Galuega 1

O Le Faatomuaga i le Tusi o Galuega

Sa faapotopoto faatasi aposetolo e toasefulutasi o Iesu Keriso (vagana ai Iuta le Sekara) i Kalilaia. O agelu e toalua (o loo laei papae) o loo tutu faatasi ma aposetolo ma faasino atu i le lagi. O loo vaavaai atu aposetolo i luga. O le atavali o loo faaalia ai le afio ae o le Iesu Keriso toetu i le lagi. E le o faaalia Keriso i le ata. (Mareko 16:19–20) (Luka 24:50–53) (Galuega 1:9–11)

I le 40 aso na sosoo ma Lona Toetu, sa auauna atu ai Iesu Keriso i Ona soo. I le taimi lea, sa Ia saunia ai Ona Aposetolo e taitaia Lana Ekalesia pe a mavae Lona Afio A’e i le lagi. E pei lava ona sa Ia faia anamua, o loo faaauau pea ona taitai e Iesu Keriso Lana Ekalesia e ala i Ana Aposetolo filifilia i aso nei. O lenei lesona e mafai ona fesoasoani ia te oe e lagona ai le taua o le taitaiina e Iesu Keriso o Lana Ekalesia e ala i aposetolo ma perofeta.

O Le Afio A’e o Keriso i le lagi

Vaai faalemafaufau e faapea, o lau uo, e le o se tagata o Le Ekalesia a Iesu Keriso o le Au Paia o Aso e Gata Ai, na fesili atu ia te oe, “O ai na amataina le lotu ua e auai ai, ma o ai o loo taitaia i le asō?”

E faapefea ona e tali atu i ai? Aisea?

O le tusi o Galuega o loo faamatala mai ai aafiaga o Aposetolo ina ua Afio A’e Iesu Keriso i le lagi. Atonu o se galuega faigata mo taitai o le Ekalesia le tuleiina i luma o le Ekalesia a le Faaola ina ua le toe i ai faaletino o Ia ma i latou. Ae sa lei tuua na o Aposetolo i a latou taumafaiga. O aafiaga o Aposetolo o loo tusia i le tusi o Galuega ua faapupula mai ai le upumoni e faapea, o Iesu Keriso o loo taitaia Lana Ekalesia e ala i Ana aposetolo ma perofeta.

Mafaufau i ou lava lagona e uiga i le taitaia e Iesu Keriso o Lana Ekalesia. I lau api talaaga mo suesuega, tali i fesili nei:

Aisea o le a taua ai le iloa o Iesu Keriso e taitaia Lana Ekalesia?
O le a se mea o le a e faamoemoe e vaai i ai i se ekalesia e taitaia e Iesu Keriso?
I le faaaogaina o le fuafaatatau lenei, fuafua po o le a le tele o lou ioeina o lenei faamatalaga: “O Iesu Keriso o loo taitaia Lana Ekalesia i aso nei e ala i aposetolo ma perofeta.” Faamatala lau tali.

A o e suesueina lenei lesona, ia gaua’i atu i uunaiga a le Agaga ia e mafai ona fesoasoani ia te oe e lagona ai e faapea na taitaia e Iesu Keriso Lana Ekalesia ina ua afio a’e o Ia i le lagi ma o loo faaauau pea ona Ia taitaia Lana Ekalesia i aso nei.

O loo faaauau pea ona taitai e Iesu Keriso Lana Ekalesia ina ua mavae Lona Afio A’e i le lagi

Tusitusi i luga o se fasipepa i se peni po o se penitala.

Faitau ia fuaitau nei mai le Galuega 1–5, ma vaavaai pe na faapefea ona faaauau e Iesu Keriso ona fesoasoani i Ana Aposetolo ina ua mavae Lona Afio A’e. Mafaufau pe na faapefea e nei mea na tutupu ona faaalia ai sa taitaia e Iesu Keriso Lana Ekalesia. Faaopoopo ou manatu i le tusiga i lau api talaaga.

