1–2 Peteru

Vaaiga Aoao

I lana tusi muamua, sa taulai atu ai Peteru, o le Aposetolo sinia, i auala e mafai ona faamalosia ai le Au Paia e ala i tofotofoga maoae sa latou oo i ai i lima o tagata Roma. Sa ia fautuaina le Au Paia ina ia saunia i taimi uma e molimau atu i le upumoni ma faamanatu atu ia i latou lo latou tofi paia (tagai i le 1 Peteru 2:9; 3:15). Na ia aoao atu faapea na talai atu e Iesu Keriso le talalelei i le lalolagi o agaga ina ua mavae Lona maliu, ma maua ai faamanuiaga o le talalelei mo fanau uma a le Tama Faalelagi.

Sauni e Aoao Atu

O nei faamatalaga e tuuina atu ai i faiaoga ni manatu o ni mea latou te manaomia ona saunia mamao i ai mo lesona taitasi.

1 Peteru 1–5

Faamoemoega o le lesona: O lenei lesona e mafai ona fesoasoani i tagata aoga ia malamalama atili ai i faamoemoega a le Atua i le faatagaina o i latou e oo i tofotofoga ma mafai ai ona faamalosia lo latou naunautaiga e onosaia ma le faamaoni ia tofotofoga.

Sauniuniga a le tagata aoga: Valaaulia tagata aoga e mafaufau pe faapefea ona latou tali atu i le fesili lenei: Aisea tatou te oo ai i tofotofoga, faigata, ma mea e le tonu i le olaga?

Ata: O se ata o se koneteina vevela e faausi ai uamea
Vitio: “O Le Afi a le Faamama” (5:01)

Fautuaga faafaiaoga mo fesootaiga i vitio: A uma ona faaali atu se ata o se koneteina vevela e faausi ai uamea, valaaulia tagata aoga taitasi e tusi se ata faapea ma tusi se tofotofoga patino i totonu. Ona mafai lea e tagata aoga ona tusi i tua o le pepa pe faapefea e o latou tofotofoga patino ona tofotofoina ma faamalosia lo latou faatuatua ia Iesu Keriso. Valaaulia tagata aoga naunautai e uu i luga a latou ata i le mea pueata ma faasoa mai o latou manatu i le vasega. Ia mautinoa e lapataia tagata aoga e aua nei faasoa maia se mea e matua patino ia i latou lava.

1 Peteru 2–3

Faamoemoega o le lesona: O lenei lesona e mafai ona fesoasoani i tagata aoga ia malamalama i le taua o le avea ai ma se faataitaiga faamaoni o Iesu Keriso ma maua ai avanoa e faataitai ai ona tali atu i isi e uiga i lo latou faatuatua.

Sauniuniga a le tagata aoga: Valaaulia tagata aoga e talanoaina ma o latou aiga taimi na talosagaina ai i latou po o se tasi latou te iloa e faamalamalama mai o latou talitonuga ma le faatuatua ia Iesu Keriso. Valaaulia i latou e mafaufau pe atonu e ese a latou tali ma ia o mai sauni e faasoa mai o latou manatu.

Vitio: “Unto All the World: Despoina’s Story” (3:12) po o le “Something Different about Us: Example” (2:50)

Fautuaga faafaiaoga mo fesootaiga i vitio: Vaevae fesili o loo i le faaiuga o le lesona i tagata aoga, pe valaaulia i latou e mafaufau i se fesili na fesiligia ai i latou e uiga i le Ekalesia po o lo latou faatuatua. Tuu atu ia i latou se taimi e mafaufau ai pe faapefea ona latou tali atu, ona tuu atu lea ia i latou e feauauai e faasoa mai tali. Afai e popole tagata aoga e uiga i le talanoa i luga o le mea pueata, e mafai ona latou auina mai a latou tali e faaaoga ai le vaega mo talanoaga tusitusi.

1 Peteru 3:18–22; 4:1–6

Faamoemoega o le lesona: O lenei lesona o le a fesoasoani i tagata aoga e saili ai auala e fesoasoani ai i le Faaola i Lana galuega o le faaolaina o e ua maliliu.

Sauniuniga a le tagata aoga: Ina ia maua ni vaega faapitoa i luga o le FamilySearch.org po o le polokalama mo Gafa o Aiga o le FamilySearch, o le a manaomia e tagata aoga ona saini e alu i totonu i o latou igoa faaaoga ma uputatala o le Faitotoa a le Ekalesia lea e fesootai i a latou numera o le pepa faamaumau. Afai e le o i ai pe le iloa foi e tagata aoga o latou igoa faaaoga ma uputatala, valaaulia i latou e fatu pe toe saili e maua mai i le account.ChurchofJesusChrist.org pe amata fai se faitotoa i le FamilySearch.org. Fesili atu i se tagata tomai faapitoa mo talafaasolopito o aiga a le uarota po o le paranesi po o se taitai faamaopoopo o Seminare ma Inisitituti o Mataupu Faalelotu mo se fesoasoani pe a manaomia.

Punaoa: O se komepiuta po o se masini feaveai e maua ai le initoneti ina ia mafai ai e tagata aoga e leai ni masini eleteonika ona faaaoga se taimi o le vasega e suesue ai i le FamilySearch.org po o le polokalama mo Gafa o Aiga o le FamilySearch, pe a mafai

Fautuaga faafaiaoga mo fesootaiga i vitio: Afai e mafai e tagata aoga ona faaaoga le vaega mo Sauniga ua Saunia i luga o le FamilySearch.org, valaaulia i latou e faaaoga e sue ai se tagata o le aiga e mafai ona latou faia ai galuega o le malumalu. Mafaufau i le avanoa e faatulaga ai se aso e mafai ai e le vasega ona feiloai faasamasamanoa ai i le malumalu e faatino sui papatisoga ma faamauga mo tagata na maua o latou igoa.

Atamai i Aoaoga Faavae: 1 Peteru 4:6

Faamoemoega o le lesona: E mafai ona fesoasoani lenei lesona i tagata aoga e tauloto le tusi faasino mo le atamai i aoaoga faavae ma le fasifuaitau autu o le mau mo le 1 Peteru 4:6. O le a tuuina atu ai foi ia i latou le avanoa e faaaoga ai le aoaoga faavae o loo aoaoina i lena fuaitau ma mataupu faavae o le mauaina o le malamalama faaleagaga i se tulaga moni.

Sauniuniga a le tagata aoga: Valaaulia tagata aoga e mafaufau loloto ma saunia e faasoa mai o latou lagona a o latou faatinoina papatisoga ma faamauga i le malumalu pe faia isi galuega o talafaasolopito o aiga mo o latou tuaa ua maliliu.

Anomea: O se fasipepa ma se mea e tusi ai mo tagata aoga taitasi

Fautuaga faafaiaoga mo fesootaiga i vitio: E mafai ona atofa atu i tagata aoga se tasi o mataupu faavae o le mauaina o le malamalama faaleagaga ma galulue ai i ni paga pe i ni vaega toalaiti i potu faapitoa ua faataapeina ai le vasega e talanoaina ai pe mafai faapefea ona latou faaaogaina lena mataupu faavae e fesoasoani ai ia Iasoni. A uma ona latou talanoaina la latou mataupu faavae, e mafai ona latou lipoti atu i le vasega.

2 Peteru 1

Faamoemoega o le lesona: O lenei lesona ua faamoemoe e fesoasoani i tagata aoga e fai laasaga ia avea atili ai e faapei o Iesu Keriso.

Sauniuniga a le tagata aoga: Valaaulia tagata aoga e mafaufau pe o le fea o uiga auaumama e sili ona latou faamemelo i ai e faatatau ia Iesu Keriso ma pe aisea.

Vitio: “Avea Faapei o Ia” (10:21; matamata mai le faailotaimi 2:34 seia oo i le 3:09)

Atatusi i laina: O se atatusi o se mauga e tusi ai upu i luga pe faataamilo ai a o faasolo le lesona atoa

Fautuaga faafaiaoga mo fesootaiga i vitio: Mafaufau e faaaoga le vaega o le laupapa paepae e tusi ai le ata o le mauga ma lisi ai uiga faa-Keriso faatasi ma le vasega. E mafai foi ona valaaulia tagata aoga e tusi a latou lava ata ma lisi i totonu o a latou api faamaumau mo suesuega, ma e mafai ona valaaulia ni nai tagata aoga e faaali atu a latou galuega. Atonu o le taimi e sili ona aoga e valaaulia ai le fefaasoaai o le taimi lea e fai atu ai i tagata aoga e faamatala mai pe na faapefea ona latou faamatalaina le manatu faavae o le filiga i a latou ata.