Përse ia vlen ta ndjekësh Jezu Krishtin edhe nëse të tjerët duket se gjejnë lumturi në mëkat? Pali e shpjegoi një nga arsyet duke u mësuar korintasve rreth shkallëve të ndryshme të lavdisë në Ringjallje. Ky mësim mund të të ndihmojë të përpiqesh të jesh i denjë për ringjalljen çelestiale nëpërmjet Jezu Krishtit.
Nxitja e kontributeve të nxënësve. Ndihmojini nxënësit të kuptojnë që kontributet e tyre janë thelbësore për përvojën e të mësuarit në klasë. Përpiquni t’i nxitni komentet e tyre duke i falënderuar, duke i përgëzuar ose duke i pyetur nxënësit e tjerë se çfarë mësuan nga komentet.
Përgatitja e nxënësve: Ftojini nxënësit të lexojnë tek Alma 40:23 për të parë çfarë kanë të përbashkët të gjithë trupat e ringjallur, më pas të lexojnë te 1 Korintasve 15:40–42 për të parë ndryshimet që do të ekzistojnë ndërmjet qenieve të ringjallura.
Veprimtari të Mundshme të të Mësuarit
Bekimet e ardhshme në planin e Perëndisë
Merreni parasysh t’u jepni një ëmbëlsirë të gjithë nxënësve që rastësisht kanë veshur një ngjyrë të caktuar. Pyetini nxënësit që nuk e kishin veshur atë ngjyrë nëse do të kishin dashur të dinin rreth këtij shpërblimi dhe se si ta fitonin atë përpara se të vinin në klasë.
Po ta dije se mësuesi yt do t’i shpërblente të gjithë ata që kishin veshur një ngjyrë të caktuar sot, a do të kishte ndikuar kjo në zgjedhjen e veshjes tënde?
A do të mërziteshe po të mësoje për këtë pasi të ishte tepër vonë? Përse po ose përse jo?
Për shkak se Ati Qiellor na do, Ai na ka thënë se çfarë ndodh pas kësaj jete dhe cilat zgjedhje do të çojnë në lumturi apo keqardhje. Ndërsa i studion shkrimet e shenjta sot, kërko të vërteta që mund të të motivojnë të bësh zgjedhje që çojnë në lumturinë e përjetshme.
Vizato një ilustrim ose diagram të thjeshtë të asaj që ti di tashmë rreth planit të Perëndisë për shpëtimin. Përfshi se ku ishim përpara lindjes, jetën në tokë dhe atë që ndodh pas vdekjes. Ndërsa vizaton, sigurohu të reflektosh për rolin e Jezu Krishtit gjatë gjithë planit të Atit tonë.
Merreni parasysh të ftoni të paktën dy nxënës që t’i vizatojnë ilustrimet e tyre në tabelë. Njohja e kuptueshmërisë aktuale të nxënësve për jetën pas vdekjes mund t’ju japë ide mbi mënyrën se si ta përshtatni mësimin për të plotësuar nevojat e tyre.
Si mundet të kuptuarit e planit të Atit Qiellor për ne pas vdekjes të ndikojë në vendimet që ti merr në vdekshmëri?
Në ç’mënyrë është Jezu Krishti në qendër të planit?
Te 1 Korintasve 15:1–29 , Apostulli Pal e korrigjoi bindjen e rreme që “nuk [do të ketë] ringjallje të të vdekurve” ( 1 Korintasve 15:13). Më pas ai i paralajmëroi korintasit që të mos mashtroheshin nga qëndrimi i njerëzve që thonë: “Le të hamë e të pimë, sepse nesër do të vdesim” ( 1 Korintasve 15:32), që shpreh bindjen e rreme se nuk ka jetë pas vdekjes dhe, si rrjedhojë, ajo që bëjmë në këtë jetë nuk ka rëndësi.
Për t’i ndihmuar nxënësit ta përfytyrojnë këtë bindje të rreme, merreni parasysh të fshini gjithçka pas jetës në vdekshmëri nga vizatimet e njërit prej nxënësve në tabelë.
Një bindje tjetër e rreme është që, pavarësisht nga zgjedhjet tona, Perëndia do t’u japë të gjithëve bekimet e jetës së përjetshme (shih 2 Nefi 28:8 ; Alma 1:4).
Merreni parasysh ta ndryshoni vizatimin e një nxënësi tjetër në tabelë duke shtuar një shigjetë nga toka drejt e në mbretërinë çelestiale dhe duke fshirë mbretëritë terrestriale dhe telestiale.
Si mund të ndikojnë bindjet e rreme që nuk ka jetë pas vdekjes ose që Perëndia do t’ua japë të gjithëve bekimet e jetës së përjetshme në vendimet dhe qëndrimet tona? Përse?
Lexo te 1 Korintasve 15:40–42 duke kërkuar mësimet e Palit rreth ringjalljes në planin e Atit Qiellor. Është e dobishme të dish që Përkthimi prej Joseph Smith-it i vargut te 1 Korintasve 15:40 u referohet gjithashtu trupave telestialë.
