Mga Hebreohanon 12:9

Ang Dios Mao ang Amahan sa Atong mga Espiritu

Pagpahinungod sa Gilbert Temple - Amahan ug Anak

Ngano sa imong hunahuna nga magsige kita og hisgot mahitungod sa atong pagka anak sa Dios? Sa unsang paagi kini nga kahibalo nakaapekto sa imong kinabuhi? Samtang nagpahinumdom sa mga Santos nga Hebreohanon mahitungod sa pagtul-id nga ilang nadawat gikan sa ilang kalibotanong mga amahan, si Pablo mitudlo kanila mahitungod sa Langitnong Amahan, ang “Amahan sa mga Espiritu” (Mga Hebreohanon 12:9). Kini nga leksiyon gituyo aron tabangan ka nga mas makaila sa Langitnong Amahan ug makasabot sa unsang paagi nga ang imong kahibalo ug relasyon Kaniya positibong makaapekto sa imong kinabuhi.

Usa ka makasurprisa nga leksiyon gikan sa mga leon sa usa ka zoo

Sa usa ka tibuok kalibotan nga debosyonal alang sa batan-ong mga hamtong, si Sister Kathy Clayton, asawa ni Elder L. Whitney Clayton sa Kapitoan, mipaambit sa iyang kasinatian sa pagbisita sa usa ka zoo sa Argentina diin siya nakasulod sa mga tangkal ug nakauban ang mga ihalas nga mananap sama sa mga leon. Sa dihang si Sister Clayton nangutana nganong ang mga peligrosong mananap gitugotan sa ingon kaduol nga makig-uban sa mga katawhan, iyang nasabtan ang usa ka butang nga nakasurprisa kaniya. Mahimo nimong tan-awon ang bidyo nga “Harianon nga Pagkatawo,” nga anaa ChurchofJesusChrist.org, gikan sa time code 1:22 hangtod 3:26, o basahon ang mosunod nga teksto.

A Regal Identity
September 13, 2015: Sister Kathy Kipp Clayton invites all to embrace and rejoice in who we really are.

[Ang mga tigbansay] gitawag ang akong atensyon ngadto sa daghang gagmay nga mga iro nga nagpuyo usab sa mga tangkal. Sila misulti kanako nga usa sa mga butang nga ilang gibuhat mao ang pag-alima sa mga leon kauban ang kadtong maong mga iro nga anaa kanunay sa ilang mga kiliran. Sa dihang ang mga leon gagmay pa kaayo, kadtong saba nga mamaghot nga mga iro mas dagko kaysa sa mga anak sa leon. Ang mga iro nituo nga sila maoy tigdumala, ug ilang gigukod ang mga leon nga walay kaluoy ug gipaak ang ilang mga tikod. Ang bata nga mga anak sa leon naanad nga magkurog sa suok ug magpakita ingon nga sila mahadlokon kaayo sa mga samokan nga gagmayng mga iro.

Sa dihang midako ang mga leon, sila nagpadayon sa pagpangurog sa suok ug pagkahadlok sa gagmayng mga iro. Sa usa ka witik sa tiil, bisan hain niadtong mga dagkong leon sayon ra kaayong makapalagpot niadtong mga iro pagawas sa tangkal, apan ang mga leon wala makakita sa ilang mga kaugalingon kon unsa gayod sila. Sakit nga wala sila makahibalo sa ilang harianong pagkatawo. Sila natanggong ug nalimitahan sa usa ka sayop nga ideya sa ilang potensiyal. Nagdahom sila nga sila gagmay og huyang, mao nga ilang gitugotan ang mga samokan og mahagitong mga iro sa pagkontrol ug pagpanghadlok kanila.

(Kathy Kipp Clayton, “Harianon nga Pagkatawo [tibuok kalibotang debosyonal alang sa mga batan-ong hamtong, Septiyembre 13, 2015], broadcasts.ChurchofJesusChrist.org)

Unsang mga espirituhanong mga pagtandi ang lagmit natong mahimo sa kasinatian ni Sister Clayton?
Sa unsang paagi nga kita usahay mahimong susama sa mga leon niini nga zoo?

Ang Dios mao “ang Amahan sa mga espiritu”

Samtang naghisgot ngadto sa mga Hebreohanon mahitungod sa unsaon pagsanong sa pagpanton, o pagpanul-id, gikan sa Dios (tan-awa ang Mga Hebreohanon 12:6–8), si Pablo mitudlo og usa ka importante nga kamatuoran mahitungod sa atong relasyon ngadto sa Langitnong Amahan. Sa imong pagtuon karong adlawa, hatagig pagtagad ang mga pangaghat gikan sa Espiritu nga makatabang kanimo nga mas makasabot niini nga kamatuoran.

