Mga Hebreohanon 12

“Ang Ginoo Nagapanton Kaniya nga Iyang Gihigugma”

Batan-ong pamilya sa New Zealand nagdula ug nangatawa uban sa ilang mga anak gawas sa ilang panimalay. Nagdula sila og basketbal, naggunit sa mga bata ug nagkinataw-anay ug nagtan-aw sa usa ka gamay nga batang lalaki nga nagsakay og trike.

Kanus-a man ang kataposang higayon diin ikaw gipanton o gitul-id sa usa ka tawo? Giunsa nimo sa pagsanong? Nagmapasalamaton ba ikaw sa pagtul-id nga imong nadawat? Si Pablo misulat sa mga Santos nga Hebreohanon ug mipasabot kanila nga ang atong Langitnong Amahan kasagaran nagpakita sa Iyang gugma pinaagi sa pagtul-id kanato. Kini nga leksiyon makatabang kanimo nga makat-on sa unsang paagiha nga ang mapaubsanong pagtugyan ngadto sa pagtul-id gikan sa Langitnong Amahan mahimong makatabang kanimo nga makabaton og kalinaw ug mahimong mas susama Kaniya.

Ang lumba sa kinabuhi

Daganan sa Atleta o Lumbaanan og Dagan nga adunay nindot nga talan-awon

Sa imong journal sa pagtuon, paglista og mga paagi nga ang imong mortal nga kinabuhi daw sama sa usa ka layo nga lumba. Pananglitan, mahimo nimong tubagon ang mosunod:

Unsa ang nakapakapoy nimo o nakapaluya?
Unsa ang pipila sa mga paagi nga ikaw nakahimo og maayo sa lumba ug mga paagi nga ikaw mas makahimo og maayo?
Unsa nga destinasyon ka nagdagan paingon? Nganong ganahan ka niiini??
Nganong nagkinahanglan ka man og tabang sa paghuman sa lumba sa kinabuhi?

“[Pagdagan] nga malahutayon”

Gitandi ni Apostol Pablo ang atong kinabuhi sa usa ka lumba. Basaha ang Mga Hebreohanon 12:1–2, nga mangita unsa ang gitudlo ni Pablo mahitungod sa unsang paagi kita magmalamposon sa dagan sa lumba sa kinabuhi. Timan-i nga ang “panganod sa mga saksi” nga nasulti diha sa bersikulo 1 nagpasabot sa mga ehemplo sa hugot nga pagtuo nga narekord diha sa Mga Hebreohanon 11.

Unsay mipatigbabaw alang nimo niining mga bersikulo?
Sa unsang paagi nga ang pagsunod sa tambag ni Pablo makatabang kanato aron magmalamposon sa dagan sa lumba sa kinabuhi?

Gisulat ni Pablo sa bersikulo 2 nga ang Manluluwas nilahutay sa hagit sa paglansang sa krus pinaagi sa pagpunting sa “kalipay nga [giandam] diha sa iyang atubangan” (Mga Hebreohanon 12:2). Si Presidente Russell M. Nelson mipasabot:

Hingpit nga Kalipay ug Pagsugakod sa Espirituhanong Paagi
Si Presidente Nelson nagtudlo nga makaangkon kita og kalipay taliwala sa bisan unsang kahimtang kon nakatutok kita diha ni Jesukristo ug sa plano sa kaluwasan.

Unsa man ang kalipay nga giandam diha sa Iyang atubangan? Siguradong naglakip kini sa kalipay sa paglimpyo, pag-ayo, ug paglig-on kanato; sa kalipay gumikan sa pagbayad sa mga sala sa tanan kinsa maghinulsol; sa kalipay sa paghimong posible alang kaninyo ug kanako nga makauli—limpyo ug takos—aron nga mopuyo uban sa atong Langitnong mga Ginikanan ug mga pamilya.

(Russell M. Nelson, “Hingpit nga Kalipay ug Espirituhanon nga Pagsugakod,” Liahona, Nob. 2016, 83.)

Unsa ang gitudlo sa panghunahuna sa Manluluwas atol sa Iyang Paglansang sa Krus bahin sa unsa ang Iyang gibati kanimo?
Sa unsang paagiha nga ang pagkasayod niini mahitungod ni Jesukristo nakatabang kanimo aron makasinati og kalipay bisan panahon sa kalisod?
Unsa ang pipila sa mga kalipay nga imong matutokan panahon sa kalisod sa imong kinabuhi?

