Doctrinal Mastery: Mga Hebreo 12:9

Ang Ama sa Langit ay “Ama ng mga Espiritu”

Sa iyong pag-aaral ng Mga Hebreo 12:9, nalaman mo ang tungkol sa kaugnayan mo sa Diyos, na “Ama ng mga espiritu,” at kung paano ito makakaimpluwensya sa iyong buhay. Ang lesson na ito ay makatutulong sa iyo na maisaulo ang doctrinal mastery reference at ang mahalagang parirala ng banal na kasulatan para sa Mga Hebreo 12:9, maipaliwanag ang doktrina, at maipamuhay ang mga alituntunin ng pagtatamo ng espirituwal na kaalaman sa mga sitwasyon sa totoong buhay.

Ipaliwanag at isaulo

Sa nakaraang lesson, nalaman mo na ang Diyos ay Ama ng ating mga espiritu. Ipagpalagay na kausap mo ang isang kaibigan na nagtatanong kung sino siya. Gamitin ang Mga Hebreo 12:9 upang matulungan siya. Habang sinasagot mo ang kanyang mga tanong o tumutugon sa kanyang mga alalahanin, maaari mong isama ang mga sumusunod:

• Ano ang ibig sabihin ng tayo ay mga anak ng Diyos at bakit mahalagang malaman ito

• Paano makakaapekto sa ating identidad at pagpapahalaga sa sarili ang pag-unawa o hindi pag-unawa sa katotohanang ito

• Mga paraan na sinusubukan ng mundo na impluwensyahan ang ating kaalaman tungkol sa kung sino tayo at ang ating kaugnayan sa Diyos, at kung bakit gusto nating madaig ang mga impluwensyang ito

Sa iyong study journal, isulat ang unang letra ng bawat salita sa scripture passage na Mga Hebreo 12:9 at ang mahalagang parirala nito na “Ang Ama sa Langit ay ‘Ama ng mga espiritu.’” Ulitin ang scripture passage at parirala, gamit lang ang mga unang letra ng bawat salita bilang clue. Bilangin kung ilang beses mong inulit ito bago mo naisaulo ito.

Pagsasanay para sa pagsasabuhay

Upang matulungan kang rebyuhin ang tatlong alituntunin ng pagtatamo ng espirituwal na kaalaman, isaalang-alang ang sumusunod na mahahalagang salita:

• Pananampalataya

• Pananaw

• Mga Source

1. Gawin ang sumusunod sa iyong study journal:

Sagutin ang mga sumusunod na tanong. Kung kinakailangan, maaari kang sumangguni sa talata 5–12 ng bahaging “Pagtatamo ng Espirituwal na Kaalaman” ng Doctrinal Mastery Core Document (2022).

• Paano nauugnay sa tatlong alituntunin ng pagtatamo ng espirituwal na kaalaman ang bawat isa sa mga salitang ito?

• Bakit mahalagang maunawaan at maipamuhay ang mga alituntuning ito?

2. Gumawa ng sitwasyon upang makapagsanay na gamitin ang mga alituntunin ng pagtatamo ng espirituwal na kaalaman sa pamamagitan ng pagkumpleto sa sumusunod na prompt sa iyong study journal.

Si (pangalan) ay isang kabataan na (sitwasyon o pagtatalo). Naipadarama nito sa kanya . Tungkol sa kanyang ugnayan sa Diyos, iniisip niya .

Halimbawa, maaaring ganito ang kalabasan ng isang nakumpletong sitwasyon:

Si Leslie ay isang kabataan na mahusay sa maraming extracurricular activity at isang lider ng kanyang mga kaklase. Dahil dito, nadarama niya na masaya siya. Tungkol sa kanyang ugnayan sa Diyos, iniisip niya na maayos na ang buhay niya kaya hindi niya talaga nakikita ang pangangailangang magtuon nang lubos sa Kanya.

3. Gamit ang sitwasyong ginawa mo, sagutin sa iyong study journal ang kahit isang tanong mula sa bawat isa sa mga sumusunod na bahagi.

Suriin ang mga konsepto at tanong nang may walang-hanggang pananaw

• Sa iyong palagay, paano makikita ng Ama sa Langit ang taong ito? Bakit mahalagang malaman ng taong ito kung paano siya nakikita ng Ama sa Langit?

• Paano makakaimpluwensya sa tao sa sitwasyong ito ang mas malinaw na pag-unawa tungkol sa kanyang banal na identidad bilang anak ng Diyos?

Hangaring mas makaunawa sa pamamagitan ng sources na itinalaga ng Diyos

• Ano ang natutuhan mo mula sa iyong pag-aaral ng Mga Hebreo 12:9 na makatutulong sa sitwasyong ito?

• Ano ang iba pang mga source na maaaring pag-aralan nang mag-isa ng tao sa iyong sitwasyon upang makahanap ng karagdagang kaalaman?

Kumilos nang may pananampalataya

• Anong mga karanasan, personal man o hindi, ang naiisip mo kapag inisip mo ang pagkilos nang may pananampalataya? Paano mo magagamit ang mga ito upang matulungan ang tao sa iyong sitwasyon?

• Ano ang imumungkahi mo sa tao sa iyong sitwasyon upang matulungan siyang kumilos nang may pananampalataya?