លូកា ២៤:១–១២, ៣៦

ព្រះគម្ពីរសញ្ញាថ្មី សៀវភៅសិក្សាសម្រាប់សិស្សថ្នាក់សិក្ខាសាលា ( ២០២៣ )

មាតិកា
សេចក្តីផ្តើមអំពីព្រះគម្ពីរសញ្ញាថ្មី សៀវភៅសិក្សាសម្រាប់សិស្សថ្នាក់សិក្ខាសាលា
ឯកសារណែនាំ
ម៉ាថាយ ១; លូកា ១
ទិដ្ឋភាពទូទៅនៃ ម៉ាថាយ ២; លូកា ២
យ៉ូហាន ១
ម៉ាថាយ ៣; ម៉ាកុស ១; លូកា ៣
ម៉ាថាយ ៤; លូកា ៤–៥
យ៉ូហាន ២–៤
ម៉ាថាយ ៥; លូកា ៦
ម៉ាថាយ ៦–៧
ម៉ាថាយ ៨; ម៉ាកុស ២–៤; លូកា ៧
ម៉ាថាយ ៩–១០; ម៉ាកុស ៥; លូកា ៩
ម៉ាថាយ ១១–១២; លូកា ១១
ម៉ាថាយ ១៣; លូកា ៨; ១៣
ម៉ាថាយ ១៤; ម៉ាកុស ៦; យ៉ូហាន ៥–៦
ម៉ាថាយ ១៥–១៧; ម៉ាកុស ៧–៩
ម៉ាថាយ ១៨; លូកា ១០
យ៉ូហាន ៧–១០
លូកា ១២–១៧, យ៉ូហាន ១១
ម៉ាថាយ ១៩–២០; ម៉ាកុស ១០; លូកា ១៨
ម៉ាថាយ ២១–២៣; ម៉ាកុស ១១; លូកា ១៩–២០; យ៉ូហាន ១២
យ៉ូសែប ស្ម៊ីធ—ម៉ាថាយ ១; ម៉ាថាយ ២៥; ម៉ាកុស ១២–១៣; លូកា ២១
ម៉ាថាយ ២៦; ម៉ាកុស ១៤; យ៉ូហាន ១៣
យ៉ូហាន ១៤–១៧
លូកា ២២; យ៉ូហាន ១៨
ម៉ាថាយ ២៧; ម៉ាកុស ១៥; លូកា ២៣; យ៉ូហាន ១៩
ម៉ាថាយ ២៨; ម៉ាកុស ១៦; លូកា ២៤; យ៉ូហាន ២០–២១
កិច្ចការ ១–៥
កិច្ចការ ៦–៩
កិច្ចការ ១០–១៥
កិច្ចការ ១៦–២១
កិច្ចការ ២២–២៨
រ៉ូម ១–៦
រ៉ូម ៧–១៦
កូរិនថូស ទី១ ១–៧
កូរិនថូស ទី១ ៨–១៣
កូរិនថូស ទី១ ១៤–១៦
កូរិនថូស ទី២ ១–៧
កូរិនថូស ទី២ ៨–១៣
កាឡាទី
អេភេសូរ
ភីលីព; កូល៉ុស
ថែស្សាឡូនីច ទី១–២
ធីម៉ូថេ ទី១–២, ទីតុស, ភីលេម៉ូន
ហេព្រើរ ១–៦
ហេព្រើរ ៧–១៣
យ៉ាកុប
ពេត្រុស ទី១–២
យ៉ូហាន ទី១–៣; យូដាស
វិវរណៈ ១–៥
វិវរណៈ ៦–១៤
វិវរណៈ ១៥–២២

