ាកុស ១០; លូកា ១៨
ម៉ាថាយ ២១–២៣; ម៉ាកុស ១១; លូកា ១៩–២០; យ៉ូហាន ១២
យ៉ូសែប ស្ម៊ីធ—ម៉ាថាយ ១; ម៉ាថាយ ២៥; ម៉ាកុស ១២–១៣; លូកា ២១
ម៉ាថាយ ២៦; ម៉ាកុស ១៤; យ៉ូហាន ១៣
យ៉ូហាន ១៤–១៧
លូកា ២២; យ៉ូហាន ១៨
ម៉ាថាយ ២៧; ម៉ាកុស ១៥; លូកា ២៣; យ៉ូហាន ១៩
ម៉ាថាយ ២៨; ម៉ាកុស ១៦; លូកា ២៤; យ៉ូហាន ២០–២១
កិច្ចការ ១–៥
កិច្ចការ ៦–៩
កិច្ចការ ១០–១៥
កិច្ចការ ១៦–២១
កិច្ចការ ២២–២៨
រ៉ូម ១–៦
រ៉ូម ៧–១៦
កូរិនថូស ទី១ ១–៧
កូរិនថូស ទី១ ៨–១៣
កូរិនថូស ទី១ ១៤–១៦
កូរិនថូស ទី២ ១–៧
កូរិនថូស ទី២ ៨–១៣
កាឡាទី
អេភេសូរ
ភីលីព; កូល៉ុស
ថែស្សាឡូនីច ទី១–២
ធីម៉ូថេ ទី១–២, ទីតុស, ភីលេម៉ូន
ហេព្រើរ ១–៦
ហេព្រើរ ៧–១៣
យ៉ាកុប
ពេត្រុស ទី១–២
យ៉ូហាន ទី១–៣; យូដាស
វិវរណៈ ១–៥
វិវរណៈ ៦–១៤
វិវរណៈ ១៥–២២

កូរិនថូស ទី២ ១១–១២

ការស៊ូទ្រាំនឹងការសាកល្បងដោយមានសេចក្តីជំនឿទៅលើព្រះគ្រីស្ទ

យុវនារីម្នាក់កំពុងអង្គុយ ។ ស្ត្រីម្នាក់ ( ប្រហែលជាម្តាយរបស់នាង ) ដាក់ដៃលើស្មារបស់ក្មេងស្រីនោះ ។ ក្មេងស្រីនោះមានទឹកមុខស្រពាប់ស្រពោន ។

សូម្បីតែសិស្សដ៏ស្មោះត្រង់បំផុតរបស់ព្រះយេស៊ូវគ្រីស្ទក៏រងទុក្ខនឹងការលំបាកក្នុងជីវិតរបស់ពួកលោកផងដែរ ។ ប៉ុលបានចែកចាយការរងទុក្ខមួយចំនួនដែលលោកបានស៊ូទ្រាំ និងរបៀបដែលលោកអាចរកបាននូវសេចក្ដីអំណរក្នុងបទពិសោធន៍ទាំងនោះ តាមរយៈជំនួយរបស់ព្រះអង្គសង្គ្រោះ ។ មេរៀននេះអាចជួយអ្នកឲ្យពឹងផ្អែកទៅលើព្រះអម្ចាស់ នៅពេលអ្នកព្យាយាមស៊ូទ្រាំនឹងបញ្ហាប្រឈមរបស់អ្នកដោយស្មោះត្រង់ ។

ការសាកល្បងនៃជីវិត

តើអ្នកគិតថា អ្វីជាគោលបំណងនៃបន្លានៅលើដើមផ្កាកុលាប ?

នៅក្នុងជីវិតនេះ យើងមានបទពិសោធន៍ដ៏ល្អអស្ចារ្យជាច្រើនដែលអាចប្រៀបធៀបទៅនឹងផ្កាកុលាបបាន ។ ទោះជាយ៉ាងណាក៏ដោយ យើងក៏ប្រឈមមុខនឹងការសាកល្បង និងបញ្ហាប្រឈមដែលអាចប្រៀបធៀបជាមួយនឹងបន្លាបានផងដែរ ។

តើការសាកល្បង និងបញ្ហាប្រឈមអ្វីខ្លះដែលយើងអាចប្រឈមមុខក្នុងជីវិតនេះ ?

តើគំនិត និងសំណួរអ្វីខ្លះដែលមនុស្សអាចសួរអំពីព្រះ នៅពេលពួកគេឆ្លងកាត់ការសាកល្បង ? តើពួកគេអាចនឹងឆ្ងល់អំពីអ្វីខ្លះអំពីខ្លួនពួកគេ ?

