វាយតម្លៃការរៀនសូត្ររបស់អ្នក ២

ម៉ាថាយ ៣–៧; លូកា ៣–៦; ម៉ាកុស ១; យ៉ូហាន ២–៤

មេរៀននេះមានគោលបំណងជួយអ្នកឲ្យវាយតម្លៃគោលដៅទាំងឡាយដែលអ្នកបានដាក់ អ្វីដែលអ្នកកំពុងរៀន និងការរីកចម្រើនផ្ទាល់ខ្លួនដែលអ្នកបានដកពិសោធន៍ អំឡុងការសិក្សាព្រះគម្ពីរសញ្ញាថ្មីរបស់អ្នកនៅឆ្នាំនេះ ។

អ្វីដែលអ្នកកំពុងរៀនចេញពីព្រះគម្ពីរសញ្ញាថ្មីក្នុងថ្នាក់សិក្ខាសាលា គឺមានគោលបំណងដើម្បីជួយអ្នកឲ្យមករកព្រះយេស៊ូវគ្រីស្ទបានកាន់តែពេញលេញជាងមុន និងក្លាយជាសិស្សរបស់ទ្រង់ ឬជាអ្នកដើរតាមទ្រង់ ។ សូមធ្វើសកម្មភាពមួយក្នុងចំណោមសកម្មភាពទាំងបីខាងក្រោមនេះ ដោយរកមើលពរជ័យទាំងឡាយដែលនឹងកើតមាន នៅពេលយើងដើរតាមព្រះអង្គសង្រ្គោះ តាមរយៈការធ្វើសកម្មភាពតាមការបង្រៀនរបស់ទ្រង់ ។ បន្ទាប់មក សូមឆ្លើយសំណួរពីរដែលមកបន្ទាប់ ។

1. សូមច្រៀង ឬស្តាប់ចម្រៀងកុមារ « មនុស្សប្រាជ្ញា និងមនុស្សល្ងង់ » ( សៀវភៅចម្រៀងកុមារទំព័រ ១៣២ ) ហើយសូមអាន ម៉ាថាយ ៧:២៤–២៧ ។

2. នៅលើក្រដាសមួយសន្លឹក ឬនៅក្នុងសៀវភៅកំណត់ហេតុការសិក្សារបស់អ្នក សូមគូររូបតំណាងដ៏សាមញ្ញមួយអំពីការបង្រៀនរបស់ព្រះអង្គសង្គ្រោះនៅក្នុង ម៉ាថាយ ៧:២៤–២៧ ។

3. ដោយប្រើដុំឈើ ឬកែវ សូមសង់ផ្ទះ ឬគ្រោងមួយនៅលើគ្រឹះរឹងមាំ ដូចជាឥដ្ឋ ឬតុជាដើម ។ បន្ទាប់មក សូមសង់គ្រោងសាមញ្ញមួយទៀតនៅលើគ្រឹះដែលមិនសូវរឹងមាំ ដូចជាគ្រែ ភួយបត់ ឬខ្នើយ ។ សូមប្រើដៃរបស់អ្នកសង្កត់លើផ្ទៃនៅជាប់នឹងគ្រោងនីមួយៗ ហើយចាំសង្កេតមើលថានឹងមានអ្វីកើតឡើង ។ សូមអាន ម៉ាថាយ ៧:២៤–២៧ ដោយរកមើលភាពស្រដៀងគ្នារវាងសកម្មភាពនេះ និងរឿងប្រៀបធៀបរបស់ព្រះអង្គសង្គ្រោះ ។

• តើអ្នកបានរៀនអ្វីខ្លះចេញមកពីសកម្មភាពនេះ ?

• តើយើងទទួលបានពរជ័យអ្វីខ្លះ ប្រសិនបើយើងធ្វើសកម្មភាពតាមការបង្រៀនរបស់ព្រះអង្គសង្គ្រោះ ?

