ការរំឭកចំណេះចំណានខាងគោលលទ្ធិ ទី ១៦
ទន្ទេញសេចក្ដីយោង និងឃ្លាបទគម្ពីរគន្លឹះ
ការចងវគ្គបទគម្ពីរ និងអ្វីដែលបានបង្រៀននៅក្នុងវគ្គបទគម្ពីរ អាចជួយដល់អ្នកតាមវិធីជាច្រើន ។ មេរៀននេះមានគោលបំណងជួយអ្នកឲ្យទន្ទេញសេចក្ដីយោងបទគម្ពីរចំណេះចំណានខាងគោលលទ្ធិនៃព្រះគម្ពីរសញ្ញាថ្មី និងឃ្លាបទគម្ពីរគន្លឹះមួយចំនួន ។
-
ហេតុអ្វីបានជាអ្នកអាចចាំរឿងមួយចំនួនដូចតទៅនេះ ៖ ទំនុកចម្រៀង កាលវិភាគ ឬហេតុការណ៍អំពីកីឡាករ ឬអ្នកសម្ដែង ?
-
តើមានឧទាហរណ៍អំពីរឿងផ្សេងទៀតណាខ្លះដែលអ្នកចាំ ? តើហេតុអ្វីអ្នកត្រូវទន្ទេញវាឲ្យចាំ ?
-
តើមានហេតុផលអ្វីខ្លះដើម្បីទន្ទេញបទគម្ពីរ ?
សូមអានសេចក្តីថ្លែងការណ៍ខាងក្រោមដោយអែលឌើរ រីឆាដ ជី ស្កត ( ឆ្នាំ ១៩២៨–ឆ្នាំ ២០១៥ ) ក្នុងកូរ៉ុមនៃពួកសាវកដប់ពីរនាក់ ឬមើលវីដេអូ « He Lives » ដែលមាននៅលើគេហទំព័រ ChurchofJesusChrist.orgចាប់ពី នាទីទី ៥:២៧ ដល់នាទីទី ៦:០៥ ។ សូមរកមើលយ៉ាងហោចណាស់ពរជ័យចំនួនបី នៃការទន្ទេញបទគម្ពីរអាចផ្តល់ពរជ័យដល់យើងបាន ។
He Lives
He [Jesus Christ] has given His life that even in our weakness, we may overcome our mistakes through repentance and obedience to His gospel.
ខ្ញុំស្នើឲ្យអ្នកទន្ទេញខគម្ពីរដែលប៉ះដល់ដួងចិត្តរបស់អ្នក ហើយបំពេញព្រលឹងអ្នកដោយការយល់ដឹង ។ នៅពេលព្រះគម្ពីរត្រូវបានប្រើ ដូចដែលព្រះអម្ចាស់បានបណ្ដាលឲ្យព្រះគម្ពីរត្រូវបានកត់ត្រា នោះព្រះគម្ពីរមានអំណាចខាងក្នុងដែលមិនអាចទាក់ទងគ្នាបាន នៅពេលដែលព្រះគម្ពីរបានបកស្រាយខុសពីអត្ថន័យដើមនោះ ។ ពេលខ្លះនៅពេលដែលមានតម្រូវការសំខាន់ក្នុងជីវិតខ្ញុំ ខ្ញុំនឹកចាំដល់បទគម្ពីរក្នុងចិត្ត ដែលបានផ្ដល់កម្លាំងដល់ខ្ញុំ ។ មានការលួងលោម ការណែនាំ និងអំណាចដ៏អស្ចារ្យដែលហូរចេញពីព្រះគម្ពីរ ជាពិសេសព្រះបន្ទូលរបស់ព្រះអម្ចាស់ ។
( រីឆាដ ជី ស្កត « He Lives » Ensign ខែ វិច្ឆិកា ឆ្នាំ ១៩៩៩ ទំព័រ ៨៧–៨៨ )
-
តើមានពរជ័យអ្វីខ្លះដែលអ្នកបានដកពិសោធន៍មកពីការទន្ទេញបទគម្ពីរ ឬឃ្លាគន្លឹះនៃបទគម្ពីរ ?
-
តើការទន្ទេញព្រះបន្ទូលរបស់ព្រះអម្ចាស់ដែលបានកត់ត្រានៅក្នុងព្រះគម្ពីរបានជួយអ្នកឲ្យមានអារម្មណ៍ស្និទ្ធស្នាលជាមួយព្រះវរបិតាសួគ៌ និងព្រះយេស៊ូវគ្រីស្ទយ៉ាងដូចម្ដេច ?
