Seminare
Efeso 6:10–24

Efeso 6:10–24

“Ia Oofu Outou i Ofutau Atoatoa mai le Atua”

O se alii talavou o loo ofu i le ofutau i le vaitau o le Feagaiga Fou ma se pelu ma se talita.

Ua tatou i ai i se taua mo agaga o tagata. Na musuia e le Tama Faalelagi ia Paulo e aoao atu e uiga i le ala e mafai ai ona tatou sao mai i osofaiga a Satani. O lenei lesona ua faamoemoe e fesoasoani ia te oe e malamalama ai i mea ua saunia e le Atua e puipuia ai oe mai mea leaga o le lalolagi, iloilo au tapenapenaga faaleagaga o i ai nei, ma fai se fuafuaga e faaleleia atili ai au puipuiga faaleagaga.

E soona saua Satani e ala i ana togafiti.

  • O le a sou manatu o a ni eseesega sili i le va o mea o loo e oo i ai i lou talavou ma mea na oo i ai ou matua a o pei o oe?

Faitau le saunoaga lenei a Elder Robert D. Hales (1932–2017) o le Korama a Aposetolo e Toasefululua, ma vaavaai mo se eseesega e tasi na ia faamamafaina:

O le ata aloaia o Elder Robert D. Hales o le Korama o Aposetolo e Toasefululua, 2003

Sa lei feagai tou tuaa ma o latou tuaa ma faaosoosoga o loo feagai ma oe i aso faifaipea. O loo tou ola i aso e gata ai. Afai na manao lou tamā e aafia i se faafitauli, sa tatau ona alu o ia e saili lena mea. E le o toe faapena! O aso nei, ua maua oe e le faaosoosoga! Faamolemole ia manatua lena mea! O loo manao Satani ia ona maua outou, ma o loo “taoto mai le agasala i le faitotoa” [Mose 5:23]. O le a faapefea ona e tetee atu i ana togafiti sauā?

(Robert D. Hales, “Tutu Malolosi i Nofoaga Paia,” Liahona, Me 2013, 48–49)

  • O a ni auala ua maua ai i tatou e faaosoosoga i aso nei nai lo o le tatou tau su’ea?

Mafaufau loloto i fesili nei, pe tusi au tali i lau api talaaga mo suesuega.

  • O a nisi o auala o loo taumafai Satani e faaosooso patino ai oe?

  • O a ni mea o e faia e saili ai le fesoasoani a le Alii e tetee atu ai i faaosoosoga a Satani? O a ni mea ua lelei ona e faia? O a ni mea e manaomia ona e faia e faaleleia atili ai?

A o e suesue ai i lenei lesona, saili le taitaiga a le Agaga Paia e fesoasoani ia te oe ia iloa ai pe mafai faapefea ona e sailia ma maua atoatoa atili le puipuiga a le Faaola i lou olaga mai osofaiga a Satani.

O le puipuiga a le Alii

Faitau le Efeso 6:10–13, ma vaavaai po o a mea na fai mai Paulo sa faasagatau i ai le Au Paia i ona aso.

  • O a ni mea o e vaaia e tutusa ai i le va o mea sa faasagatau i ai le Au Paia i Efeso i o latou taimi ma mea o loo tatou faasagatau i ai i le taimi nei?

  • Aisea o le a finagalo ai le Tama Faalelagi ma Iesu Keriso ina ia puipuia i tatou mai le leaga? O le a se mea ua aoao mai e lenei naunautaiga ia i tatou e uiga ia i Laua?

  • O le a le mea na valaaulia e Paulo tagata Efeso e fai ina ia mafai ai ona tetee atu i nei mea leaga?

Mai le Efeso 6:10–13, ua tatou aoao ai afai tatou te oofu i le ofutau atoatoa mai le Atua, o le a mafai ona tatou tetee atu i mea leaga.

