កូរិនថូស ទី២ ៥

ព្រះគម្ពីរសញ្ញាថ្មី សៀវភៅសិក្សាសម្រាប់សិស្សថ្នាក់សិក្ខាសាលា ( ២០២៣ )

មាតិកា
សេចក្តីផ្តើមអំពីព្រះគម្ពីរសញ្ញាថ្មី សៀវភៅសិក្សាសម្រាប់សិស្សថ្នាក់សិក្ខាសាលា
ឯកសារណែនាំ
ម៉ាថាយ ១; លូកា ១
ទិដ្ឋភាពទូទៅនៃ ម៉ាថាយ ២; លូកា ២
យ៉ូហាន ១
ម៉ាថាយ ៣; ម៉ាកុស ១; លូកា ៣
ម៉ាថាយ ៤; លូកា ៤–៥
យ៉ូហាន ២–៤
ម៉ាថាយ ៥; លូកា ៦
ម៉ាថាយ ៦–៧
ម៉ាថាយ ៨; ម៉ាកុស ២–៤; លូកា ៧
ម៉ាថាយ ៩–១០; ម៉ាកុស ៥; លូកា ៩
ម៉ាថាយ ១១–១២; លូកា ១១
ម៉ាថាយ ១៣; លូកា ៨; ១៣
ម៉ាថាយ ១៤; ម៉ាកុស ៦; យ៉ូហាន ៥–៦
ម៉ាថាយ ១៥–១៧; ម៉ាកុស ៧–៩
ម៉ាថាយ ១៨; លូកា ១០
យ៉ូហាន ៧–១០
លូកា ១២–១៧, យ៉ូហាន ១១
ម៉ាថាយ ១៩–២០; ម៉ាកុស ១០; លូកា ១៨
ម៉ាថាយ ២១–២៣; ម៉ាកុស ១១; លូកា ១៩–២០; យ៉ូហាន ១២
យ៉ូសែប ស្ម៊ីធ—ម៉ាថាយ ១; ម៉ាថាយ ២៥; ម៉ាកុស ១២–១៣; លូកា ២១
ម៉ាថាយ ២៦; ម៉ាកុស ១៤; យ៉ូហាន ១៣
យ៉ូហាន ១៤–១៧
លូកា ២២; យ៉ូហាន ១៨
ម៉ាថាយ ២៧; ម៉ាកុស ១៥; លូកា ២៣; យ៉ូហាន ១៩
ម៉ាថាយ ២៨; ម៉ាកុស ១៦; លូកា ២៤; យ៉ូហាន ២០–២១
កិច្ចការ ១–៥
កិច្ចការ ៦–៩
កិច្ចការ ១០–១៥
កិច្ចការ ១៦–២១
កិច្ចការ ២២–២៨
រ៉ូម ១–៦
រ៉ូម ៧–១៦
កូរិនថូស ទី១ ១–៧
កូរិនថូស ទី១ ៨–១៣
កូរិនថូស ទី១ ១៤–១៦
កូរិនថូស ទី២ ១–៧
កូរិនថូស ទី២ ៨–១៣
កាឡាទី
អេភេសូរ
ភីលីព; កូល៉ុស
ថែស្សាឡូនីច ទី១–២
ធីម៉ូថេ ទី១–២, ទីតុស, ភីលេម៉ូន
ហេព្រើរ ១–៦
ហេព្រើរ ៧–១៣
យ៉ាកុប
ពេត្រុស ទី១–២
យ៉ូហាន ទី១–៣; យូដាស
វិវរណៈ ១–៥
វិវរណៈ ៦–១៤
វិវរណៈ ១៥–២២

កូរិនថូស ទី២ ៥

« ការងារផ្សះផ្សា »

ឪពុកម្តាយឱបបុរសដែលត្រូវបានប្រោសឲ្យជានៅថ្ងៃឈប់សម្រាក អាចមើលឃើញរូបព្រះយេស៊ូវនៅផ្ទៃខាងក្រោយ ។ គាត់ពិការភ្នែកពីកំណើត ។ ឈុតឆាកទាំងនេះរួមមាន បុរសដែលត្រូវបានប្រោសឲ្យជាឱបព្រះបាទារបស់ព្រះយេស៊ូវ និងឪពុកម្ដាយរបស់គាត់ មនុស្សខ្វាក់-បានប្រោសឲ្យជា-ឪពុកម្ដាយ-អរសប្បាយ

