Mga Hebreohanon 11, Bahin 2

Pagkinabuhi nga may Hugot nga Pagtuo kang Jesukristo

Natingala ka ba kon giunsa sa ubang mga tawo pagpabiling matinud-anon bisan kon nahiatubang sa labing malisod nga mga pagsulay sa kinabuhi? Unsa ang ilang nasabtan mahitungod sa Langitnong Amahan ug kang Jesukristo nga nakatabang kanila sa paglahutay? Human matudloan ang mga Santos nga Hebreohanon mahitungod sa hugot nga pagtuo, gidasig sila ni Pablo nga bansayon ang ilang hugot nga pagtuo kang Jesukristo sama sa gibuhat sa ubang matinud-anong mga tawo. Kini nga leksiyon makatabang kanimo nga madugangan ang imong tinguha sa pagkinabuhi nga may hugot nga pagtuo diha ni Jesukristo ug pag-ila sa mga panalangin nga gihatag sa Dios kanimo tungod sa imong hugot nga pagtuo.

Paglihok diha sa hugot nga pagtuo

Paghunahuna og mga indibidwal diha sa mga kasulatan o sa kasaysayan sa Simbahan o sa mga tawo nga imong kaila kinsa gipanalanginan sa Dios tungod kay sila mipakita sa hugot nga pagtuo diha kang Jesukristo. Ang mosunod nga mga hulagway mahimong makatabang kanimo sa paghinumdom sa pipila niini nga mga asoy.

• Unsa ang mipatigbabaw kanimo niini nga istorya sa tawo?

• Sa unsang paagi kita naimpluwensiyahan kon kita makadungog o makapakigbahin sa mga sugilanon sa hugot nga pagtuo? Ngano man?

Sa miaging leksiyon, imong nakat-onan ang mahitungod sa unsa ang pasabot kanimo nga maanaay hugot nga pagtuo kang Jesukristo. Hunahunaa kon sa unsang paagi nga ang pagbansay sa pagpataas sa hugot nga pagtuo Kaniya makapalig-on kanimo sa mga dapit diin ikaw lagmit mobati og kaluya ug kahuyang. Mahimong makatabang ang pagrekord niining mga impresyon diha sa imong journal sa pagtuon. Diha sa imong pagtuon karon, pamalandong kon unsaon nimo nga madugangan ang imong tinguha ug abilidad sa pagbansay sa imong hugot nga pagtuo.

Kadtong nagpakabuhi “[diha sa hugot nga pagtuo]”

Sa narekord sa Mga Hebreohanon 11, mipakigbahin si Pablo og daghang mga ehemplo sa mga indibidwal sa Daang Tugon kinsa nagkinabuhi “diha sa hugot nga pagtuo” ug “pinaagi sa hugot nga pagtuo.” Lagmit imong mamatikdan kining mga hugpong sa mga pulong nga gisubli sa makadaghan diha sa Mga Hebreohanon 11. Diha sa imong pagtuon sa pipila ka mga ehemplo nga gipakigbahin ni Pablo sa mga Santos nga Hebreohanon, paghunahuna mahitungod sa unsang paagi nga ang gugma ug pagkamanggihatagon sa Dios gipakita sa mga ganti ug mga panalangin nga Iyang gihatag ngadto sa mga milihok diha sa hugot nga pagtuo.

Pagmugna og usa ka tsart nga adunay duha ka kolum diha sa imong journal sa pagtuon parehas sa mosunod. Seguroha nga adunay dakong bakante nga luna ubos sa matag ulohan.

Sa unsang paagi nga ang hugot nga pagtuo nabansay	Sa unsang paagi gigantihan sa Dios ang matinud-anong mga buhat

Pagtuon og labing menos usa sa mosunod nga mga set sa mga bersikulo. Sa imong pagtuon, irekord ang imong mga panglantaw diha sa tsart sa imong journal sa pagtuon.

• Mga Hebreohanon 11:4–11, 17–22

• Mga Hebreohanon 11:23–31

• Mga Hebreohanon 11:32–38

1. Tubaga ang labing menos sa duha sa mosunod nga mga pangutana human tun-an ug suwatan ang imong tsart:

• Unsa ang pipila sa mga paagi nga ang mga tawo nga nahisgotan diha sa imong mga bersikulo nakapakita sa ilang hugot nga pagtuo sa Dios?

• Unsa ang pipila sa mga paagi nga ang Dios nihatag og ganti kanila sa Iyang gahom ug mga panalangin?

• Unsa ang imong nakat-onan gikan niini nga mga bersikulo nga makatabang kanimo sa imong kinabuhi?

• Gikan sa imong pagtuon niini nga mga bersikulo, unsa ang imong nakat-onan mahitungod sa Dios?

Pinaagi sa matinud-anong mga ehemplo nga gipakigbahin ni Pablo, makakat-on kita og daghang mga kamatuoran mahitungod sa hugot nga pagtuo, sa Dios, ug sa atong kaugalingon. Usa sa mga kamatuoran nga gihulagway sa tibuok niini nga kapitulo gitudlo diha sa Mga Hebreohanon 11:6: Ang Dios magganti sa kadtong mga nagbansay og hugot nga pagtuo diha kang Jesukristo. Kon wala pa nimo nahimo, mahimong markahan ang “gantihan niya ang nangita kaniya” diha sa bersikulo 6.

