Mateo 22:34–40

Ang Dalawang Dakilang Utos

Sa paghahangad na subukin ang Tagapagligtas, tinanong ng isa sa mga Fariseo kung aling utos sa kautusan ang pinakadakila. Bilang tugon, itinuro ng Tagapagligtas na ang unang utos ay ibigin ang Panginoong Diyos nang buong puso, kaluluwa, at pag-iisip, at ang pangalawa ay ibigin ang ating kapwa na gaya ng ating sarili. Ang lesson na ito ay makatutulong sa iyong maunawaan kung paano ipamuhay ang dalawang dakilang utos na ito.

Ang mga dakilang utos

Kunwari ay nakikipag-usap ka sa isang kaibigan tungkol sa iyong mga paniniwala sa relihiyon. Habang pinag-uusapan ninyo ang kahalagahan ng mga kautusan ng Diyos, itinanong ng kaibigan mo kung anong mga partikular na kautusan ang itinuturo ng iyong simbahan.

Sa loob ng isang minuto, maglista ng kahit ilang kautusan at pamantayan ng Diyos na maiisip mo.

Pagkatapos mong ibahagi ang iyong listahan ng mga kautusan ng Diyos, itinanong ng kaibigan mo kung aling mga kautusan ang pinakamahalaga.

Rebyuhin ang iyong listahan at pag-isipan kung paano mo sasagutin ang kanyang tanong.

Mateo 22:36–39Ang ay isang doctrinal mastery passage. Maaari mong markahan ang mga doctrinal mastery passage sa natatanging paraan upang madali mong mahanap ang mga ito. Marami ka pang matututuhan tungkol sa doctrinal mastery passage na ito sa susunod na lesson.

Habang nagtuturo si Jesus sa mga tao, marami sa mga Fariseo ang nagtanong sa kanya, upang subukang ipahiya siya sa harap ng mga tao. Basahin ang Mateo 22:36–40, at alamin ang itinanong sa Tagapagligtas at kung paano Siya tumugon.

• Ano ang naiisip o nadarama mo tungkol sa paraan ng pagtugon ng Tagapagligtas?

Ipinaliwanag ng Tagapagligtas na ang unang dakilang utos ay ibigin natin ang Diyos nang buong puso, kaluluwa, at pag-iisip. Ang pangalawang dakilang utos ay ibigin ang ating kapwa gaya ng ating sarili. Ang dalawang utos na ito ay mula sa Deuteronomio 6:5 at Levitico 19:18. Ang “kautusan” na tinukoy sa Mateo 22:36 ay ang batas ni Moises.

• Ano ang ibig sabihin ng ibigin mo ang Diyos nang buong puso, kaluluwa, at pag-iisip? (Kung gusto mong mas maunawaan ang mga salitang ito, maaari mong hanapin ang mga kahulugan ng mga ito gamit ang mga tulong sa pag-aaral tulad ng Gabay sa mga Banal na Kasulatan.)

• Ano ang ilang halimbawa mula sa buhay ni Cristo na nagpakita sa pagmamahal Niya sa Diyos sa ganitong paraan?

• Sa iyong palagay, ano ang ibig sabihin ng ibigin ang iyong kapwa na gaya ng iyong sarili?

• Paano makatutulong ang pagsunod sa dalawang dakilang utos na ito upang maging katulad tayo ni Jesucristo?

Pansinin na sa Mateo 22:40, itinuro ni Jesus na ginawa ang lahat ng kautusan ng Diyos upang matulungan ang mga tao na maipakita ang kanilang pagmamahal sa Diyos at sa kanilang kapwa.

• Paano makatutulong sa atin ang pagsunod sa dalawang dakilang utos para masunod natin ang lahat ng iba pang kautusan?

Ipinaliwanag ni Pangulong Russell M. Nelson kung paano nauugnay ang ating pagmamahal sa Diyos sa ating pagmamahal sa ating kapwa.

Kapag minamahal natin ang Diyos nang buong puso, ibinabaling Niya ang ating mga puso sa kapakanan ng iba sa isang maganda at banal na siklo.

