Seminare
Iloilo Lou Aoaoina 5

Iloilo Lou Aoaoina 5

Mataio 21–26; Mareko 11–14; Luka 19–21; Ioane 12-13

Ata
Young woman sitting on a bed reading scriptures.

O lenei lesona ua faamoemoe e fesoasoani ia te oe e iloilo ai sini ua e faatuina, ma le tuputupu ae patino na e mauaina i le taimi o au suesuega o le Feagaiga Fou.

O a ni mea na e aoaoina?

Faaalu se minute e tomanatu ai i mea na e aoaoina talu ai nei mai lau suesuega o le Feagaiga Fou. Atonu e fesoasoani ata nei ia te oe. Atonu foi e aoga le tagai i au faamatalaga lata mai nei i lau api faamaumau suesuega. O le gaoioiga lenei e mafai ona fesoasoani ia te oe e iloilo ai lou tuputupu ae o se taunuuga o mea o loo e aoaoina.

Ata
Jesus turning over a table of a money changer in the temple. Outtakes include images of Christ alone and with the crowd of merchants and buyers fleeing, people buying goods, and people looking.
Ata
Jesus washing Peter’s feet. Outtakes show similar scenes.
Ata
The resurrected Jesus Christ (wearing white robes with a magenta sash) standing above a large gathering of clouds. Christ has His arms partially extended. The wounds in the hands of Christ are visible. Numerous angels (each blowing a trumpet) are gathered on both sides of Christ. A desert landscape is visible below the clouds. The painting depicts the Second coming of Christ. (Acts 1:11)

1. Mafaufau loloto ma tali i fesili nei i lau api faamaumau suesuega:

  • O le a se mea na e aoaoina talu ai nei e uiga ia Iesu Keriso sa sili ona anoa ia te oe? O a tala o tusitusiga paia na fesoasoani ia te oe e te maua ai lenei malamalamaaga e uiga ia te Ia?

  • O a ni faatinoga ua e faia e avea ai o se soo tuuto atili o Iesu Keriso?

  • O le a (se)isi laasaga e mafai ona e faia e faaleleia atili ai lou avea ai o se soo o le Faaola?

Alofa i le Atua ma alofa i lou tuaoi.

Sa e suesueina talu ai nei le aoaoga a Iesu e faapea o poloaiga silisili e lua o le alofa i le Atua ma o tatou loto atoa, agaga, ma le mafaufau atoa ma ia alofa atu i o tatou tuaoi e pei o i tatou lava ia i tatou (tagai Mataio 22:36–39).

Afai e te maua le avanoa e talanoa ai ma se tasi e lata ane, fai atu ia i latou e tali mai i le fesili lenei ina ia mafai ona e maua ni malamalamaaga faaopoopo. Afai e na o oe lava, mafaufau pe faapefea ona e taliina le fesili.

  • Aisea e te manatu ai o nei poloaiga o poloaiga aupito silisili e lua?

Sa e aoaoina foi talu ai nei e uiga i le mulumuluina e Iesu o vae o Ona soo ma tuu atu ia i latou se poloaiga fou ia alofa le tasi i le isi e pei ona Ia alofa atu ia i latou (tagai Ioane 13).

I nei aafiaga aoga uma, atonu na talosagaina ai oe e fai se fuafuaga e faatino ai aoaoga a le Faaola ma mulimuli i Lana faataitaiga.

2. Tali ia le itiiti ifo ma le lua o fesili nei i lau api faamaumau suesuega:

  • Na faapeī lou aafiaga i le faatinoina o aoaoga a le Faaola?

  • O le a sou lagona e uiga i le alofa o Iesu Keriso mo oe ma isi a o e tali atu i valaaulia na tuuina mai i le vasega?

  • O le a se mea e te manao e fai pe faaauau ona fai o se taunuuga o aoaoga a le Faaola?

O Le Afio Mai Faalua o Iesu Keriso

O se auala sili e faafaigofie ai aoaoga o le talalelei o le faamalamalama atu lea o i latou i le tulaga o se tamaitiiti. Ina ia fesoasoani ia te oe e faamatala vaega taua o le Afio Mai Faalua o le Faaola i au lava upu, tusi se aotelega e pei o loo e tusiaina mo se tamaitiiti.

O le faamoemoega o lau aotelega o le taliina lea o fesili e lua:

  • O le a se mea e mafai ona tatou faia e saunia ai mo le Afio Mai Faalua o Iesu Keriso?

  • Aisea o le a mamalu ai le Afio Mai Faalua o le Faaola? (Manatua i se lesona talu ai, atonu na e faitauina ai le valaaulia a Elder Neil L. Andersen e vaai ma faamatala mea mamalu na tutupu o loo siomia ai le Afio Mai Faalua [tagai “Ia Oo Mai Lou Malo,” Ensign po o le Liahona, Me 2015, 122].)

O punaoa nei e mafai ona fesoasoani ia te oe e iloilo ai mea ua e aoaoina.

3. Tusi faamaumau lau aotelega i lau api faamaumau suesuega. Ia mautinoa o lau aotelega e tali ai fesili e lua o loo lisi atu i le amataga o lenei gaoioiga.

Lolomi