វាយតម្លៃការរៀនសូត្ររបស់អ្នក ទី៦

ព្រះគម្ពីរសញ្ញាថ្មី សៀវភៅសិក្សាសម្រាប់សិស្សថ្នាក់សិក្ខាសាលា ( ២០២៣ )

មាតិកា
សេចក្តីផ្តើមអំពីព្រះគម្ពីរសញ្ញាថ្មី សៀវភៅសិក្សាសម្រាប់សិស្សថ្នាក់សិក្ខាសាលា
ឯកសារណែនាំ
ម៉ាថាយ ១; លូកា ១
ទិដ្ឋភាពទូទៅនៃ ម៉ាថាយ ២; លូកា ២
យ៉ូហាន ១
ម៉ាថាយ ៣; ម៉ាកុស ១; លូកា ៣
ម៉ាថាយ ៤; លូកា ៤–៥
យ៉ូហាន ២–៤
ម៉ាថាយ ៥; លូកា ៦
ម៉ាថាយ ៦–៧
ម៉ាថាយ ៨; ម៉ាកុស ២–៤; លូកា ៧
ម៉ាថាយ ៩–១០; ម៉ាកុស ៥; លូកា ៩
ម៉ាថាយ ១១–១២; លូកា ១១
ម៉ាថាយ ១៣; លូកា ៨; ១៣
ម៉ាថាយ ១៤; ម៉ាកុស ៦; យ៉ូហាន ៥–៦
ម៉ាថាយ ១៥–១៧; ម៉ាកុស ៧–៩
ម៉ាថាយ ១៨; លូកា ១០
យ៉ូហាន ៧–១០
លូកា ១២–១៧, យ៉ូហាន ១១
ម៉ាថាយ ១៩–២០; ម៉ាកុស ១០; លូកា ១៨
ម៉ាថាយ ២១–២៣; ម៉ាកុស ១១; លូកា ១៩–២០; យ៉ូហាន ១២
យ៉ូសែប ស្ម៊ីធ—ម៉ាថាយ ១; ម៉ាថាយ ២៥; ម៉ាកុស ១២–១៣; លូកា ២១
ម៉ាថាយ ២៦; ម៉ាកុស ១៤; យ៉ូហាន ១៣
យ៉ូហាន ១៤–១៧
លូកា ២២; យ៉ូហាន ១៨
ម៉ាថាយ ២៧; ម៉ាកុស ១៥; លូកា ២៣; យ៉ូហាន ១៩
ម៉ាថាយ ២៨; ម៉ាកុស ១៦; លូកា ២៤; យ៉ូហាន ២០–២១
កិច្ចការ ១–៥
កិច្ចការ ៦–៩
កិច្ចការ ១០–១៥
កិច្ចការ ១៦–២១
កិច្ចការ ២២–២៨
រ៉ូម ១–៦
រ៉ូម ៧–១៦
កូរិនថូស ទី១ ១–៧
កូរិនថូស ទី១ ៨–១៣
កូរិនថូស ទី១ ១៤–១៦
កូរិនថូស ទី២ ១–៧
កូរិនថូស ទី២ ៨–១៣
កាឡាទី
អេភេសូរ
ភីលីព; កូល៉ុស
ថែស្សាឡូនីច ទី១–២
ធីម៉ូថេ ទី១–២, ទីតុស, ភីលេម៉ូន
ហេព្រើរ ១–៦
ហេព្រើរ ៧–១៣
យ៉ាកុប
ពេត្រុស ទី១–២
យ៉ូហាន ទី១–៣; យូដាស
វិវរណៈ ១–៥
វិវរណៈ ៦–១៤
វិវរណៈ ១៥–២២

ម៉ាថាយ ២៦–២៨; ម៉ាកុស ១៤–១៦; លូកា ២២–២៤; យ៉ូហាន ១៣–២១

យុវជន និងយុវនារីចូលរួមថ្នាក់សិក្ខាសាលាពេលព្រឹកនៅប្រទេសអាហ្សង់ទីន ។

មេរៀននេះមានគោលបំណងជួយអ្នកឲ្យវាយតម្លៃគោលដៅទាំងឡាយដែលអ្នកបានដាក់ និងការរីកចម្រើនផ្ទាល់ខ្លួនដែលអ្នកបានដកពិសោធន៍ក្នុងអំឡុងពេលការសិក្សាព្រះគម្ពីរសញ្ញាថ្មីរបស់អ្នក ។