Nëse nxënësit e bënë veprimtarinë e përgatitjes së nxënësve, merreni parasysh t’i ftoni ata të tregojnë atë që të gjithë trupat e ringjallur kanë të përbashkët dhe çfarë dallimesh do të ekzistojnë.
Përse është e rëndësishme që të dimë të vërtetën se në planin e Atit Qiellor ka shkallë të ndryshme lavdie për trupat e ringjallur?
Shkallët e lavdisë
Pamja
Illustration of the three degrees of glory. A sun, moon and stars are pictured. Stick figures underneath show varying degrees of shining rays.
Për veprimtarinë vijuese, merreni parasysh të paraqitni tri pyetjet që janë të renditura pas thënies së Presidentit Monson, që nxënësit t’u referohen gjatë studimit të tyre.
Pas një kohe të mjaftueshme, ftojini nxënësit t’ia tregojnë klasës përgjigjet dhe çdo pyetje që mund të kenë.
Zbulesa nëpërmjet profetëve të sotëm jep ide shtesë për mësimet e Palit. Studio vargjet te Doktrina e Besëlidhje 76:50–52, 62–64, 69–70, 71–76, 81–85 ; 88:21–24 dhe lexo thënien vijuese nga Presidenti Tomas S. Monson (1927–2018). Kërko përgjigje për tri pyetjet që e pasojnë thënien.
Pamja
Official portrait of President Thomas S. Monson, 2008.
“Si rrjedhim i fitores së Krishtit mbi varrin, ne të gjithë do të ringjallemi. Ky është shëlbimi i shpirtit. Pali shkroi: ‘Ka trupa qiellorë dhe trupa tokësorë; por tjetër është lavdia e trupave qiellorë e tjetër e atyre të tokës’ ( 1 Korintasve 15:40).
Është lavdia çelestiale ajo që kërkojmë ne. Është në prani të Perëndisë vendi ku dëshirojmë të banojmë. Është familja e përhershme ajo ku duam të jemi pjesëtarë. Bekime të tilla fitohen gjatë një jete mundimesh, kërkimi, pendimi dhe më në fund arritjes së suksesit.”
(Tomas S. Monson, “Vrapimi i Jetës”, Ensign ose Liahona, maj 2012, f. 93.)
Cili është roli i Shpëtimtarit në udhëtimin tonë drejt lavdisë çelestiale?
Çfarë na nevojitet të bëjmë që të marrim lavdinë çelestiale?
Përse ia vlen mundimi për të marrë lavdinë çelestiale dhe jo lavdinë terrestriale ose lavdinë telestiale?
Përsiat se ku e sheh veten në shtegun drejt mbretërisë çelestiale. A po mbështetesh te Shpëtimtari për të të ndihmuar të jetosh në një mënyrë të atillë që të mund t’i marrësh këto bekime?
A mund ta arrijmë me të vërtetë lavdinë çelestiale?
Disa njerëz ndihen të shkurajuar kur e kuptojnë se sa larg janë nga të jetuarit e jetës çelestiale në tokë. Lexo atë që Plaku Diter F. Uhtdorf, i Kuorumit të Dymbëdhjetë Apostujve, dha mësim rreth përparimit tonë të përjetshëm ose shih materialin filmik “Perëndia mes Nesh”, nga kodi kohor 05:01 deri në 06:58, në dispozicion te ChurchofJesusChrist.org.
Pamja
Illustration of the three degrees of glory. A sun, moon and stars are pictured. Stick figures underneath show varying degrees of shining rays.
Pamja
Official portrait of Elder Dieter F. Uchtdorf of the Quorum of the Twelve Apostles, 2006. Called as Second Counselor in the First Presidency, 3 February 2008. Made official portrait in 2008 replacing portrait taken in 2004.
“Zemra ime tejmbushet me mirënjohje për Atin tim Qiellor. E kuptoj se Ai nuk i ka dënuar fëmijët e Tij që të hasin pengesa përmes vdekshmërisë pa shpresë për një të ardhme të ndritur dhe të përjetshme. Ai ka siguruar udhëzime që zbulojnë mënyrën se si të kthehemi tek Ai. Dhe në qendër të të gjithë kësaj, është Biri i Tij i Dashur, Jezu Krishti, dhe flijimi i Tij për ne. …
Jemi të gjithë foshnja krahasuar me qeniet e lavdishme dhe madhështore që jemi krijuar për t’u bërë. Asnjë qenie e vdekshme nuk përparon nga ecja këmbadoras deri tek ecja e te vrapimi pa pengesa, tronditje dhe mavijosje të shpeshta. Kjo është mënyra se si mësojmë.”
Çfarë të ndihmon të kuptosh thënien e Plakut Uhtdorf rreth Atit Qiellor?
Si ndikon kjo në ndjenjat e tua ndaj Tij dhe në marrëdhënien tënde me Të?
Merreni parasysh t’i ftoni nxënësit të përsiatin në heshtje pyetjen vijuese.
