Doktrinal nga Kahanas Rebyo 10

Gamita ang mga Tudling sa Doktrinal nga Kahanas

Ang usa sa mga katuyoan sa doktrinal nga kahanas mao ang pagtabang kanimo nga makakat-on kon unsaon paggamit sa doktrina nga gitudlo diha sa mga tudling sa doktrinal nga kahanas ngadto sa tinuod nga mga sitwasyon sa kinabuhi. Kini nga leksiyon makahatag kanimo og mga kahigayonan sa pagbansay sa paggamit sa pipila ka mga tudling nga imong nakat-onan karong tuiga.

Doktrina sa tinuod nga kinabuhi

Irebyo ang upat ka tudling sa doktrinal nga kahanas sa mosunod nga tsart. Samtang basahon ninyo ang mga senaryo sa ubos, itino unsa nga tudling sa doktrinal nga kahanas ang tingali makatabang sa matag senaryo.

Pakisayran sa Kasulatan	Mahinungdanong Hugpong sa mga Pulong sa Kasulatan
Pakisayran sa Kasulatan Mateo 22:36–39	Mahinungdanong Hugpong sa mga Pulong sa Kasulatan “Higugmaa ang Ginoo nga imong Dios. … Higugmaa ang imong isigkatawo.”
Pakisayran sa Kasulatan Lucas 22:19–20	Mahinungdanong Hugpong sa mga Pulong sa Kasulatan Si Jesukristo misugo, ambit kamo sa sakramento “aron paghandom kanako.”
Pakisayran sa Kasulatan Lucas 24:36–39	Mahinungdanong Hugpong sa mga Pulong sa Kasulatan “Kay ang espiritu walay unod ug mga bukog sama sa nakita ninyo nga ania kanako.”
Pakisayran sa Kasulatan Juan 17:3	Mahinungdanong Hugpong sa mga Pulong sa Kasulatan “Ug kini mao ang kinabuhing dayon: nga ang mga tawo moila kanimo nga mao ang bugtong matuod nga Dios ug kang Jesukristo.”

1. Si Carlos adunay higala sa lahi nga Kristiyanong tinuohan kinsa nagpahayag sa iyang gituohan nga si Jesukristo usa ka espiritu ug nga Siya walay pisikal nga lawas.

2. Si Liz nagtan-aw sa iyang kaugalingon nga inklusibo, lakip na ang pagdawat sa bisan unsang kinaiya basta sinsero kini. Kini nakaingon niya sa pagkwestiyon sa doktrina sa Langitnong Amahan bahin sa kaminyoon ug pamilya. Tungod sa iyang mga pangutana, si Liz bag-ohay lang miundang sa pagtambong sa simbahan ug pagtuman sa uban pang mga sugo.

3. Si Maria naghunahuna unsaon niya paghimo sa sakramento nga usa ka mas makahuloganong kasinatian.

4. Si Frank miundang sa paghatag og atensiyon sa iyang klase sa seminary ug sa mga miting sa Sunday School tungod kay mibati siya nga aduna na siyay igong kahibalo mahitungod sa Langitnong Amahan ug ni Jesukristo.

Pagpili og usa sa mga senaryo, ug hunahunaa ang mahitungod sa tudling sa doktrinal nga kahanas nga inyong gipares niini.

1. Ilista unsa nga senaryo ang inyong gipili ug ang tudling sa doktrinal nga kahanas nga gibati ninyo nga makasulbad sa maong kahimtang. Dayon tubaga ang mosunod nga mga pangutana diha sa inyong journal sa pagtuon.

• Sa unsang paagi ang tudling sa doktrinal nga kahanas nga inyong gipili magamit niini nga sitwasyon?

• Unsa ang matabang niini nga tudling diha sa tawo sa maong sitwasyon sa pagsabot mahitungod sa Langitnong Amahan ug kang Jesukristo ug sa Ilang mga tinguha alang kanato?

• Unsa nga mga lihok ang tingali imong isugyot nga buhaton niining tawhana aron magamit ang mga kamatuoran diha sa tudling nga imong gipili? Ngano man?

Ang paggamit sa mga tudling sa doktrinal nga kahanas sa personal nga mga kahimtang

2. Kompletoha ang mosunod nga kalihokan:

Sa inyong journal sa pagtuon, pagdrowing og badlis-badlis nga hulagway sa usa ka tin-edyer, ug isulat ang ilang edad, sekso, ug sitwasyon sa pamilya. Kini nga tawo mahimo nga tinuod o gihunahuna ra. Paglakip og pipila ka piho nga mga pangutana, mga problema, o mga hagit nga kasamtangang giatubang niining tawhana.