(Russell M. Nelson, “Ang Ikalawang Dakilang Kautusan,” Ensign o Liahona, Nob. 2019, 97)

• Bakit maaaring ibaling ng ating pagmamahal sa Diyos ang ating puso sa ating kapwa?

• Sino ang kilala mo na mabuting halimbawa ng pagsunod sa dalawang dakilang utos?

• Sa paanong mga paraan niya ipinapakita ang pagmamahal na ito? Paano mo matutularan ang kanyang halimbawa ng pagpapakita ng pagmamahal sa kapwa sa mga simpleng paraan sa araw-araw?

Realizing What God Has Done, How Could I Not Help? | His Hands

When Jose offered an apple to a lady digging through trash, he wished he could offer more. “Realizing the mercy, grace, and love God has offered to me,” he says, “how could I not help someone?”

Sa iyong study journal, isulat ang nalalaman mo tungkol sa Ama sa Langit at kay Jesucristo na naghihikayat sa iyong sundin ang dalawang dakilang utos. Maaaring makatulong kung partikular mong pagninilayan ang mga karanasan kung saan nadama mo ang pagmamahal Nila sa iyo.

Ang pag-ibig sa Diyos ang dapat nating unang priyoridad

Bagama’t mahalagang sundin ang dalawang dakilang utos, nagbabala si Pangulong Dallin H. Oaks:

Ang pagsusumigasig nating sundin ang pangalawang utos na ito ay hindi dapat maging dahilan para malimutan ang una, ang mahalin ang Diyos nang ating buong puso, kaluluwa, at isipan. Ipinapakita natin ang pagmamahal na iyan sa pamamagitan ng “[pagsunod sa] [Kanyang] mga utos.” [Juan 14:15].

(Dallin H. Oaks, “Dalawang Dakilang Utos,” Ensign o Liahona, Nob. 2019, 73–74)

• Bakit mahalaga ang pagkakasunud-sunod ng mga utos na ito?

• Anong mga problema ang maaaring dumating kung uunahin nating mahalin ang ating kapwa kaysa sa Diyos?

• Anong mga sitwasyon o kalagayan ang maaari mong kaharapin kung saan kailangan mong tiyakin na priyoridad mo ang mahalin ang Diyos?

Maaari mong panoorin ang “Mga Espirituwal na Buhawi” mula sa time code na 7:40 hanggang 9:13 upang makita ang halimbawa ng isang dalagita na inuna ang kanyang pagmamahal sa Diyos. Matatagpuan ang video na ito sa SimbahanniJesucristo.org.

Mga Espirituwal na Buhawi

Hinikayat ni Neil L. Andersen ang mga kabataan na magtiwala sa Diyos sa oras ng mga pagsubok at nangako na tatanggapin nila ang proteksyon at patnubay ng Panginoon.

Gumawa ng plano

Pagnilayan ang mga oportunidad na naranasan mo kamakailan kung saan sinunod mo ang dalawang dakilang utos. Sa scale na isa hanggang lima, i-rate ang iyong sarili kung gaano mo kahusay na sinusunod ang bawat isa sa mga utos na ito, na ang numerong isa ay “napakahusay” at ang lima ay “hindi mahusay.”

1. Gawin ang sumusunod:

Gumawa ng plano sa iyong study journal upang mas lubos na masunod ang dalawang dakilang utos na ito.

• Maglista ng mga partikular na gagawin mo upang mas mahusay na maipamuhay ang dalawang dakilang utos na ito. Pakinggang mabuti ang mga impresyon mula sa Espiritu Santo, at pumili ng isa na gagawin mo.

• Isulat kung paano mo gagawin iyon. Maaari mong ipaalam ang iyong plano sa iyong mga magulang o sa isang pinagkakatiwalaang kaibigan at anyayahan silang tulungan ka. Isaisip na tutulungan ka ng Diyos kapag ginawa mo ang lahat ng iyong makakaya (tingnan sa Doktrina at mga Tipan 123:17).

Opsiyonal: Gusto Mo Bang May Matutuhan Pa?

Paano ko matututuhang mahalin ang sarili ko?

