Doctrinal Mastery: Efeso 2:19–20

Ang Simbahan ay Itinayo kay Jesucristo at sa Kanyang mga Apostol at Propeta

Sa iyong pag-aaral ng Efeso 2, natutuhan mo na ang Simbahan ni Jesucristo ay itinayo sa saligan ng mga apostol at propeta at si Jesucristo ang pangulong batong panulok. Layunin ng lesson na ito na tulungan kang madagdagan ang iyong kaalaman tungkol sa mga turong ito habang isinasaulo mo ang reperensya at mahalagang parirala ng banal na kasulatan para sa Efeso 2:19–20, ipinapaliwanag ang doktrina, at ipinamumuhay ang doktrina at mga alituntunin ng pagtatamo ng espirituwal na kaalaman sa sitwasyon sa tunay na buhay.

Isaulo at ipaliwanag

Upang tulungan kang maisaulo ang doctrinal mastery reference na ito at ang mahalagang parirala ng banal na kasulatan, isulat ang sumusunod nang kahit tatlong beses sa iyong study journal: “Efeso 2:19–20. Ang Simbahan ay ‘itinayo sa saligang inilagay ng mga apostol at ng mga propeta, na si Cristo Jesus ang batong panulok.’”

Maaari mong isulat ang parirala sa paraang naglalarawan din ng katotohanang ito. Halimbawa, maaari kang magdrowing ng parihaba sa paligid ng parirala upang sumimbulo sa saligan at magdrowing ng isang simbahan sa itaas nito. O, kung nagdrowing ka ng halimbawa ng pundasyong ito para sa nakaraang lesson, maaari mong isulat ang mahalagang parirala sa mismong drowing o malapit sa drowing na iyon.

1. Upang matulungan kang ipaliwanag ang nalalaman mo tungkol sa mga propeta at apostol, gawin ang sumusunod na aktibidad sa iyong study journal.

1. Basahin ang Efeso 2:19–20, at pagnilayan ang mensaheng nilalaman nito.

2. Mag-isip ng isang tanong na maaaring mayroon ang isang tao tungkol sa mga propeta at apostol na maaaring makatulong ang Efeso 2:19–20 sa pagsagot. Ang ilang halimbawa ay maaaring “Bakit may mga propeta at apostol ang simbahan ninyo?” “Ano ang itinuturo ng mga banal na kasulatan tungkol sa mga propeta at apostol?” o “Ano ang kaugnayan ng Tagapagligtas at ng mga propeta at apostol?” Isulat ang tanong mo.

3. Gamit ang Efeso 2:19–20, isulat ang sasabihin mo upang sagutin ang tanong.

Pagsasanay ng pagsasabuhay

Matutulungan ka ng sumusunod na aktibidad na rebyuhin ang mga alituntunin ng pagtatamo ng espirituwal na kaalaman. Itugma ang bawat pahayag sa naaangkop na alituntunin ng pagtatamo ng espirituwal na kaalaman. Kung kinakailangan, rebyuhin ang talata 5–12 sa bahaging “Pagtatamo ng Espirituwal na Kaalaman” ng Doctrinal Mastery Core Document (2022) upang matulungan ka.  

Ang matatapat na naghahanap ng katotohanan ay dapat mag-ingat sa di-mapagkakatiwalaang sources ng impormasyon.	Kumilos nang may pananampalataya.
Kapag tayo ay tapat sa katotohanan at liwanag na natanggap na natin, mas marami pa tayong matatanggap.	Suriin ang mga konsepto at tanong nang may walang-hanggang pananaw.
Kapag nananatili tayong nakaangkla sa ating tiwala sa ating Ama sa Langit at sa Kanyang plano ng kaligtasan, mas malinaw nating nakikita ang mga problema.	Hangaring mas makaunawa sa pamamagitan ng sources na itinalaga ng Diyos.

Ipagpalagay na nalilito ang matalik mong kaibigang si Estelle. May patotoo siya tungkol sa mga propeta at apostol, ngunit sinasalungat niya ang isang kasalukuyang itinuturo ng Simbahan. Sa katunayan, matindi niyang sinasalungat ito. Humingi siya ng tulong sa iyo upang malaman kung ano ang gagawin. Sa sandaling iyon hindi mo alam kung ano ang sasabihin, ngunit nagpasya kang sundin ang mga alituntunin ng pagtatamo ng espirituwal na kaalaman na ginamit mo sa seminary upang maghandang tulungan ang iyong kaibigan.

Gamitin ang sumusunod na chart upang pagnilayan ang sarili mong mga pananaw at nadarama tungkol sa mga propeta at apostol at kung paano mo matutulungan si Estelle.

Paano ako natutong magtiwala at sumunod sa mga apostol at propeta?	Paano ko matutulungan ang kaibigan ko?
Paano ako natutong magtiwala at sumunod sa mga apostol at propeta? Ano ang mga naranasan ko nang kumilos ako nang may pananampalataya kay Jesucristo upang sundin ang Kanyang mga apostol at propeta? Aling karanasan ang maaaring makatulong na ibahagi kay Estelle?	Paano ko matutulungan ang kaibigan ko? Ano ang mga itatanong ko kay Estelle upang tulungan siyang pag-isipan kung paano nais ng Panginoon na kumilos siya nang may pananampalataya?
Paano ako natutong magtiwala at sumunod sa mga apostol at propeta? Ano ang nalalaman ko na tungkol sa Ama sa Langit, sa Kanyang plano, at kung paano Siya nakikitungo sa Kanyang mga anak na makatutulong kay Estelle sa sitwasyong ito?	Paano ko matutulungan ang kaibigan ko? Ano ang maaari kong itanong kay Estelle upang matulungan siyang makita ang kanyang alalahanin nang may walang-hanggang pananaw?
Paano ako natutong magtiwala at sumunod sa mga apostol at propeta? Anong sources na itinalaga ng Diyos ang nakatulong sa akin na magtiwala sa mga apostol at propeta? Paano nakatulong sa akin ang mga ito?	Paano ko matutulungan ang kaibigan ko? Anong sources na itinalaga ng Diyos ang irerekomenda kong basahin at pag-aralan ni Estelle?

2. Gawin sa iyong study journal ang sumusunod:

Isulat kung ano sa palagay mo ang magiging pag-uusap ninyo ni Estelle o idrowing ito sa isang comic strip na may mga stick figure. Tiyaking makatotohanan ang sasabihin mo at kung ano sa palagay mo ang itutugon ni Estelle.