ការរំឭកចំណេះចំណានខាងគោលលទ្ធិ ទី ២០
យល់ និងពន្យល់
គោលបំណងមួយនៃចំណេះចំណានខាងគោលលទ្ធិ គឺ ដើម្បីជួយអ្នកឲ្យយល់ពីការបង្រៀនរបស់ព្រះអង្គសង្គ្រោះ ហើយអាចពន្យល់ វាជាពាក្យសម្ដីផ្ទាល់របស់ អ្នកបាន ។ មេរៀននេះនឹងផ្តល់ ឱកាសឲ្យអ្នកពង្រឹងការយល់ដឹងរបស់ អ្នក ហើយរៀនពន្យល់ពីសេចក្តីពិតចេញពីវគ្គបទគម្ពីរចំណេះចំណានខាងគោលលទ្ធិនៃព្រះគម្ពីរ សញ្ញាថ្មីផ្សេងៗ ។
តើអ្នកដឹងអ្វីខ្លះ អំពីព្រះយេស៊ូវគ្រីស្ទ ?
សូមពិពណ៌នាអ្វីដែលអ្នកដឹងអំពីព្រះយេស៊ូវគ្រីស្ទ ដោយប្រើតែផ្នែកនៃព្រះជន្មរបស់ទ្រង់ដែលតំណាងដោយរូបភាពខាងក្រោមនេះ ៖
ឥឡូវនេះសូមមើលរូបភាពទាំងនេះ ហើយឆ្លើយសំណួរខាងក្រោមនេះ ៖
-
តើមានព្រឹត្តិការណ៍អ្វីខ្លះដែលបានពិពណ៌នានៅក្នុងរូបភាពទាំងបីនេះ ?
-
តើព្រឹត្តិការណ៍នីមួយៗទាំងនេះបន្ថែមអ្វីខ្លះដល់ការយល់ដឹងរបស់អ្នកអំពីព្រះយេស៊ូវគ្រីស្ទ និងបេសកកម្មរបស់ទ្រង់ ?
ដើម្បីដឹងយ៉ាងពិតប្រាកដថាព្រះអង្គសង្គ្រោះគឺជានរណា ហើយមូលហេតុដែលទ្រង់មានសារៈសំខាន់ចំពោះអ្នក នោះវាមានប្រយោជន៍ដើម្បីសិក្សាពីដំណើររឿងជាច្រើនអំពីព្រះជន្មរបស់ទ្រង់ និងសំណេររបស់ព្យាការីច្រើនជាងម្នាក់ ។
ស្រដៀងគ្នានេះដែរ ការសិក្សា និងការប្រៀបធៀបសេចក្តីពិតដែលមាននៅក្នុងវគ្គបទគម្ពីរចំណេះចំណានខាងគោលលទ្ធិជាច្រើន អាចជួយអ្នកឲ្យយល់អំពីគោលលទ្ធិរបស់ព្រះអង្គសង្គ្រោះបានពេញលេញជាងការពឹងផ្អែកលើវគ្គបទគម្ពីរតែមួយ ។
១. សូមសិក្សាវគ្គបទគម្ពីរចំណេះចំណានខាងគោលលទ្ធិខាងក្រោម ហើយឆ្លើយសំណួរដែលត្រូវគ្នានៅក្នុងសៀវភៅកំណត់ហេតុការសិក្សារបស់អ្នក ៖
សូមអាន ហើយពិចារណាអំពីអ្វីដែល ហេព្រើរ ១២:៩, យ៉ាកុប ១:៥–៦ និង យ៉ាកុប ២:១៧–១៨ បង្រៀនយើងអំពីព្រះវរបិតាសួគ៌ និងទំនាក់ទំនងរបស់យើងជាមួយទ្រង់ ។
-
តើការសិក្សាវគ្គបទគម្ពីរចំណេះចំណានខាងគោលលទ្ធិទាំងបីនេះរួមគ្នា ជួយអ្នកឲ្យយល់កាន់តែច្បាស់អំពីទំនាក់ទំនងរបស់យើងជាមួយនឹងព្រះយ៉ាងដូចម្ដេច ?
សូមអាន ហើយពិចារណាអំពីអ្វីដែល ពេត្រុស ទី១ ៤:៦ និង វិវរណៈ ២០:១២ បង្រៀនយើងអំពីការជំនុំជម្រះចុងក្រោយនៅក្នុងផែនការរបស់ព្រះវរបិតាសួគ៌ ។
-
តើការសិក្សាវគ្គបទគម្ពីរចំណេះចំណានខាងគោលលទ្ធិទាំងពីរនេះរួមគ្នា ជួយអ្នកឲ្យយល់កាន់តែច្បាស់អំពីការជំនុំជម្រះចុងក្រោយដោយរបៀបណា ?
សូមពិចារណាអំពីសេចក្តីយោងបទគម្ពីរ ឬភ្ជាប់វគ្គបទគម្ពីរណាមួយដែលអ្នកប្រហែលជាចង់សិក្សាជាមួយគ្នាម្តងទៀតនាពេលអនាគត ។
ការភ្ជាប់វគ្គបទគម្ពីរចំណេះចំណានខាងគោលលទ្ធិ
២. សូមបំពេញសកម្មភាពដូចខាងក្រោមនេះ ៖
-
សូមជ្រើសរើសវគ្គបទគម្ពីរចំណេះចំណានខាងគោលលទ្ធិនៃព្រះគម្ពីរសញ្ញាថ្មីមួយ ដែលអ្នកចង់ស្វែងយល់បន្ថែម ហើយសរសេរសេចក្ដីយោង និងឃ្លាបទគម្ពីរគន្លឹះនោះនៅក្នុងសៀវភៅកំណត់ហេតុការសិក្សារបស់អ្នក ។
-
សូមស្វែងរក និងអានវគ្គបទគម្ពីរចំណេះចំណានខាងគោលលទ្ធិទាំងមូល ហើយកត់ត្រាអ្វីដែលអ្នកយល់អំពីគោលលទ្ធិដែលវាបង្រៀន ។
-
សូមស្វែងរក បញ្ជីពេញលេញនៃវគ្គបទគម្ពីរចំណេះចំណានខាងគោលលទ្ធិ និងឃ្លាបទគម្ពីរគន្លឹះ ដែលមាននៅចុងបញ្ចប់នៃ ឯកសារគោលនៃចំណេះចំណានខាងគោលលទ្ធិ ( ឆ្នាំ ២០២២ ) ។
-
សូមស្វែងរក និងអានយ៉ាងហោចណាស់វគ្គបទគម្ពីរចំណេះចំណានខាងគោលលទ្ធិចំនួនពីរចេញពីវគ្គបទគម្ពីរផ្សេងទៀត ដែលទាក់ទងនឹងវគ្គបទគម្ពីរនៃព្រះគម្ពីរសញ្ញាថ្មីដែលអ្នកបានជ្រើសរើស ។
-
សូមកត់ត្រានៅក្នុងសៀវភៅកំណត់ហេតុការសិក្សារបស់អ្នកអំពីរបៀបដែលវគ្គបទគម្ពីរបន្ថែមទាំងនេះ បង្កើនការយល់ដឹងរបស់អ្នកអំពីវគ្គបទគម្ពីរនៃព្រះគម្ពីរសញ្ញាថ្មី ។