Usa ka batan-ong lalaki nga gibunyagan diha sa usa ka bunyaganan sa usa ka bilding sa simbahan didto sa Madagascar.
Ang pagtugyan sa atong kaugalingon ngadto sa Dios dili sayon. Apan si Jesukristo misaad nga samtang bag-ohon nato, ang daang makasasala nga kinaiya, Siya maghatag kanato og bag-ong kinabuhi, nga magbag-o sa atong mga kinaiya aron mahimong mas sama Kaniya. Si Pablo nagtudlo nga pinaagi sa ordinansa sa pagbunyag, kita makadawat sa makapausab nga gahom sa Manluluwas nga motabang kanato nga “magkinabuhi sa bag-ong kinabuhi” ( Mga Taga-Roma 6:4). Kini nga leksiyon makatabang nimo nga magtinguha og pagbag-o pinaagi kang Jesukristo ug mas makaila sa dihang mahitabo ang maong mga pagbag-o.
Unsa ang imong nahinumdoman mahitungod sa imong bunyag?
Sa unsang paagi kamo espirituhanong nabag-o sukad sa imong pagbunyag?
Paggahin og gamay nga panahon sa pagpamalandong sa imong espirituhanong pag-uswag. Lagmit imong mapangutana ang imong kaugalingon og mga pangutana sama sa “Nag-uswag ba ang akong hugot nga pagtuo ug relasyon sa Langitnong Amahan ug kang Jesukristo?” o “Sa unsang paagi nakaapekto ang akong nakat-onan mahitungod sa Manluluwas sa akong kinaiya ug mga buhat?” Sa imong pagtuon sa Mga Taga-Roma 6, pamalandong kon kamo nahimo bang mas susama sa Manluluwas ug sa unsang paagi Siya makatabang kanimo aron makapadayon sa paglambo ug mas mahimong sama Kaniya.
Ang pagbunyag pinaagi sa pagpaunlod nagsimbolo og kamatayon ug pagkabanhaw
Ang pagkat-on unsaon pag-ila ug pagsabot sa mga simbolo sa mga kasulatan usa ka mahinungdanong kahanas. Si Pablo migamit sa simbolismo sa pagbunyag pinaagi sa pagpaunlod aron tabangan ang mga Santos sa Roma nga makasabot nga kinahanglan natong biyaan ang atong daan, makasasala nga kinabuhi aron nga si Jesukristo makabag-o kanato ug hatagan kita og bag-ong kinabuhi pinaagi sa Iyang Pag-ula.
Basaha ang Mga Taga-Roma 6:3–8, nga mangita sa mga simbolo nga mas makatudlo kanimo mahitungod sa Manluluwas.
Sumala sa Mga Taga-Roma 6:3–8, unsa ang girepresentar kanato sa pagkanaog, pagkalubong sa ilawom, ug paghaw-as gikan sa tubig sa bunyag?
Si Presidente Russell M. Nelson mitudlo:
Imahe
Opisyal nga hulagway ni Presidente Russell M. Nelson nga gikuha niadtong Enero 2018
Ang mahinungdanon nga mga ordinansa sa ebanghelyo nagsimbolo sa Pag-ula. Ang bunyag pinaagi sa pagpaunlod usa ka simbolo sa kamatayon, paglubong, ug Pagkabanhaw sa Manluluwas.
(Russell M. Nelson, “The Atonement,” Ensign, Nob. 1996, 35)
Unsaon nimo pagpamubo sa Mga Taga-Roma 6:4 isip usa ka pamahayag sa kamatuoran?
Ang mosunod mao ang usa ka paagi sa pagpamubo sa Mga Taga-Roma 6:4: Pinaagi ni Jesukristo, kita mausab ug “magkinabuhi og bag-ong kinabuhi.”
Unsa kaha ang gipasabot sa “magkinabuhi og bag-ong kinabuhi”? (Mga Taga-Roma 6:4).
Kanus-a ka nakabati nga tungod sa Manluluwas ikaw nahimong naglakaw sa bag-ong sa kinabuhi?
Ngano kaha nga ang Langitnong Amahan ug si Jesukristo gusto nga kita maglakaw sa bag-ong kinabuhi?
Sigon sa narekord sa mga bersikulo 5–6, si Pablo nagtudlo nga pinaagi sa pakigsaad ug ordinansa sa bunyag, “ang atong karaan nga tawo” o “makasasala nga lawas” “gilansang sa krus uban kang [Jesukristo]” ug “gilaglag, aron sukad karon dili na kita maulipon sa sala.”
Paggahin og gamay nga panahon sa pagpamalandong sa mga sala o mga kahuyang nga imong gipaningkamotang mawala gikan sa imong kinabuhi. Imong balikon kini nga mga hunahuna unya dinhi niini nga leksiyon.