តើអ្នកធ្លាប់មានអារម្មណ៍ឃ្លាតឆ្ងាយពីព្រះដែរឬទេ ? តើមនុស្សផ្សេងទៀតដែលអ្នកស្គាល់ធ្លាប់មានអារម្មណ៍ដូចគ្នានេះដែរឬទេ ? ប៉ុលបានរំឭកពួកបរិសុទ្ធនៅក្រុងកូរិនថូសអំពីសេចក្ដីមេត្តាករុណាដែលព្រះយេស៊ូវគ្រីស្ទបានបង្ហាញដល់ពួកគេ ។ ប៉ុលបានបង្រៀនប្រជានជនថា ពួកគេបានបែកចេញពីព្រះដោយសារអំពើបាប ។ សំណាងល្អ តាមរយៈដង្វាយធួនរបស់ព្រះគ្រីស្ទ នោះពួកគេអាចនាំទៅកាន់ទំនាក់ទំនងដ៏ជាទីពេញចិត្តជាមួយព្រះវិញ ហើយទទួលបានសេចក្ដីសុចរិតរបស់ព្រះគ្រីស្ទ ( សូមមើល កូរិនថូស ទី២ ៥:១៦–២១ ) ។ មេរៀននេះអាចជួយអ្នកឲ្យកាន់តែខិតទៅជិតព្រះ ហើយប្រែក្លាយជាបុគ្គលដែលទ្រង់ចង់ឲ្យអ្នកប្រែក្លាយ ។

ទំនាក់ទំនងរបស់អ្នកជាមួយនឹងព្រះ

សូមរំឭកសាច់រឿងទាំងឡាយខាងក្រោមនេះ ។ សូមគិតអំពីរបៀបដែលស្ថានភាពផ្ទាល់ខ្លួនរបស់អ្នកស្រដៀងនឹង ឬខុសគ្នានឹងសាច់រឿងទាំងនេះ ។

ចាមីឡា គឺជាសិស្សដ៏ឧស្សាហ៍ព្យាយាមរបស់ព្រះយេស៊ូវគ្រីស្ទ ។ មិត្តភក្តិជាច្រើនយកនាងធ្វើជាគំរូ ។ ទោះជាយ៉ាងណាក៏ដោយ នៅពេលនាងធ្វើខុស នាងមានអារម្មណ៍អន់ចិត្តចំពោះខ្លួនឯង ហើយព្រួយបារម្ភថាតើនាងអាចវិលត្រឡប់ទៅរកព្រះវរបិតាសួគ៌នៅថ្ងៃណាមួយបានឬទេ ។
អនដ្រេ មានទម្លាប់ខ្លះដែលគាត់ដឹងថាមិនល្អ ហើយវាពិបាកសម្រាប់គាត់ក្នុងការមើលឃើញថាគាត់អាចទទួលបានការអភ័យទោស និងការផ្លាស់ប្តូរនោះ ។ គាត់ឆ្ងល់ថាតើគាត់អាចមានអារម្មណ៍ស្និទ្ធស្នាលជាមួយព្រះឬអត់ ហើយគាត់មិនប្រាកដថាវាមានតម្លៃឲ្យខិតខំដែរឬអត់ទេ ។ គាត់មិនចង់និយាយជាមួយឪពុកម្តាយ ឬប៊ីស្សពអំពីបញ្ហារបស់គាត់ទេ ។

សូមគិតអំពីទំនាក់ទំនងរបស់អ្នកផ្ទាល់ជាមួយនឹងព្រះវរបិតាសួគ៌ ។ នៅក្នុងសៀវភៅកំណត់ហេតុការសិក្សារបស់អ្នក សូមពិពណ៌នាអំពីស្ថានភាពជីវិតផ្ទាល់ខ្លួនរបស់អ្នក និងទំនាក់ទំនងរបស់អ្នកជាមួយទ្រង់ ។ អ្នកអាចរួមបញ្ចូលទាំងនៅពេលដែលអ្នកមានអារម្មណ៍ស្និទ្ធស្នាលជាមួយទ្រង់ និងនៅពេលដែលអ្នកមានអារម្មណ៍ឃ្លាតឆ្ងាយ ព្រមទាំងបំណងប្រាថ្នារបស់អ្នកដើម្បីមានទំនាក់ទំនងរបស់អ្នកជាមួយទ្រង់នាពេលអនាគតផងដែរ ។

