Seminare
Atamai i Aoaoga Faavae: Efeso 2:19–20

Atamai i Aoaoga Faavae: Efeso 2:19–20

Ua Faavae le Ekalesia ia Iesu Keriso ma Ana Aposetolo ma Perofeta

O uso uma o le Au Peresitene Sili ma le Korama a Aposetolo e Toasefululua o loo nonofo pe tutu faatasi ma le Faatagata o Keriso ma faatagata o le Uluai Toasefululua i le Nofoaga Autu mo Tagata Asiasi i Roma, Italia. Luma mai le Agavale agai i le Taumatau: Dieter F. Uchtdorf, Jeffrey R. Holland, M. Russell Ballard, Dallin H. Oaks, Russell M. Nelson, Henry B. Eyring, David A. Bednar, Quentin L. Cook, D. Todd Christofferson, Gary E. Stevenson, Ronald A. Rasband, Neil L. Andersen, Dale G. Renlund, Gerrit W. Gong, Ulisses Soares

I lau suesuega o le Efeso 2, ua e aoao ai o le Ekalesia a Iesu Keriso ua fausia i luga o se faavae o le au aposetolo ma perofeta ma o Iesu Keriso o le maatulimanu autu. O lenei lesona ua fuafuaina e faateleina ai lou malamalama i nei aoaoga a o e taulotoina le mau faasino ma fasifuaitau autu o le mau mo le Ephesians 2:19–20, faamatala le aoaoga faavae, ma faaaoga aoaoga faavae ma mataupu faavae o le mauaina o le malamalama faaleagaga i se tulaga masani o le olaga.

Tauloto ma faamatala

Atatosi o se falelotu.

Ina ia fesoasoani ia te oe e tauloto lenei mau faasino o le atamai i aoaoga faavae ma le fasifuaitau autu o le mau, tusi mea nei ia le itiiti ifo ma le faatolu i lau api talaaga mo suesuega: “Efeso 2:19–20. O le Ekalesia ua ‘atiina ae i luga o le faavae o aposetolo ma perofeta, o Iesu Keriso lava ia o le maatulimanu autu.’”

E mafai ona e tusia le fasifuaitau i se auala e faapupula mai ai foi lenei upumoni. Mo se faataitaiga, e mafai ona e tusia se pusa faatafafa laumiumi i le fasifuaitau e faatusa i se faavae ma tusi ai se ata o se falelotu i ona luga. Pe, afai na e tusia se faataitaiga o lenei faavae mo le lesona talu ai, e mafai ona e tusia le fasifuaitau autu i luga po o tafatafa o lena ata.

Tusitusi i luga o se fasipepa i se peni po o se penitala. 1. Ina ia fesoasoani ia te oe e faamalamalama mea ua e iloa e uiga i perofeta ma aposetolo, fai le gaoioiga lenei i lau api talaaga mo suesuega.

  1. Faitau le Efeso 2:19–20, ma mafaufau loloto i le savali o loo i ai.

  2. Mafaufau i se fesili atonu o i ai a se tasi e uiga i perofeta ma aposetolo e mafai ona fesoasoani le Efeso 2:19–20 e tali. O nisi faataitaiga atonu o le “Aisea e i ai ai perofeta ma aposetolo a la outou ekalesia?” “O le a se mea o aoao mai e tusitusiga paia e uiga i perofeta ma aposetolo?” po o le “O le a le sootaga i le va o le Faaola ma perofeta ma aposetolo?” Tusi i lalo lau fesili.

  3. I le faaaogaina o le Efeso 2:19–20, tusi le mea o le a e fai atu e tali ai le fesili.

Faataitai le faaaogaina

O le gaoioiga lenei e mafai ona fesoasoani ia te oe e toe faamanatu ai mataupu faavae o le mauaina o le malamalama faaleagaga. Faafetaui faamatalaga taitasi ma le mataupu faavae talafeagai o le mauaina o le malamalama faaleagaga.  Afai e manaomia, faaaoga parakalafa 5–12 i le vaega “Mauaina o le Malamalama Faaleagaga” o le Pepa Autu o le Atamai i Aoaoga Faavae (2022) e fesoasoani ia te oe.  

