Doktrinal nga Kahanas: Mga Taga-Efeso 2:19–20
Ang Simbahan Gitukod Diha ni Jesukristo ug sa Iyang Apostoles ug Mga Propeta
Sa imong pagtuon sa Mga Taga-Efeso 2, imong nakat-onan nga ang Simbahan ni Jesukristo gitukod sa pundasyon sa apostoles ug mga propeta ug nga si Jesukristo mao ang ulohang bato sa pamag-ang. Kini nga leksiyon gituyo aron madugangan ang imong kahanas niini nga mga pagtulun-an diha sa imong pagsag-ulo sa pakisayran ug mahinungdanong hugpong sa pulong sa kasulatan alang sa Mga Taga-Efeso 2:19–20, mapasabot ang doktrina, ug magamit ang doktrina ug ang mga baroganan sa pag-angkon og espirituhanong kahibalo diha sa tinuod nga sitwasyon sa kinabuhi.
Isag-ulo ug ipasabot
Aron matabangan kamo nga masag-ulo kini nga pakisayran sa doktrinal nga kahanas ug sa mahinungdanong hugpong sa pulong sa kasulatan, isulat ang mosunod sa labing menos tulo ka higayon diha sa imong journal sa pagtuon: “Mga Taga-Efeso 2:19-20. Ang Simbahan ‘gitukod ibabaw sa patukoranan nga mao ang mga apostoles ug mga propeta, nga niini si Jesukristo mao ang ulohang bato sa pamag-ang.’”
Mahimo nimong isulat ang hugpong sa pulong sa paagi nga kini makahulagway niini nga kamatuoran. Pananglitan, mahimo kang magdrowing og usa ka rektanggulo palibot sa hugpong sa pulong aron pagsimbolo sa usa ka pundasyon ug pagdrowing og usa ka simbahan sa ibabaw niini. O, kon nagdrowing ka og usa ka ehemplo niini nga pundasyon sa miaging leksiyon, mahimo nimong isulat ang mahinungdanong hugpong sa pulong diha o duol niana nga drowing.
1. Aron matabangan ka sa pagpasabot unsa ang imong nahibaloan mahitungod sa mga propeta ug apostoles, buhata ang mosunod nga kalihokan diha sa imong journal sa pagtuon.
-
Basaha ang Mga Taga-Efeso 2:19–20, ug pamalandongi ang mensahe nga naglangkob niini.
-
Paghunahuna og usa ka pangutana nga lagmit anaa sa usa ka tawo mahitungod sa mga propeta ug apostoles nga ang Mga Taga-Efeso 2:19–20 mahimong makatabang pagtubag. Pipila ka mga pananglit mamahimong “Nganong ang inyong simbahan adunay mga propeta ug apostoles?” “Unsa ang gitudlo sa mga kasulatan mahitungod sa mga propeta ug apostoles?” o “Unsa ang relasyon taliwala sa Manluluwas ug mga propeta ug apostoles?” Isulat ang imong pangutana.
-
Gamit ang Mga Taga-Efeso 2:19–20, isulat unsa ang imong masulti agig tubag sa maong pangutana.
Pagbansay sa paggamit
Ang mosunod nga kalihokan makatabang kanimo nga marebyo ang mga baroganan sa pag-angkon og espirituhanong kahibalo. Ipares ang kapahayag diha sa tukma nga baroganan sa pag-angkon og espirituhanong kahibalo. Kon gikinahanglan, gamita ang mga parapo 5–12 sa “Pag-angkon og Espirituhanong Kahibalo” nga bahin sa Mahinungdanon nga Dokumento sa Doktrinal nga Kahanas (2022) aron makatabang kanimo.
|
|
|
|
|
|
Handurawa nga ang imong suod nga higalang si Estelle mibati og pakigsumpaki. Aduna siyay pagpamatuod sa mga propeta ug apostoles, apan misupak siya sa usa ka kasamtangang pagtulun-an sa Simbahan. Sa pagkatinuod, aduna siyay lig-on nga pagbati batok niini. Nangayo siya nimo og tabang aron masayod unsay buhaton. Niana nga higayona wala ka masayod unsay isulti, apan midesisyon ka nga mosunod sa mga baroganan sa pag-angkon og espirituhanong kahibalo nga imong gigamit sa seminary aron pagpangandam sa pagtabang sa imong higala.
Gamita ang mosunod nga tsart aron pamalandongan ang imong kaugalingong mga hunahuna ug mga pagbati mahitungod sa mga propeta ug apostoles ug sa unsang paagi nimo mahimong matabangan si Estelle.
Sa unsang paagi ako nakakat-on og pagsalig ug pagsunod sa apostoles ug mga propeta? |
Sa unsa kaha nga paagi ako makatabang sa akong higala? |
---|---|
Sa unsang paagi ako nakakat-on og pagsalig ug pagsunod sa apostoles ug mga propeta? Unsa nga mga kasinatian ang akong naangkon dihang milihok ako sa hugot nga pagtuo kang Jesukristo aron mosunod sa Iyang apostoles ug mga propeta? Unsang kasinatian ang mahimong makatabang nga ipakigbahin kang Estelle? | Sa unsa kaha nga paagi ako makatabang sa akong higala? Unsang mga pangutana ang mahimo nakong ipangutana kang Estelle aron matabangan siya nga ikonsiderar kon sa unsang paagi siya gustong palihokon nga may hugot nga pagtuo sa Ginoo? |
Sa unsang paagi ako nakakat-on og pagsalig ug pagsunod sa apostoles ug mga propeta? Unsa ang nahibaloan na nako mahitungod sa Langitnong Amahan, Iyang plano, ug giunsa Niya pakigsulti sa Iyang mga anak nga mahimong makatabang ni Estelle niini nga sitwasyon? | Sa unsa kaha nga paagi ako makatabang sa akong higala? Unsa nga mga pangutana ang akong ikapangutana ni Estelle aron matabangan siya nga makita ang iyang kabalaka uban sa mahangtorong panglantaw? |
Sa unsang paagi ako nakakat-on og pagsalig ug pagsunod sa apostoles ug mga propeta? Unsa nga balaanong gitudlo nga mga tinubdan ang nakatabang kanako nga mosalig sa apostoles ug mga propeta? Sa unsang paagi sila nakatabang kanako? | Sa unsa kaha nga paagi ako makatabang sa akong higala? Unsang balaanong gitudlo nga mga tinubdan ang akong irekomendar kang Estelle aron iyang dangpan? |
2. Buhata ang mosunod diha sa inyong journal sa pagtuon:
Isulat unsa kaha ang dagan sa inyong pagsultihanay ni Estelle o idrowing kini sa usa ka komik istrip nga adunay mga istik nga porma. Seguroha nga mahimong magmatinud-anon sa unsa ang imong isulti ug sa unsa nga paagi sa imong hunahuna kalagmitan motubag si Estelle.