• Sa unsang paagi nga ang makugihong pagpangita sa Dios usa ka paagi sa pagbansay sa imong pagtuo?

• Ngano sa imong hunahuna nga ang Langitnong Amahan mahimuot kon kita magbansay sa atong hugot nga pagtuo?

2. Tubaga ang mosunod nga mga pangutana diha sa imong journal sa pagtuon:

• Ngano sa imong hunahuna nga ang pagbansay sa hugot nga pagtuo gikinahanglan aron kita makadawat sa mga panalangin sa Dios sa atong mga kinabuhi?

• Unsa ang makatabang nimo aron makalahutay kon ang mga panalangin alang sa matinud-anong mga buhat daw dili moabot?

Pagkinabuhi nga may hugot nga pagtuo

Agig dugang sa pagpanalangin sa daghang mga tawo sa nangaging panahon tungod sa pagbansay sa hugot nga pagtuo nganha Kaniya, ang Dios usab “ [tigganti kanila] nga magapangita kaniya” (Hebreohanon 11:6) sa atong panahon.

Kon mahimo, tan-awa ang “Putli ug Yanong Hugot nga Pagtuo [Pure and Simple Faith]” (5:21), anaa sa ChurchofJesusChrist.org. Samtang nagtan-aw ka sa bidyo, pangitaa kon giunsa sa Dios pagpanalangin sa usa ka batan-ong babaye ug sa iyang pamilya samtang sila mipakita sa ilang hugot nga pagtuo diha ni Jesukristo. Paghunahuna usab bahin sa mga paagi nga ang Dios mipanalangin kanimo samtang ikaw mipakita og hugot nga pagtuo ngadto Kaniya.

Pure and Simple Faith

A young woman exhibits faith that God will provide a way to meet her family’s basic needs.

Paghunahuna og panahon diin ikaw o ang imong kaila nakadawat sa mga panalangin sa Dios tungod sa pagpakita og hugot nga pagtuo diha kang Jesukristo.

3. Tubaga ang mosunod nga mga pangutana diha sa imong journal sa pagtuon:

• Unsa ang imong nakat-onan mahitungod sa Langitnong Amahan ug ni Jesukristo gikan niadto nga kasinatian?

• Sa unsang paagi kaha nga ang maong kasinatian mahimong makatabang kanimo sa umaabot aron mabansay ang imong hugot nga pagtuo ngadto Kanila?

Si Presidente Russell M. Nelson mitudlo:

Ang tanan nga maayo sa kinabuhi—ang matag kalagmitan nga panalangin nga may mahangturong kahulogan—magsugod sa hugot nga pagtuo. Ang pagtugot nga ang Dios mopatigbabaw sa atong kinabuhi magsugod sa hugot nga pagtuo nga Siya andam nga mogiya kanato.

(Russell M. Nelson, “Si Kristo Nabanhaw: Ang Hugot nga Pagtuo diha Kaniya Makabalhin og mga Bukid,” Liahona, Mayo 2021, 102)

Pamalandong kon unsa ang imong nakat-onan ug unsa ang imong gibati diha sa imong pagtuon mahitungod sa hugot nga pagtuo sa Mga Hebreohanon 11. Unsa ang imong nabati nga nadasig buhaton isip resulta sa imong nakat-onan karong adlawa? Unsa man ang imong mahimo aron mobuhat inubanan sa mas hugot nga pagtuo diha kang Jesukristo? Irekord ang imong mga hunahuna ug mga impresyon diha sa imong journal sa pagtuon.

Opsiyonal: Gustong Makakat-on pa og Dugang?

Sa unsang paagi ako makadawat og mga panalangin gikan sa Dios?

Si Elder Dale G. Renlund sa Korum sa Napulog Duha ka Apostoles mitudlo:

Magamadagayaon [Buhong] sa mga Panalangin

Si Elder Renlund mitudlo nga ang Langitnong Amahan ug si Jesukristo nagtinguha sa pagpanalangin kanato apan kita kinahanglan adunay pagtuo kang Kristo ug molihok sa pagtuman sa mga balaod diin diha gipasikad ang mga panalangin.

Kadaghanan sa mga panalangin nga tinguhang ihatag sa Dios kanato nagkinahanglan og buhat sa atong bahin—lihok nga magbase sa atong [hugot nga] pagtuo kang Jesukristo. Ang [hugot nga] pagtuo diha sa Manluluwas usa ka baroganan sa paglihok ug gahom. Una molihok kita inubanan sa [hugot nga] pagtuo; dayon moabot ang gahom—sumala sa kabubut-on sa Dios ug panahon. Mahinungdanon kini nga paagi. Ang gikinahanglan nga lihok, bisan pa, kanunayng gamay kon itandi sa mga panalangin nga unya atong madawat [tan-awa ang Mosiah 2:24–25].