លូកា ២៤:១–១២, ៣៦–៤៨

ដំណើរមានព្រះជន្មរស់ឡើងវិញរបស់ព្រះយេស៊ូវគ្រីស្ទ

ផ្នូរដែលគ្មានព្រះសពរបស់ព្រះយេស៊ូវគ្រីស្ទ - នៅឯហ្គូស្សេន យូថាហ៍

បន្ទាប់ពីការបញ្ចុះសពរបស់ព្រះអង្គសង្គ្រោះ សិស្សដ៏ស្មោះត្រង់បាននាំគ្រឿងទេសទៅផ្នូរ ។ ជំនួសឲ្យការរកឃើញព្រះសពរបស់ព្រះអង្គសង្គ្រោះ ពួកគេបានរកឃើញផ្នូរដែលគ្មានព្រះសពទៅវិញ ។ ទេវតាបានប្រកាសថា ព្រះអម្ចាស់បានមានព្រះជន្មរស់ឡើងវិញហើយ ។ ក្រោយមកនៅល្ងាចនោះ ពេលពួកសិស្សមកជុំគ្នា ទ្រង់បានបង្ហាញព្រះកាយដល់ពួកគេ ហើយបង្ហាញព្រះកាយដែលបានរស់ឡើងវិញរបស់ទ្រង់ ។ មេរៀននេះអាចជួយអ្នកឲ្យបង្កើនការយល់ដឹងរបស់អ្នកអំពីការមានព្រះជន្មរស់ឡើងវិញរបស់ព្រះអង្គសង្គ្រោះ និងរបៀបដែលវាមានឥទ្ធិពលលើជីវិតរបស់អ្នក ។

ដំណើរមានព្រះជន្មរស់ឡើងវិញរបស់ព្រះយេស៊ូវគ្រីស្ទ

សូមពិនិត្យមើលរូបភាពនៃផ្នូរដែលគ្មានព្រះសពរបស់ព្រះយេស៊ូវគ្រីស្ទ ដែលមាននៅដើមមេរៀននេះ ហើយសញ្ជឹងគិតពីចម្លើយរបស់អ្នកចំពោះសំណួរខាងក្រោមនេះ ។

តើរូបភាពនេះមានអត្ថន័យយ៉ាងណាដែរចំពោះអ្នក ?

សូមសរសេរនៅលើក្រដាសមួយសន្លឹកដោយប្រើប៊ិច ឬខ្មៅដៃ ។

បន្ទាប់ពីព្រះយេស៊ូវគ្រីស្ទបានស្ម័គ្រព្រះទ័យថ្វាយព្រះជន្មទ្រង់លើឈើឆ្កាង ព្រះសពទ្រង់ត្រូវបានគេយកចុះ ហើយរុំដោយក្រណាត់ទេសឯកស្អាត ហើយដាក់ក្នុងផ្នូរ ។ បន្ទាប់ពីថ្ងៃឈប់សម្រាក ម៉ារា អ្នកស្រុកម៉ាក់ដាឡា និងស្ត្រីស្មោះត្រង់ពីរបីនាក់ទៀតបានត្រឡប់ទៅផ្នូរវិញនៅពេលព្រឹកព្រលឹម ( សូមមើល លូកា ២៤:១០; យ៉ូហាន ២០:១១–១៨ ) ។

សូមអាន លូកា ២៤:១–១២ ដោយរកមើលអ្វីដែលពួកគេបានរកឃើញ និងបានរៀន ពេលនៅឯផ្នូររបស់ព្រះអង្គសង្គ្រោះ ។

តើអ្នកគិតថាពួកសិស្សកំពុងគិត និងមានអារម្មណ៍យ៉ាងណាបន្ទាប់ពីអ្វីដែលពួកគេបានឃើញ និងឮ ?

