Juan 14–16
Ang Misyon sa Espiritu Santo
Atol sa pangalagad sa Manluluwas, ang Apostoles mitagamtam sa gahom sa Espiritu Santo, apan wala pa sila makadawat sa gasa Espiritu Santo, nga magtugot kanila, pinaagi sa ilang pagkamatarong, aron makabaton sa kanunay nga pakig-uban sa Espiritu Santo (tan-awa sa Bible Dictionary, “Holy Ghost”). Si Jesukristo misaad sa pagpanalanginan kanila og gasa sa Espiritu Santo human sa Iyang pagsaka ngadto sa langit. Kini nga leksiyon makatabang kaninyo sa pag-ila giunsa sa Espiritu Santo pagtuman ang Iyang nagkadaiyang mga tahas sa inyong kinabuhi.
Sa unsang paagi makatabang ang Espiritu Santo kanimo?
-
Unsay imong nasabtan mahitungod sa kon unsaon sa Espiritu Santo pagtabang kanimo?
-
Unsa nga mga kasinatian ang imong naagian nga gikauban ang Espiritu Santo?
Tan-awa ang mosunod nga bidyo, anaa sa ChurchofJesusChrist.org, gikan sa time code 1:58 hangtod sa 3:10, ni Elder Gary Stevenson nga nakigbahin sa iyang nasinati sa dihang gamay pa siya nga bata.
Unsaon sa Espiritu Santo Pagtabang Kaninyo?
Si Elder Stevenson nagtudlo nga ang Espiritu Santo—usa ka personahe sa espiritu ug sakop sa Dios nga Kapangulohan—mopasidaan, mohupay, ug mopamatuod.
-
Unsa nga mga pangutana ang anaa kanimo nga mahitungod sa tahas sa Espiritu Santo sa atong kinabuhi?
Samtang ikaw magtuon, pangita og mga tubag sa imong mga pangutana mahitungod sa Espiritu Santo ug sa unsang paagi ang tahas sa Espiritu Santo makatabang nimo sa imong mga panginahanglanon.
Jesus nagtudlo sa Iyang mga Apostol mahitungod sa Espiritu Santo
Human ang Manluluwas nangalagad sa sakramento, nahibalo nga Siya hapit na mag-antos alang sa atong mga kasakitan, mga tentasyon, ug mga sala ug dayon ilansang sa krus, Siya mipadayon pagtudlo sa Iyang Apostoles.
Basaha ang Juan 14:16–17, nga mangita sa gisaad sa Manluluwas ngadto sa Iyang Apostoles.
-
Ngano kaha nga si Jesukristo misaad sa Iyang Apostoles nga sila makadawat og gasa sa Espiritu Santo human Siya mobiya?
Drowinga ang mosunod nga tsart diha sa imong journal sa pagtuon. Pagbilin og luna sa ikatulong kolum, nga imong idugang sa dili madugay. Isulat sa tsart ang unsay imong makaplagan sa nalista nga mga bersikulo.
|
Tudling (mga) |
Ang Langitnong Amahan ug si Jesukristo mopadala kanato sa Espiritu Santo aron … |
|---|---|
Tudling (mga) | Ang Langitnong Amahan ug si Jesukristo mopadala kanato sa Espiritu Santo aron … |
Tudling (mga) | Ang Langitnong Amahan ug si Jesukristo mopadala kanato sa Espiritu Santo aron … |
Tudling (mga) | Ang Langitnong Amahan ug si Jesukristo mopadala kanato sa Espiritu Santo aron … |
Tudling (mga) | Ang Langitnong Amahan ug si Jesukristo mopadala kanato sa Espiritu Santo aron … |
Tudling (mga) | Ang Langitnong Amahan ug si Jesukristo mopadala kanato sa Espiritu Santo aron … |
Tudling (mga) | Ang Langitnong Amahan ug si Jesukristo mopadala kanato sa Espiritu Santo aron … |
1. Tubaga ang mosunod nga mga pangutana diha sa imong journal sa pagtuon:
-
Unsaon nimo sa pag-summarize ang unsay gitudlo sa Manluluwas kon nganong Siya ug ang Amahan mopadala sa Espiritu Santo kanato?
-
Unsaon niini nga mga saad ug mga kamatuoran pagtabang kanimo sa imong kinabuhi karon?