ត្រូវឲ្យស្រឡាញ់ព្រះឲ្យអស់ពីចិត្តនៃឯង

នៅក្នុងសៀវភៅកំណត់ហេតុការសិក្សារបស់អ្នក សូមគូរគ្រោងនៃរូបបេះដូងមួយ ។ នៅក្នុងឬជុំវិញរូបបេះដូងនោះ សូមរៀបរាប់អ្វីដែលអ្នកបានរៀន ឬបានទទួលអារម្មណ៍អំពីព្រះអង្គសង្គ្រោះ ដែលបានបង្កើនសេចក្តីស្រឡាញ់របស់អ្នកចំពោះទ្រង់ ។ ប្រសិនបើអាចធ្វើបាន សូមសួរមិត្តភក្តិ ឬសមាជិកគ្រួសារអំពីអ្វីដែលពួកគេស្រឡាញ់អំពីព្រះអង្គសង្គ្រោះ ហើយបន្ថែមវាទៅក្នុងបញ្ជីរបស់អ្នក ។ សូមឆ្លើយសំណួរខាងក្រោមនេះនៅពីក្រោមគំនូររូបបេះដូងរបស់អ្នក ។

តើការរៀនបន្ថែមទៀតអំពីសេចក្ដីស្រឡាញ់ដែលព្រះវរបិតាសួគ៌ និងព្រះយេស៊ូវគ្រីស្ទមានចំពោះអ្នកបានជំរុញអ្នកឲ្យព្យាយាមស្រឡាញ់ទ្រង់ទាំងទ្វេបន្ថែមទៀតយ៉ាងដូចម្ដេច ?
តើការយល់ដឹងរបស់អ្នកអំពីសេចក្តីស្រឡាញ់របស់ទ្រង់ទាំងទ្វេចំពោះអ្នកបានជួយបង្កើនសេចក្តីស្រឡាញ់របស់អ្នកចំពោះអ្នកដទៃដោយរបៀបណា ?

សូមចាំថា ព្រះអង្គសង្គ្រោះបានបង្រៀនថា យើងបង្ហាញសេចក្ដីស្រឡាញ់ចំពោះទ្រង់តាមរយៈការកាន់តាមបញ្ញត្តិទ្រង់ ( សូមមើល យ៉ូហាន ១៤:១៥ ) ។ ព្រះយេស៊ូវគ្រីស្ទបានផ្ដល់គំរូដ៏ល្អឥតខ្ចោះនៃការបង្ហាញសេចក្ដីស្រឡាញ់ចំពោះព្រះវរបិតាសួគ៌ ដោយការស្ដាប់បង្គាប់តាមបទបញ្ញត្តិទាំងអស់ ( សូមមើល យ៉ូហាន ១៤:៣១ ) ។

ពេលអ្នកសិក្សា យ៉ូហាន ១៤:១៥ អ្នកប្រហែលជាបានសរសេរនៅក្នុងសៀវភៅកំណត់ហេតុរបស់អ្នកអំពីបំណងប្រាថ្នារបស់អ្នកក្នុងការកាន់តាមបទបញ្ញត្តិ និងការជំរុញចិត្តរបស់អ្នក ឬហេតុផលរបស់អ្នកដើម្បីធ្វើដូច្នេះ ។ បើដូច្នេះ សូមពិនិត្យមើលអ្វីដែលអ្នកបានសរសេរឡើងវិញ ។

សូមសរសេរនៅលើក្រដាសមួយសន្លឹកដោយប្រើប៊ិច ឬខ្មៅដៃ ។

ដង្វាយធួនរបស់ព្រះយេស៊ូវគ្រីស្ទ ៖ តើជីវិតរបស់អ្នកទៅជាយ៉ាងណា បើគ្មានដង្វាយធួន ?

