Marcos 2:1–12

Pinagaling ni Jesus ang Isang Lalaking Lumpo

Ipinakita ni Jesus ang Kanyang kapangyarihang pagalingin ang mga tao sa pisikal at espirituwal sa pamamagitan ng pagpapagaling sa isang lalaking lumpo (paralisado) at pagpapatawad sa mga kasalanan nito. Ang lesson na ito ay makatutulong upang maragdagan ang iyong pagkaunawa na mapagagaling ng Tagapagligtas ang lahat ng uri ng karamdaman.

Isipin kunwari na mayroon kang mahal sa buhay na nahihirapan dahil sa nakamamatay na sakit na nangangailangan ng espesyalisadong paggamot at iisang doktor lang ang makapagliligtas sa kanya. Ano ang handa mong gawin upang makahingi ng tulong? Ano ang gagawin mo kung puno na ang iskedyul ng doktor o kung nakatira ang doktor sa ibang bansa?

Maaaring maging handa ang mga tao na gawin ang lahat upang mapagaling ang kanilang sarili o kanilang mga mahal sa buhay. Bagama’t kadalasang kayang magamot ng mga dalubhasang doktor ang mga pisikal na karamdaman, may mga espirituwal na karamdaman na si Jesucristo lang ang lubos na makapagpapagaling. Ilista sa iyong study journal ang ilan sa ipinapalagay mong halimbawa nito.

Habang pinag-aaralan mo ang lesson na ito, pagnilayan kung ano ang magagawa mo upang matulungan ang mga mahal mo sa buhay at ang iyong sarili na lumapit kay Cristo upang makatanggap ng tulong na Siya lang ang makapagbibigay.

Ang isang kasanayan na makatutulong sa iyo na mas matuto habang pinag-aaralan mo ang mga salaysay sa banal na kasulatan ay ang pagbabasa ayon sa pananaw ng iba’t ibang tauhan sa kuwento. Habang ginagawa mo ito, huminto nang madalas upang mapag-isipan kung ano ang maaaring nadama o inisip ng taong iyon sa iba’t ibang bahagi ng kuwento.

Upang magamit ang kasanayang ito sa pag-aaral, pumili ng isa sa mga sumusunod na tao na pagtutuunan mo habang pinag-aaralan mo ang salaysay na ito tungkol sa pagtuturo ni Jesus sa Capernaum:

• Isang paralisadong lalaki (lalaking lumpo)

• Isa sa apat na tao na nagbuhat sa lalaking lumpo

• Isa sa mga tao sa bahay na nakikinig kay Jesus

Basahin ang Marcos 2:1–3, at isipin kunwari na ikaw ang taong pinili mong pagtuunan.

• Sa palagay ninyo, anong mga hamon, kung mayroon man, ang maaaring kinaharap ng taong ito?

• Ano sa palagay ninyo ang nakikita, naririnig, iniisip, at nadarama ng taong ito?

• Ano ang maaaring inasahan ng taong ito na matanggap sa oras na kasama niya si Jesucristo?

Basahin ang Marcos 2:4, at alamin kung ano ang ginawa ng mga taong nagdala sa lalaki upang mailapit siya kay Jesucristo.

• Ano sa palagay mo ang iniisip at nadarama ng taong pinili mo sa sandaling ito sa kuwento? Bakit?

• Ano sa palagay mo ang inaasahan niyang gagawin o sasabihin ni Jesus?

Basahin ang Marcos 2:5 upang malaman ang sinabi ni Jesus sa lalaki.

Sometimes spiritual illness comes as a result of sin or emotional wounds. …

Even the deepest spiritual wounds—yes, even those that may appear to be incurable—can be healed.

My dear friends, the healing power of Jesus Christ is not absent in our day.

The Savior’s healing touch can transform lives in our day just as it did in His. If we will but have faith, He can take our hands, fill our souls with heavenly light and healing, and speak to us the blessed words, “Rise, take up thy bed, and walk” [John 5:8].