សូមគិតអំពីការរីកចម្រើនដែលអ្នកបានដកពិសោធន៍ នៅពេលអ្នកបានសិក្សា និងខិតខំអនុវត្តតាមការបង្រៀនរបស់ព្រះអង្គសង្គ្រោះនៅក្នុងព្រះគម្ពីរសញ្ញាថ្មីនៅឆ្នាំនេះ ។ សូមឆ្លើយសំណួរមួយ ឬច្រើនខាងក្រោមនេះ ៖

• តើអ្នកបានសិក្សាការបង្រៀនរបស់ព្រះយេស៊ូវគ្រីស្ទណាខ្លះ ដែលមានអត្ថន័យជាពិសេសចំពោះអ្នក ?

• នៅពេលអ្នកសិក្សាព្រះបន្ទូលរបស់ទ្រង់ តើអ្នកបានចូលកាន់តែជិតព្រះអង្គសង្គ្រោះតាមរបៀបណា ?

• តើមានការបង្រៀនអ្វីខ្លះដែលអ្នកបានសិក្សានៅឆ្នាំនេះ ដែលអ្នកអាចអនុវត្តបាននៅក្នុងជីវិតរបស់អ្នក ? តើជាលទ្ធផលមានពរជ័យអ្វីខ្លះដែលអ្នកបានទទួល ?

មេរៀននេះនឹងជួយអ្នកឲ្យវាយតម្លៃរបៀបមួយចំនួន ដែលអ្នកកំពុងសង់ជីវិតរបស់អ្នកនៅលើថ្មដានៃព្រះយេស៊ូវគ្រីស្ទ ដើម្បីអ្នកអាចស៊ូទ្រាំនឹងឧបសគ្គដែលអាចកើតមាន ។

សូមពិចារណាអញ្ជើញសិស្សឲ្យធ្វើសកម្មភាពខាងក្រោមនេះជាការដើរតួសម្ដែងជាដៃគូ ឬជាក្រុមតូចៗ ។

សកម្មភាពខាងក្រោមអាចជួយអ្នកឲ្យវាយតម្លៃថា តើអ្នកយល់ពីមេរៀន ហើយអាចពន្យល់ពីគោលលទ្ធិរបស់ព្រះអង្គសង្គ្រោះអំពីការប្រែចិត្ត ពិធីបុណ្យជ្រមុជទឹក និងពិធីបញ្ជាក់បានប៉ុណ្ណា ។ សូមពិចារណាលើសេចក្តីថ្លែងការណ៍ពីរខាងក្រោមនេះ ហើយសរសេរការឆ្លើយតបចំពោះសេចក្ដីថ្លែងការណ៍នីមួយៗ ដើម្បីជួយដោះស្រាយកង្វល់ដែលបានលើកឡើង ។ សូមប្រើយ៉ាងហោចណាស់បទគម្ពីរមួយពីការសិក្សានាពេលថ្មីៗនេះរបស់អ្នក ។ សេចក្តីយោងបទគម្ពីរនៅក្នុងវង់ក្រចកអាចជួយបាន ។ អ្នកអាចរួមបញ្ចូលបទពិសោធន៍ ឬទីបន្ទាល់ផ្ទាល់ខ្លួនណាមួយដោយសេរី ។

1. ខ្ញុំជាមនុស្សល្អដែរ ។ ហេតុអ្វីខ្ញុំគួរព្រួយបារម្ភអំពីការប្រែចិត្ត ប្រសិនបើខ្ញុំមិនបានប្រព្រឹត្ដអំពើបាបធំៗផងហ្នឹង ? ( សូមមើល ម៉ាថាយ ៣:១–៨ ; លូកា ៣:៧–១៤ ) ។

2. ខ្ញុំជឿលើព្រះយេស៊ូវគ្រីស្ទ ប៉ុន្តែខ្ញុំគិតថា ខ្ញុំមិនចាំបាច់ត្រូវទទួលពិធីបុណ្យជ្រមុជទឹក និងពិធីបញ្ជាក់ ដើម្បីអាចត្រឡប់ទៅរស់នៅជាមួយព្រះវិញនោះទេ ។ ( សូមមើល ម៉ាកុស ១:១–៩ ; យ៉ូហាន ៣:៥ ; នីហ្វៃទី២ ៣១:៥–១២, ១៧–១៨ ) ។

2. Complete the following in your study journal: