Матай 21:12–16

Есүс ариун сүмийг цэвэрлэв

Jesus turning over a table of a money changer in the temple. Outtakes include images of Christ alone and with the crowd of merchants and buyers fleeing, people buying goods, and people looking.

Есүс амьдралынхаа сүүлчийн долоо хоногт Иерусалимд байх үедээ ариун сүмийг хоёр дахь удаагаа цэвэрлэсэн бөгөөд Өөр дээр нь ирсэн хүмүүсийг эдгээжээ. Энэ хичээл танд ариун сүмийг Аврагчийн хайрыг мэдэрч, Түүнд итгэх итгэлээ бэхжүүлэх ариун газар гэж хандах хүслээ нэмэгдүүлэхэд тусална.

Есүс ариун сүмийг цэвэрлэв

Танд ариун сүмийн өөр өөр өрөөн дэх эдгээр зургийг хараад ямар мэдрэмж төрж байна вэ? Та төрсөн сэтгэгдлээ судлах тэмдэглэл дээрээ бичихийг хүсэж болох юм.

Baptistry of the Asuncion Paraguay Temple

Interior of of the endowment room in the Asuncion Paraguay Temple

Frankfurt Germany Temple . An interior image of the temple featuring the Sealing Room.

Cordoba Argentina Temple celestial room

Есүс Алгасал баярыг тэмдэглэхээр Иерусалим руу явсан бөгөөд ариун сүмд зочилжээ. Иерусалимд ирсэн сүсэгтнүүд өөрсдийнхөө төлөө золиос болгон өргөх амьтдыг худалдан авахын тулд ариун сүмд ашиглах боломжтой мөнгөн тэмдэгтээр өөрсдийн мөнгийг солих хэрэгтэй байсан байна. Хэдийгээр энэхүү үйлдэл зайлшгүй шаардлагатай бөгөөд сайн зорилгоор үйлчилж байсан ч үүнийг ариун сүм дээр зохицуулах нь хүндэтгэлгүй хэрэг байв. Есүс хоёр өөр тохиолдлын үеэр ариун сүм дээр ажигласан зүйлдээ хариу үзүүлжээ. Нэг нь Өөрийн тохинууллын эхэн үед ( Иохан 2:13–16 -г үзнэ үү), нөгөө нь Өөрийн амьдралын сүүлчийн долоо хоногийн турш ( Матай 21:12–13 -ыг үзнэ үү) юм.

Дараах судрын хэсгүүдийн нэгийг эсвэл хоёуланг уншаад, Аврагч ариун сүм дээр харсан зүйлдээ хэрхэн хариу үйлдэл үзүүлсэн болохыг олж мэд. Та мөн ChurchofJesusChrist.org дээрээс “Есүс ариун сүмийг цэвэрлэв” (1:54) видеог үзэж болно. Энэхүү видеонд Иохан 2 дээрх үйл явдлыг харуулдаг.

Cordoba Argentina Temple celestial room

• Иохан 2:13–16

• Матай 21:12–13

• Та эдгээр хоёр хүүрнэлээс, Аврагчийн ариун сүмийн тухай юу гэж бодож буй талаар юу олж мэдсэн бэ?

• Та Аврагч ариун сүмд болж байсан зүйлсэд яагаад ийм аргаар хариу үйлдэл үзүүлсэн гэж бодож байна вэ?

• Та Аврагчийн ариун сүмд хэлсэн үг, хийсэн үйлдлээс ямар үнэнийг олж мэдсэн бэ?

Ерөнхийлөгч Рассэлл М.Нэлсон Их Эзэний өргөөний ариун шинж чанарын талаар ийн заажээ.