ភ្លាមៗបន្ទាប់ពីបទពិសោធន៍នេះ ព្រះយេស៊ូវគ្រីស្ទបានបង្ហាញព្រះកាយដល់សិស្សពីរនាក់នៅតាមផ្លូវទៅអេម៉ោស ( សូមមើល លូកា ២៤:១៣–៣២ ) ។ ពួកគេបានត្រឡប់ទៅក្រុងយេរូសាឡិមវិញ ដើម្បីចែកចាយបទពិសោធន៍របស់ពួកគេជាមួយនឹងពួកសាវក ( សូមមើល លូកា ២៤:៣៣–៣៥ ) ។

សូមអាន លូកា ២៤:៣៦–៤៨ដោយរកមើលអ្វីដែលបានកើតឡើង នៅពេលដែលពួកសិស្សរបស់ព្រះយេស៊ូវបានប្រមូលផ្តុំគ្នាពិភាក្សាអំពីការបង្ហាញព្រះកាយរបស់ព្រះអង្គសង្គ្រោះដែលបានមានព្រះជន្មរស់ឡើងវិញ ។

អ្នកក៏អាចពិចារណាមើលវីដេអូ « The Risen Lord Appears to the Apostles » ( ២:១៩ ) ដែលមាននៅលើគេហទំព័រ ChurchofJesusChrist.org ។

The Risen Lord Appears to the Apostles
The resurrected Christ appears to the Apostles and tells them, “Peace be unto you.” They touch His hands and feet and He eats with them. He tells them He will send them as His Father sent Him. Luke 24:36–41, 44–49; John 20:21

លូកា២៤:៣៦–៣៩ គឺជាវគ្គបទគម្ពីរចំណេះចំណានខាងគោលលទ្ធិ ។ សូមពិចារណាគូសចំណាំវគ្គបទគម្ពីរចំណេះចំណានខាងគោលលទ្ធិតាមវិធីដែលងាយសម្គាល់ ដូច្នេះអ្នកអាចរកឃើញវាដោយងាយស្រួល ។ អ្នកនឹងរៀនបន្ថែមអំពីវគ្គចំណេះចំណានខាងគោលលទ្ធិនេះនៅក្នុងមេរៀនក្រោយ ។

តើអ្វីដែលលេចធ្លោចំពោះអ្នកនៅក្នុងខគម្ពីរទាំងនេះ ចេញពីព្រះបន្ទូលរបស់ព្រះអង្គសង្គ្រោះទៅកាន់សិស្សរបស់ទ្រង់ ?

ហេតុអ្វីបានជាអ្នកគិតថា ពាក្យដំបូងមួយចំនួនដែលព្រះអង្គសង្គ្រោះបានមានបន្ទូលទៅពួកគេគឺ « សូមឲ្យអ្នករាល់គ្នាបានប្រកបដោយសេចក្តីសុខសាន្តចុះ » ? ( លូកា ២៤:៣៦ ) ។
តើអ្នករៀនអ្វីខ្លះពីខគម្ពីរទាំងនេះអំពីនរណាជាព្រះអង្គសង្គ្រោះ និងអ្វីដែលទ្រង់ចង់ឲ្យសិស្សរបស់ទ្រង់យល់ ?

ការបង្កើនការយល់ដឹងរបស់អ្នកអំពីការមានព្រះជន្មរស់ឡើងវិញរបស់ព្រះអង្គសង្គ្រោះ

សេចក្តីពិតមួយដែលយើងរៀនពីខគម្ពីរទាំងនេះគឺថា ព្រះយេស៊ូវគ្រីស្ទមានព្រះកាយរស់ឡើងវិញជាសាច់ និងឆ្អឹង ។

តើការមានព្រះជន្មរស់ឡើងវិញមានន័យដូចម្តេច ?