Irebyo ang mga tudling sa doktrinal nga kahanas sa ubos (ug ang uban pa nga inyong gipili) ug tinoa kon unsa nga mga tudling ang tingali makatabang sa maong sitwasyon.

Pakisayran sa Kasulatan	Mahinungdanong Hugpong sa mga Pulong sa Kasulatan
Pakisayran sa Kasulatan Lucas 2:10–12	Mahinungdanong Hugpong sa mga Pulong sa Kasulatan “Kay karong gabhiona, natawo sa lungsod ni David ang inyong Manluluwas, ang Kristo nga Ginoo.”
Pakisayran sa Kasulatan Juan 3:5	Mahinungdanong Hugpong sa mga Pulong sa Kasulatan “Walay makasulod sa gingharian sa Dios gawas kon matawo siya pinaagi sa tubig ug sa Espiritu.”
Pakisayran sa Kasulatan Juan 3:16	Mahinungdanong Hugpong sa mga Pulong sa Kasulatan “Kay gihigugma pag-ayo sa Dios ang kalibotan ug tungod niini gihatag niya ang iyang bugtong Anak.”
Pakisayran sa Kasulatan Mateo 5:14–16	Mahinungdanong Hugpong sa mga Pulong sa Kasulatan “Ipadan-ag ang inyong kahayag atubangan sa mga tawo.”
Pakisayran sa Kasulatan Mateo 11:28–30	Mahinungdanong Hugpong sa mga Pulong sa Kasulatan “Duol kamo kanako, kamong tanan nga gikapuyan ug gibug-atan sa inyong gipas-an ug papahulayon ko kamo.”
Pakisayran sa Kasulatan Mateo 16:15–19	Mahinungdanong Hugpong sa mga Pulong sa Kasulatan Si Jesus miingon, “Ihatag ko kanimo ang mga yawi sa gingharian sa langit.”
Pakisayran sa Kasulatan Juan 7:17	Mahinungdanong Hugpong sa mga Pulong sa Kasulatan “Ang buot magbuhat sa gisugo sa Dios mahibalo kon ang akong gitudlo gikan ba sa Dios.”
Pakisayran sa Kasulatan Mateo 22:36–39	Mahinungdanong Hugpong sa mga Pulong sa Kasulatan “Higugmaa ang Ginoo nga imong Dios. … Higugmaa ang imong isigkatawo.”
Pakisayran sa Kasulatan Lucas 22:19–20	Mahinungdanong Hugpong sa mga Pulong sa Kasulatan Si Jesukristo misugo, ambit kamo sa sakramento “aron paghandom kanako.”
Pakisayran sa Kasulatan Juan 17:3	Mahinungdanong Hugpong sa mga Pulong sa Kasulatan “Ug kini mao ang kinabuhing dayon: nga ang mga tawo moila kanimo nga mao ang bugtong matuod nga Dios ug kang Jesukristo.”
Pakisayran sa Kasulatan Lucas 24:36–39	Mahinungdanong Hugpong sa mga Pulong sa Kasulatan “Kay ang espiritu walay unod ug mga bukog sama sa nakita ninyo nga ania kanako.”

Pagsulat og mubo nga sulat ngadto sa tin-edyer nga anaa sa maong senaryo. Ilakip ang mosunod:

• Ang tudling sa doktrinal nga kahanas nga imong gibati nga labing maayong makatabang niya sa pagsabot sa mga tinguha sa Langitnong Amahan ug ni Jesukristo alang kanila ug ngano.

• Usa ka personal nga kasinatian, sugilanon sa kasulatan, o sanglitanan gikan sa kinabuhi sa Manluluwas nga may kalabotan sa unsay gitudlo sa tudling ug tingali makadasig niining tawhana.

• Mga buhat nga tingali ilang buhaton aron magamit ang mga kamatuoran nga naa sa tudling sa doktrinal nga kahanas nga inyong gisugyot. (Pananglitan, alang sa Lucas 22:19–20 mahimo kang maglakip og tambag mahitungod sa pagdapit sa impluwensiya sa Espiritu Santo ug sa mga butang nga hinumdoman mahitungod sa Manluluwas panahon sa sakramento, o alang sa Juan 7:17 mahimo kang mosugyot og mga pakigpulong nga ilang mabasa aron mas makasabot sa Langitnong Amahan ug kang Jesukristo.)

• Inyong kaugalingong pagpamatuod kang Jesukristo ug sa mga kamatuoran nga gitudlo diha sa tudling nga imong gipili.

Kon nagsulat ka ngadto sa usa ka tinuod nga tawo, ikonsiderar ang paghatag niini ngadto nila o pagpakigsulti nila mahitungod sa imong mubo nga sulat.