Paglahutay sa pagpanton gikan sa Ginoo

Paghunahuna mahitungod sa usa ka higayon diin ang usa ka tawo nagtul-id kanimo ug unsa ang imong reaksiyon niana nga pagtul-id.

Unsa ang pipila sa mga rason nga ang mga tawo mopatul-id kanimo?
Ngano man nga usahay lisod ang tul-iron sa uban?
Kanus-a ka nagmapasalamaton alang sa pipila ka mga pagtul-id nga imong nadawat? Ngano man?

Basaha ang Mga Hebreohanon 12:5–7, 9–11nga mangita kon unsay gitudlo ni Pablo mahitungod sa pagpanton o pagtul-id.

Ang Mga Hebreohanon 12:9 usa ka tudling sa doktrinal nga kahanas. Ikonsiderar ang pagmarka sa mga tudling sa doktrinal nga kahanas sa lahi nga paagi aron mas dali ra nimo kining makit-an. Makakat-on ka og dugang pa mahitungod niini nga tudling sa doktrinal nga kahanas sa sunod nga leksiyon.

Unsa ang gitudlo niini nga mga bersikulo mahitungod sa mga katuyoan sa Langitnong Amahan sa pagpanton kanato?

Rebyoha ang Mga Hebreohanon 12:10–11 og balik, nga mangita kon unsaon nimo pagkompleto ang mosunod nga kamatuoran:

Kon kita motugyan ngadto sa pagpanton gikan sa Langitnong Amahan …

Ania ang usa ka paagi nga imong makompleto kini nga kamatuoran: Kon motugyan kita sa pagpanton gikan sa Langitnong Amahan, mahimo kitang mas mahisama Kaniya ug makabaton sa kalinaw nga naggikan sa pagkamatarong.

Elder D. Todd Christofferson sa Korum sa Napulog Duha ka Apostoles naghatag sa mosunod nga mga panabot mahitungod sa pagpanton nga atong nadawat gikan sa Ginoo:

Ang balaanon nga pagpanton adunay labing minos tulo ka mga katuyoan: (1) aron sa pag-awhag kanato sa paghinulsol, (2) aron sa paglimpyo ug sa pagbalaan kanato, ug (3) usahay aron sa pagpasubay kanato og balik sa dalan sa kinabuhi sa unsay nahibaloan sa Dios nga mas maayo nga dalan. …

… Kon kita andam nga modawat niini, ang gikinahanglan nga pagkorihir moabot diha sa daghang mga porma ug gikan sa daghang mga tinubdan. Kini mahimong moabot diha sa atong mga pag-ampo samtang ang Dios mosulti diha sa atong hunahuna ug kasingkasing pinaagi sa Espiritu Santo [tan-awa sa Doktrina ug mga Pakigsaad 8:2]. Kini moabot diha sa porma sa mga pag-ampo nga gitubag og dili o sa lahi nga paagi kay sa atong gilaoman. Ang pagpanton mahimong moabot samtang nagtuon kita sa mga kasulatan ug gipahinumduman sa mga kakulangan, pagkadili masulundon, o pagbalewala lang sa mga butang.

(D. Todd Christofferson, “Ako Nagabadlong ug Nagapanton sa Akong Gihigugma,” Liahona, Mayo 2011, 98, 100)

Base sa pahayag ni Elder Christofferson, unsa ang pipila sa mga paagi nga ang Langitnong Amahan lagmit magpanton o magtul-id kanato?

Kon mahimo, tan-awa ang ““The Will of God” (3:01) aron makita kon giunsa ni Presidente Hugh B. Brown (1883–1975) sa Unang Kapangulohan natabangan pinaagi sa pagpanton sa Dios. Kini nga bidyo mahimong makita sa ChurchofJesusChrist.org.

The Will of God
God uses love-inspired correction to guide us to a future we do not or cannot now envision but which He knows is the better way for us.