ដំណើររស់ឡើងវិញ « ដែលជាការរួបរួមជាថ្មីនូវរូបកាយខាងវិញ្ញាណទៅនឹងរូបកាយខាងសាច់ឈាម ដែលមានសាច់ និងឆ្អឹង បន្ទាប់ពីបានស្លាប់ទៅហើយ » គឺអាចធ្វើទៅបានសម្រាប់យើងម្នាក់ៗ ដោយសារព្រះយេស៊ូវគ្រីស្ទ ( សេចក្តីណែនាំដល់បទគម្ពីរទាំងឡាយ « រស់ឡើងវិញ ដំណើររស់ឡើងវិញ » នៅលើគេហទំព័រ scriptures.ChurchofJesusChrist.org ) ។ ដោយសារដង្វាយធួន និងការមានព្រះជន្មឡើងវិញរបស់ទ្រង់ ព្រះអង្គសង្គ្រោះបានធ្វើឲ្យយើងអាចរស់នៅ និងប្រែក្លាយដូចជាទ្រង់បាន ។

សូមសញ្ជឹងគិតអំពីសំណួរទាំងឡាយដែលអ្នកមានអំពីការមានព្រះជន្មរស់ឡើងវិញរបស់ព្រះអង្គសង្គ្រោះ និងអត្ថន័យរបស់វានៅក្នុងជីវិតរបស់អ្នក ។ សំណួរមួយចំនួនដែលអ្នកប្រហែលជាមានអំពីគោលលទ្ធិនៃការមានព្រះជន្មរស់ឡើងវិញរបស់ព្រះអង្គសង្គ្រោះត្រូវបានរៀបរាប់ដូចខាងក្រោមនេះ ។ សូមសរសេរសំណួរខាងក្រោមទាំងនេះដាក់នៅក្នុងសៀវភៅកំណត់ហេតុការសិក្សារបស់អ្នក ។

ហេតុអ្វីបានជាវាសំខាន់ថាព្រះយេស៊ូវគ្រីស្ទមានព្រះកាយជាសាច់ និងឆ្អឹង ?
តើអ្វីជាសារៈសំខាន់នៃការមានព្រះជន្មរស់ឡើងវិញរបស់ព្រះអង្គសង្គ្រោះនៅក្នុងជីវិតរបស់ខ្ញុំ ?

របៀបមួយដើម្បីស្វែងរកចម្លើយចំពោះសំណួររបស់យើងគឺដោយការស្វែងរកអ្វីដែលព្យាការី និងសាវករបស់ព្រះអម្ចាស់បានបង្រៀន ។ ខាងក្រោមនេះគឺជាការបង្រៀនមួយចំនួនមកពី អែលឌើរ ឌីថត គ្រីស្តូហ្វឺសិន ក្នុងកូរ៉ុមនៃពួកសាវកដប់ពីរនាក់ ។ នៅពេលអ្នកសិក្សាពាក្យពេចន៍ទាំងនេះ សូមរកមើលចម្លើយចំពោះសំណួរមួយចំនួនរបស់អ្នក ។ សូមពិចារណាផងដែរអំពីការស្វែងរកពាក្យពេចន៍បន្ថែមនានាមកពីអ្នកបម្រើដែលបានតែងតាំងរបស់ព្រះអម្ចាស់ ដែលអាចជួយអ្នកបាន ។

ការរស់ឡើងវិញនៃព្រះយេស៊ូវគ្រីស្ទ
ឌី ថត គ្រីស្តូហ្វឺសិន ចែកចាយនូវសាក្សីខាងវិញ្ញាណជាច្រើនស្ដីពីការរស់ឡើងវិញនៃព្រះយេស៊ូវគ្រីស្ទ ក៏ដូចជាទីបន្ទាល់ផ្ទាល់របស់លោកផងដែរ ។

