Վարդապետության սերտման կրկնություն 20
Հասկացեք և բացատրեք
Վարդապետության սերտման նպատակներից մեկն է օգնել ձեզ հասկանալ Փրկիչի ուսմունքները և կարողանալ բացատրել դրանք ձեր խոսքերով: Այս դասը ձեզ հնարավորություն կտա ավելի լավ հասկանալ և բացատրել Նոր Կտակարանի վարդապետության սերտման տարբեր հատվածների ճշմարտությունները:
Ի՞նչ գիտեք Հիսուս Քրիստոսի մասին
Նկարագրեք, թե դուք ինչ գիտեք Հիսուս Քրիստոսի մասին՝ օգտագործելով միայն Նրա կյանքի այն մասը, որը ներկայացված է հետևյալ նկարում.
Այժմ նայեք այս նկարներին և պատասխանեք հետևյալ հարցերին.
-
Ի՞նչ իրադարձություններ են պատկերված այս երեք նկարներից յուրաքանչյուրում:
-
Այս իրադարձություններից յուրաքանչյուրն ի՞նչ է ավելացնում Հիսուս Քրիստոսի և Նրա առաքելության մասին ձեր ընկալմանը:
Որպեսզի իրականում իմանաք, թե ով է Փրկիչը, և Նա ինչու է կարևոր ձեզ համար, օգտակար է ուսումնասիրել Նրա կյանքի բազմաթիվ պատմությունները և ավելի քան մեկ մարգարեի գրությունները:
Նմանապես, վարդապետության սերտման բազմաթիվ հատվածներում ներկայացված ճշմարտությունների ուսումնասիրությունն ու համեմատությունը կարող է օգնել ձեզ ավելի լիարժեք հասկանալ Փրկչի վարդապետությունը, քան եթե դուք հիմնվեք միայն մեկ հատվածի վրա:
1. Ուսումնասիրեք վարդապետության սերտման հետևյալ հատվածները և ձեր օրագրում պատասխանեք համապատասխան հարցերին.
Կարդացեք և մտածեք, թե Եբրայեցիս 12.9, Հակոբոս 1.5-6 և Հակոբոս 2.17-18 հատվածները ինչ են ուսուցանում մեզ Երկնային Հոր և Նրա հետ մեր հարաբերությունների մասին:
-
Վարդապետության սերտման այս երեք հատվածները միասին ուսումնասիրելը ինչպես է օգնում ձեզ ավելի լավ հասկանալ ձեր հարաբերությունները Աստծո հետ:
Կարդացեք և մտածեք, թե Ա Պետրոս 4.6 և Հայտնություն 20.12 հատվածներն ինչ են մեզ ուսուցանում Երկնային Հոր ծրագրում Վերջին Դատաստանի դերի մասին:
-
Վարդապետության սերտման այս երկու հատվածները միասին ուսումնասիրելը ինչպես է օգնում ձեզ ավելի լավ հասկանալ Վերջին Դատաստանը:
Կարող եք խաչաձև հղումներ ստեղծել այն հատվածների միջև, որոնք կցանակնայիք միասին ուսումնասիրել հետագայում:
Հղումներ ստեղծեք վարդապետության սերտման հատվածների միջև
2. Կատարեք հետևյալ վարժությունը.
-
Ընտրեք Նոր Կտակարանի վարդապետության սերտման հատվածներից այն մեկը, որը դուք ցանկանում եք ավելի լավ ուսումնասիրել և ձեր օրագրում գրեք դրա հղումն ու հիմնական արտահայտությունը:
-
Գտեք և կարդացեք վարդապետության սերտման մի ամբողջական հատված և գրեք, թե դուք ինչ եք հասկանում այնտեղ ուսուցանվող վարդապետության մասին:
-
Գտեք վարդապետության սերտման հատվածների և հիմնական արտահայտությունների ամբողջական ցանկը Վարդապետության սերտման հիմնարար փաստաթղթի (2022) վերջում:
-
Գտեք և կարդացեք վարդապետության սերտման առնվազն երկու հատվածներ սուրբ գրությունների այլ դասընթացներից, որոնք առնչություն ունեն Նոր Կտակարանից ձեր ընտրած հատվածի հետ:
-
Ձեր օրագրում գրեք, թե այս լրացուցիչ հատվածներն ինչպես են օգնել ձեզ ավելի լավ հասկանալ Նոր Կտակարանի հատվածը: