Mateo 26:36–46; Lucas 22:39–46, Bahin 2

Sa Unsang Paagi ang Pag-antos sa Manluluwas didto sa Getsemani Makaimpluwensiya sa Akong Kinabuhi?

Jesukristo Naglup-og diha sa yuta sa Tanaman sa Getsemani

Kini mao ang ikaduha sa duha ka bahin nga leksiyon mahitungod sa pag-antos sa Manluluwas didto sa Getsemani ug sa doktrinal niini nga kamahinungdanon. Isip kabahin sa Iyang Pag-ula, si Jesukristo midala diha sa Iyang kaugalingon sa atong mga sala, mga kasakit, mga balatian, ug mga kahuyang. Tungod sa Iyang makatubos nga sakripisyo, nakahimo Siya sa pagtabang kanato sa mga hagit nga atong giatobang sa kinabuhi. Kini nga leksiyon gituyo aron matabangan ka nga mobati sa dakong panginahanglan alang sa kalig-on ug tabang nga ikahalad ni Jesukristo kaninyo pinaagi sa Iyang Pag-ula.

Nganong si Jesus kinahanglan man nga mag-antos sa hilabihan?

Hunahunaa ang mosunod nga sitwasyon.

Ang imong higala nga si Chandler interesadong makat-on og dugang mahitungod sa Simbahan sa milabay nga pipila ka bulan. Siya migahin na og daghang panahon sa inyong balay sa pagkat-on og dugang pa mahitungod sa ebanghelyo ug miapil pa gani sa pagtuon sa kasulatan kauban sa inyong pamilya sa pipila ka higayon. Usa ka gabii, human nagtuon sa mga hitabo nga may kalabotan sa pag-antos sa Manluluwas didto sa Getsemani, nangutana si Chandler, “Nganong gikinahanglan man ni Jesus nga mag-antos sa hilabihan?”

Unsaon nimo sa pagtubag sa pangutana ni Chandler?

Hunahunaa ang imong mga pagbati mahitungod kang Jesukristo ug sa Iyang Pag-ula. Kon maghunahuna ka mahitungod sa Iyang makatubos nga sakripisyo, unsay imong mga pangutana? Sa unsang paagi nga ang pagkahibalo nga Siya nag-antos para nimo nakaapekto sa imong mga pagbati mahitungod Kaniya? Sa milabay nga leksiyon sa (“Mateo 26:36–46; Lucas 22:39–46, Bahin 1”) gipasabot ang daghang detalye sa pag-antos sa Manluluwas didto sa Getsemani. Paggahin og higayon sa pagtuon sa Mateo 26:36–39 ug Lucas 22:41–44 pag-usab. Pangita og pihong mga pulong o mga hugpong sa mga pulong, lakip kadtong imo nang gibadlisan, nga makahuluganon kanimo mahitungod sa Manluluwas ug nga naghulagway unsa ang Iyang nasinati didto sa Getsemani.

Paggamit sa modernong pagpadayag aron mas masabtan ang pag-antos sa Manluluwas

Kon wala ang modernong pagpadayag nga nadawat ni Propeta Joseph Smith mahitungod sa Manluluwas ug sa Iyang Pag-ula, adunay mas daghan nga dili nato masabtan mahitungod sa unsay giantos ni Jesukristo, didto sa Getsemani ug sa krus, isip kabahin sa Iyang Pag-ula ug mahitungod kon nganong Siya nag-antos niining mga butanga.

Basaha ang Doktrina ug mga Pakigsaad 19:16–19, nga mangita unsa ang gitudlo ni Jesukristo mahitungod sa Iyang pag-antos.

Unsa ang natabang niini nga mga bersikulo kanimo sa pagsabot nganong si Jesus nag-antos sa hilabihan?
Unsa ang natabang niini nga mga bersikulo kanimo sa pagsabot mahitungod sa gugma sa Manluluwas alang kanimo?

Basaha ang Alma 7:11–13, ug kompletoha ang mosunod nga talaan diha sa imong journal sa pagtuon. Mahimong makatabang ang pagkahibalo nga ang pulong nga tabang diha sa bersikulo 12 nagpasabot “sa paghatag og kahupayan o abag” (Dallin H. Oaks, “Nalig-on pinaagi sa Pag-ula ni Jesukristo,” Liahona, Nob. 2015, 61).