នៅពេលអ្នកសិក្សា សូមរកមើលសេចក្ដីពិតដែលអាចជួយអ្នកឲ្យយល់ពីពរជ័យនៃការចូលទៅជិតព្រះ និងរបៀបដែលអ្នកអាចចូលទៅជិតទ្រង់ ។

ការផ្សះផ្សា

នៅក្នុង កូរិនថូស ទី២ ៥ ប៉ុលបានសរសេរថា នៅពេលយើងរស់នៅលើផែនដី យើង « ថ្ងូរ » ហើយមានអារម្មណ៍ថា « មានបន្ទុក » ដោយប្រាថ្នាចង់ត្រឡប់ទៅរកព្រះវរបិតាសួគ៌របស់យើង ( សូមមើល កូរិនថូស ទី២ ៥:១–៥ ) ។ សូមគិតអំពីពេលវេលាក្នុងជីវិតរបស់អ្នក នៅពេលដែលអ្នកមានអារម្មណ៍ដូចជាអ្វីដែលប៉ុលបានពណ៌នា ។

សូមអាន កូរិនថូស ទី២ ៥:១៧–២០ ដោយស្វែងរកសេចក្ដីពិត ដែលអ្នកអាចអនុវត្តក្នុងជីវិតរបស់អ្នកបាន នៅពេលអ្នកមានអារម្មណ៍ថាឃ្លាតឆ្ងាយពីព្រះ ។ សូមចំណាំថា នៅក្នុងខគម្ពីរទាំងនេះ ពាក្យ ផ្សះផ្សា និង ការផ្សះផ្សា មានន័យថាត្រូវបាននាំមកឲ្យរួបរួម និងការពេញចិត្តជាមួយព្រះ បន្ទាប់ពីបានឃ្លាតឆ្ងាយពីទ្រង់ ។

សូមសរសេរនៅលើក្រដាសមួយសន្លឹកដោយប្រើប៊ិច ឬខ្មៅដៃ ។

សេចក្ដីពិតមួយដែលបានបង្រៀននៅក្នុង កូរិនថូស ទី២ ៥:១៧–២០ គឺថា យើងអាចផ្សះផ្សាជាមួយនឹងព្រះបាន ហើយកើតជាថ្មីតាមរយៈដង្វាយធួននៃព្រះយេស៊ូវគ្រីស្ទ ។

ប៉ុលក៏បានបង្រៀនអំពីមូលហេតុដែលយើងអាចបានកើតជាថ្មី និងអំពីអត្ថន័យនេះផងដែរ ។

សូមអាន កូរិនថូស ទី២ ៥:២១ ដោយស្វែងរកសេចក្ដីយោងទៅកាន់ព្រះវរបិតាសួគ៌ ព្រះយេស៊ូវគ្រីស្ទ និងរូបអ្នក ។

តើអ្នកបានរៀនអ្វីខ្លះចេញពីខគម្ពីរនេះ ?

សូមអានកថាខណ្ឌខាងក្រោម ហើយរកមើលការយល់ដឹងបន្ថែមដែលមានអត្ថន័យសម្រាប់អ្នក ។

នៅក្នុង កូរិនថូស ទី២ ៥:២១ ប៉ុលបង្រៀនថា ទោះបីជាព្រះយេស៊ូវមិនដែលមានកំហុសក្នុងការប្រព្រឹត្តអំពើបាបក៏ដោយ ក៏នៅក្នុងសួនច្បារគែតសេម៉ានី និងនៅលើឈើឆ្កាងនៅភ្នំលលាដ៏ក្បាល ទ្រង់បានយកបន្ទុកដ៏ធ្ងន់ និងផលវិបាកទាំងឡាយនៃអំពើបាបរបស់យើងមកដាក់លើអង្គទ្រង់ផ្ទាល់ដែរ ។ នៅពេលយើងស្វែងរកការលើកលែងទោសដោយស្មោះអស់ពីចិត្ត ហើយបាន « កើតជាថ្មី » នោះគឺយើងទទួលយកអំណោយទានរបស់ព្រះយេស៊ូវគ្រីស្ទថា ប្រសិនបើយើងនឹងមានសេចក្ដីជំនឿលើទ្រង់ ហើយប្រែចិត្តពីអំពើបាបរបស់យើង នោះទ្រង់នឹងទទួលយកអំពើបាបរបស់យើង ហើយយើងអាចទទួលបានសេចក្តីសុចរិតរបស់ទ្រង់ ។ តាមវិធីនេះយើងនឹងត្រូវបានធ្វើឲ្យបរិសុទ្ធ ដូចដែលទ្រង់បរិសុទ្ធដែរ ( សូមមើលផងដែរ កូល៉ុស ២:១៣–១៤; ពេត្រុស ទី១ ២:២៤ ) ។