-
Sa unsang paagi ang pagkahibalo nga ang Espiritu Santo gipadala sa Langitnong Amahan ug ni Jesukristo makatabang nimo nga masayod nga Sila nahigugma kanimo? Unsa ang gipakita niini diha kanimo sa ilang tinguha alang kanimo?
Usa ka saksi gikan sa Espiritu Santo
Ang Manluluwas mitudlo nga ang Espiritu Santo mopamatuod ug mohimaya Kaniya (tan-awa sa Juan 15:26; 16:13–14).
Si Presidente Russell M. Nelson miobserbar:
Ang labing importante nga kamatuoran nga isaksi sa Espiritu Santo kanimo mao nga si Jesus mao ang Kristo, ang Anak sa buhi nga Dios.
(Russell M. Nelson, “Pagpadayag alang sa Simbahan, Pagpadayag alang sa Atong mga Kinabuhi,” Liahona, Mayo, 2018, 96)
2. Tubaga ang bisan usa lamang sa mosunod nga mga pangutana diha sa imong journal sa pagtuon:
-
Kanus-a nimo nabati ang Espiritu Santo nga nagtudlo ug nagpamatuod kanimo mahitungod sa Langitnong Amahan ug ni Jesukristo? Giunsa sa Espiritu Santo sa pagtudlo ug pagpamatuod diha kanimo?
-
Unsa kaha ang mabuhat sa usa ka tawo aron pagdapit sa Espiritu Santo aron pagtudlo kanila mahitungod sa Langitnong Amahan ug kang Jesukristo? (tan-awa sa Juan 7:17; 14:13).
Personal nga mga kasinatian kauban sa Espiritu Santo
Pagdugang og ikatulo nga kolum sa imong tsart, ug nganli kini og “Giunsa sa Espiritu Santo pagbuhat niini kanako o sa usa ka tawo nga akong nailhan.” Alang sa matag tudling sa kasulatan diha sa tsart, paghunahuna ug pagsulat mahitungod sa bisan unsang mga kasinatian nga ikaw, ang usa ka sakop sa pamilya, o usa ka tawo diha sa mga kasulatan nga nakabaton og kasinatian uban sa Espiritu Santo nga nagtuman niana nga tahas. Kon ikaw dili makaila o makahinumdom og usa ka personal nga kasinatian sa matag tahas sa Espiritu Santo nga gipasabot sa Manluluwas niini nga mga bersikulo, OK ra kana. Samtang ikaw maningkamot nga magmatinud-anon ug mangita niini nga mga kasinatian sa imong kinabuhi, ang Langitnong Amahan motabang nimo sa pag-ila niini.
Opsiyonal: Gustong Makakat-on pa og Dugang?
Unsa ang mahimo sa Espiritu Santo?
Si Presidente Dallin H. Oaks nagtudlo:
Ang Dios nga Kapangulohan ug ang Plano sa Kaluwasan
Si Elder Oaks nagtudlo nga tungod kay kita nasayud sa kamatuoran mahitungod sa Dios nga Kapangulohan ug sa plano sa kaluwasan, kita adunay giya alang sa atong mortal nga panaw.
Ang ikatulong sakop sa Dios nga Kapangulohan mao ang Espiritu Santo, nga gipasabot usab nga mao ang Balaang Espiritu, ang Espiritu sa Ginoo, ug ang Maghuhupay. Siya ang sakop sa Dios nga Kapangulohan nga mao ang tinugyanan sa personal nga pagpadayag. Isip personahe sa espiritu (tan-awa sa D&P 130:22), makasulod Siya diri kanato ug makahimo sa mahinungdanong tahas sa tigpamaba tali sa Amahan ug sa Anak ug sa mga anak sa Dios dinhi sa yuta. Daghang kasulatan nagtudlo nga ang Iyang misyon mao ang pagpamatuod sa Amahan ug sa Anak (tan-awa sa Juan 15:26; 3 Nephi 28:11; D&P 42:17). Ang Manluluwas misaad nga ang Maghuhupay motudlo kanato sa tanang butang, magpahinumdom kanato sa tanang butang, ug mogiya kanato sa tanang kamatuoran (tan-awa sa Juan 14:26; 16:13). Sa ingon, ang Espiritu Santo nagtabang kanato sa pag-ila tali sa kamatuoran ug sa kasaypanan, mogiya sa dinagko natong mga desisyon, ug nagtabang kanato latas sa mga hagit sa mortalidad. Siya usab ang pamaagi diin mabalaan kita, nga mao ang, pagkalimpyo ug pagkalunsay gikan sa sala (tan-awa sa 2 Nephi 31:17; 3 Nephi 27:20; Moroni 6:4).
