Գործք Առաքելոց 2

Լցված Սուրբ Հոգով

Իր մահվանից առաջ Հիսուսն ասաց Իր առաքյալներին, որ երբ Ինքը գնա, Հայրը կուղարկի «Մխիթարիչին, ով Սուրբ Հոգին է» (Հովհաննես 14.26): Ինչպես խոստացված էր` Սուրբ Հոգին հրաշքով եկավ Տասներկու Առաքյալների մոտ Պենտեկոստեի օրը: Այս դասի նպատակն է օգնել ձեզ ավելի լավ հասկանալ, թե Սուրբ Հոգին ինչպես կարող է օրհնել ձեզ և օգնել ձեզ սովորել, թե ինչպես այդ օրհնությունները ձեր կյանք հրավիրել:

Մեծացնենք մեր կարողությունները

Ըստ մեկից յոթ սանդղակի որոշեք, թե որքանով եք համաձայն հետևյալ հայտարարությանը և գրեք ձեր պատասխանը ձեր օրագրում. Ես վստահ եմ, որ կարող եմ հասկանալ, թե երբ եմ զգում Սուրբ Հոգու ներկայությունն իմ կյանքում:

• Ի՞նչ հարցեր ունեք Սուրբ Հոգու մասին:

Ձեր օրագրում գրեք «Ինչպես կարող է Սուրբ Հոգին օգնել ինձ» վերնագիրը: Պատրաստ եղեք դասի ընթացքում ձեր ցուցակին նոր կետեր ավելացնել:

Այս դասն այսօր ուսումնասիրելիս դուք կտեսնեք, թե Սուրբ Հոգին ինչպես է գործում մարդկանց կյանքում: Մտածեք, թե դուք ինչ կարող եք սովորել այս օրինակներից այն մասին, թե Սուբր Հոգին ինչպես է գործում ձեր կյանքում: Այս օրինակներից բխող ճշմարտություններից մեկն այն է, որ Սուրբ Հոգու միջոցով Երկնային Հայրն օգնում է մեզ գալ Հիսուս Քրիստոսի մոտ:

Սուրբ Հոգին հեղվում է Պենտեկոստեի օրը

Իր մահվանից առաջ Հիսուսն ուսուցանեց Իր աշակերտներին, որ երբ Հիսուսը լքի երկիրը, Երկնային Հայրը նրանց Սուրբ Հոգուն կուղարկի: Նա վկայեց, որ Սուրբ Հոգին կսփոփի և կուղեկցի նրանց, ինչպես նաև կվկայի Իր մասին (տես Հովհաննես 14.16, 26, 15.26).

Պենտեկոստեն հրեական տոն է, որը տեղի է ունենում Զատիկից 50 օր հետո: Հարևան երկրներում բնակվող հրեաները գալիս էին Երուսաղեմ տարվա առաջին բերքահավաքը տոնելու (տես Սուրբ գրքերի ուղեցույց, «Պենտեկոստե», scriptures.ChurchofJesusChrist.org): Կարդացեք Գործք Առաքելոց 2.1-8-ը՝ փնտրելով, թե Փրկչի խոստումը, որ առաքյալները կստանան Սուրբ Հոգին, ինչպես է կատարվել այդ օրը: (Հատված 3-ում հիշատակված «ինչպէս կրակից բաժանուած լեզուները» վերաբերում է Սուրբ Հոգու տեսանելի ներկայությանը):

Հատվածներ 4-8-ում Առաքյալները ստացան լեզուների պարգևը՝ Սուրբ Հոգու պարգևը, որը ոգեշնչված մարդկանց թույլ էր տալիս խոսել անծանոթ լեզուներով, ինչպես նաև հասկանալ կամ թարգմանել դրանք (Սուրբ գրքերի ուղեցույց, «Լեզուների պարգև», scriptures.ChurchofJesusChrist.org)։

• Սուրբ Հոգին ինչպե՞ս է օրհնել աշակերտներին և այն մարդկանց, ովքեր լսում էին նրանց:

• Ձեր կարծիքով, լեզուների պարգևն ինչպե՞ս մեծացրեց Առաքյալների կարողությունը՝ օգնել ուրիշներին գալ Քրիստոսի մոտ:

• Մեր օրերում մենք ինչպե՞ս կարող ենք ստանալ այս պարգևը:

Կարող եք ուսումնասիրված հատվածներից գաղափարներ ավելացնել օրագրում ստեղծված ցուցակին:

Պետրոսը վկայում է Հիսուս Քրիստոսի մասին

Մենք կարող ենք տեսնել մեկ այլ միջոց, որով Սուրբ Հոգին կարող է օգնել մեզ, եթե ուշադրություն դարձնենք, թե ինչպիսի քաջությամբ էր Պետրոսն ուսուցանում և վկայում:

Նկատի ունենալով, որ Գործք Առաքելոց 2-ում նկարագրված իրադարձությունները տեղի էին ունեցել Հիսուսի խաչելությունից հետո, կարդացեք Գործք Առաքելոց 2.22-24, 32-33,36 և փնտրեք, թե այս հանգամանքներում Սուրբ Հոգին ինչպես օգնեց Պետրոսին քաջությամբ քարոզել Հիսուս Քրիստոսի մասին: (Sես նաև Գործք Առաքելոց 3.12-20:)

• Դուք ի՞նչ տեսաք։

• Այդ պատմությունից ի՞նչ եք սովորում այն մասին, թե Աստված ինչպես կարող է օգնել ձեզ։ (Տես նաև Գործք Առաքելոց 1.8, 4.31:)

