Seminare
1 Korinito 8–13

1 Korinito 8–13

Vaaiga Aoao

A o faaauau e Paulo lana tusi i tagata Korinito, sa ia aoao atu e tatau ona tatou filifili e tatou te o ese mai faaosoosoga. Sa ia faamatala o alii ma tamaitai e ao ona galulue faatasi ma lagolago le tasi i le isi a o latou mulimuli ai i Le Alii. Sa ia aoao e faapea afai e mafai e tagata uma o le Ekalesia ona iloa ma faaaoga meaalofa faaleagaga sa latou maua mai i le Alii, e mafai ona avea e faapei o vaega eseese o le tino o loo galulue faatasi i le loto gatasi. Sa ia tusi auiliili foi i le alofa faaKeriso, po o le alofa mama, ma le mafuaaga e ao ona tatou .

Sauni e Aoao Atu

O nei faamatalaga e tuuina atu i faiaoga ia latou iloa ai po o a ni mea e ao ona saunia mamao i ai mo lesona taitasi.

1 Korinito 10

Faamoemoega o le Lesona: O le a fesoasoani lenei lesona i tagata aoga latou te faalagolago ia Iesu Keriso e manumalo ai i faaosoosoga.

  • Sauniuniga a Tagata Aoga: Valaaulia tagata aoga e suesue le “1 Korinito 10:1-13: E Saunia e Le Atua Auala e te Alo Ese ai mai Faaosoosoga” i le Sau, Mulimuli mai Ia te Au-Tagata Taitoatasi ma Aiga: Feagaiga Fou 2023. A o latou suesue, e mafai ona latou mafaufau loloto i le fesili lenei: “O a ituaiga o alofaga mai i faaosoosoga na saunia e le Tama Faalelagi mo oe?”

  • Lesona i Mea Faitino: O se sila ma se fasi u’amea

  • Vitio: ”Saili Keriso i Mafaufauga Uma” (14:47; matamata mai le faailotaimi 2:44 e oo i le 3:23)

1 Korinito 11

Faamoemoega o le lesona: O le a fesoasoani lenei lesona e iloa atili ai e tagata aoga le mafuaaga e manaomia ai e alii ma tamaitai le tasi ma le isi ina ia mafai ona ausia faaamanuiaga tupito i le fuafuaga a le Tama Faalelagi.

  • Sauniuniga a Tagata Aoga: Valaaulia tagata aoga e toe manatua taimi sa vaaia ai le galulue faatasi o alii ma tamaitai ma faalagolago le tasi i le isi. Uunaia i latou e mafaufau pe faapefea e ituaiga eseese o manatu, tomai, ma malosiaga o alii ma tamaitai ona aafia lelei ai o faaipoipoga, aiga, nuu, ma sootaga i totonu o Ekalesia.

Atamai i Aoaoga Faavae: 1 Korinito 11:11

Faamoemoega o le lesona: O le a fesoasoani lenei lesona i tagata aoga e faateleina ai le malamalamaaga o tagata aoga i le 1 Korinito 11:11 a o latou taulotoina le mau faasino ma fasi fuaitau autu o tusitusiga paia, faamatala aoaoga faavae, ma faaaoga mataupu faavae o le mauaina o le malamalama faaleagaga i se tulaga masani o le soifuaga.

  • Sauniuniga a Tagata Aoga: Valaaulia tagata aoga e faitau le vaega 3 o le tala “Alii ma Tamaitai i le Galuega a Le Alii,” sa tusia e Peresitene M. Russell Ballard o le Korama a Aposetolo e Toasefululua (New Era, e. 2014, 2-5), vaavaai i upumoni e tatau ona tatou malamalama i ai e uiga i le mataupu faavae a le Atua e faatatau i alii ma tamaitai.

  • Fautuaga faafaiaoga o fesootaiga i vitio:Mafaufau e fetuunai lefaaaogaina faataitai e tusa ai ma le le malamalama po o tulaga e faaali mai e tamaiti aoga e tusa ma matafaioi a tamaitai ma alii i le fuafuaga a le Tama Faalelagi. Afai e lagaina mai e tagata aoga tulaga eseese o loo nunumi ai, e mafai e tagata aoga ona vaevae i potu e taapeape i ai e talanoaina ai.

1 Korinito 12

Faamoemoega o le lesona: O lenei lesona ua faamoemoe e fesoasoani i tagata aoga latou te iloa meaalofa faaleagaga sa foaiina atu e Le Alii ia i latou e faamanuiaina ai i isi ma faamalosia ai Lana Ekalesia.

  • Sauniuniga a le Tagata Aoga: Valaaulia tagata aoga e faailoa mai meaalofa faaleagaga e tasi pe lua ua foaiina atu ia te i latou. Atonu latou te mananao e fesiliga tagata o o latou aiga ma isi latou te talitonuina e fesoasoani i lea gaioiga. Fesili i tagata aoga e manatunatu loloto i a latou meaalofa ma le auala ua latou fa’aaogaina ai e faamanuiaina ai isi. 

  • Lesona mea faitino: O se meaalofa afifi

  • Anotusi e faaali: O le faamatalaga a Elder Marvin J. Ashoton e uiga i meaalofa faaleagaga e le lauiloa

  • Vitio: ”Ma lou Loto Atoa” (3:26)

  • Fautuaga faafaiaoga o fesootaiga i vitio: Mafaufau e valaaulia tagata aoga e fai fesili e uiga i meaalofa faaleagaga i le auaunaga mo talanoaga tusitusi. Fetuunai le lesona pe a manaomia e tali ai fesili latou te laga.

1 Korinito 13

Faamomoega o le lesona: O lenei lesona e faamoemoe fesoasoani lenei lesona e fesoasoani i tagata aoga ia lagona le alofa mama o Iesu Keriso mo i latou ma fesoasoani latou te saili ai i le meaalofa o le alofa mama ma lagaonaina le alofa mo isi.

  • Sauniuniga a le Tagata Aoga: Valaaulia tagata aoga e mafaufau i se tagata o lona aiga, uo, po o se isi tagata latou te mananao ina ia faaleleia atili le latou sootaga. Fesili atu i tagata aoga e mafaufau i le aafiaga o le faaalia o le alofa sili i lenei tagata e mafai ona aafia ai le sootaga.

  • Vitio: “E le Uma Le Alofa” (3:32; matamata mai le faailotaimi 0:56 seia oo i le 1:55)

  • Fautuaga faafaiaoga o fesootaiga i vitio: Mafaufau e faaaoga potu e taapeape iai e mafai ai e tagata aoga ona talanoaina vaega o le alofa mama ma le auala sa faatino ai e le Faaola.