Galuega 2

“Faatumuina i le Agaga Paia”

O se motu o tagata toatele o loo papatisoina i se vaitafe i le aso o le Penetekoso.

A o lei maliu o Ia, sa ta’u atu e Iesu i Ona Aposetolo a maliu ese atu o ia, o le a auina mai e le Tama “Lē Faamafanafana, o le Agaga Paia lea” (Ioane 14:26). E pei ona folafola mai, na oo mai le Agaga Paia i Aposetolo e Toasefululua i se ala faavavega i le aso o le Penetekoso. O le faamoemoega o lenei lesona o le fesoasoani lea ia te oe e faaloloto lou malamalama i auala e mafai ai e le Agaga Paia ona faamanuia oe ma fesoasoani ia te oe e aoao pe faapefea ona valaaulia na faamanuiaga i lou olaga.

Faalauteleina o o tatou gafatia

Fuafua po o le a le tele o lou ioeina o le faamatalaga lenei i luga o se fua o le tasi i le fitu, ma tusi lau tali i lau api talaaga mo suesuega: Ou te mautinoa e mafai ona ou iloaina pe a ou lagonaina le Agaga Paia i lo’u olaga.

Ata o loo i ai upu Matuai Le Ioeina ma le Matuai Ioeina.

O a ni au fesili o i ai e uiga i le Agaga Paia?

I lau api talaaga mo suesuega, tusi ai le ulutala “O Auala e mafai ai e le Agaga Paia ona fesoasoani ia te au.” Ia saunia e faaopoopo ni aitema i le lisi i le faagasologa o le lesona.

A o e suesue i le asō, o le a e vaai ai i faataitaiga o le auala e galue ai le Agaga Paia i olaga o tagata. Mafaufau i mea e mafai ona e aoaoina mai nei faataitaiga e uiga i le auala e mafai ona galue ai le Agaga Paia i lou olaga. O se tasi o upumoni o loo faamamafa mai e nei faataitaiga o le, e ala mai i le Agaga Paia, e fesoasoani ai le Tama Faalelagi ia i tatou e o mai ia Iesu Keriso.

Ua liligi mai le Agaga Paia i le aso o le Penetekoso

A o lei maliu o Ia, sa aoao atu e Iesu Ona soo o le a auina mai e le Tama Faalelagi ia i latou le Agaga Paia pe a mavae ona afio ese Iesu mai le lalolagi. Sa ia molimau mai o le a tuuina mai e le Agaga Paia le faamafanafanaga, tuuina mai le taitaiga, ma molimau atu e uiga ia te Ia (tagai Ioane 14:16, 26; 15:26).

O le Penetekoso o se aso malolo faa-Iutaia e tupu i le 50 aso talu ona uma le tausamiga o le Paseka. O Iutaia mai atunuu lata ane e malaga atu i Ierusalema mo lenei aso malolo lea na faamanatuina ai le uluai seleselega o le vaitau (tagai i le Taiala i Tusitusiga Paia, “ Pentecost,” scriptures.ChurchofJesusChrist.org). Faitau le Galuega 2:1–8, ma vaavaai pe na faapefea ona faataunuuina le folafolaga a le Faaola e uiga i Aposetolo na mauaina le Agaga Paia i lenei aso. (Manatua o “laulaufaiva peiseai o le afi” i le fuaiupu 3 e faasino i se faaaliga vaaia o le i ai o le Agaga Paia.)

I fuaiupu 4–8, sa maua ai e Aposetolo le meaalofa o gagana, “o se meaalofa o le Agaga Paia lea e faatagaina ai tagata musuia e tautatala ai, malamalama, pe faaliliuina gagana e le masani ai” (Taiala i Tusitusiga Paia, “ Gagana, Meaalofa o le,” scriptures.ChurchofJesusChrist.org).

Na faapefea ona faamanuiaina e le Agaga Paia le au soo ma i latou o loo faalogologo atu ia i latou?
O le a sou manatu na faapefea ona faaleleia e le meaalofa o gagana le gafatia o Aposetolo e fesoasoani ai i isi ia o mai ia Keriso?
E mafai faapefea ona tatou maua lenei meaalofa i aso nei?

Mafaufau e faaopoopo ni malamalamaaga mai fuaiupu na e suesueina i le lisi na e fatuina i lau api talaaga mo suesuega.

Ua molimau Peteru e uiga ia Iesu Keriso

E mafai ona tatou vaai i se isi auala e mafai ai e le Agaga Paia ona fesoasoani ia i tatou e ala i le tilotilo atu i le lototoa lea na aoao atu ma molimau atu ai Peteru.