Unsa nga mga hunahuna o mga pagbati ang anaa kanimo samtang nagtan-aw ka niini nga bidyo nga makatabang nimo sa imong kinabuhi?
Sa unsang paagi nga ang pagtugyan ngadto sa pagpanton gikan sa Langitnong Amahan magdala og kalinaw ug magtabang kanimo aron mahimong mas susama Kaniya?
Unsa nga mga kasinatian ang imong nasinati diin ang pagpanton sa Langitnong Amahan nakatabang kanimo nga makapag og kalinaw ug mas mahisama Kaniya?
Sa unsang paagi nga kining maong kasinatian nakaimpluwensiya sa imong mga pagbati alang Kaniya?

Magsulat diha sa piraso sa papel gamit ang ballpen o lapis.

Opsiyonal: Gustong Makakat-on pa og Dugang?

Unsa kaha kon gibati nako nga ako naulahi sa uban sa lumba sa kinabuhi?

Si Elder Jeffrey R. Holland sa Korum sa Napulog Duha ka Apostoles mipasabot:

Wala kita sa kontest kon si kinsa ang pinakadato o ang pinakadaghan og talento o pinaka maanyag o gani ang pinakadaghan og panalangin. Ang kontest nga anaa gayod kita mao ang kontest batok sa sala.

(Jeffrey R. Holland, “Mga Mamumuo sa Ubasan,” Liahona, , Mayo 2012, 33.)

Sa unsang paagi nga ang pagpanton sa Langitnong Amahan nagpakita sa Iyang gugma alang kanato?

Elder Taniela B. Wakolo sa Seventy naghulagway sa mga pananglit gikan sa iyang kaugalingong kinabuhi ug sa kinabuhi ni Joseph Smith nga mipakita sa gugma sa Dios diha sa pagpanton.

Tan-awa ang “Ang Dios Nahigugma sa Iyang mga Anak” gikan sa time code 5:23 ngadto sa 8:04 aron makakita niini nga mga ehempo.

Ang Dios Nahigugma sa Iyang mga Anak
Si Elder Wakolo nagpamatuod sa gugma sa Dios ug mihulagway kon giunsa Niya pagpakita niana nga gugma ngadto sa Iyang mga anak.

Ang kasulatan mipamatuod sa daghang katuyoan sa pagpanton sa Ginoo. Sa Mga Hebreohanon 12:10, mitudlo si Pablo nga ang Ginoo mokorehir kanato “alang sa atong kaayohan, aron kita makaambit sa iyang pagkabalaan.” Ang Iyang pagkorehir “magahatag sa bunga sa pagkamatarong ngadto kanila nga namatuto pinaagi niini” (Mga Hebreohanon 12:11). Ang pagkorehir sa Ginoo mahitabo pinaagi sa daghang matang, ug kanunay kining nagtabang sa pagtudlo sa mga indibidwal ingon man usab sa paghatag sa gikinahanglan nga pagkorehir. Ang pagpanton makatabang sa mga tawo nga mahinumdom sa Ginoo, maghinulsol, makadawat og kapasayloan ug kaluwasan, makat-on sa pagkamasulundon, ug mahimong lunsay sama sa bulawan (tan-awa sa Helaman 12:3; Doktrina ug mga Pakigsaad 1:27; 95:1; 105:6; Job 23:10).

Elder D. Todd Christofferson sa Korum sa Napulog Duha ka Apostoles miingon kabahin sa pagpanton sa Ginoo:

Ang pagkorehir mahinungdanon kaayo kon gusto kita nga mapahiangay ang atong mga kinabuhi “makakab-ot sa kahamtong sa pagkatawo, [nagpasabot nga,] sa sukod sa gidak-on sa kahupnganan ni Kristo” (Mga Taga-Efeso 4:13). Si Pablo naghisgot kabahin sa balaanong pagtul-id o pagpanton, “Kay ang Ginoo nagapanton kaniya nga iyang ginahigugma” (Mga Hebreohanon 12:6). Bisan tuod nga sa kanunay lisod kining antoson, sa pagkatinuod angay kita nga malipay nga ang Dios mikonsiderar kanato nga angayan sa Iyang panahon ug kahasol aron sa pagkorehir kanato.

(D. Todd Christofferson, “Ako Nagabadlong ug Nagapanton sa Akong Gihigugma,” Liahona, Mayo 2011, 97)