Çfarë ndihesh i nxitur të bësh për shkak të asaj që mësove sot?
Dëshmoni që ia vlen mundimi të përgatiteni për të marrë një trup çelestial nëpërmjet Jezu Krishtit. Ftojini nxënësit që t’ua tregojnë atë që mësuan njerëzve të dashur që kanë nevojë për këto të vërteta.
Komente dhe Informacion për Rrethanat
Po sikur të përpiqemi të jetojmë me besnikëri në këtë jetë por të jemi gjithsesi të papërsosur kur të vdesim?
Profeti Jozef Smith (1805–1844) shpjegoi:
Pamja
Half-length frontal portrait of the Prophet Joseph Smith, Jr. Joseph’s head is turned to the side in a three-quarter view, right hand on hip and his left hand holds sheets of papers. He is depicted wearing a dark brown suit and a white shirt and tie.
“Kur ngjitni një shkallë, duhet të filloni nga fundi dhe të ngjiteni hap pas hapi derisa të arrini në majë; kështu është edhe me parimet e ungjillit – ju duhet të filloni në fillim dhe të vazhdoni derisa t’i mësoni të gjitha parimet e ekzaltimit. Por do të kalojë shumë kohë pasi të keni kaluar përtej velit [të keni vdekur] para se t’i mësoni ato. Jo çdo gjë kuptohet në këtë botë; do të duhet një punë e madhe për të mësuar mbi shpëtimin dhe ekzaltimin tonë madje edhe përtej varrit.”
(Mësimet e Presidentëve të Kishës: Jozef Smith [2009], f. 284.)
Çfarë do të thotë “trupi mbillet në prishje dhe ringjallet në paprishje” ( 1 Korintasve 15:42)?
Pali e krahasoi trupin e vdekshëm me një farë që është e papërsosur ose e prishur (shih 1 Korintasve 15:37–38, 42). Pasi vdesim dhe varrosemi (mbillemi si farë ose bimë), një ditë do të ngrihemi nga varri si një bimë që mbin nga toka. Trupat tanë të ringjallur nuk do të jenë më të prishur, por do të përsosen nëpërmjet fuqisë së Perëndisë.
Kush do të marrë lavdi qiellore?
Mbretëria çelestiale është vendi i përgatitur për ata që e kanë “m[arrë] dëshminë e Jezusit” dhe janë “bërë të përsosur nëpërmjet Jezusit, ndërmjetësit të besëlidhjes së re, i cili e kreu këtë shlyerje të përsosur nëpërmjet derdhjes së vetë gjakut të tij” ( Doktrina e Besëlidhje 76:51, 69). Për ta trashëguar këtë dhuratë, ne duhet të marrim ordinancat e shpëtimit, t’i zbatojmë urdhërimet dhe të pendohemi për mëkatet tona. Për një shpjegim të hollësishëm të atyre që do ta trashëgojnë lavdinë çelestiale, shihni Doktrina e Besëlidhje 76:50–70 ; 76:92–96 .
Veprimtari Plotësuese e të Mësuarit
Krahasimi i trupave tanë të vdekshëm me trupat tanë të ringjallur
Ftojini nxënësit të krijojnë mësimet e tyre me sende që mund t’i përdorin për ta ndihmuar dikë ta kuptojë Ringjalljen. Merreni parasysh t’u jepni atyre një shembull siç është krahasimi i një larve me një flutur ose krahasimi i shkatërrimit të një ndërtese të vjetër me ndërtimin e një ndërtese të re në vend të saj.
Shpjegojuni nxënësve që Pali e përdori shembullin e mbjelljes së farës për t’i ndihmuar korintasit që ta kuptonin Ringjalljen (shih 1 Korintasve 15:35–38). Trupat tanë të vdekshëm mund të krahasohen me një farë. Vdekja dhe varrimi ynë mund të krahasohen me farën që mbillet (si bimë ose farë). Trupat tanë të ringjallur mund të krahasohen me bimën që rritet.
Ftojini nxënësit t’i studiojnë vargjet te 1 Korintasve 15:43–54 , të shenjojnë fjalët që përdori Pali për t’i përshkruar trupat tanë të vdekshëm dhe të shenjojnë (në një mënyrë tjetër) fjalët që përdori Pali për t’i përshkruar trupat tanë të ringjallur.
Ftojini nxënësit të shkruajnë në tabelë një vështirësi fizike që ka një njeri i tyre i dashur. Shembujt mund të përfshijnë sëmundje, shikim të dobët, probleme me shpinën ose kyçet. Ftojini nxënësit t’i mbyllin sytë dhe t’i përfytyrojnë njerëzit e tyre të dashur me një trup të ringjallur, të shëruar nëpërmjet fuqisë së Perëndisë nga të gjitha ato vështirësi. Fshijeni secilën prej vështirësive fizike nga tabela dhe dëshmoni për dashurinë e Atit Qiellor dhe Jezu Krishtit, i cili i bëri ato vështirësi të përkohshme dhe i cili do t’i japë secilit prej nesh një trup të ringjallur për përjetësinë.