(Dieter F. Uchtdorf, “Bearers of Heavenly Light,” Ensign or Liahona, Nov. 2017, 78)

• Bakit posibleng nakagugulat para sa taong pinagtuunan mo ang mga salita ng Tagapagligtas sa talata 5?

Ilan sa mga taong nakasaksi sa pangyayaring ito ang nagduda sa awtoridad ng Tagapagligtas na magpatawad ng mga kasalanan. Basahin ang Marcos 2:6–12, at alamin kung ano ang ginawa ng Tagapagligtas upang maipakita ang Kanyang awtoridad na magpatawad. Ang pariralang “Anak ng tao” sa talata 10 ay tumutukoy kay Jesucristo na Anak ng “Tao ng Kabanalan,” na siyang Diyos Ama (tingnan sa Moises 6:57).

• Isipin ang taong pinagtuunan mo sa salaysay. Ano ang naiisip mong reaksyon ng taong ito sa sinabi at ginawa ng Tagapagligtas?

• Ano ang natutuhan mo tungkol sa Tagapagligtas nang magtuon ka sa isang partikular na tao sa kuwento?

Ang isang katotohanan na maaaring natukoy mo habang pinag-aaralan mo ang salaysay na ito ay may kapangyarihan si Jesucristo na pagalingin tayo sa pisikal at espirituwal.

Si Pangulong Dieter F. Uchtdorf, na noon ay nasa Unang Panguluhan, ay nagpatotoo tungkol sa kapangyarihan ng Tagapagligtas na pagalingin ang espirituwal na karamdaman.

1. Complete the following activity in your study journal using at least five sentences:

• Ano ang mga halimbawa ng mga espirituwal na sugat na mapagagaling ng Tagapagligtas?

• Paano napagpapala ang iyong buhay dahil nalalaman mong mapagagaling Niya ang mga espirituwal na sugat?

Pag-isipang mabuti ang mga sumusunod na tanong na may kaugnayan sa katotohanang ito. Maaari mong isulat sa iyong study journal ang mga naiisip mo.

• Mayroon bang anumang espirituwal na sugat sa iyong buhay na kinakailangang mapagaling?

• Paano mo mahahanap ang nakapagpapagaling na kapangyarihan ni Jesucristo?

• May kakilala ka ba na nangangailangan ng nakapagpapagaling na kapangyarihan ni Jesucristo? Ano ang magagawa mo upang matulungan silang matamo ito?

Magpatotoo tungkol sa pagmamahal ni Jesucristo sa bawat isa sa atin at sa Kanyang kapangyarihang pagalingin tayo.

Habang pinag-aaralan mo ang iba pang salaysay sa mga banal na kasulatan sa taong ito, maaari mong gamitin ang kasanayan sa pagtuon sa mga partikular na tauhan. Maaaring makatulong na basahin nang maraming beses ang isang scripture passage, at pagnilayan sa bawat pagkakataon kung ano ang maaaring natutuhan ng iba’t ibang tao sa kuwento.

1. Gawin ang sumusunod na aktibidad sa iyong study journal gamit ang kahit limang pangungusap lang:

Isipin kunwari na gusto ng taong pinagtuunan mo habang pinag-aaralan mo ang salaysay na ito na ilarawan sa isang kaibigan kung ano ang nasaksihan at nadama niya sa araw na iyon. Mag-ukol ng oras upang detalyado mong maisulat sa iyong study journal kung paano mo naiisip na ilalarawan ng taong ito ang kanyang karanasan. Isama ang mga bagay na sa palagay mo ay natutuhan at nadama niya tungkol kay Jesucristo.

Piliin ang button na Simulan ang Assignment o ang tab na Pagsusumite para ma-upload ang iyong ginawa. Maaari kang mag-record ng isang video ng iyong pagkukuwento mula sa pananaw ng taong iyon, o maaari mong i-type na lang ang iyong sagot gamit ang kahit limang pangungusap lang.