Basaha ang Mga Hebreohanon 12:9, ug mahimong markahan ang mga pulong o mga hugpong sa mga pulong nga nagtudlo mahitungod sa atong relasyon ngadto sa Langitnong Amahan. Timan-i nga ang hugpong nga “magapailalom … sa ” nagpasabot sa pagtugyan ngadto o pagkaimpluwensiya pinaagi sa usa ka tawo.

Ang mga Hebreohanon 12:9 usa ka tudling sa doktrinal nga kahanas. Ikonsiderar ang pagmarka sa mga tudling sa doktrinal nga kahanas sa lahi nga paagi aron mas dali ra nimo kining makit-an.

Gikan niini nga bersikulo kita nakat-on nga ang Dios mao ang Amahan sa atong mga espiritu.

Sa unsang paagi nga ang pagkahibalo niini nga kamatuoran nakaapekto sa paagi sa imong pagbati sa imong kaugalingon ug sa uban?

Si Elder Tad R. Callister sa Seventy mipakigbahin og usa ka ehemplo kon unsaon pag-apekto kanato sa paghinumdom sa atong pagkatawo isip mga anak sa Dios:

Diha sa usa ka bag-ohay nga pagbansay nga sesyon alang sa mga General Authority, dihay pangutana: “Sa unsa nga paagi kita makatabang niadtong nakigbisog sa pornograpiya?”

Mibarog si Elder Russell M. Nelson ug mitubag, “Tudloi sila bahin sa ilang pagkatawo ug sa ilang katuyoan.”

Ang maong tubag milanog kanako, dili lamang isip usa ka tubag nianang pihong pangutana apan isip usa ka angay nga tubag sa kadaghanan sa mga hagit nga atong giatubang sa kinabuhi.

(Tad R. Callister, “Our Identity and Our Destiny” [debosyonal sa Brigham Young University, Ago. 14, 2012], 1, speeches.byu.edu)

Sa unsang paagi nga ang pagsabot sa atong pagkatawo isip mga anak sa Dios makatabang kanato sa mga hagit nga atong giatubang?
Unsa ang pipila sa mga kalibotanong mga impluwensiya nga makabalda kanato gikan sa paghinumdom sa atong balaanong pagkatawo?
Unsa ang makatabang kanato sa paghinumdom ug pagdayeg sa atong balaanong pagkatawo?

Usa ka eksaktong kahibalo sa Langitnong Amahan

Pamalandong sa makadali mahitungod sa imong kaugalingong pagsabot sa Langitnong Amahan ug sa imong relasyon Kaniya. Ikonsiderar kon unsa nga mga panalangin ang imong nasinati ug masinati sa umaabot tungod kay ikaw Iyang anak. Paghunahuna mahitungod kon unsa kaha ang malahi sa imong kinabuhi kon mas nakaila ka Niya ug mibati og mas duol Kaniya.

Si Brother Brian K. Ashton, kanhi anaa sa Kinatibuk-ang Kapangulohan sa Sunday School, mipasabot pag-ayo sa epekto sa pagkaanaay eksaktong pagsabot sa Langitnong Amahan ug atong relasyon ngadto Kaniya:

Ang pagbaton og “usa ka hustong ideya bahin sa kinaiya, kahingpitan, ug mga hiyas sa [Langitnong Amahan]” gikinahanglan sa paggamit og pagtuo nga igo aron makabaton og kahimayaan [Lectures on Faith (1985), 38]. Ang husto nga panabot bahin sa kinaiya sa Langitnong Amahan makapausab sa paagi sa atong pagtan-aw sa atong kaugalingon ug sa uban ug makatabang kanato nga masabtan ang hilabihan nga gugma sa Dios alang sa Iyang mga anak ug sa Iyang dakong tinguha sa pagtabang kanato nga mahisama Kaniya. Ang sayop nga panglantaw bahin sa Iyang kinaiya magbilin kanato og pagbati nga murag dili kita makahimo sa pagbalik ngadto sa Iyang presensiya.

(Brian K. Ashton, “Ang Amahan,” Liahona, Nob. 2018, 93–94)

Usa ka paagi nga kita makakuha og eksaktong pagsabot sa atong Langitnong Amahan mao ang pagtuon sa mga kasulatan mahitungod Kaniya.