នៅពេលអ្នកសិក្សានៅថ្ងៃនេះ សូមរកមើលសេចក្តីពិតដែលអាចជួយអ្នកឲ្យស៊ូទ្រាំដោយស្មោះត្រង់ជាមួយនឹងការសាកល្បងដែលព្រះជ្រើសរើសមិនដកចេញពីជីវិតរបស់អ្នក ដោយសារតែសេចក្តីស្រឡាញ់ និងព្រះប្រាជ្ញាញាណរបស់ទ្រង់ ។ សូមសញ្ជឹងគិតអំពីមូលហេតុដែលអ្នកត្រូវការជំនួយពីព្រះ នៅពេលអ្នកស៊ូទ្រាំនឹងការសាកល្បងទាំងនោះ ។

ការសាកល្បងរបស់ប៉ុល

សូមអាន កូរិនថូស ទី២ ១១:២៤–២៨ ដោយរកមើលការសាកល្បងមួយចំនួនដែលប៉ុលបានស៊ូទ្រាំអំឡុងពេលការងារបម្រើរបស់លោក ។

តើគំរូអ្វីផ្សេងទៀតដែលអ្នកអាចគិតដល់ ដែលចេញពីបទគម្ពីរ ឬពីប្រវត្តិសាសនាចក្រដែលបង្ហាញថា សូម្បីតែមនុស្សសុចរិតក៏ជួបនឹងការលំបាកដែរ ? តើព្រះជន្មរបស់ព្រះអង្គសង្គ្រោះគឺជាភស្ដុតាងនៃរឿងនេះយ៉ាងដូចម្ដេច ?
ហេតុអ្វីបានជាអ្នកគិតថា ព្រះវរបិតាសួគ៌អនុញ្ញាតឲ្យសិស្សដ៏ស្មោះត្រង់របស់ព្រះយេស៊ូវគ្រីស្ទរងទុក្ខខ្លាំងម្ល៉េះ ?

ទោះបីជាព្រះបានប្រទានពរដល់ប៉ុលនូវវិវរណៈដ៏អស្ចារ្យ រួមទាំងការនិមិត្តអំពីនគរសេឡេស្ទាលក៏ដោយ ( សូមមើល កូរិនថូស ទី២ ១២:១–៤ ) ក៏ប៉ុលនៅតែត្រូវស៊ូទ្រាំនឹងការសាកល្បង និងការសា្កកល្បងនៃសេចក្តីជំនឿរបស់លោកដែរ ។ សូមអាន កូរិនថូស ទី២ ១២:៧ ដើម្បីមើលពីអ្វីដែលប៉ុលបានប្រៀបធៀបការសាកល្បងដែលលោកកំពុងមាន ។

តើ « បន្លាមួយចាត់មកក្នុងសាច់ឈាម » អាចជាការពិពណ៌នាដ៏ល្អពីការសាកល្បងផ្ទាល់ខ្លួនមួយចំនួនយ៉ាងដូចម្ដេច ?

តើការប្រៀបធៀបអ្វីដែលអ្នកអាចប្រើដើម្បីពិពណ៌នាអំពីការសាកល្បងជាក់លាក់មួយដែលអ្នក ឬមនុស្សជាទីស្រឡាញ់របស់អ្នកបានស៊ូទ្រាំ ? ហេតុអ្វី ?

សូមអាន កូរិនថូស ទី២ ១២:៨–១០ ដើម្បីមើលបទពិសោធន៍របស់ប៉ុលដែលអធិស្ឋានទូលសូមឲ្យ « បន្លាមួយចាត់មកក្នុងសាច់ឈាម » របស់លោកត្រូវបានដកចេញ ។ នៅពេលអ្នកអាន សូមចាំពាក្យនោះថា ព្រះគុណ គឺ មានន័យថា « ជំនួយ ឬកម្លាំងពីព្រះ … ដែលត្រូវប្រទានឲ្យដោយសេចក្តី មេត្តាករុណា និងសេចក្តី ស្រឡាញ់នៃព្រះ » ( សេចក្ដីណែនាំដល់បទគម្ពីរទាំងឡាយ « ព្រះគុណ » scriptures.ChurchofJesusChrist.orgសូមមើលផងដែរ អេធើរ ១២:២៧ ) ។

សេចក្តីពិតមួយ ដែលយើងអាចរៀនចេញពីបទពិសោធន៍របស់ប៉ុល គឺថា ព្រះអម្ចាស់ប្រហែលជាមិនដកចេញនូវបញ្ហាប្រឈមរបស់យើងជានិច្ចនោះទេ ប៉ុន្តែយើងអាចត្រូវបានពង្រឹងដោយព្រះគុណរបស់ទ្រង់ នៅពេលដែលយើងស៊ូទ្រាំនឹងការសាកល្បងដោយស្មោះត្រង់ ។