តើការបង្រៀននៅក្នុង កូរិនថូស ទី២ ៥:២១ ជួយអ្នកឲ្យយល់កាន់តែច្បាស់ថា ហេតុអ្វីបានជាយើងអាចកើតជាថ្មីនៅក្នុងព្រះគ្រីស្ទ ហើយតើវាមានន័យយ៉ាងណា ?
តើគំនិត និងអារម្មណ៍បែបណា ដែលព្រះរាជបុត្រានៃព្រះដែលគ្មានបាបបានមាន នៅពេលទ្រង់ស្ម័គ្រព្រះទ័យយកអំពើបាបរបស់អ្នកដាក់មកលើអង្គទ្រង់ ដើម្បីឲ្យអ្នកអាចបានផ្សះផ្សាជាមួយព្រះ ហើយផ្លាស់ប្តូរ ? ( សូមពិចារណាអាន អេសាយ ៤៩:១៦ និង គោលលទ្ធិ និង សេចក្តីសញ្ញា ១៩:១៨ មុននឹងឆ្លើយសំណួរនេះ ) ។

ដើម្បីមើលឃើញគំរូសម័យទំនើបអំពីមនុស្សម្នាក់ដែលត្រូវបានផ្សះផ្សាជាមួយនឹងព្រះ ហើយបាន « កើតជាថ្មី » តាមរយៈដង្វាយធួននៃព្រះយេស៊ូវគ្រីស្ទ សូមមើល « I Know His Grace Is There When I Fall » ( ៦:២៤ ) ។ វីដេអូនេះអាចរកបាននៅលើគេហទំព័រ ChurchofJesusChrist.org ។

I Know His Grace Is There When I Fall | His Grace
“Who am I?” thought Josh as he prayed in his small closet seeking God’s help to break his drug addiction. Praying in secret, he was filled with love and light and warmth that he wanted to feel forever.

សូមសញ្ជឹងគិតពីរបៀបដែលអ្នក ឬនរណាម្នាក់ដែលអ្នកស្គាល់បានដកពិសោធន៍ការព្យាបាល និងការផ្សះផ្សា ដែលព្រះអង្គសង្គ្រោះប្រទានឲ្យតាមរយៈដង្វាយធួនរបស់ទ្រង់ ។

ការសញ្ជឹងគិតពីគោលការណ៍នៃដំណឹងល្អអាចជួយយើងឲ្យយល់កាន់តែច្បាស់ និងយល់ពីសារៈសំខាន់របស់វា ។ សូមអានការពិពណ៌នាអំពីស្ថានភាពជីវិតបច្ចុប្បន្ន និងទំនាក់ទំនងរបស់អ្នកជាមួយព្រះឡើងវិញ ដែលអ្នកបានកត់ត្រានៅខាងដើមមេរៀននេះ ។ សូមចំណាយពេលវេលាពីរបីនាទី ដើម្បីសញ្ជឹងគិតអំពីសំណួរខាងក្រោមនេះ ៖

តើវាអាចមើលទៅ និងមានអារម្មណ៍យ៉ាងណាដែលបានផ្សះផ្សាជាមួយព្រះជារៀងរហូត ?
តើអ្នកចង់ក្លាយជាមនុស្សថ្មីតាមរយៈដង្វាយធួននៃព្រះយេស៊ូវគ្រីស្ទតាមរបៀបណាខ្លះ ?
តើអ្នកមានបទពិសោធន៍អ្វីខ្លះក្នុងជីវិតរបស់អ្នកដែលបង្ហាញពីការស្ម័គ្រព្រះទ័យរបស់ព្រះយេស៊ូវគ្រីស្ទក្នុងការជួយអ្នកឲ្យផ្លាស់ប្តូរ ?