Ia manatua o mea na tutupu o loo faaalia i le Galuega 2 sa tutupu ao lei leva ona mavae le faasatauroina o Iesu, faitau le Galuega 2:22–24, 32–33, 36 ma vaavaai pe na faapefea ona fesoasoani le Agaga Paia ia Peteru i lenei tulaga e talai atu ai ma le lototele ma le lototoa e uiga ia Iesu Keriso. (Tagai foi i le Galuega 3:12–20.)

O a mea na e vaaia?
O le a le mea ua e aoao mai i lenei tala e uiga i le ala e fesoasoani ai le Agaga Paia ia te oe? (Tagai foi i le Galuega 1:8; 4:31.)

Faaopoopo ou manatu i lau lisi i lau api talaaga mo suesuega.

O le aafiaga o aoaoga a Peteru i isi

Sa i ai le aafiaga o le Agaga Paia ia i latou o e na faalogo i aoaoga a Peteru e uiga ia Iesu Keriso. Faitau le Galuega 2:37–38, 41, ma vaavaai pe na faapefea ona fesoasoani le Agaga Paia i nei tagata. O le upu tuia mai le fuaiupu 37 o lona uiga o le faanoanoa po o le salamo ma ta’u mai ai sa mananao tagata e sui.

O le a se mea sa tumatila ia te oe mai nei fuaiupu?
Na faapefea ona fesoasoani le “tuia o o latou loto” i nei tagata ia latalata atili atu ai ia Iesu Keriso? (fuaiupu 37).

Faatusatusa le mea na tupu i tagata na aoao atu e Peteru i le folafolaga na faia e le Atua i Ana auauna i le Mataupu Faavae ma Feagaiga 100:5–8.

O a nisi o faataitaiga o suiga e ono musuia ai i tatou e le Agaga Paia e faia ia o le a fesoasoani tatou te latalata atili atu ai ia Iesu Keriso?

Mafaufau e faaopoopo ou manatu mai le Galuega 2:37–38, 41 i le lisi i lau api talaaga mo suesuega.

Manatunatu i mea sa e suesueina

Tusitusi i luga o se fasipepa i se peni po o se penitala.

Tuu i le faitalia: O e Manao e Aoao Atili?

E faapefea ona fesoasoani le Agaga Paia ia i tatou ia latalata atili ai i le Tama Faalelagi ma Iesu Keriso?

Sa aoao mai Peresitene Dallin H. Oaks o le Au Peresitene Sili:

O le misiona a le Agaga Paia o le molimau mai lea i le Tama ma le Alo (tagai Ioane 15:26; 2 Nifae 31:18; 3 Nifae 28:11), e taitai i tatou i le upumoni (tagai Ioane 14:26; 16:13), ma faaali mai ia i tatou mea uma e tatau ona tatou faia (tagai 2 Nifae 32:5). O lenei laina patino o fesootaiga ma lo tatou Tama Faalelagi e ala mai i Lona Agaga Paia, o se puna o la tatou molimau o le upumoni, o lo tatou malamalama, ma lo tatou taitaiga patino mai se Tama Faalelagi agaalofa. O se mea taua lea o Lana fuafuaga ofoofogia o le talalelei, lea e mafai ai e tagata taitoatasi uma o Lana fanau ona maua se molimau patino i lona moni.

(Dallin H. Oaks, “O Laina e Lua o Fesootaiga,” Liahona, Nov. 2010, 83)

Na molimau mai Peresitene M. Russell Ballard o le Korama a Aposetolo e Toasefululua:

Pe a lagonaina e tagata taitoatasi … le galue o le Agaga faatasi ma i latou, pe a latou vaaia foi se faamaoniga o le alofa ma le alofa mutimutivale o le Alii i o latou olaga, o le a faagaeetiaina ma faamalosia faaleagaga ma faateleina lo latou faatuatua ia te Ia.

(M. Russell Ballard, “Now Is the Time,” Ensign, Nov. 2000, 75)

E faape’i le lagona o le Agaga Paia, ma e mafai faapefea ona e valaauliaina?

O le vitio “Feeling the Holy Ghost” (3:17) o loo aumaia ai faataitaiga o auala e lagona ai e tagata le Agaga Paia. O loo maua lenei vitio i le ChurchofJesusChrist.org.

Feeling the Holy Ghost
Feelings of the Holy Spirit can be likened to hope, joy and peace in your heart and mind.

O le vitio “Having the Holy Ghost” (2:56), o loo maua i le ChurchofJesusChrist.org, o loo aumaia ai faataitaiga o auala e valaaulia ai le Agaga Paia.