សូមគិតបន្តិចពីអត្ថន័យពិតនៃដំណើររស់ឡើងវិញក្នុងការដោះស្រាយនៅទីបញ្ចប់ពីអត្តសញ្ញាណពិតរបស់ព្រះយេស៊ូវនៃណាសារ៉ែត និងការប្រឆាំងខាងចិត្តវិទ្យា និងសំណួរនៃជីវិត ។ បើព្រះយេស៊ូវពិតជាមានព្រះជន្មរស់ឡើងវិញមែន វាចាំបាច់ត្រូវជឿថា ទ្រង់ជាសភាវៈអាទិទេព ។ គ្មានមនុស្សលោកណាម្នាក់មានអំណាចដោយខ្លួនឯងដើម្បីមានជីវិតម្ដងទៀត ក្រោយពីការស្លាប់នោះឡើយ ។ ដោយសារទ្រង់បានមានព្រះជន្មរស់ឡើងវិញ នោះព្រះយេស៊ូវមិនមែនត្រឹមតែជាជាងឈើ គ្រូបង្រៀន គ្រូគង្វាល ឬព្យាការីម្នាក់នោះទេ ។ ដោយសារទ្រង់បានមានព្រះជន្មរស់ឡើងវិញ នោះព្រះយេស៊ូវត្រូវតែជាព្រះមួយអង្គ គឺព្រះរាជបុត្រាតែមួយគត់របស់ព្រះវរបិតា ។

ហេតុដូច្នេះហើយ អ្វីដែលទ្រង់បង្រៀនគឺពិត ព្រះពុំកុហកឡើយ ។

ហេតុដូច្នេះហើយ ទ្រង់ជាព្រះបង្កបង្កើតផែនដី ដូចទ្រង់បានមានបន្ទូលហើយ ។

ហេតុដូច្នេះហើយ ស្ថានសួគ៌ និងស្ថាននរកមានពិតមែន ដូចទ្រង់បានត្រាស់បង្រៀនហើយ ។

ហេតុដូច្នេះហើយ មានពិភពវិញ្ញាណដែលទ្រង់បានយាងទៅបន្ទាប់ពីការសុគត ។

ហេតុដូច្នេះហើយ ទ្រង់នឹងយាងមកម្ដងទៀតដូចដែលទេវតាបានមានបន្ទូល ហើយ « សោយរាជ្យនៅលើផែនដីផ្ទាល់ » [ មាត្រានៃសេចក្ដីជំនឿ ១:១០ ] ។

ហេតុដូច្នេះហើយ មានដំណើររស់ឡើងវិញ និង ការជំនុំជម្រះចុងក្រោយដល់មនុស្សទាំងពួង ។

( ឌី ថត គ្រីស្តូហ្វឺសិន « The Resurrection of Jesus Christ » Liahona ខែ ឧសភា ឆ្នាំ ២០១៤ ទំព័រ ១១៣ )

ប្រសិនបើពេលវេលាអនុញ្ញាត សូមពិចារណាមើលវីដេអូ « He Lives—Celebrate Easter Because Jesus Christ Lives » ( ២:២៦ ) កាលអ្នករៀបចំឆ្លើយសំណួរដូចខាងក្រោម ។ វីដេអូនេះមាននៅ ChurchofJesusChrist.org

He Lives Again and So Will You
Because of the Resurrection, Jesus Christ lives. Because of Him, you can overcome sin and experience everlasting joy. Learn more about how you can discover, embrace, and share the joy of the Resurrection at helives.mormon.org.

ជម្រើស ៖ តើចង់រៀនសូត្របន្ថែមទៀតដែរឬទេ ?

ហេតុអ្វីបានជាដំណើររស់ឡើងវិញរបស់ព្រះយេស៊ូវគ្រីស្ទមានសារៈសំខាន់ចំពោះខ្ញុំ ?

នៅក្នុងសុន្ទរកថារបស់លោក « What Has Our Savior Done for Us? » ប្រធាន ដាល្លិន អេក អូក ក្នុងគណៈប្រធានទីមួយបានបង្រៀនពីរបៀបដែលការមានព្រះជន្មរស់ឡើងវិញរបស់ព្រះអង្គសង្គ្រោះមានឥទ្ធិពលយ៉ាងណាលើយើងម្នាក់ៗ ( Liahona ខែ ឧសភា ឆ្នាំ ២០២១ ទំព័រ ៧៥–៧៧ ) ។