Unsa nga mga kabag-ohan ang akong mahimo?
Unsang klaseha sa mga kabag-ohan ang sa imong hunahuna sayon himoon? Unsa ang kadtong mga lisod?
Si Pablo migamit sa panig-ingnan sa Manluluwas sa pagbuntog sa kamatayon ug sala aron sa pagtudlo nga kita usab makabuntog sa atong mga sala pinaagi Kaniya. Basaha ang Mga Taga-Roma 6:9–14, pangitaa kon giunsa ni Pablo pagkonektar ang kamatayon ug Pagkabanhaw ni Kristo ngadto sa unsaon nato pagbuntog sa sala.
1. Ang mosunod nga mga pangutana mahimong makatabang nimo nga makasabot niini nga mga bersikulo. Tubaga ang duha o mas daghan pa niini diha sa imong journal sa pagtuon:
Sama nga si Jesukristo “[namatay] nga nagwagtang sa sala makausa” (bersikulo 10), kita gibunyagan sa makausa lamang alang sa kapasayloan sa atong mga sala. Bisan pa niini, matag semana makabag-o kita sa atong pasalig nga “magkinabuhi og bag-ong kinabuhi” (bersikulo 4) pinaagi sa pag-ambit sa sakramento. Giunsa niining sinemanang ordinansa pagtabang kanimo nga mapakita ang imong gugma alang sa Langitnong Amahan ug kang Jesukristo?
Unsa sa imong hunahuna ang gipasabot ni Pablo sa “[isipa usab ang] imong kaugalingon nga mga patay na ngadto sa sala, apan diha kang [Jesukristo] mga buhi kamo”? (Bersikulobersikulo 11).
Nganong lagmit ang usa ka batan-on mopili sa pagsunod sa tambag ni Pablo nga natala sa bersikulo 12? Unsa nga mga panalangin ang moabot gikan sa pagkinabuhi niini nga paagi?
Ang pulong nga mga bahin sa bersikulo 13 nagpasabot sa atong mga parte sa lawas. Unsaon ninyo paggamit ang imong mga kamot, tiil, ulo, ug kasingkasing “[isip] galamiton sa pagkamatarong ngadto [sa Dios]”? (bersikulo 13).
Sa unsang paagi nga ang pagsunod sa mga pagtulon-an nga natala sa mga bersikulo 11–13 makahimo sa saad nga gihatag sa bersikulo 14 nga makab-ot?
2. Tubaga ang mosunod nga mga pangutana diha sa imong journal sa pagtuon:
Giunsa ni Pablo paghulagway ang mga panalangin sa pagpakabuhi sa bag-ong kinabuhi?
Samtang magpadayon kamo sa pagpaningkamot aron mabuntog ang sala pinaagi ni Kristo, unsa sa imong hunahuna ang panagway og pamati sa magkinabuhi sa bag-ong kinabuhi diha ni Jesukristo?
Unsa ang imong mabuhat aron magkinabuhi sa bag-ong kinabuhi sugod karong adlawa?
Opsiyonal: Gustong Makakat-on Pa og Dugang?
Unsa ang pipila sa mga paagi nga ako mabag-o?
Si Sister Becky Craven, kanhi Ikaduhang Magtatambag sa Kinatibuk-ang Kapangulohan sa Young Women, mitudlo:
Imahe
Sister Rebecca L. Craven, ikaduhang magtatambag, kinatibuk-ang kapangulohan sa Young Women. Opisyal nga Hulagway pagka Oktubre 2018.
Agig balos sa Iyang bililhon nga bayad alang sa matag usa kanato, ang Ginoo nangayo kanato og kausaban sa kasingkasing. Ang kausaban nga Iyang gihangyo kanato dili alang sa Iyang kaayohan apan alang kanato. …
Human madungog ang mga pulong nga gipamulong ni Hari Benjamin, ang iyang mga katawhan misinggit, nagpahayag nga ang ilang mga kasingkasing nausab nag-ingon, “Tungod kay ang Espiritu sa Ginoong Makagagahom, nga nakahimo og dako nga kausaban dinhi kanamo, … kami wala nay hilig sa pagbuhat og daotan, apan sa pagbuhat og maayo sa kanunay” [Mosiah 5:2]. Ang mga kasulatan wala mag-ingon nga sila diha dayon nahimo nga hingpit, hinoon, ang ilang tinguha sa pag-usab mipugos kanila sa paglihok. Ang ilang kausaban sa kasingkasing nagpasabot sa pagsalikway sa kinaiyanhon nga pagkalalaki o pagkababaye ug motahan ngadto sa Espiritu samtang naningkamot nga mahimong mas mahisama ni Jesukristo.