ប័ណ្ណបង្ហាញ
វិធីមួយដើម្បីទន្ទេញសេចក្ដីយោងបទគម្ពីរ និងឃ្លាបទគម្ពីរគន្លឹះគឺត្រូវប្រើប័ណ្ណបង្ហាញ ។ ដើម្បីធ្វើប័ណ្ណបង្ហាញ សូមបត់ក្រដាសទទេមួយចំពាក់កណ្តាល ហើយបន្ទាប់មក បត់ជាពីរម្តងទៀតដើម្បីបង្កើតបានជាបួនផ្នែក ។ សូមលាតក្រដាស ហើយកាត់ឲ្យចំបន្ទាត់ដែលបានបត់នោះដើម្បីធ្វើប័ណ្ណចំនួនបួន ។
សូមសរសេរសេចក្ដីយោងនីមួយៗខាងក្រោមនេះដាក់នៅលើផ្នែកម្ខាងនៃប័ណ្ណនីមួយៗ ។ នៅម្ខាងទៀត សូមសរសេរឃ្លាបទគម្ពីរ គន្លឹះ ។
|
សេចក្ដីយោង |
ឃ្លាបទគម្ពីរគន្លឹះ |
|---|---|
សេចក្ដីយោង | ឃ្លាបទគម្ពីរគន្លឹះ « សម្រាប់ការកាន់កាប់ត្រួតត្រា ក្នុងកាលដែលពេលពេញកំណត់បានមកដល់ ដើម្បីនឹងបំព្រួមគ្រប់ទាំងអស់ក្នុងព្រះគ្រីស្ទ » ។ |
សេចក្ដីយោង | ឃ្លាបទគម្ពីរគន្លឹះ សាសនាចក្រត្រូវបាន « ស្អាងឡើងលើជើងជញ្ជាំងនៃពួកសាវក និងពួកហោរា ហើយព្រះយេស៊ូវគ្រីស្ទនោះឯង ទ្រង់ជាថ្មជ្រុងយ៉ាងឯក » ។ |
សេចក្ដីយោង | ឃ្លាបទគម្ពីរគន្លឹះ « ថ្ងៃនៃព្រះអម្ចាស់ … មិនមកឡើយ ទាល់តែមានសេចក្ដីក្បត់សាសនាមកជាមុនសិន » ។ |
សេចក្ដីយោង | ឃ្លាបទគម្ពីរគន្លឹះ « បទគម្ពីរទាំងប៉ុន្មាន … អាចនឹងនាំឲ្យអ្នកមានប្រាជ្ញាដល់ទីសង្គ្រោះ » ។ |
សូមមានគំនិតច្នៃប្រឌិតដើម្បីជួយអ្នកឲ្យទន្ទេញ ។ សូមជ្រើសរើសគំនិតមួយក្នុងចំណោមគំនិតដូចខាងក្រោម ឬបង្កើតគំនិតមួយដោយខ្លួនឯង ។
-
ការសួរសំណួរខ្លួនឯង ៖ សូមកាន់ប័ណ្ណបង្ហាញដើម្បីឲ្យអ្នកអាចមើលឃើញតែសេចក្ដីយោង ឬឃ្លាបទគម្ពីរគន្លឹះប៉ុណ្ណោះ ។ សូមសាកល្បងនិយាយឃ្លា ឬសេចក្ដីយោងបទគម្ពីរគន្លឹះដែលត្រូវគ្នា ។ សូមធ្វើដូចនេះសាឡើងវិញជាច្រើនដងជាមួយនឹងសេចក្ដីយោងនីមួយៗ និងឃ្លាដែលត្រូវគ្នា ។
-
ការរំឭកអត្ថបទ ៖ សូមសរសេរសេចក្តីយោងមួយទៅមិត្តភក្តិនៅក្នុងថ្នាក់សិក្ខាសាលារបស់អ្នក ហើយមើលថាតើនរណាជាអ្នកសរសេរអត្ថបទត្រឡប់មកវិញជាមួយនឹងឃ្លាគន្លឹះដែលត្រឹមត្រូវ ។
-
សកម្មភាពផ្គូផ្គង ៖ សូមចាប់ដៃគូជាមួយមិត្តរួមថ្នាក់ ឬសមាជិកគ្រួសារម្នាក់ទៀត ។ សូមឲ្យម្នាក់ដាក់ប័ណ្ណរបស់ពួកគេដែលមានសេចក្ដីយោងផ្ងារឡើង ហើយម្នាក់ទៀតដាក់សន្លឹកប័ណ្ណរបស់ពួកគេដែលមានឃ្លាបទគម្ពីរគន្លឹះផ្ងារឡើងលើ ។ សូមផ្គូផ្គងឃ្លាបទគម្ពីរគន្លឹះទៅនឹងសេចក្ដីយោងដែលត្រូវគ្នា ដោយដាក់ប័ណ្ណដែលមានឃ្លាបទគម្ពីរគន្លឹះនៅពីលើសន្លឹកប័ណ្ណសេចក្ដីយោង ។
-
ប្រើកម្មវិធី ៖ សូមប្រើកម្មវិធីចំណេះចំណានខាងគោលលទ្ធិ ដើម្បីជួយអ្នកឲ្យទន្ទេញ ។
១. សូមនាំយកប័ណ្ណបង្ហាញរបស់អ្នកទៅកាន់ថ្នាក់រៀនដែលជួបមុខគ្នាប្រចាំសប្តាហ៍របស់អ្នក ដើម្បីចែកចាយជាមួយគ្រូរបស់អ្នក ។ សូមឆ្លើយសំណួរខាងក្រោមនេះនៅក្នុងសៀវភៅកំណត់ហេតុការសិក្សារបស់អ្នក ៖
សូមជ្រើសរើសវគ្គបទគម្ពីរចំណេះចំណានខាងគោលលទ្ធិមួយ ។
-
ហេតុអ្វីបានជាអ្នកចង់ទន្ទេញវគ្គ ឬឃ្លាបទគម្ពីរគន្លឹះនេះ ?
-
តើវាអាចជួយឲ្យការយល់ដឹងរបស់អ្នកអំពីព្រះយេស៊ូវគ្រីស្ទ និងដំណឹងល្អរបស់ទ្រង់កាន់តែស៊ីជម្រៅយ៉ាងដូចម្តេច ?