សូមគិតពីអ្វីដែលអ្នកបានរៀនអំពីពលិកម្មដ៏ធួនរបស់ព្រះយេស៊ូវគ្រីស្ទចេញពីព្រះគម្ពីរសញ្ញាថ្មី ។ សូមសញ្ជឹងគិតមួយភ្លែតពីអ្វីដែលព្រះយេស៊ូវគ្រីស្ទ និងពលិកម្មដ៏ធួនរបស់ទ្រង់មានន័យចំពោះអ្នកផ្ទាល់ ។ សូមពិចារណាថាតើជីវិតរបស់អ្នកនឹងទៅជាយ៉ាងណាបើគ្មានពលិកម្មដ៏ធួននោះទេ ។

រូបភាពព្រះយេស៊ូវអធិស្ឋាននៅក្នុងសួនច្បារគែតសេម៉ានី ពេលទ្រង់ធ្វើដង្វាយធួន ។

ឥឡូវនេះ អ្នកបានចំណាយពេលសញ្ជឹងគិត សូមកត់ត្រាគំនិតមួយចំនួនរបស់អ្នកដោយឆ្លើយតបនឹងសំណួរខាងក្រោមនេះ ។ សូមរួមបញ្ចូលព័ត៌មានលម្អិតដ៏មានអត្ថន័យនៅក្នុងការឆ្លើយតបរបស់អ្នក ហើយរួមបញ្ចូលវគ្គបទគម្ពីរដែលមានឥទ្ធិពលលើអ្នកអំពីពលិកម្មរបស់ព្រះយេស៊ូវគ្រីស្ទ ។

ប្រធាន អិម រ័សុល បាឡឺដ ដែលជាប្រធានស្តីទីនៅក្នុងកូរ៉ុមនៃពួកសាវកដប់ពីរនាក់បានបង្រៀន ៖

ដោយអំណរគុណ ដែលព្រះយេស៊ូវគ្រីស្ទបានបំពេញពលិកម្មដោយភាពអង់អាចក្លាហាននៅក្នុងទីក្រុងយេរូសាឡិមកាលពីបុរាណ ។… ព្រះយេស៊ូវបានស្ម័គ្រព្រះទ័យរងទុក្ខដើម្បីឲ្យយើងទាំងអស់គ្នាអាចមានឱកាសលាងសម្អាត—តាមរយៈការមានសេចក្ដីជំនឿទៅលើទ្រង់ ការប្រែចិត្តពីអំពើបាបរបស់យើង ទទួលបុណ្យជ្រមុជទឹកដោយសិទ្ធិអំណាចបព្វជិតភាពដែលត្រឹមត្រូវការទទួលបានអំណោយទានធ្វើឲ្យបរិសុទ្ធនៃព្រះវិញ្ញាណបរិសុទ្ធដោយការបញ្ជាក់ និង ការទទួលយកពិធីបរិសុទ្ធដ៏ចាំបាច់ផ្សេងៗទៀត ។ បើគ្មានដង្វាយធួននៃព្រះអម្ចាស់ទេ នោះពរជ័យទាំងនេះក៏មិនមានសម្រាប់យើងដែរ ហើយយើងក៏មិនអាចមានភាពស័ក្តិសម និងត្រៀមខ្លួនត្រឡប់ទៅរស់នៅក្នុងវត្តមាននៃព្រះវិញបានដែរ ។

( អិម. រ័សុល បាឡឺត « The Atonement and the Value of One Soul » Liahona ខែ ឧសភា ឆ្នាំ ២០០៤ ទំព័រ ៨៥ )

ការចែកចាយដំណឹងល្អរបស់ព្រះយេស៊ូវគ្រីស្ទ

ឥឡូវនេះ អ្នកបានសញ្ជឹងគិតពីសារៈសំខាន់នៃពលិកម្មដ៏ធួនរបស់ព្រះយេស៊ូវគ្រីស្ទ សូមអានសេចក្តីថ្លែងការណ៍ខាងក្រោមដោយប្រធាន រ័សុលអិម ណិលសុន ។

ពាក្យ ដំណឹងល្អ មានន័យថា « សេចក្ដីល្អដែលត្រូវដឹង » ។ ដំណឹងល្អនោះគឺព្រះអម្ចាស់យេស៊ូវគ្រីស្ទ និងសារលិខិតនៃសេចក្តីសង្គ្រោះរបស់ទ្រង់ ។ ព្រះយេស៊ូវបានប្រៀបធៀបដំណឹងល្អទៅនឹងបេសកកម្មរបស់ទ្រង់ និងការបម្រើក្នុងព្រះជន្មរមែងស្លាប់របស់ទ្រង់ ។

( រ័សុល អិម ណិលសុន « Senior Missionaries and the Gospel » Liahona ខែ វិច្ឆិកា ឆ្នាំ ២០០៤ ទំព័រ ៨១ )