Unsa ang giantos sa Manluluwas o gidala diha sa Iyang kaugalingon?	Unsa ang nabuhat ni Jesukristo alang kanato tungod sa Iyang Pag-ula?
Unsa ang giantos sa Manluluwas o gidala diha sa Iyang kaugalingon?	Unsa ang nabuhat ni Jesukristo alang kanato tungod sa Iyang Pag-ula?
Unsa ang giantos sa Manluluwas o gidala diha sa Iyang kaugalingon?	Unsa ang nabuhat ni Jesukristo alang kanato tungod sa Iyang Pag-ula?
Unsa ang giantos sa Manluluwas o gidala diha sa Iyang kaugalingon?	Unsa ang nabuhat ni Jesukristo alang kanato tungod sa Iyang Pag-ula?

Unsay inyong nakat-onan gikan niini nga mga bersikulo mahitungod sa unsay giantos ni Jesukristo ug nganong Siya nag-antos niini?
Sa unsang paagi ang pag-antos sa Ginoo didto sa Getsemani makapanalangin sa matag usa kanato?

Usa ka kamatuoran nga atong makat-onan gikan sa Alma 7:11–13 mao nga si Jesukristo nag-antos aron sa pagluwas kanato gikan sa sala ug kamatayon ug aron sa pagtabang kanato latas sa mga hagit sa mortalidad. Mahimo nimong isulat kini nga kamatuoran diha sa imong mga kasulatan. Mahimo usab nimong isulat kini nga kamatuoran ug ang imong mga tubag sa mosunod nga mga pangutana diha sa imong journal sa pagtuon.

Asa nianang mga panalangin nga nalista sa ikaduhang kolum sa imong talaan ang labing makahuluganon alang nimo nga masinati karon? Ngano man?
Kanus-a nimo nasinati nga ang paglaom, kalinaw, paghupay, o kalig-on posibling moabot kanimo pinaagi sa maulaon nga mga pag-antos ni Jesukristo?

Aron makita ang usa ka ehemplo nga naghulagway sa langitnong tabang nga atong madawat pinaagi sa maulaong sakripisyo sa Manluluwas, tanawa ang “Atonement—Not a One-Time Thing [Pag-ula—Dili Butang sa usa ka Higayon]” (3:00) o “Alek’s Story” (6:26). Kini nga mga bidyo makita sa ChurchofjesusChrist.org.

Atonement - Not a One-Time Thing
A young man shares how with the help of his bishop, he is experiencing the blessings of the Atonement of Jesus Christ.

Alek's Story
Alek struggled during high school and on his mission with depression and anxiety. It was the love of his family that helped him see how he could apply the Atonement of Jesus Christ and find hope.

Aron makat-on pa og dugang mahitungod sa unsang paagi ang Manluluwas makapanalangin sa atong kinabuhi tungod sa Iyang Pag-ula, tun-i ang pipila ka pagtulon-an sa mga lider sa Simbahan diha sa “Opsiyonal: Gustong Makakat-on pa og Dugang?” nga seksiyon dapit sa kataposan niini nga leksiyon.

Opsiyonal: Gustong Makakat-on pa og Dugang?

Sa unsang mga paagi ang Pag-ula sa Manluluwas makaapekto sa atong kinabuhi?

Si Presidente Dallin H. Oaks sa Unang Kapangulohan:

Ang oportunidad nga mapasaylo sa atong mga sala mao ang dakong kahulogan sa Pag-ula ni Jesukristo. …

Ang atong Manluluwas ug Manunubos milahotay sa dili matukib nga pag-antos nga mahimong usa ka sakripisyo alang sa mga sala sa tanang tawo kinsa maghinulsol. Kining maulaon nga sakripisyo nagtanyag sa hilabihan ka maayo, ang putli nga kordero nga walay lama, alang sa hilabihan ka daotan, ang mga sala sa tibuok kalibotan. Kini miabli sa pultahan alang sa matag usa kanato nga malimpyohan sa atong personal nga mga sala aron kita madawat og balik ngadto sa presensiya sa Dios, atong Amahan sa Kahangtoran. Kining abli nga pultahan anaa alang sa tanang mga anak sa Dios.

(Dallin H. Oaks, “Unsa ang Nabuhat sa Atong Manluluwas alang Kanato?,” Liahona, Mayo 2021, 76)

Elder Dale G. Renlund sa Korum sa Napulog Duha ka Apostoles:

Makapungot nga Pagkadili Makiangayon
Si Elder Renlund nagtudlo nga kita kinahanglan nga dili motugot nga ang pagkadili makiangayon maghimo kanatong mapungtanon o mopahuyang sa atong hugot nga pagtuo apan hinoon mangayo sa Dios og tabang ug mopalambo sa atong pagsalig sa Manluluwas.