រៀន ទទួលអារម្មណ៍ និងប្រព្រឹត្ត

នៅក្នុងសៀវភៅកំណត់ហេតុការសិក្សារបស់អ្នក សូមសរសេរអ្វីដែលអ្នកបានរៀន និងទទួលអារម្មណ៍នៅថ្ងៃនេះ ដែលមានន័យបំផុតសម្រាប់អ្នក ហើយហេតុអ្វី ។ សូមសរសេរអ្វីដែលអ្នកទទួលអារម្មណ៍បំផុសគំនិតឲ្យធ្វើ ដែលអាចជួយអ្នកឲ្យផ្សះផ្សាជាមួយព្រះ ហើយបាន « កើតជាថ្មី » ក្នុងព្រះគ្រីស្ទ ។ តើការផ្លាស់ប្តូរអ្វីខ្លះដែលអ្នករំពឹងថានឹងឃើញនៅក្នុងខ្លួនអ្នក ( ក្នុងរយៈពេលមួយឆ្នាំ ពីរឆ្នាំ ឬប្រាំឆ្នាំទៀត ) ជាមនុស្សម្នាក់ដែលពិតជាបានផ្លាស់ប្តូរក្នុងព្រះគ្រីស្ទ ?

ជម្រើស ៖ តើចង់រៀនសូត្របន្ថែមទៀតទេ ? 

តើវាអាចជួយខ្ញុំឲ្យរស់នៅតាមដំណឹងល្អនៃព្រះគ្រីស្ទ ហើយបាន « កើតជាថ្មី » ក្នុងទ្រង់ដោយរបៀបណា ?

អែលឌើរ អូលីសេស សូរ៉េស ក្នុងកូរ៉ុមនៃពួកសាវកដប់ពីរនាក់បានពន្យល់ ៖

ការបង្កើនសេចក្តីជំនឿ និងការប្រែចិត្តជឿបែបនេះនឹងជួយយើងឲ្យចុះ និងរក្សាសេចក្តីសញ្ញាជាមួយព្រះ ធ្វើដូច្នោះនឹងពង្រឹងបំណងប្រាថ្នាយើងដើម្បីធ្វើតាមព្រះយេស៊ូវគ្រីស្ទ ហើយបង្កើតការផ្លាស់ប្តូរខាងវិញ្ញាណដ៏ស្មោះត្រង់មួយនៅក្នុងខ្លួនយើង—និយាយម្យ៉ាងទៀតថា ជាការផ្លាស់ប្តូរយើងឲ្យកើតជាថ្មី ដែលបានបង្រៀនដោយសាវកប៉ុលនៅក្នុងសំបុត្រដែលលោកបានសរសេរទៅពួកកូរិនថូស ( កូរិនថូស ទី២ ៥:១៧ ) ។ ការផ្លាស់ប្តូរនេះនឹងនាំឲ្យយើងកាន់តែរីករាយ កាន់តែមានប្រយោជន៍ ហើយមានជីវិតល្អ និងជួយយើងឲ្យរក្សាទស្សនវិស័យដ៏អស់កល្បមួយ ។

( អូលីសេស សូរ៉េស « How Can I Understand? » Liahona ខែ ឧសភា ឆ្នាំ ២០១៩ ទំព័រ ៦ )

កូរិនថូស ទី២ ៥:១៧–២១ ។ តើខ្ញុំអាចយល់កាន់តែច្បាស់ពីអ្វីដែលប៉ុលបានបង្រៀននៅក្នុងខគម្ពីរទាំងនេះដោយរបៀបណា ?

ការពន្យល់ខាងក្រោមអាចជួយអ្នកឲ្យយល់ពាក្យពេចន៍ និងឃ្លាមួយចំនួននៅក្នុងខគម្ពីរទាំងនេះបាន ៖

ការបាន « កើតជាថ្មី » មានន័យថា « ដួងចិត្ត ទឹកមុខ និងនិស្ស័យរបស់យើង [ ត្រូវ ] បានផ្លាស់ប្ដូរដើម្បីប្រែក្លាយកាន់តែដូចជាព្រះអង្គសង្គ្រោះ » ( បេនយ៉ាមីន អិម ហ្ស៊ី តៃ « The Power of the Book of Mormon in Conversion » Liahona ខែ ឧសភា ឆ្នាំ ២០២០ ទំព័រ ៤៧ ) ។

ព្រះគ្រីស្ទ « ឥតប្រកាន់ទោសគេទៀត » មានន័យថា ដោយសារអ្វីដែលព្រះគ្រីស្ទបានធ្វើសម្រាប់យើង ពេលយើងបានផ្សះផ្សានឹងព្រះ នោះអំពើបាបរបស់យើងមិនត្រូវបានរាប់មកលើយើងទេ ។