Վարդապետության սերտման կրկնություն 12

Գտեք և նշեք. Ա Կորնթացիս 6.19-20-ից մինչև Հայտնություն 20.12-ը

Վարդապետության սերտման նպատակներից մեկն է օգնել ձեզ գտնել և նշել սուրբ գրությունների հղումները և սուրբ գրությունների հիմնական արտահայտությունները վարդապետության սերտման սուրբ գրությունների հատվածների համար: Այս դասը ձեզ հնարավորություն կտա գտնել և նշել վարդապետության սերտման սուրբ գրությունների 13 հատվածները, որոնք գտնվում են Նոր Կտակարանի երկրորդ կեսում:

Սուրբ գրությունների հղումները և սուրբ գրությունների հիմնական արտահայտությունները

Պատկերացրեք, որ ձեր ընկերը տեսնում է, որ դուք ուսումնասիրում եք սուրբ գրությունները և այնտեղ նշումներ եք կատարում: Տեսնելով նշումներով մի էջ նա հարցնում է ձեզ, թե դուք ինչու եք նշումներ կատարում սուրբ գրություններում:

• Ինչպե՞ս կպատասխանեք ձեր ընկերոջը։

Սուրբ գրություններում նշումներ կատարելը հատվածներն իրարից տարբերելու լավ միջոց է, որը ձեզ կօգնի դրանք ավելի հեշտ գտնել ապագայում: Այս դասի ընթացքում դուք հնարավորություն կունենաք գտնել և նշել վարդապետության սերտման 13 հատվածները, որոնք գտնվում են Նոր Կտակարանի երկրորդ կեսում: Այս նպատակով կարող եք պատճենել հետևյալ աղյուսակը ձեր օրագրում:

Նոր Կտակարանի վարդապետության սերտում. Ա Կորնթացիս-Հայտնություն

Ա Կորնթացիս 6.19–20	«Ձեր մարմինները Սուրբ Հոգու տաճար են»:
Ա Կորնթացիս 11․11	«Բայց դարձեալ ոչ կինն առանց մարդի, եւ ոչ մարդն առանց կնկայ, Տէրումը»:
Ա Կորնթացիս 15.20–22	«Քանզի ինչպես Ադամով ամենը մեռնում են, այնպես էլ Քրիստոսով ամենը կենդանանում են»:
Ա Կորնթացիս 15.40–42	Հարության ժամանակ կան փառքի երեք աստիճաններ։
Եփեսացիս 1․10	«ժամանակների լրութեան տնտեսութեան համար, որ ամեն բան բովանդակուի Քրիստոսումը»:
Եփեսացիս 2.19-20	Եկեղեցին «առաքեալների և մարգարէների հիմքի վերայ է շինուած. որի անկիւնի գլուխը Յիսուս Քրիստոսն է»:
Բ Թեսաղոնիկեցիս 2.1–3	«Քրիստոսի օրը չի գայ …եթէ առաջ չգայ ապստամբությունը»:
Բ Տիմոթեոս 3.15–17	«Սուրբ գրությունները … կարող են քեզ իմաստուն անել փրկության համար»։
Եբրայեցիս 12.9	Երկնային Հայրը «հոգիների Հայրն է»։
Հակոբոս 1.5–6	«Եթե մեկը ձեզանից իմաստութեան պակասություն ունի, թող խնդրէ Աստուածանից»:
Հակոբոս 2.17–18	«Հաւատքը, եթէ գործ չ’ունենայ, ըստ ինքեան մեռած է»։
Ա Պետրոս 4.6	«Ավետարանը մեռելներին էլ [քարոզվեց]»։
Հայտնություն 20.12	«Մեռելները դատվեցան … իրանց գործերի համեմատ»:

Կրկնեք վարդապետության սերտման այս 13 հատվածներն ու հիմնական արտահայտությունները և նշեք դրանք ձեր սուրբ գրություններում:

1. Ընտրեք վարդապետության սերտման այս հատվածներից այն երեքը, որոնք, ձեր կարծիքով, կօգնեն ձեզ ավելի մոտենալ Երկնային Հորն ու Հիսուս Քրիստոսին: Կարդացեք այդ հատվածները և բացատրեք հետևյալը.

• Այս հատվածն ի՞նչ է ուսուցանում Երկնային Հոր կամ Հիսուս Քրիստոսի մասին:

• Այս հատվածի ո՞ր ճշմարտություններն են կարևոր են ձեզ համար և ինչո՞ւ:

Հաջորդ մի քանի օրվա ընթացքում անգիր սովորեք այս աղյուսակում գտնվող հղումներից և հիմնական արտահայտություններից մի քանիսը: Մտածեք, թե այս հատվածների իմացությունն ինչպես կարող է օրհնել ձեր և ձեր ծանոթների կյանքը: