Mateu 13:24–30, 36–43

Shëmbëlltyra e Grurit dhe e Egjrës

Shpëtimtari përdori shëmbëlltyrën e një are me grurë dhe egjër (barishte helmuese) për të dhënë mësim për të drejtët që u mblodhën së bashku dhe të ligjtë që u dogjën para kthimit të Tij. Ky mësim ka për qëllim ta rritë dëshirën tënde për të marrë pjesë në mbledhjen e Izraelit.

Shëmbëlltyra e grurit dhe e egjrës

Përsiati pyetjet që vijojnë. Nëse ke në dispozicion një prind ose një të afërmin tënd, mund t’i diskutosh pyetjet me ta.

Kush ishte personi i parë në familjen tënde që iu bashkua Kishës?
Kush ndihmoi për ta ftuar në Kishë?
Si ka ndikuar në jetën tënde anëtarësimi në Kishë i këtij pjesëtari të familjes?
Si mund të ndikojë tek të tjerët vendimi yt për të mbajtur besëlidhjet e tua me Perëndinë?

Te Mateu 13 , Zoti e përdori shëmbëlltyrën e grurit dhe të egjrës për të dhënë mësim për mbledhjen e njerëzve në Kishën e Tij. Ndërsa studion, kushtoju vëmendje nxitjeve të Shpirtit për të të ndihmuar të kuptosh pse Zoti po e mbledh popullin e Tij dhe si mund të marrësh pjesë.

Studio shëmbëlltyrën te Mateu 13:24–30 . Mund të jetë e dobishme të dish se egjra është “një bar ose barishte helmuese që është e ngjashme në pamjen e jashtme me grurin. Ajo nuk mund të dallohet nga gruri derisa të jetë plotësisht e rritur” (Udhëzuesi për Shkrimet e Shenjta, “ Egjra ”, scriptures.ChurchofJesusChrist.org).

Për të të ndihmuar ta studiosh, përdor këtë model me katër hapa:

Gjej hollësi të rëndësishme.
Bëj krahasime shpirtërore.
Zbulo mësime të vyera.
Përcakto zbatimin në planin personal.

1. Përgjigju për pyetjet vijuese në ditarin tënd të studimit.

Cilat hollësi t’u dukën të rëndësishme në këtë shëmbëlltyrë?
Çfarë krahasimesh shpirtërore bëre?
Çfarë mësimesh të vyera përcaktove?
Si mund t’i zbatosh mësimet nga kjo shëmbëlltyrë në jetën tënde?

Interpretimi i shëmbëlltyrës nga Zoti

Lexo te Mateu 13:36–43 , duke kërkuar për atë që na mëson Zoti për këtë shëmbëlltyrë.

Çfarë i shton kuptueshmërisë tënde për shëmbëlltyrën shpjegimi i Shpëtimtarit?

Në periudhën tonë ungjillore, Zoti tregoi një mënyrë se si do të përmbushet kjo shëmbëlltyrë. Lexo te Doktrina e Besëlidhje 101:64–65 , duke kërkuar për atë që premtoi Zoti se do të bënte përpara Ardhjes së Dytë. Mund të jetë e dobishme të dish se një hambar është një depo ku mbahet gruri.

Çfarë mëson për Zotin nga këto vargje?

Mbledhja e Izraelit

Presidenti Nelson na mësoi për përpjekjet e Zotit për të mbledhur popullin e Tij në ditët e mëvonshme. Shiko materialin filmik “Lejojeni Perëndinë të Triumfojë” nga kodi kohor 04:07 deri në 05:48, [https://www.churchofjesuschrist.org/study/general-conference/2020/10/46nelson?lang=alb] ose lexo tekstin e mëposhtëm. Gjithashtu mund të gjesh vetë shkrime të shenjta ose pohime të tjera për ta thelluar kuptueshmërinë tënde për mbledhjen e Izraelit.

Roli yt në mbledhjen e Izraelit

Lexo pohimin e mëposhtëm nga Presidenti Rasëll M. Nelson, duke kërkuar se si mbledhja e Izraelit lidhet me ty:

Gatherers in the Kingdom
Elder Bradley D. Foster explains each of our roles in gathering God's children on both sides of the veil.

“Rinia ime e dashur dhe e jashtëzakonshme, ju u dërguat në tokë pikërisht në këtë kohë, në kohën më vendimtare në historinë e botës, që të ndihmoni që Izraeli të mblidhet. Nuk ka asgjë tjetër që po ndodh në tokë tani që është më e rëndësishme se ajo. Nuk ka asgjë me pasoja më të mëdha se ajo. Absolutisht asgjë.

Kjo mbledhje duhet të jetë gjithçka për ju. Ky është misioni për të cilin u dërguat në tokë.

Ndaj, pyetja ime për ju është: ‘A jeni të gatshëm të rekrutoheni në batalionin e rinisë së Zotit që të ndihmoni që Izraeli të mblidhet?’”

(Rasëll M. Nelson dhe Uendi W. Nelson, “Shpresa e Izraelit” [takim shpirtëror mbarëbotëror për rininë, 3 qershor 2018], material shtesë New Era dhe Ensign, f. 12, ChurchofJesusChrist.org.)

3. Plotësoje sa vijon në ditarin tënd të studimit:

Shkruaj një paragraf ose më shumë për mendimet dhe përshtypjet e tua për mbledhjen e Izraelit dhe shëmbëlltyrën e grurit dhe të egjrës. Ftoje Frymën e Shenjtë që t’i frymëzojë mendimet dhe ndjenjat e tua ndërsa shkruan. Pyetjet e mëposhtme mund të të ndihmojnë të vendosësh se çfarë të shkruash por janë vetëm një udhërrëfyes.

Çfarë pyetjesh ke pasur për mbledhjen e Izraelit që tani mund t’u japësh përgjigje?
Çfarë të mëson mbledhja e Izraelit për besimin e Shpëtimtarit tek ti dhe dashurinë e Tij për të gjithë?
Si mund ta ndihmosh veten dhe të tjerët të mblidheni me popullin e Zotit?

Fakultative: Dëshiron të Mësosh më Shumë?

Pse Zoti dëshiron ta mbledhë popullin e Tij?

Plaku Dejvid A. Bednar, i Kuorumit të Dymbëdhjetë Apostujve, dha mësim:

“Zoti e mbledh popullin e Tij kur ata e pranojnë Atë dhe i mbajnë urdhërimet e Tij. …

… Zoti e mbledh popullin e Tij për të adhuruar, për të ndërtuar Kishën, për një mbrojtje dhe për të marrë këshillë e udhëzim. …

Profeti Jozef Smith shpalli se në të gjitha periudhat, qëllimi hyjnor i mbledhjes është që të ndërtohen tempuj, në mënyrë që fëmijët e Zotit të mund të marrin ordinancat më të larta dhe në këtë mënyrë të fitojnë jetë të përjetshme.”

(David A. Bednar, “The Spirit and Purposes of Gathering” [takim shpirtëror në Universitetin “Brigam Jang” – Ajdaho, 31 tetor 2006], byui.edu)

Çfarë janë hambarët ku do të mblidhen të drejtët për siguri?

Plaku Dejvid A. Bednar, i Kuorumit të Dymbëdhjetë Apostujve, dha mësim:

“Marrëdhënia thelbësore midis parimit të mbledhjes dhe ndërtimit të tempujve theksohet në Librin e Mormonit:

‘Vini re, fusha qe gati dhe të bekuar jeni ju, se i vutë draprin dhe e korrët me fuqinë tuaj, po, gjatë gjithë ditës ju punuat; dhe vini re numrin e duajve tuaj! Dhe ata do të mblidhen në hambarë, që të mos shkojnë kot’ ( Alma 26:5).

Duajt në këtë analogji përfaqësojnë anëtarët e sapopagëzuar të Kishës. Hambarët janë tempujt e shenjtë.”

(Dejvid A. Bednar, “Me Nder do të Mbajë një Emër e Qëndrim”, Ensign ose Liahona, maj 2009, f. 97.)

Çfarë roli luan Libri i Mormonit në mbledhjen e Izraelit?

Presidenti Rasëll M. Nelson dha mësim:

“Libri i Mormonit është thelbësor për këtë punë. Ai shpall doktrinën e mbledhjes. Ai i bën njerëzit të mësojnë rreth Jezu Krishtit, ta besojnë ungjillin e Tij dhe të bashkohen me Kishën e Tij. Në fakt, nëse nuk do të kishte Libër të Mormonit, mbledhja e premtuar e Izraelit nuk do të ndodhte.”

(Rasëll M. Nelson, “Mbledhja e Izraelit të Shpërndarë”, Ensign ose Liahona, nëntor 2006, f. 80.)