  1. O tagata e saili ma le faamaoni i le upumoni e tatau ona faaeteete i punavai o faamatalaga e le faatuatuaina.

  1. Faatino i le faatuatua.

  1. Ao tatou faamaoni i le upumoni ma le malamalama ua uma ona tatou maua, o le a tele upumoni ma le malamalama tatou te maua.

  1. Iloilo manatu faavae ma fesili faatasi ai ma se vaaiga e faavavau.

  1. Ao tatou tumau mausali i lo tatou talitonu i lo tatou Tama Faalelagi ma Lana fuafuaga o le faaolataga, e mafai ona tatou iloa manino ai popolega.

  1. Saili le malamalama atili e ala i punavai faalelagi ua atofaina.

Manatu e faapea ua maua e lau uo mamae o Estelle se lagona feteenai. E i ai sana molimau e uiga i perofeta ma aposetolo, ae e tetee o ia i se aoaoga o i ai nei a le Ekalesia. O le mea moni, e malolosi ona lagona tetee i ai. Ua ia fesili atu ia te oe mo se fesoasoani ia iloa le mea e fai. I lena taimi e te le o iloa se tala e fai atu, ae ua e filifili e mulimuli i mataupu faavae o le mauaina o le malamalama faaleagaga sa e faaaogaina i le seminare e sauniuni ai e fesoasoani i lau uo.

Faaaoga le siata lenei e toe manatunatu ai i ou lava mafaufauga ma lagona e uiga i perofeta ma aposetolo ma pe mafai faapefea ona e fesoasoani ia Estelle.

Na faapefea ona ou aoao e faalagolago ma mulimuli i aposetolo ma perofeta?

E mafai faapefea ona ou fesoasoani i la’u uo?

Na faapefea ona ou aoao e faalagolago ma mulimuli i aposetolo ma perofeta?

O a ni aafiaga na ou maua ina ua ou faatinoina le faatuatua ia Iesu Keriso e mulimuli i Ana aposetolo ma perofeta? O le fea o aafiaga e ono fesoasoani e faasoa atu ai ia Estelle?

E mafai faapefea ona ou fesoasoani i la’u uo?

O a fesili e mafai ona ou fai atu ia Estelle e fesoasoani ai ia te ia e mafaufau i le ala atonu o finagalo ai le Alii ia te ia e faatino i le faatuatua?

Na faapefea ona ou aoao e faalagolago ma mulimuli i aposetolo ma perofeta?

O le a se mea ua uma ona ou iloa e uiga i le Tama Faalelagi, Lana fuafuaga, ma le ala Na te feutagai ai ma Lana fanau e ono fesoasoani ia Estelle i lenei tulaga?

E mafai faapefea ona ou fesoasoani i la’u uo?

O a ni fesili e mafai ona ou fai atu ia Estelle e fesoasoani ai ia te ia ia vaai i lona atugaluga ma se vaaiga e faavavau?

Na faapefea ona ou aoao e faalagolago ma mulimuli i aposetolo ma perofeta?

O a punavai ua filifilia faalelagi ua fesoasoani ia te au e faalagolago ai i aposetolo ma perofeta? Na faapefea ona latou fesoasoani ia te au?

E mafai faapefea ona ou fesoasoani i la’u uo?

O a punavai ua filifilia faalelagi o le a ou fautuaina Estelle e liliu atu iai?

Tusitusi i luga o se fasipepa i se peni po o se penitala. 2. Fai mea nei i lau api talaaga mo suesuega:

Tusi i lalo pe o le a sou manatu pe o le a faapefea ona faagasolo lau talanoaga ma Estelle pe tusi i se ata komi puupuu ma ni ata o tagata faafasilaau. Ia mautinoa e fai i se tulaga e peiseai o se mea moni mea o le a e fai atu ai ma le auala e te manatu e ono tali ane ai Estelle.