តើអ្នកបានឃើញសេចក្ដីពិតនេះកើតឡើងជាក់ស្ដែងនៅក្នុងព្រះជន្មរបស់ព្រះអង្គសង្គ្រោះយ៉ាងដូចម្ដេច ? ( សូមមើល លូកា ២២:៤១–៤៤ ) ។

សូមស្វែងរក និងអានយ៉ាងហោចណាស់ដំណើររឿងព្រះគម្ពីរមួយដែលបង្ហាញពីរបៀបដែលព្រះអម្ចាស់អាចប្រទានពរដល់អ្នកដែលស៊ូទ្រាំនឹងការសាកល្បងដោយសេចក្តីជំនឿទៅលើទ្រង់ ។ ( ខាងក្រោមនេះគឺជាការណែនាំអំពីដំណើររឿងដែលអ្នកអាចជ្រើសរើសបាន ) ។

គោលលទ្ធិ និង សេចក្តីសញ្ញា ១២១:១–៨; ១២២:៧–៩ ។ ( យ៉ូសែប ស្ម៊ីធ បានអធិស្ឋាន នៅពេលលោកកំពុងរងទុក្ខនៅក្នុងគុកលិបើទី ) ។
ម៉ូសាយ ១៥:៨–៩ ។ ( ប្រជាជនរបស់អាលម៉ាជាឈ្លើយរបស់សាសន៍លេមិន ហើយត្រូវបានគ្រប់គ្រងដោយសង្ឃទុច្ចរិត ឈ្មោះអាមូឡុន ) ។

សូមសរសេរនៅលើក្រដាសមួយសន្លឹកដោយប្រើប៊ិច ឬខ្មៅដៃ ។

សូមមើលវីដេអូ « Mountains to Climb » ( ៥:០៥ ) ដែលមាននៅលើគេហទំព័រ ChurchofJesusChrist.org ដោយរកមើលអ្វីដែលយើងអាចធ្វើដើម្បីស៊ូទ្រាំនឹងសាកល្បងរបស់យើងដោយស្មោះត្រង់ ។

Mountains to Climb
Finding faith in the Lord Jesus Christ will help us have the power to endure and overcome even the hardest trials in life.

តើអ្នកបានរៀនអ្វីខ្លះអំពីការស៊ូទ្រាំនឹងការសាកល្បងដោយសេចក្ដីជំនឿទៅលើព្រះយេស៊ូវគ្រីស្ទ ?

ជម្រើស ៖ តើចង់រៀនសូត្របន្ថែមទៀតទេ ?

តើព្រះអង្គសង្គ្រោះគឺជាគំរូនៃសេចក្ដីពិតដែលបានបង្រៀននៅក្នុងមេរៀននេះយ៉ាងដូចម្ដេច ?

ប្រធាន ដាល្លិន អេក អូក នៃគណៈប្រធានទីមួយ បានចែកចាយដូចខាងក្រោមនេះអំពី លូកា ២២:៤១–៤៤ ៖

នៅត្រង់នេះ យើងមើលឃើញពីសេចក្តីជំនឿ និងការទុកព្រះទ័យទាំងស្រុងរបស់ព្រះអង្គសង្គ្រោះលើព្រះវរបិតា ។ ទ្រង់បានមានព្រះបន្ទូលថា « ប៉ុន្តែ កុំតាមចិត្តទូលបង្គំឡើយ សូមតាមតែព្រះហឬទ័យទ្រង់វិញ » ។ ចម្លើយរបស់ព្រះវបិតាគឺដើម្បីបដិសេធការអង្វររបស់ព្រះរាជបុត្រាទ្រង់តែមួយ ។ ដង្វាយធួនត្រូវតែបានបំពេញដោយកូនចៀមដែលគ្មានបាបទាល់តែសោះនោះ ។ ប៉ុន្តែ ទោះជាសំណើរបស់ព្រះរាជបុត្រាត្រូវបានបដិសេធក៏ដោយ ក៏ការអធិស្ឋានរបស់ទ្រង់ត្រូវបានឆ្លើយតបដែរ ។ បទគម្ពីរកត់ត្រា ៖ « នោះមានទេវតាបានលេចមកឯទ្រង់អំពីស្ថានសួគ៌មកចម្រើនកម្លាំងថ្វាយទ្រង់ » ( ក.យ.ស. លូកា ២២:៤៣ ) ។

( ដាល្លិន អេក អូក « Faith in the Lord Jesus Christ » Ensign ខែ ឧសភា ឆ្នាំ ១៩៩៤ ទំព័រ ១០០ )

តើព្រះអង្គសង្គ្រោះផ្ដល់អ្វីខ្លះដល់យើងក្នុងអំឡុងពេលនៃការសាកល្បងរបស់យើង ?