Diha sa dili makiangayong mga sitwasyon, usa sa atong mga tahas mao ang pagsalig nga “ang tanan nga dili makiangayon kabahin sa kinabuhi mahimong mapahusto pinaagi sa Pag-ula ni Jesukristo” [Isangyaw Ang Akong Ebanghelyo: Usa ka Giya sa Serbisyong Misyonaryo (2018), 61]. Si Jesukristo mibuntog sa kalibotan ug “makapahiuli” sa tanan nga pagkadili makiangayon. Tungod Kaniya, makabaton kita og kalinaw dinhi sa kalibotan ug magmaya. Kon kita motugot Kaniya, ipahinungod ni Jesukristo ang pagkadili makiangayon alang sa atong kaayohan. Siya dili lamang mohupay kanato ug mopahiuli sa unsay nawala; Siya mogamit sa pagkadili makiangayon alang sa atong kaayohan.

(Dale G. Renlund, “Makapungot nga Pagkadili Makiangayon,” Liahona, Mayo 2021, 42-43)

Si Elder Ulisses Soares sa Korum sa Napulog Duha ka Apostoles:

Jesukristo: Ang Tig-atiman sa Atong Kalag
Si Elder Soares nagtudlo mahitungod ni Jesukristo, sa Iyang Pag-ula, ug sa gasa sa paghinulsol.

Ako mopamatuod kaninyo nga kon kita tinud-anay nga maghinulsol sa atong mga sala, gitugotan nato ang maulaong sakripisyo ni Kristo nga mahimong hingpit nga epektibo sa atong kinabuhi. Kita mahimong gawasnon gikan sa pagkaulipon sa sala, makakaplag og kalipay sa atong yutan-ong panaw, ug mahimong angayan nga modawat sa mahangturong kaluwasan, nga giandam gikan sa pundasyon sa kalibotan alang sa tanan kinsa motuo ni Jesukristo ug moduol ngadto Kaniya.

(Ulisses Soares, “Jesukristo: Ang Tig-atiman sa Atong Kalag,” Liahona, Mayo 2021, 83)

Elder Michael John U. Teh sa Seventy:

Atong Personal nga Manluluwas
Si Elder Teh nagtudlo sa kaimportante sa pagkaila sa Manluluwas ug pagpasalamat sa Iyang Pag-ula sa personal nga kahimtang.

Ang nagtubo nga pagsabot nga ang Pag-ula ni Jesukristo magamit nato sa personal ug indibidwal nga paagi makatabang nato nga makaila Kaniya. Kasagaran mas sayon nato ang paghunahuna ug pagsulti bahin sa Pag-ula ni Kristo sa kinatibuk-ang mga termino kay sa pag-ila sa personal nga kamahinungdanon niini sa atong kinabuhi. Ang Pag-ula ni Jesukristo walay kinutoban ug walay kataposan ug kahalapad ug kalawom sa gilangkoban niini apan personal ug indibidwal gayod ang mga epekto niini. Tungod sa Iyang maulaong sakripisyo, ang Manluluwas adunay gahom sa paglimpyo, pag-ayo, ug paglig-on nato sa tagsa-tagsa.

(Michael John U. Teh, “Atong Personal nga Manluluwas,” Liahona, Mayo 2021, 99)

Sister Reyna I. Aburto, ikaduhang magtatambag sa Kinatibuk-ang Kapangulohan sa Relief Society:

Ang Lubnganan Walay Kadaogan
Si Sister Aburto nagpamatuod kabahin sa Pagkabanhaw ni Jesukristo ug nga ang Iyang Pag-ula makatabang nato nga mabuntog ang kasubo ug makakita og paglaom.

Pinaagi sa matubsanong Pag-ula ug mahimayaong Pagkabanhaw ni Jesukristo, ang nagsubo nga mga kasingkasing mamaayo, ang kaguol mahimong kalinaw, ug ang kasagmuyo mahimong paglaom. Siya makagakos kanato diha sa Iyang mga bukton sa kaluoy, mohupay, molig-on, ug moayo sa matag usa kanato.

(Reyna I. Aburto, “Ang Lubnganan Walay Kadaogan,” Liahona, Mayo 2021, 86)