Fuaiupu e suesue i ai	Faamatalaga auiliili e manaomia ona e iloa a o lei suesueina nei fuaiupu
Fuaiupu e suesue i ai Galuega 1:23–26	Faamatalaga auiliili e manaomia ona e iloa a o lei suesueina nei fuaiupu Sa faapotopoto Aposetolo ma isi soo o Keriso e talanoa po o ai o le a suitulaga ia Iuta le Sekara e avea ma se tasi o le Au Aposetolo e Toasefululua.
Fuaiupu e suesue i ai Galuega 2:37–43	Faamatalaga auiliili e manaomia ona e iloa a o lei suesueina nei fuaiupu A o faapotopoto ia Aposetolo i Ierusalema ina ua faatoa mavae le Afio Ae o Keriso i le lagi, sa oo ifo le Agaga Paia i luga o i latou taitoatasi i se ala mamana (tagai Galuega 2:1–8). I le faatumulia ai i le Agaga, sa molimau atu ai Peteru e uiga ia Iesu Keriso (tagai Galuega 2:14–36). O lenei fuaitau ua faamatalaina ai le aafiaga o lenei sasaa mai faaleagaga i le toatele o e na molimauina.
Fuaiupu e suesue i ai Galuega 3:1–8; 4:8–10	Faamatalaga auiliili e manaomia ona e iloa a o lei suesueina nei fuaiupu Sa tau atu Peteru ma Ioane i se tagata pipili i le malumalu i Ierusalema.
Fuaiupu e suesue i ai Galuega 5:12–16	Faamatalaga auiliili e manaomia ona e iloa a o lei suesueina nei fuaiupu Sa lapataia muamua Aposetolo e taitai Iutaia ina ia aua le toe tautatala e uiga ia Iesu Keriso (tagai Galuega 4:13–18).
Fuaiupu e suesue i ai Galuega 5:17–25	Faamatalaga auiliili e manaomia ona e iloa a o lei suesueina nei fuaiupu Sa faafalepuipuiina Peteru ma Ioane ina ua faaauau pea ona molimau atu e uiga ia Iesu Keriso ma faia vavega i Lona suafa.

O le a se mea na e aoaoina e uiga ia Iesu Keriso mai nei fuaiupu lea ua aafia ai lou faatuatua ma le faalagolago ia te Ia?
E faapefea e nei mea na tutupu ona faaalia ai sa taitai e le Faaola Lana Ekalesia e ala mai i Ana Aposetolo?

O loo faaauau pea ona taitai e Iesu Keriso Lana Ekalesia i aso nei

O uso uma o le Au Peresitene Sili ma le Korama a Aposetolo e Toasefululua o loo nonofo pe tutu faatasi ma le Faatagata o Keriso ma faatagata o le Uluai Toasefululua i le Nofoaga Autu mo Tagata Asiasi Mai i Roma, Italia. Luma mai le Agavale agai i le Taumatau: Dieter F. Uchtdorf, Jeffrey R. Holland, M. Russell Ballard, Dallin H. Oaks, Russell M. Nelson, Henry B. Eyring, David A. Bednar, Quentin L. Cook, D. Todd Christofferson, Gary E. Stevenson, Ronald A. Rasband, Neil L. Andersen, Dale G. Renlund, Gerrit W. Gong, Ulisses Soares

Na aoao mai Peresitene Russell M. Nelson e uiga i le auala o loo faaauau ai pea ona taitai e le Faaola Lana Ekalesia i aso nei.

O i tatou i le avea ai ma tagata o le Ekalesia a le Alii, ua iloaina lē o loo tu i le ulu: O Iesu Keriso lava Ia. …

O lea la, o le a le taua o se igoa? A oo mai i le igoa o le Ekalesia a le Alii, o le tali o “Mea Uma!” Sa faatonuina i tatou e Iesu Keriso e faaigoa le Ekalesia i Lona suafa ona o Lana Ekalesia, ua faatumulia i Lona mana.

Ou te iloa o loo soifua le Atua. O Iesu o le Keriso. O loo Ia taitaia Lana Ekalesia i aso nei.

(Russell M. Nelson, “O Le Igoa Sa’o o le Ekalesia,” Liahona, Nov. 2018, 88–89)

E mafai faapefea e le iloaina o Iesu Keriso o loo taitaia Lana Ekalesia i aso nei ona aafia ai lou olaga?

O a ni faataitaiga mai lou lava olaga pe mai le talafaasolopito o le Ekalesia e fesoasoani e te iloa ai o loo faaauau pea ona taitai e Iesu Keriso Lana Ekalesia i aso nei? (Manatua e faaopoopo nei faataitaiga i lau tusiga i lau api talaaga.)

Afai e manaomia ona e vaai i ni faataitaiga e fesoasoani ia te oe e mafaufau ai i tali i lenei fesili, matamata i le “This Is Our Time!” mai le faailo taimi 3:34 i le 5:12 po o le “Gather Together in One All Things in Christ” mai le faailo taimi 10:09 i le 13:58, o loo maua i le ChurchofJesusChrist.org.

11:14

2:3

O a ni mea e mafai e nei faataitaiga a le Faaola o loo taitaia Lana Ekalesia ona fesoasoani e te malamalama ai e uiga i Ona lagona mo i tatou?