(Dallin H. Oaks, “Ang Dios nga Kapangulohan ug ang Plano sa Kaluwasan,” Liahona, Mayo 2017, 100)
Nganong importante man nga atong ilhon ang Espiritu Santo nga namulong kanato?
Si Presidente Dallin H. Oaks sa Unang Kapangulohan nagtudlo:
Kining personal nga linya sa komunikasyon uban sa atong Langitnong Amahan pinaagi sa Iyang Balaang Espiritu mao ang tinubdan sa atong pagpamatuod sa kamatuoran, sa atong kahibalo, ug sa personal nga paggiya kanato gikan sa mahigugmaong Langitnong Amahan. Usa kini ka mahinungdanong bahin sa Iyang kahibulongang plano sa ebanghelyo, nga nagtugot sa matag usa sa Iyang mga anak sa pagdawat og personal nga pagsaksi sa kamatuoran niini.
(Dallin H. Oaks, “Duha ka Linya sa Komunikasyon,” Liahona, Nob. 2010, 83)
Juan 14:27. Unsaon nako pagbati og kalinaw gikan sa Espiritu Santo kon ako nanglimbasog sa kahimsog sa pangisip?
Kon ikaw makasinati og mga hagit sa kahimsog sa pangisip sama sa kabalaka o depresyon, lagmit imong mabatyagan nga ingon og lisod kaayo ang pagbatyag sa Espiritu Santo. Kini dili imong sala. Ang atong Langitnong Amahan ug Iyang Anak si Jesukristo nasayod niining mga kalisod, ug Sila gustong motabang kanimo. Ikonsiderar ang pagrebyo og usa o duha sa mosunod nga mga kapanguhaan alang sa dugang nga impormasyon kon unsaon pagbati og kalinaw gikan sa Espiritu Santo kon ikaw nanglimbasog sa mga problema sa kahimsog sa pangisip.
-
Bidyo: “Like a Broken Vessel” (11:36; anaa sa ChurchofJesusChrist.org)
11:36Like a Broken Vessel
For personal accounts of living with mental illness, answers to common questions, and other resources, visit http://mentalhealth.lds.org
-
Reyna I. Aburto, “Sa Dag-om ug Kahayag, Ginoo, Ubani Ako!,” Liahona,Nob. 2019, 57–59
-
Debra Theobald McClendon, “Discerning Your Feelings: Anxiety or the Spirit?,” Ensign, Abr. 2019, ChurchofJesusChrist.org
-
Lyle J. Burrup, “Anxiety and Anxiety Disorders,” Ensign, Mar. 2017, 54–61
Juan 16:7. Unsa’y gipasabot sa Manluluwas sa dihang Siya miingon, “Biyaan ko kamo kay kon dili, dili moanhi kaninyo ang Maghuhupay”?
Sa ubang mga rason nga wala mapasabot sa hingpit diha sa mga kasulatan, ang Espiritu Santo wala maglihok sa hingpit ngadto sa mga Judeo panahon sa mga katuigan sa mortdal nga panaw ni Jesus ( Juan 7:39; 16:7). Ang mga pamahayag nga ang Espiritu Santo dili moabot hangtod pagkahuman nga nabanhaw si Jesus siguradong piho nga nagpasabot niana lamang nga dispensasyon, tungod kay klaro kaayo nga ang Espiritu Santo naglihok sa nag-unang mga dispensasyon. Dugang pa, kini may kalabotan lamang sa gasa sa Espiritu Santo nga wala nianang panahona, tungod kay ang gahom sa Espiritu Santo naglihok sa panahon sa mga pagpangalagad ni Juan Bautista ug ni Jesus; kay kon dili man walay usa unta nga nakadawat og pagpamatuod sa mga kamatuoran nga gitudlo niining mga tawhana ( Mat. 16:16–17; tan-awa usab sa 1 Mga Taga-Corinto 12:3).
(Bible Dictionary, “ Holy Ghost ”)