O le ofutau o le Atua o se faatusa po o se faailoga mo le puipuiga ua ofoina mai e le Tama Faalelagi ma Iesu Keriso ia i tatou. I le taua o loo feagai ma i tatou, o le ofutau o le Atua ua mamanuina faapitoa mo oe ma tulaga matautia i lou olaga. Ina ia fesoasoani ia e malamalama i lenei puipuiga faalelagi, atonu e te manao e kopi le ata lenei i lau api talaaga mo suesuega pe lolomi foi. Tusi i luga o le ata au tali i le gaoioiga lenei:

O se suti o le ofutau ma se talita o se fitafita anamua e faatusa i le Ofutau o le Atua. O loo i ai le anotusi e faamalamalama ai elemene eseese o le ofutau. E faavae i le Mataupu Faavae ma Feagaiga 27: 15-18. “15 O le mea lea, ia sii a’e o outou loto ma le manava, ma fusi i o outou sulugatiti, ma ave i o outou luga lo’u pouliuli atoa, ina ia mafai ona outou tetee atu i le aso leaga, ina ua uma ona outou faia o mea uma, ina ia mafai ona outou talitulai. 16 O lea, ia tutulai solo o outou sulugatiti i le upumoni, ua i ai i luga o le ufifatafata o le amiotonu, ma see atu o outou vae i le sauniuniga o le talalelei o le filemu, lea na Ou auina atu a’u agelu e tuu atu ia te outou; 17 Ma ave le talita o le faatuatua lea o le a mafai ai ona outou tinā o ufanafana mu uma a e amioleaga; 18 Ma ave le pulou o le olataga, ma le pelu a lo’u Agaga, lea o le a Ou sasaa atu i o outou luga, ma la’u upu ou te faaali atu ia te outou, ma ia au faatasi ma le pa’i atu i mea uma o soo se mea tou te ole mai ai ia te a’u, ma faamaoni seia Ou alu atu, ma o le a segia a’e outou i luga, i le mea o le a outou i ai foi. Amene.”

Faitau le Efeso 6:14–18 e faailoa ai vaega taitasi o le ofutau o le Atua, pe matamata le “The Armor of God” (2:01), o loo maua i le ChurchofJesusChrist.org. Tusi mea e faatusa i ai vaega taitasi o le ofutau i luga o lau ata. Atonu e fesoasoani le iloa o le “seevae” (Efeso 6:15) e faasino i le ofuina o se ufiufi mo le puipuia o vae.

2:1

The Armor of God

Saints should put on the whole armor of God. Ephesians 6:11–17

Faaloloto lou malamalama i vaega o le ofutau o le Atua e ala i le faia o le gaoioiga lenei.

Tusitusi i luga o se fasipepa i se peni po o se penitala. 1. Tali fesili nei i se tasi o vaega o le ofutau o Keriso. Afai e te manaomia se fesoasoani, o loo tuuina atu se faataitaiga i lalo mo “sulugatiti ua fusia i le upumoni” (Efeso 6:14). Faamolemole filifili se tasi o isi vaega o le ofutau mo lenei gaoioiga.

  1. O le a le manatu faaleagaga na faatatau i ai e Paulo lenei vaega o le ofutau?

  2. O le a se mea e mafai ona faatusa faaleagaga i ai le itutino o loo puipuia e le ofutau?

  3. E faapefea ona tatou ofuina lenei vaega o le ofutau a le Alii e maua ai Lana puipuiga mai le leaga?

Mo “sulugatiti ua fusia i le upumoni” (Efeso 6:14), o mea nei e mafai ona avea ma tali i fesili o i luga: (1) upumoni; (2) e faatusa i lo tatou ola mama po o le mama a’ia’i; ma le (3) e mafai ona tatou aoaoina upumoni e uiga i le Tama Faalelagi ma Lana fuafuaga o le faaolataga lea e mafai ona faaosofia ai i tatou ia tumau i le ola mama a’ia’i.

O le ofuina o le ofutau atoa o le Faaola

Sa faamamafa mai e Paulo ma le Faaola le ofuina o le ofutau atoatoa mai le Atua (tagai i le Efeso 6:11, 13; Mataupu Faavae ma Feagaiga 27:15).

Tusitusi i luga o se fasipepa i se peni po o se penitala. 2. Tali fesili nei i totonu o lau api talaaga mo suesuega:

  • O a ni tulaga lamatia o e vaaia i le ofuina na o se vaega o le ofutau o le Alii? Aisea e te manatu ai e finagalo le Tama Faalelagi ma Iesu Keriso ia puipuia atoa oe?

  • O le a se mea o le a e faia i aso taitasi e ofu atoatoa atili ai le ofutau atoa o le Atua e puipuia ai mai faaosoosoga o tou fetaiai?

  • E faapefea ona avea le liliu atu i le Tama Faalelagi ma Iesu Keriso mo se fesoasoani i lenei auala, o se faaalia o lou alofa ma le faalagolago ia i Laua?

Tuu i le faitalia: O e Manao e Aoao Atili?

O le a le taua o itutino o loo puipuia e le ofutau o le Faaola?

Na ta’ua e Peresitene Harold B. Lee (1899–1973):

Atatosi o le ao ma tauau o le Peresitene o le Ekalesia o le AAG o Harold B. Lee.

O loo ia i tatou vaega e fa o le tino lea na fai mai le Aposetolo o Paulo [e] sili ona i ai i se tulaga lamatia i mana o le pouliuli. O sulugatiti, e faatusa i le mama, ola mama. O le fatu e faatusa i a tatou amio. O o tatou vae, o a tatou sini po o faamoemoega i le olaga ma le mulimuli o o tatou ulu, o o tatou mafaufauga.

(Harold B. Lee, “Feet Shod with the Preparation of the Gospel of Peace,” Brigham Young University Speeches of the Year [Nov. 9, 1955], 2)

O le a se mea e mafai ona ou faia e ofu ai le ofutau atoatoa o le Atua?

Na aoao mai Elder Neal A. Maxwell (1926–2004) o le Korama a Aposetolo e Toasefululua:

Ata aloaia mulimuli o Elder Neal A. Maxwell, 1992.

O le toina ese o le tagata natura e mafai ai ona ofu le ofutau atoatoa mai le Atua, lea na semanu e le ofi atoatoa i le taimi muamua! (tagai i le Efeso 6:11, 13).

(Neal A. Maxwell, “Plow in Hope,” Ensign, Me 2001, 60)

Na aoao mai Peresitene M. Russell Ballard o le Korama a Aposetolo e Toasefululua:

O le ata aloaia o Peresitene M. Russell Ballard o le Korama o Aposetolo e Toasefululua, 2004.

Ou te fiafia e mafaufau o lenei ofutau faaleagaga e le o se fasi uamea ua mamanuina ina ia ofi lelei i le tino ae o se ofutau filifili uamea e soosoo faatasi. O filifili uamea e soosoo faatasi e aofia ai ni fasi uamea itiiti se tele e faamau faatasi ina ia mafai e le tagata o faaaogaina ona fetuutuunai e aunoa ma le aveesea o le puipuiga. Ua ou fai atu lena faamatalaga aua mai o’u aafiaga, e leai se mea e sili atu po o se mea maoae se tasi e mafai ona tatou faia e faaauupegaina ai i tatou lava faaleagaga. O le mana moni faaleagaga o loo taoto i faatinoga laiti e tele ua milo faatasi i se ie o le malosiaga faaleagaga e puipuia ma ufitia ai mai i mea leaga uma.

(M. Russell Ballard, “Be Strong in the Lord,” Ensign, Iulai 2004, 8)

E faapefea ona faatatau ofusa o le malumalu i le ofutau o le Atua?

Na faamalamalama mai e Elder Carlos E. Asay (1926–99) o le Au Peresitene o Fitugafulu:

Atatosi o Carlos E. Asay

Peitai, o loo i ai se isi vaega o le ofutau e agavaa mo lo tatou iloiloina. O laei faapitoa ia ua lauiloa o le ofusa o le malumalu, po o le ofusa o le perisitua paia, e ofuina e tagata O Le Ekalesia a Iesu Keriso o le Au Paia o Aso e Gata Ai o e ua maua o latou faaeega paia o le malumalu. O lenei ofusa, e ofuina i le ao ma le po, ua i ai ni faamoemoega taua se tolu: o se faamanatu o feagaiga paia na osia ma le Alii i Lona maota paia, o se ufiufi o le puipuiga mo le tino, ma o se faatusa o le tauagafau o laei ma le ola e tatau ona faauigaina ai olaga o soo lotomaualalo uma o Keriso.

(Carlos E. Asay, “The Temple Garment: ‘An Outward Expression of an Inward Commitment,’” Ensign, Aok. 1997, 20)