Ավելացրեք ձեր մտքերը օրագրում ստեղծված ցուցակին:

Պետրոսի ուսմունքների ազդեցությունն ուրիշների վրա

Սուրբ Հոգին ազդեցություն է ունեցել այն մարդկանց վրա, ովքեր լսել էին Պետրոսի ուսմունքները Հիսուս Քրիստոսի մասին: Կարդացեք Գործք Առաքելոց 2.37-38,41 հատվածները՝ փնտրելով, թե Սուրբ Հոգին ինչպես է օգնել այդ մարդկանց: Զղջացին բառը հատված 37-ում նշանակում է վիշտ կամ զղջում առաջ բերել և հուշում է, որ մարդիկ ցանկանում էին փոխվել:

• Ի՞նչն ամենաշատը տպավորեց ձեզ այս հատվածներում։

• «Սրտերումը զղջալն» ինչպե՞ս է օգնել այդ մարդկանց ավելի մոտենալ Հիսուս Քրիստոսին (հատված 37):

Պետրոսի ուսուցանած մարդկանց հետ կատարվածը համեմատեք այն խոստման հետ, որ Աստված տվել էր Իր ծառաներին Վարդապետություն և Ուխտեր 100.5-8-ում:

• Որո՞նք են Սուրբ Հոգու կողմից ոգեշնչված այն փոփոխությունները, որոնք կարող են մեզ օգնել ավելի մոտենալ Հիսուս Քրիստոսին:

Ձեր օրագրի ցուցակին կարող եք ավելացնել Գործք Առաքելոց 2.37-38, 41 հատվածներից ստացած ձեր գաղափարները:

Խորհեք ձեր սովորածի շուրջ

1. Կրկնեք ձեր օրագրի ցուցակը այն մասին, թե Սուրբ Հոգին ինչ եղանակներով կարող է օգնել ձեզ: Այնուհետև ձեր օրագրում պատասխանեք հետևյալ հարցերին.

• Սուրբ Հոգուց ստացած օրհնություններից ո՞րն է ձեզ ամենից շատ տպավորել:

• Ինչո՞ւ է Սուրբ Հոգին կարևոր Հիսուս Քրիստոսի մոտ գալու և ուրիշներին բերելու գործում:

• Ի՞նչ քայլեր կարող եք ձեռնարկել՝ Սուրբ Հոգու օրհնությունները լիարժեք վայելելու համար:

Ընտրովի. ցանկանո՞ւմ եք ավելին իմանալ

Ինչպե՞ս է Սուրբ Հոգին օգնել մեզ ավելի շատ մոտենալ Երկնային Հորը և Հիսուս Քրիստոսին

Առաջին Նախագահությունից նախագահ Դալլին Հ. Օուքսն ուսուցանել է.

Սուրբ Հոգու առաքելությունն է՝ վկայել Հոր և Որդու մասին (տես Հովհաննես 15.26, 2 Նեփի 31.18, 3 Նեփի 28.11), առաջնորդել մեզ դեպի ճշմարտություն (տես Հովհաննես 14.26, 16.13) և ցույց տալ մեզ այն ամենը, ինչ պետք է անենք (տես 2 Նեփի 32.5): Երկնային Հոր հետ Նրա Սուրբ Հոգու միջոցով հաղորդակցման անձնական այս ուղին մեր վկայության աղբյուրն է՝ ճշմարտության, մեր գիտելիքի և սիրող Երկնային Հոր կողմից մեր անձնական առաջնորդության մասին: Դա Նրա զարմանահրաշ ավետարանի ծրագրի կարևոր առանձնահատկությունն է, որը թույլ է տալիս Նրա զավակներից յուրաքանչյուրին անձնական վկայություն ստանալ դրա ճշմարտության մասին:

(Դալլին Հ․ Օուքս, «Հաղորդակցման երկու ուղիները», Լիահոնա, նոյեմբեր 2010, 83)

Տասներկու Առաքյալների Քվորումից նախագահ Մ. Ռասսել Բալլարդը վկայել է.

Երբ անհատները … զգում են, որ Հոգին աշխատում է իրենց հետ կամ, երբ տեսնում են Տիրոջ սիրո և գթասրտության ապացույցներն իրենց կյանքում, նրանք հոգեպես շենանում և ուժեղանում են, և նրանց հավատը Տիրոջ հանդեպ մեծանում է։

(Մ. Ռասսել Բալլարդ, «Այժմ է ժամանակը», Ensign, նոյեմբեր 2000, 75)

Ինչպե՞ս ես զգում Սուրբ Հոգին և ինչպե՞ս եք հրավիրում Նրան

«Զգացեք Սուրբ Հոգին» տեսանյութում (3:17) օրինակներ են բերվում, թե մարդիկ ինչպես են զգում Սուրբ Հոգին: Այս տեսանյութը հասանելի է ChurchofJesusChrist.org կայքում:

Feeling the Holy Ghost

Feelings of the Holy Spirit can be likened to hope, joy and peace in your heart and mind.

«Հրավիրեք Սուրբ Հոգուն» տեսանյութում (2:56), որը գտնվում է ChurchofJesusChrist.org կայքում, օրինակներ են բերվում, թե ինչպես հրավիրել Սուրբ Հոգուն։

Having the Holy Ghost

You can invite the Holy Spirit into your life through prayer, scripture study and being obedient to God’s commandments.