Mafaufau Loloto

Toeiloilo le lisi o faataitaiga a le Faaola o loo taitaia Lana Ekalesia na e foafoaina i le asō. Mafaufau e faaopoopo atu i lenei tusiga a o faaauau ona e suesue i le Galuega ma maua ni aafiaga faaopoopo e aoao ai e uiga i le Faaola ma Lana Ekalesia. Mafaufau e faaopoopo lau molimau o lenei upumoni i lau tusiga i lau api talaaga.

Faitalia pe Fai: O e Manao e Suesue Atili? 

O ai na tusiaina le tusi o Galuega?

O Luka na tusia le Galuega a Aposetolo o “le lona lua o se galuega e lua vaega. … O le vaega muamua ua iloga o le Evagelia e pei ona Ta’ua e Luka” (Taiala i Tusitusiga Paia, Galuega a Aposetolo,” scriptures.ChurchofJesusChrist.org; tagai foi Luka 1:1–4; Galuega 1:1).

O le a le mea o faatatau i ai lenei tusi?

O le Galuega a Aposetolo ua fauina ai se alalaupapa i le va o faamaumauga o le soifuaga o Iesu Keriso ma aoaoga i Evagelia e fa ma tusiga ma galuega a Ana Aposetolo. O le tusi o Galuega o loo faapupula mai ai le ala o loo faaauau ai pea ona taitai e le Faaola Lana Ekalesia e ala i musumusuga a le Agaga Paia ia i latou o e umia ki o le perisitua. Sa faaalia e le Agaga Paia ia upumoni i Aposetolo, o e na taitaia ma aoao atu le Ekalesia. Sa faia foi e Aposetolo ia vavega i le suafa o Iesu Keriso.

Sa faamalamalama mai e Elder Jeffrey R. Holland o le Korama a Aposetolo e Toasefululua:

Mai le fuaiupu muamua [o le tusi o Galuega], o le tautinoga e faapea o le a faaauau pea ona taitaia faalelagi le Ekalesia, ae le i le tino. … E moni, o se faaulutala e sili ona atoa mo le tusi o Galuega e mafai ona talafeauga ma se mea faapea “O Galuega a le Keriso Toetu e Galue e ala i le Agaga Paia i Olaga ma Galuega a Ana Aposetolo Faauuina.” …

“O le taitaiga o le Ekalesia e tutusa lava. Na suia le mea ua i ai le Faaola, ae o le taitaiga ma le au taitai o le Ekalesia e tutusa lelei lava.”

(“Ona, A Lea?” [lauga na tuuina atu i le konafesi a le Ofisa o Aoga a le Ekalesia i le Feagaiga Fou, 8 Aok. 2000], 6, si.ChurchofJesusChrist.org)

O le a le Aposetolo?

Ina ia aoao atili e uiga i Aposetolo, matamata i le vitio “What Is an Apostle?” (6:25), o loo maua i le ChurchofJesusChrist.org.

2:3

O faapefea ona taitaia e le Alii Lana Ekalesia i aso nei?

Na faamalamalama mai e Elder Quentin L. Cook o le Korama a Aposetolo e Toasefululua:

Faamolemole ia mautinoa o taitai sinia o le Ekalesia o e o pulefaamalumalu i faamoemoega ua atofa mai le lagi o le Ekalesia e mauaina le fesoasoani mai le lagi. O lenei taitaiga e maua mai le Agaga ma o nisi taimi e tuusao mai le Faaola. Ua tuuina mai ia ituaiga e lua o taitaiga faaleagaga. Ou te faafetai lava i le mauaina o lea fesoasoani. Ae o le taitaiga e tuuina mai i le taimi a le Alii, i lea fuaitau i luga o lea fuaitau ma lea mataupu i luga o lea mataupu [tagai 2 Nifae 28:30; Mataupu Faavae ma Feagaiga 98:12; 128:21], pe a “filifili ma le loto i ai se Alii mamana e a’oa’o i tatou” [Neal A. Maxwell, All These Things Shall Give Thee Experience (2007),31]. O le taitaiga mo le Ekalesia atoa e na o Lana perofeta e auala mai ai.

(Quentin L. Cook, “Saunia e Feiloai ma le Atua,” Liahona, Me 2018, 117)

Matamata i le “Jesus Christ’s Church” (1:27) po o le “We Need Living Prophets” (2:44), o loo maua i le ChurchofJesusChrist.org, ina ia vaai ai i faataitaiga faaopoopo.

1:27

2:44

E faapefea ona valaauina aposetolo ma perofeta o aso nei?

Matamata i le “Revelation for the Church, Revelation for Our Lives” mai le faailo taimi code 9:41 i le 11:49 or “The Heart of a Prophet” mai le faailo taimi 4:08 i le 6:40, o loo maua i le ChurchofJesusChrist.org, ina ia vaai ai i faataitaiga.

2:3