Official portrait of President Russell M. Nelson taken January 2018

Ариун сүм бол Их Эзэний өргөө юм. Бүх ариун сүмийн ёслол, гэрээний үндэс суурь болох авралын төлөвлөгөөний зүрх нь Есүс Христийн Цагаатгал билээ. Бидний сүмд хийдэг бүх зүйл, үйл ажиллагаа, хичээл бүр Их Эзэн рүү болон Түүний ариун өргөө рүү чиглэдэг

… Бидний Гэтэлгэгч Өөрийн ариун сүмүүдийг гутаагдан доромжлогдохоос хамгаалагдсан байхыг шаарддаг. Түүний ариун нандин өргөөнд ямар ч ариун бус зүйл орох ёсгүй. Гэвч сайн бэлтгэдэг хүн бүрд ариун сүм нээлттэй байдаг.

(Russell M. Nelson, “Personal Preparation for Temple Blessings,” Ensign, May 2001, 32–33)

• Ерөнхийлөгч Нэлсоны мэдэгдэл ариун сүмийг чиглэсэн Аврагчийн хандлагыг илүү сайн ойлгоход бидэнд хэрхэн туслах вэ?

• Их Эзэн яагаад биднээс Өөрийнх нь ариун сүмд зөв зохистой орохыг шаарддаг гэж та боддог вэ?

Арван хоёр Төлөөлөгчийн Чуулгын ахлагч Дэвид А.Бэднарын хэлсэн дараах мэдэгдлийг уншаад, Их Эзэн танаар юу хийлгэхийг эргэцүүл. Та ChurchofJesusChrist.org дээр байгаа “Үнэтэй бөгөөд гайхамшигт амлалтууд” видеог цагийн код 10:08-аас 11:17 хүртэл үзэх юм уу дараах эшлэлийг уншиж болох юм.

Elder David A. Bednar, Quorum of the Twelve Apostles official portrait. 2020.

Ариун сүм бол шүтэн бишрэх бүхий л газрууд дотроос хамгийн ариун нь билээ. Ариун сүм үнэндээ Их Эзэний өргөө, Бурханыг шүтэн биширч, Түүний үнэтэй бөгөөд гайхамшигт амлалтуудыг хүлээн авч, дурсан санахад зориулагдсан ариун газар.

… Ариун сүмд шүтэн бишрэх гол зорилго бол ёслолуудад оролцон, гэрээнүүдийн талаар суралцаж, тэдгээрийг хүлээн авч, санан дурсах явдал юм. Бид ариун сүм дотор өөрсдийн байнга очдог газруудад байдгаасаа өөрөөр бодож, үйлдэж, хувцасладаг.

Ариун сүмийн гол зорилго бол бидний харцыг дэлхийн зүйлсээс холдуулан, мөнх байдлын адислалууд өөд чиглүүлэх явдал юм.

(Дэвид А.Бэднар, “Үнэтэй бөгөөд гайхамшигт амлалтууд,” Ensign, Nov. 2017, 92 эсвэл 2017 оны 10-р сарын Ерөнхий чуулган, 89)

• Их Эзэн таныг ариун сүмийн ариун шинж чанарын талаарх энэхүү хичээлээр суралцсан зүйлсийнхээ ачаар юуг мэдэж авч, мэдэрч эсвэл хийгээсэй хэмээн хүсэж байгаа гэж та бодож байна вэ?

Есүс сохор, доголон хүнийг эдгээв

Матай 21:14 -ийг уншаад, Аврагч ариун сүмийг хоёр дахь удаагаа цэвэрлэснийхээ дараа юу хийсэн болохыг олж мэд. “Доголон” гэдэг үг нь өрөөл татанхай эсвэл алхахад бэрхшээлтэй байдаг ямар нэг эмгэгтэй хүмүүсийг хэлж байна.

Аврагч ариун сүмийн ойролцоо Өөрийн зарим үнэнч дагалдагчийн бие махбодыг хэрхэн эдгээснийг ажигла.

• Бид Түүнд итгэх итгэлээ хэрэгжүүлж, ариун сүмийн ажлуудыг хийх замаар өөр ямар төрлийн эдгээлтүүдийг олж авч чадах вэ?

Арван хоёр Төлөөлөгчийн Чуулгын ахлагч Дэйл Г.Рэнланд ариун сүм, гэр бүлийн түүхийн ажилд оролцох замаар бидний хүлээн авах боломжтой эдгээлтийн талаар тайлбарлажээ. ChurchofJesusChrist.org дээрх дараах видеог цагийн код 3:49-өөс 4:09 хүртэл үзэх юм уу дараах эшлэлийг унш.

Official portrait of Elder Dale G. Renlund of the Quorum of the Twelve Apostles, January 2016.

Бид өнөөдөр ариун сүм, гэр бүлийн түүхийн ажилд оролцсоноор бошиглогч, төлөөлөгчдийн амласан “эдгээх” адислалуудаас хүртэх эрхтэй болдог. Эдгээр адислал нь мөнх бус байдалд хамрах хүрээ, онцлог шинж, үр дагаврынхаа улмаас бас үнэхээр гайхамшигтай билээ.

(Дэйл Г.Рэнланд, “Гэр бүлийн түүх, ариун сүмийн ажил: Лацдан холболт ба эдгээлт,” Ensign, May 2018, 47 эсвэл 2018 оны 4-р сарын Ерөнхий чуулган, 60)

• Ариун сүмийг бишрэн шүтэх нь өөрсдийн сүнслэг хийгээд сэтгэлийн шархыг эдгээхэд бидэнд хэрхэн тусалж чадна гэж та бодож байна вэ?

1. Өнөөдрийн суралцсан зүйлийнхээ талаар судлах тэмдэглэл дээрээ бич. Дараах асуултуудын дор хаяж хоёрт нь өгөх хариултаа багтаа.

• Аврагчийн тухай мөн Түүний ариун сүмийн талаар судалсны дараа танд ямар бодол, мэдрэмж төрсөн бэ?

• Таны өнөөдрийн сурч мэдэж, мэдэрсэн зүйл ариун сүмд Аврагчийг тахин шүтэхэд яаж нөлөөлсөн бэ?

• Та ариун сүм, гэр бүлийн түүхийн ажилд оролцохдоо Их Эзэнээс ямар эдгээлтийг эрэлхийлдэг вэ?

Нэмэлт: Илүү ихийг судлахыг хүсэж байна уу?

Матай 21:13. Яагаад Есүс хүмүүсийг ариун сүмийг “дээрэмчдийн үүр” болгосон гэж хэлсэн бэ?

“Дээрэмчдийн үүр” гэх хэллэг нь мөнгө солигчид болон худалдаачид Бурханыг тахин шүтэх, бусдад Бурханыг тахин шүтэхэд нь туслахаас илүүтэй санхүүгийн ашиг олох илүү сонирхолтой байсныг харуулж байна.

Есүс ариун сүмийг цэвэрлэх үедээ ууртай байсан уу?

Ерѳнхийлѳгч Гордон Б.Хинкли (1910–2008) ариун сүмийг цэвэрлэж буй Аврагчийн талаар ийн заажээ. ChurchofJesusChrist.org дээрх дараах видеог цагийн код 11:07-оос 11:35 хүртэл үзэх юм уу дараах эшлэлийг унш.

Frontal half-length portrait of President Gordon B. Hinckley. President Hinckley’s hands are resting on the back of a chair. The image is the official Church portrait of President Hinckley as of 1995. This was President Hinckley’s last official portrait. President Hinckley died 27 January 2008.

Уур хилэнг зарим нөхцөл байдалд зөвтгөж болно. Судруудад Есүс ариун сүмээс мөнгө солигчдыг хөөж гаргаад, “Миний гэр залбирлын гэр гэж нэрлэгдэх болно гэж бичигдсэн байдаг. Гэтэл та нар түүнийг нь дээрэмчдийн үүр болгож байна” ( Матай 21:13) хэмээн хэлсэн тухай гардаг. Гэсэн хэдий ч үүнийг уурлаж хилэгнэхээс илүү зэмлэсэн маягтай хэлсэн байдаг.

(Gordon B. Hinckley, “Slow to Anger,” Ensign эсвэл Liahona, Nov. 2007, 66)