ប្រធាន ដាល្លិន អេក អូក នៃគណៈប្រធានទីមួយបានចែកចាយ ៖

ព្រះចេស្តានៃការព្យាបាលរបស់ព្រះអម្ចាស់ព្រះយេស៊ូវគ្រីស្ទ—មិនថាវាបានដកយកបន្ទុកយើងចេញ ឬពង្រឹងយើងឲ្យស៊ូទ្រាំ ហើយរស់នៅជាមួយនឹងវាដូចជាសាវកប៉ុលនោះទេ—គឺមានសម្រាប់រាល់ការរងទុក្ខនៅក្នុងជីវិតរមែងស្លាប់នេះ ។

( ដាល្លិន អេក អូក « He Heals the Heavy Laden » Liahona ខែ វិច្ឆិកា ឆ្នាំ ២០០៦ ទំព័រ ៨ )

តើការតស៊ូរបស់យើងអាចជួយយើងឲ្យផ្តល់ពរជ័យដល់អ្នកនៅជុំវិញយើងដោយរបៀបណា ?

ស៊ីស្ទើរ រ៉េណា អ៊ី អាប៊ើតូ ទីប្រឹក្សាទីពីរនៅក្នុងគណៈប្រធានសមាគមសង្គ្រោះទូទៅ បានបង្រៀន ៖

ភាពស្មុគស្មាញនានារបស់បងប្អូនពុំកំណត់ពីបុគ្គលិកលក្ខណៈរបស់បងប្អូនបានទេ ប៉ុន្តែវាអាច កែលម្អ បងប្អូនបាន ។ ដោយសារតែ « បន្លាមួយចាត់មកក្នុងសាច់ឈាម » នោះបងប្អូនអាចមានលទ្ធភាពដើម្បីមានចិត្តមេត្តាចំពោះមនុស្សដទៃបាន ។

( រ៉េណា អ៊ី អាប៊ើតូ « Thru Cloud and Sunshine, Lord, Abide with Me! » Liahona ខែ វិច្ឆិកា ឆ្នាំ ២០១៩ ទំព័រ ៥៩ )

តើអ្នកដែលកាន់បព្វជិតភាពអាចព្យាបាលអស់អ្នកដែលមានសេចក្ដីជំនឿឲ្យបានជាសះស្បើយដែរឬទេ ?

ប្រធាន ដាល្លិន អេក អូក ក្នុងគណៈប្រធានទីមួយបានពន្យល់ ៖

He Heals the Heavy Laden
The healing power of the Lord Jesus Christ … is available for every affliction in mortality.

ទោះបីជាព្រះអង្គសង្គ្រោះអាចព្យាបាលអស់អ្នកដែលទ្រង់នឹងព្យាបាលបានក៏ដោយ ប៉ុន្តែចំពោះអ្នកដែលមានសិទ្ធិអំណាចបព្វជិតភាពមិនអាចធ្វើដូចទ្រង់បានទេ ។ ការអនុវត្តសិទ្ធិអំណាចនោះនៅក្នុងជីវិតរមែងស្លាប់ត្រូវបានកំណត់ដោយព្រះរាជបំណងរបស់ទ្រង់ដែលជាម្ចាស់នៃបព្វជិតភាពនេះ ។ ហេតុដូច្នេះហើយ យើងត្រូវបានគេប្រាប់ថា អ្នកខ្លះដែលអែលឌើរផ្តល់ពរមិនបានជាសះស្បើយទេ ដោយសារពួកគាត់ត្រូវបាន « កំណត់ឲ្យស្លាប់ » [ គោលលទ្ធិ និង សេចក្ដីសញ្ញា ៤២:៤៨ ] ។ ស្រដៀងគ្នាដែរ នៅពេលដែលសាវកប៉ុលបានស្វែងរកការព្យាបាលពី « បន្លាចាត់មកក្នុងសាច់ឈាម » ដែលបានធ្វើទុក្ខលោក ( កូរិនថូស ទី២ ១២:៧ ) នោះព្រះអម្ចាស់បានបដិសេធមិនព្យាបាលលោកទេ ។

( ដាល្លិន អេក អូក « He Heals the Heavy Laden » Liahona ខែ វិច្ឆិកា ឆ្នាំ ២០០៦ ទំព័រ ៧ )