(Dale G. Renlund, “Magamadagayaon [Buhong] sa mga Panalangin,” Liahona, Mayo 2019, 70)

Unsa ang akong makat-onan gikan sa mga ehemplo sa matinud-anong mga miyembro sa Simbahan karon?

Ang mosunod nga bidyo nag-asoy sa mga ehemplo sa mga indibidwal nga nagbansay sa hugot nga pagtuo sa Langitnong Amahan ug ni Jesukristo. Paghunahuna mahitungod sa unsang paagi nga ang ilang mga ehemplo mahimong makaimpluwensiya kanimo aron magpakita og mas dakong hugot nga pagtuo sa imong kinabuhi. Kini nga bidyo anaa sa. ChurchofJesusChrist.org.

• Bidyo: “My New Life” (8:20)

  My New Life

  Watch and share a new Mormon Messages video, “My New Life,” to see the inspiring story of a woman who not only survived a serious accident but is now a thriving example of courage, love, and faith in Jesus Christ, through whom all is well.

• Bidyo: “Sealed Together: The Manaus Temple Caravan” [14:14]

  Sealed Together: The Manaus Temple Caravan

  In 1992, a group of Latter-day Saints helped transform the Church in Manaus, Brazil by making a 3,000 km trek to the Sao Paulo Temple.

• Bidyo: “Living beyond ‘What If?’: Cambry Kaylor” [14:47]

  Living Beyond “What If?” | Cambry Kaylor

  Cambry Kaylor was a promising equestrian vaulter with dreams of competing internationally. At age 18 she suffered an accident while vaulting, leaving her a paraplegic, but that didn’t stop her from achieving her dreams.

• Bidyo nga kinutlo: “Ang [Hugot nga] Pagtuo Dili pinaagi sa Sulagma, apan pinaagi sa Pagpili” [10:49–14:13]

  Ang Pagtuo Dili pinaagi sa Sulagma, apan pinaagi sa Pagpili

  Si Elder Andersen naghisgot kon unsaon nato sa pagpili nga palig-unon ug panalipdan ang atong pagtuo.

Kon ako dili makadawat og mga tubag o mga panalangin, wala ba koy igong hugot nga pagtuo?

Si Elder Ronald A. Rasband sa Korum sa Napulog Duha ka Apostoles mitudlo:

Ang mga milagro, mga timailhan, ug mga katingalahan makita nga daghan kaayo taliwala sa mga sumusunod ni Jesukristo karon, diha sa inyong mga kinabuhi ug diha sa akoa. …

… Dili kini kanunay mao kon unsay atong gipangayo o atong gilaoman, apan kon mosalig kita sa Ginoo, Siya maanaa didto, ug Siya dili masayop. Ipahiangay Niya ang milagro sa higayon nga gikinahanglan nato kini. …

Adunay mga higayon nga kita naglaom alang sa usa ka milagro nga mamaayo ang usa ka minahal sa kinabuhi, nga balihon ang usa ka dili makiangayon nga binuhatan, o humokon ang kasingkasing sa usa ka masuk-anon o nahisalaag nga kalag. Kon ikonsiderar ang mga butang sa mortal nga panglantaw, gusto kita nga ang Ginoo manginlabot, nga moayo sa unsay naguba. Pinaagi sa hugot nga pagtuo, ang milagro moabot, bisan dili gayod sa atong gusto nga higayon o sa pamaagi nga maoy atong gitinguha. Nagpasabot ba kana nga dili igo ang atong [hugot nga] pagtuo o dili kita angayan sa Iyang pagpanginlabot? Dili. Kita gipangga sa Ginoo. Gihatag Niya ang Iyang kinabuhi alang kanato, ug ang Iyang Pag-ula nagpadayon sa pagpalingkawas kanato gikan sa mga palas-onon ug sala samtang kita maghinulsol ug mopaduol ngadto Kaniya.

Ang Ginoo nagpahinumdom kanato, “Ang akong mga laraw dili sama sa inyong mga laraw” [Isaias 55:8]. Siya mitanyag, “Duol kamo kanako, kamong tanan nga gikapoyan ug gibug-atan sa inyong gipas-an ug papahulayon ko kamo” [Mateo 11:28]—pahulay gikan sa kabalaka, pagkadismaya, kahadlok, pagkamasinupakon, kabalaka alang sa mga minahal sa kinabuhi, alang sa nawala o naguba nga mga pangandoy. Ang kalinaw taliwala sa kalibog o kaguol usa ka milagro. Hinumdomi ang mga pulong sa Ginoo: “Wala ba Ako magsulti og kalinaw nganha sa imong hunahuna mahitungod niini nga butang? Unsa ka labaw nga kamatuoran ang imong maangkon kay sa gikan sa Dios?” [Doktrina ug mga Pakigsaad 6:23]. Ang milagro mao nga si Jesukristo, ang Halangdon nga Jehova, ang Anak sa Dios nga Labing Halangdon, mitubag uban sa kalinaw.

(Ronald A. Rasband, “Tan-awa! Ako Mao ang usa ka Dios sa mga Milagro,” Liahona, Mayo 2021, 109, 111)