Sa kanyang mensaheng “Ito ang Ating Panahon!”, tinalakay ni Elder S. Gifford Nielsen ng Pitumpu ang tungkol sa kahalagahan ng pagkatutong mahalin ang ating sarili (Liahona, Mayo 2021, 64–67). Maaari mong panoorin ang video, na matatagpuan sa SimbahanniJesucristo.org, mula sa time code na 7:36 hanggang 9:32.

Ito ang Ating Panahon!

Ipinaalala sa atin ni Elder Nielsen na maaari tayong magkaroon ng tapang sa kaalamang ipinadala tayo ng Ama sa Langit sa napakahalagang panahong ito ng kasaysayan upang maisakatuparan ang Kanyang mga layunin.

Paano naaayon sa isa’t isa ang dalawang dakilang utos? (tingnan din sa 1 Juan 4:7–11, 20–21)

Itinuro ni Elder Peterr M. Johnson ng Pitumpu:

Tandaan na ang dakila at pangunang utos ay ibigin ang Diyos nang buong puso, kakayahan, pag-iisip, at lakas. [tingnan sa Mateo 22:37–38]. Ang lahat ng ginagawa natin ay dapat dahil sa pagmamahal natin sa Kanya at sa Kanyang Anak. Habang pinapayabong natin ang ating pagmamahal para sa Kanila sa pamamagitan ng pagsunod sa Kanilang mga kautusan, madaragdagan ang ating kakayahang mahalin ang ating sarili at ang iba. Magsisimula tayong maglingkod sa ating pamilya, mga kaibigan, at mga kapit-bahay dahil makikita natin sila kung paano sila nakikita ng Tagapagligtas—bilang mga anak ng Diyos [tingnan sa Juan 3:16; 1 Juan 4:19; Mosias 2:17].

(Peter M. Johnson, “Kapangyarihang Madaig ang Kaaway,” Ensign o Liahona, Nob. 2019, 111)

Paano makakaapekto sa buhay ko ang pagsunod sa mga utos na mahalin ang Diyos at ang kapwa?

Ipinaliwanag ni Pangulong M. Russell Ballard, Gumaganap na Pangulo ng Korum ng Labindalawang Apostol:

Ang pagsunod sa dalawang utos na iyon ay nagbibigay-daan para maranasan ang higit na kapayapaan at kagalakan. Kapag minamahal at pinaglilingkuran natin ang Panginoon at minamahal at pinaglilingkuran ang ating kapwa, talagang madarama natin ang higit na kaligayahan na dumarating lamang sa pamamagitan nito.

(M. Russell Ballard, “Ang Tunay, Dalisay, at Simpleng Ebanghelyo ni Jesucristo,” Ensign o Liahona, Mayo 2019, 29)

null

Love and Law

Love and Law

Paano tayo naiimpluwensyahan ng pagmamahal ng Diyos na sundin ang dalawang dakilang utos?

Pinatotohanan ni Elder Jeffrey R. Holland ng Korum ng Labindalawang Apostol:

Ang una at dakilang utos sa kawalang-hanggan ay ang mahalin ang Diyos nang buo nating puso, kakayahan, pag-iisip at lakas—iyan ang una at dakilang utos. Subalit ang una at dakilang katotohanan sa kawalang-hanggan ay mahal tayo ng Diyos nang buo Niyang puso, kakayahan, pag-iisip at lakas. Ang pagmamahal na iyon ay saligang bato ng kawalang-hanggan, at ito ay dapat na maging saligang bato ng ating buhay araw-araw. Katunayan sa katiyakan lamang na iyon na nag-aalab sa ating kaluluwa tayo magkakaroon ng kumpiyansang patuloy na manalig, patuloy na magsikap na magpakabuti pa, patuloy na humingi ng kapatawaran ng ating mga kasalanan, at ipakita ang gayon ding kabutihan sa ating kapwa.

(Jeffrey R. Holland, “Bukas ay Gagawa ng mga Kababalaghan ang Panginoon sa Inyo,” Ensign o Liahona, Mayo 2016, 127)