Magsulat diha sa piraso sa papel gamit ang ballpen o lapis.

Opsiyonal: Gustong Makakat-on pa og Dugang?

Sa unsang paagi nga ang pagkahibalo nga ako usa ka anak sa Dios makatabang kanako?

Si Presidente Dallin H. Oaks sa Unang Kapangulohan mitudlo:

Hunahunaa ang gahom sa ideya nga gitudlo sa atong minahal nga kanta nga “Ako Anak sa Dios” [Mga Himno, nu. 189]. … Ania ang tubag sa usa sa dagkong mga pangutana sa kinabuhi, “Kinsa ako?” Ako anak sa Dios nga may espirituwal nga kagikan sa langitnong mga ginikanan. Kana nga pagkaginikanan nagpasabot sa atong mahangtorong potensiyal. Kana nga gamhanang ideya usa ka epektibong pagpawala sa tumang kasubo. Kana makapalig-on sa matag usa kanato sa paghimo og matarong nga mga pagpili ug sa pagtinguha sa labing maayo nga anaa kanato.

(Dallin H. Oaks, “Powerful Ideas,” Ensign, Nob. 1995, 25)

Nganong dili man kaayo kita maghisgot mahitungod sa atong Inahan sa Langit?

“Ang Simbahan ni Jesukristo sa mga Santos sa Ulahing mga Adlaw nagtudlo nga ang tanang tawo, lalaki ug babaye, mga pinalanggang espiritu nga anak sa langitnong mga ginikanan, sa Langitnong Amahan ug Langitnong Inahan. …

“Kauban sa daghan pang mga kamatuoran sa ebanghelyo, ang kasamtangan natong kahibalo mahitungod sa Inahan sa Langit limitado ra. Hinoon, gihatagan kita og igong kahibalo nga pasalamatan ang kasagrado niini nga doktrina ug sabton ang balaang sumbanan nga giestablisar alang kanato isip mga anak sa langitnong mga ginikanan” (Gospel Topics Essays, “Mother in Heaven,” ChurchofJesusChrist.org).

Sa unsang paagi nga ang kinabuhi ni Jesukristo nagtudlo mahitungod sa kinaiya sa Langitnong Amahan?

Si Elder Jeffrey R. Holland sa Korum sa Napulog Duha ka Apostoles mitudlo:

Kini mao ang mahinungdanong kamatuoran nga sa tanang gisulti ug gibuhat ni Jesus, lakip na ug ilabi na sa Iyang matubsanong pag-antos ug sakripisyo, Siya nagpakita kanato kong kinsa ug unsa gayod ang Dios nga atong mahangtorong Amahan, unsa ka hingpit ang Iyang pagkamaunongon ngadto sa Iyang mga anak sa tanang dispensasyon ug nasod. Sa pulong ug sa buhat si Jesus naninguha sa pagpadayag ug sa paghimong personal ngari kanato sa tinuod nga kinaiya sa Iyang Amahan, ang atong Amahan sa Langit. …

Mao nga ang pagpakaon sa gigutom, pag-ayo sa masakiton, pagbadlong sa pagpakaaron-ingnon, paghangyo sa hugot nga pagtuo—kini mao si Kristo nga nagpakita kanato sa paagi sa Amahan, Siya kinsa “maluluy-on ug mabination, dugay nga masuko, mainantoson ug puno sa pagkamaayo” [Lectures on Faith (1985), 42]. Sa Iyang kinabuhi ug ilabi na sa Iyang kamatayon, si Kristo mipahayag, “Kini ang kaluoy sa Dios nga akong gipakita kaninyo, ingon man sa akong kaugalingon.” Diha sa pagpakita sa hingpit nga Anak sa pag-amuma sa hingpit nga Amahan, sa pag-antos ug giambitang kagul-anan Nilang duha alang sa mga sala ug mga kasakit natong tanan, atong makita ang pinakamahinungdanong kahulogan sa iyang gipamahayag: “Kay gihigugma gayod sa Dios ang kalibotan, nga tungod niana gihatag niya ang iyang bugtong Anak, aron ang tanan nga mosalig kaniya dili malaglag, kon dili may kinabuhing dayon. Kay gipadala sa Dios ang iyang Anak nganhi sa kalibotan, dili aron ang kalibotan pagahukman sa silot; kon dili aron ang kalibotan maluwas pinaagi kaniya” [Juan 3:16–17].

(Jeffrey R. Holland, “Ang Kahalangdon sa Dios,” Liahona, Nob. 2003, 70, 72)