Rebyo 17 sa Doktrinal nga Kahanas
Sabta ug Ipasabot
Ang usa ka katuyoan sa doktrinal nga kahanas mao ang pagtabang kanimo nga masabtan ang mga pagtulon-an sa Manluluwas nga anaa sa mga tudling sa doktrinal nga kahanas ug mapasabot kini sa imong kaugalingong mga pulong. Kini nga leksiyon makahatag kanimo og oportunidad aron mapalawom ang imong pagsabot ug mapasabot ang mga kamatuoran mahitungod sa usa o dugang pa sa mga tudling sa doktrinal nga kahanas gikan sa Bag-ong Tugon.
Pagsabot sa mga kasulatan
-
Nakabasa na ba gayod ka og kasulatan—tingali labaw pa sa kausa—ug nakit-an nimo nga naglibog mo kon unsa ang gipasabot niini?
-
Unsa ka sagad nga gibati nimo nga kini mahitabo kon ikaw magtuon sa mga kasulatan?
-
Unsa ang imong reaksiyon kon kini mahitabo kanimo?
Ang Manluluwas gusto nga kita makasabot sa Iyang mga pulong ug motabang kanato nga mabuhat kini pinaagi sa Espiritu Santo. Nagkinahanglan kini og paningkamot sa atong bahin. Niini nga leksiyon ikaw adunay oportunidad sa pagkat-on sa mga kahanas sa pagtuon sa kasulatan nga makatabang kanimo sa pagsabot sa daghang mga tudling sa doktrinal nga kahanas.
Mga kahanas sa pagtuon sa kasulatan
Daklit nga irebyo ang mosunod nga mga tudling sa doktrinal nga kahanas ug ang mahinungdanong mga hugpong sa kasulatan.
|
Tudling sa Doktrinal nga Kahanas |
Mahinungdanon nga Hugpong sa mga Pulong sa Kasulatan |
|---|---|
Tudling sa Doktrinal nga Kahanas | Mahinungdanon nga Hugpong sa mga Pulong sa Kasulatan “Usa ka laraw nga pagatumanon inig-abot sa tukma nga panahon, laraw sa paghiusa diha kang Kristo sa tanang mga butang.” |
Tudling sa Doktrinal nga Kahanas | Mahinungdanon nga Hugpong sa mga Pulong sa Kasulatan Ang Simbahan “tinukod ibabaw sa patukoranan nga mao ang mga apostoles ug mga propeta, nga niini si Jesukristo mao ang ulohang bato sa pamag-ang.” |
Tudling sa Doktrinal nga Kahanas | Mahinungdanon nga Hugpong sa mga Pulong sa Kasulatan “Ang adlaw ni Kristo … dili pa moabot, hangtod nga mahitabo una ang pagsupil.” |
Tudling sa Doktrinal nga Kahanas | Mahinungdanon nga Hugpong sa mga Pulong sa Kasulatan “Ang balaan nga kasulatan … makagagahom sa pagtudlo kanimo ngadto sa kaluwasan.” |
Pagpili og usa ka tudling sa kasulatan nga gusto nimong mas masabtan pa. Dayon pagpili og usa o labaw pa sa mosunod nga mga kahanas sa pagtuon sa kasulatan aron matabangan ka nga mas makasabot nianang maong tudling. Pangandam nga imong mapasabot sa uban ang imong kasulatan.
Kon itugot sa panahon, sulayi paggamit ang lain nga kahanas sa usa sa ubang mga tudling.
Kompletoha ang kalihokan A, B, o C.
Kalihokan A: Pag-cross-reference
Gamita ang anaa nga mga kapanguhaan aron makita ang laing mga tudling sa kasulatan nga mahimong makatabang sa pagdugang sa imong pagsabot sa maong tudling sa doktrinal nga kahanas. Ang maong mga kapanguhaan lagmit naglakip og mga footnote sa kasulatan, Giya sa mga Kasulatan, o ang Topikal nga Giya. Markahi ang mga tudling gikan niining mga kapanguhaan, ug irekord sa journal sa pagtuon o sa Gospel Library nga app kon giunsa niini pagdugang ang imong pagsabot sa imong napili nga tudling sa doktrinal nga kahanas.
Kalihokan B. Ihatag ang kahulogan sa mga pulong ug sa hugpong sa mga pulong
Pangita og mga pulong sa tudling sa doktrinal nga kahanas nga wala ninyo masabti. Pangitaa ang mga kahulogan niadtong mga pulong o mga hugpong sa mga pulong nga anaa sa mga kapanguhaan, sama sa Giya ngadto sa mga Kasulatan, ang Bible Dictionary, o kinatibuk-ang diksyonaryo. I-rekord sa journal sa pagtuon, mga margin sa kasulatan, o sa Gospel Library nga app ang mga kahulogan nga imong nakaplagan, kauban sa bisan unsang bag-ong panabot.
Kalihokan C: Pagsabot sa konteksto ug sulod [content]
Kompletoha ang usa o daghan pa sa mosunod nga mahimong makatabang ninyo sa imong tudling sa doktrinal nga kahanas:
-
Basaha ang mahitungod sa epistola niini nga tudling gikan sa entry nga “ Epistola ni Pablo, Mga ” diha sa Giya ngadto sa mga Kasulatan.
-
Giunsa sa ulohan sa kapitulo o sa nagpalibot nga mga bersikulo pagdugang ang imong pagsabot sa tudling sa doktrinal nga kahanas?
-
Kinsa ang gikaistorya sa nadasig nga tagsulat, ug ngano man?
-
Unsa ang nag-una nga mensahe niining tudling sa kasulatan?
Irekord unsa ang imong nasabtan mahitungod sa tudling base sa unsay imong napamalandongan.
1. Himoa ang mosunod nga kalihokan:
Ipasabot kon giunsa sa kahanas sa pagtuon sa kasulatan nga imong gigamit pagtabang kanimo nga mapalawom ang imong panabot sa Manluluwas ug sa doktrina nga gitudlo sa tudling sa doktrinal nga kahanas. Ikonsiderar ang pagpakigbahin sa imong tudling ngadto sa usa ka sakop sa pamilya o higala.