Վարդապետության սերտման կրկնություն 19

Մտապահեք սուրբ գրությունների հղումները և հիմնական արտահայտությունները

Սուրբ գրությունների հատվածները և դրանց ուսուցանած ճշմարտությունները անգիր սովորելը կարող է շատ օգտակար լինել ձեզ համար: Այս դասի նպատակն է օգնել ձեզ մտապահել Նոր Կտակարանի վարդապետության սերտման սուրբ գրությունների հղումներից և հիմնական արտահայտություններից մի քանիսը: 

Անգիր սովորեք սուրբ գրությունների հիմնական արտահայտությունները

• Փրկիչն ինչպե՞ս է օգտագործել սուրբ գրությունները Իր մահկանացու կյանքի ընթացքում:

Երբ Փրկիչը գայթակղվում էր սատանայի կողմից, Նա օգտագործեց սուրբ գրությունների ճշմարտությունները՝ այդ գայթակղությունները հաղթահարելու համար (տես Մատթեոս 4.1-11): Նա հաճախ էր օգտագործում սուրբ գրություններն Իր ուսմունքներում (տես Ղուկաս 4.17–27, Մատթեոս 19.4–5, Մատթեոս 24.37–40, Մարկոս 12.26): Այս դասում ներկայացված վարդապետության սերտման հղումները և հիմնական արտահայտությունները անգիր սովորելիս մտածեք, թե այդ հատվածներն ինչպես կարող են օգնել ձեզ և ուրիշներին: Եթե դուք դեռ չեք նշել այս հատվածները և դրանց հիմնական արտահայտությունները, արեք դա:

Սուրբ գրության հղումը	Սուրբ գրության հիմնական արտահայտությունը
Սուրբ գրության հղումը Եբրայեցիս 12.9	Սուրբ գրության հիմնական արտահայտությունը Աստված «հոգիների Հայրն է»:
Սուրբ գրության հղումը Հակոբոս 1.5–6	Սուրբ գրության հիմնական արտահայտությունը «Եթե մեկը ձեզանից իմաստութեան պակասություն ունի, թող խնդրէ Աստուածանից»:
Սուրբ գրության հղումը Հակոբոս 2.17–18	Սուրբ գրության հիմնական արտահայտությունը «Հաւատքը, եթէ գործ չ’ունենայ, ըստ ինքեան մեռած է»։
Սուրբ գրության հղումը Ա Պետրոս 4.6	Սուրբ գրության հիմնական արտահայտությունը «Ավետարանը մեռելներին էլ [քարոզվեց]»։
Սուրբ գրության հղումը Հայտնություն 20.12	Սուրբ գրության հիմնական արտահայտությունը «Մեռելները դատվեցան … իրանց գործերի համեմատ»:

Ձեր օրագրում կրկնօրինակեք նախորդ աղյուսակը: Գրելիս խոսքերը բարձրաձայն արտասանելով՝ կօգնեք ձեզ հեշտությամբ հիշել դրանք: Բարձրաձայն կրկնեք հղումները և հիմնական արտահայտությունները:

Կատարեք այս վարժություններից առնվազն երկուսը.

1. Մի քանի րոպե տրամադրեք՝ փորձելով անգիր անել վարդապետության սերտման հղումները և սուրբ գրությունների հիմնական արտահայտությունները: Այնուհետև փակեք հղումները և փորձեք արտաբերել դրանք՝ նայելով միայն հիմնական արտահայտություններին: Այնուհետև փակեք հիմնական արտահայտությունները և փորձեք արտաբերել դրանք՝ նայելով միայն հղումներին:

2. Զուգընկերոջ հետ աշխատելիս սկզբում բարձրաձայնեք հղումը և թող զուգընկերը արտասանի համապատասխան հիմնական արտահայտությունը: Կրկնեք դա մի քանի անգամ յուրաքանչյուր հղման և հիմնական արտահայտության համար՝ փորձելով անգիր սովորել հղումներն ու հիմնական արտահայտությունները: Այնուհետև փորձեք դա անել առանց աղյուսակին նայելու: Այնուհետև փոխվեք դերերով։

3. Մի քանի րոպե հատկացրեք հղումները և հիմնական արտահայտությունները մտապահելու համար, ապա փորձեք լրացնել դատարկ տեղերը հետևյալ անավարտ հղումներում և հիմնական արտահայտություներում: Կարող եք նաև օգտագործել Վարդապետության սերտման հավելվածը:

   • Եբրայեցիս .9: Աստվածհոգիներիհայրնէ:

   • 1.5-6 Եթեպակասությունունի,թողխնդրեԱստուածանից:

   • Հակոբոս 2.–։ Հավատքը,չ’ունենայինքեանէ:

   • Ա Պետրոս.6: Ավետարանըմեռելներինէլ[քարոզվեց]:

   • 20:12: Մեռելներըդատվեցան…գործերիհամեմատ:

4. Ընտրեք վարդապետության սերտման հատվածներից մեկը և փորձեք ամբողջովին մտապահել հատվածը կամ հատվածները: Հիշողությամբ գրեք վարդապետության սերտման հինգ հատվածների հղումներից և սուրբ գրությունների հիմնական արտահայտություններից, որքան կարող եք:

Խորհեք

Ընտրեք վարդապետության սերտման հատվածներից մեկը կամ երկուսը, որոնց հետ աշխատել եք այսօր և կարդացեք ամբողջ հատվածը: Մտածեք, թե ինչու արժե հիշել այդ հատվածը:

1. Ձեր օրագրում պատասխանեք հետևյալ հարցերին.

• Այս հինգ հատվածներում ուսուցանված ճշմարտություններից ո՞րն է առավել իմաստալի ձեզ համար: Ինչո՞ւ։

• Ինչպե՞ս կարող եք օգնել ուրիշներին այս ճշմարտությունների միջոցով:

• Ի՞նչ կարող եք անել՝ վարդապետության սերտման հատվածները ավելի լավ հիշելու և կիրառելու համար: