Mauaina o le Malamalama Faaleagaga, Vaega 1

Faatino i le Faatuatua

O se tasi o faamoemoega o le atamai faaleaoaoga faavae o le aoao ai lea ma faaaoga ia mataupu faavae o le mauaina o le malamalama faaleagaga e avea atili ai faapei o Iesu Keriso. Ua faamoemoe lenei lesona e fesoasoani e malamalama ai ma faaaoga mataupu faavae patino o le faatino o le faatuatua ia Iesu Keriso pe a tulai mai luitau faigata ma ni fesili.

Filimaoti le saoasaoa. Aloese mai le soona faaalu o le taimi i le vaega muamua o le lesona ona faatatope lea o le tele o le lesona. A o e sauni, fuafua tatau taimi o le a alu e fesoasoani ai i tamaiti aoga e galulue punouai i vaega taitasi o le lesona.

Tapenaga a le tagata aoga:Fesili i le vasega e mafaufau i o latou aafiaga na latou tauivi ai ma se luitau faigata po o ni fesili e le faigofie ona maua ni tali (pe mai o latou olaga po o olaga foi o isi). Atonu e aofia ai mea e pei o fesili faaleagaga e lei maua se tali po o se tofotofoga faigata foi. Valaaulia le vasega e mafaufau pe na faapefea ona latou tali atu pe o le a tali atu foi i ai i tulaga faapea.

Manatua: Atonu e sili ona aoao atu lenei lesona i le amataga o le tausaga aoga. Afai e aoao atu lenei lesona i se isi taimi o le tausaga, mafaufau e sui i le lesona o le atamai faaleaoaoga faavae atonu e misi i tamaiti aoga ao lei ae le aoga.

Galuega e Mafai Ona Faaaoga E Aoao Mai Ai

Pe a tulai mai luitau faigata ma ni fesili

Valaaulia tagata aoga sa auai i le gaoioiga o tapenaga a le tagata aoao, e fuafua e faasoa, pe talafeagai, ia aafiaga sa latou maua a o feagai ma luitau faigata ma ni fesili. Taumafai e faaaoga o latou aafiaga e sui ai le ata faataitai o i lalo.

I le taimi o le olaga nei, tatou te fetaiai uma lava ma luitau faigata faapea ma ni fesili e le faigofie on foia. Faitau ata faataitai nei a o mafaufau i ni aafiaga faapea sa e oo i ai po o se tasi foi e te iloa.

Sa i ai se alii talavou sa tele ni ana fesili e uiga i aiaiga faavae a le Ekalesia ma ua amata ona manatunatu pe moni le Ekalesia.

Ua vaaia e se tamaitai talavou se faasalalauga i luga o upega tafailagi o loo fesiligia ai aoaoga faavae autu o le Ekalesia. Ua amata nei ona ia taumanatunatu ia lava e uiga i lena aoaoga faavae autu.

Ua taumanatunatu se tamaitai talavou pe tali moni ia tatalo ina ua mavae le mafatia o lona tuagane ma maliu ai i se ma’i ua ui, e ui i tatalo ma faamanuiaga sa faia mo ia.

• O a nisi auala e ese e mafai e tagata ona filifili e tali i ai pe a latou feagai ma luitau faigata po o fesili faapenei?

E mafai ona aoga i tagata aoga le faia o le iloiloga a le tagata lava ia e fai ma gaoioiga tusitusi ia latou api talaaga o sueusega. Mafaufau e faaali i luga le palakalafa lea mo le vasega e vaai i ai.

Faaavanoa sou taimi e tomanatu ai i ou aafiaga ao feagai ma luitau faigata ma ni fesili. Atonu e fesoasoani le mafaufau i fesili nei: Pe na manuia lau sailiga o ni tali? O le a se mea na fesoasoani ia te oe e maua ai sou filemu? O le a se mea e le’i aoga?

Mafaufau e tusi i lalo ma faaali i luga tali a tamaiti aoga i le isi fesili. Afai ua uma ona fetufaa’i le vasega mai i a latou sauniuniga, faamisi le fesili lea. O ia tali o le a toe faaaoga i le faaiuga o le lesona.

• O a ni au fesili po o ni ou luitau o i ai (po o i ai i isi tagata e te masani ai) e le faigofie ona foia?

• Aisea e te manatu ai ua faatagaina e le Tama Faalelagi i tatou ia i ai ni fesili e le foia nai lo le tuuina mai o tali ia i tatou i taimi uma?

A tulai mai ni fesili, e taua le manatua ua uunaia i tatou e le Alii e fesili ma saili tali (tagai i le Mataio 7:7–8 ; Iakopo 1:5–6 ; Mataupu Faavae ma Feagaiga 42:61). O le fesili ma saili tali o se vaega taua tele i lo tatou taumafaiga e aoao upumoni, mulimuli e ala i le faatinoina ma ola ai i mea ua tatou aoaoina ia tatou taumafaiga ia avea atili e faapei o le Faaola ma lo tatou Tama Faalelagi.

O mataupu faavae e tolu e mafai ona taitaia ai i tatou ao tatou saili e foia fesili po o faafitauli ma tuputupu ae ai i lo tatou malamalama i upumoni e faavavau aofia ai.

• Faatino i le faatuatua.

• Iloilo manatu faavae ma fesili faatasi ma se vaaiga e faavavau.

• Sailiili le malamalama atili e ala i punaoa faalelagi ua filifilia.

O nei mataupu faavae e tolu e mafai ona tāua e faaaoga pe a fetaia’i ma fesili ma popolega e le faigofie ona foia pe a e oo i tofotofoga.

Faatino i le faatuatua

Ua faamoemoe lenei lesona e fesoasoani ia malamalama ai i le mataupu faavae lenei: ao tatou faatinoina le faatuatua, e foai mai e le Alii ia i tatou le filemu ma le malosi ao tatou sailia tali i a tatou fesili ma o tatou popolega..

Tali le fesili lea i lau api talaaga o suesuega.

• O le a sou manatu i le uiga o le faatino i le faatuatua?

Faaloloto lou malamalama i le uiga o le faatino i le faatuatua i aoga e ala i le faamaeaina o le gaoioiga o i lalo. Atonu e aoga pe a suesue faatasi ma se tasi tagata ina ia mafai ai ona e faataitaia le faamatalaina o lou malamalama ma aoao foi mai i isi.

Ia tofu le tagata aoga ma le kopi o le tufaaga lea e suesue i ni paga po o ni vaega toalaiti. Ao suesue faatasi tagata aoga, faalogologo ma le totoa ia latou mea o loo fai. Fesoasoani e faamausali lo latou aoaoina, aoao atu ma faamanino ni mea e le malamalama ai, ma fesoasoani ia latou gauai i le mea o loo fai.

O le A Le Uiga o le Faatinoina i le Faatuatua?

Faitau le Pepa Autu o le Atamai Faaleaoaoga Faavae (2022) “Mauaina o le Malamalama Faaleagaga,” parakalafa 1-2 ma le 5-7 ma faamatalaga lenei a Elder Neil L. Andersen o le Korama a Aposetolo e Toasefululua. Ao e suesue, vaavaai po o le a le uiga o le faatino i le faatuatua ma pe o le a se mea e mafai ona fesoasoani e faaaoga ai lenei mataupu faavae pe a i ai ni au fesili.

E le faafuasei ona oo mai le faatuatua ia te i tatou, pe tumau foi ia i tatou ona o se tofi. … O le faatuatua ia Iesu Keriso o se meaalofa mai le lagi, e oo mai ao tatou filifili e talitonu ma sailia ma taofimau i ai. … O le lumanai o lou faatuatua e le o se mea e tupu fua, ae ona o lau filifiliga. …

E le faamalosia e le faatuatua se tali mo fesili uma ae sailia le mautinoa ma le lototele e aga’i ai i luma, o isi taimi e faailoa mai, “Ou te le iloaina mea uma, ae ua lava mea ua ou iloa e faaauau ai i le ala o le avea ma soo.”

O lou nopiai i le masalosalo faifapea, e faaosofia i tali a le au le faatuatua ma le au le faamaoni, e faavaivaia ai le faatuatua o se tagata ia Iesu Keriso ma le Toefuataiga. “Ae le talia e le tagata faaletino o mea a le Agaga o le Atua, aua o mea valea ia ia te ia” [1 Korinito 2:14]. …

E ui lava ona amata lou faatuatua e pei o se aloiafi, o filifiliga amiotonu e faamautuina ai lou talitonu i le Atua, ma e faatuputupu ae ai lou faatuatua.

(Neil L. Andersen, “O Le Faatuatua E Le Tupu Faafuasei, ae e ala i Filifiliga,” Ensign po o le Liahona, Nov. 2015, 65-67)

• Aisea e te manatu ai, e taua lou faatino i le faatuatua pe a i ai ni au fesili ma popolega?

• O le a se mea na e aoaoina mai nei faitauga e uiga i le faatinoina i le faatuatua?

Ae lei faia le isi gaoioiga, mafaufau e tuu atu le avanoa i tagata aoga e faatalatalanoa ma aoao atu e le tasi le isi i mea na latou suesue ai, o a mea ua tumatila mai ia i latou, ma po o ā ni a latou fesili. E mafai ona latou mafaufau i mea nei:

• O a ni foliga ma uiga o le Tama Faalelagi ma Iesu Keriso ua faatuputeleina ai lou mautinoa ma le faatuatuaina o i La’ua? E mafai faapefea e le iloa po o le talitonu i mea nei e uiga i le Tama Faalelagi ma Iesu Keriso ona fesoasoani ia te oe ia faatino ai i le faatuatua.

• O a nisi o faatinoga atonu e te faia ao e taumafai ai e faatino i le faatuatua pe a fetaia’i ma fesili faigata po o luitau?

• O i ai nisi o punaoa o e silafia e ono mafai ona fesoasoani ia aoaoina ai se isi i le auala e faatino ai i le faatuatua?

Tomanatu I fesili faigata ma luitau o loo fetaiai ma oe, pe toe iloilo ia ata faataitai mai le amataga o le lesona. Faatasi ai ma se tasi o nei mea i lou mafaufau, faataitai ona faaaoga mea ua e aoaoina e uiga i le faatino i le faatuatua e ala i le tali atu i ni faamatalaga se tele e te mafaia i fesili nei.

• O le a se luitau po o se fesili ua e filifilia e faataitai ai le faatino i le faatuatua?

• O a ni auala se lua pe tolu e mafai e se isi ona faatino ai i le faatuatua le tulaga lenei?

• O le a se mea e uiga i lea tulaga atonu e faigata ai le faatino i le faatuatua ia Iesu Keriso? E mafai faapefea ona e manumalo i nei luitau?

• O le a se mea patino e te manao ia manatua e uiga i le Tama Faalelagi ma Iesu Keriso ao e i ai i lea tulaga? E fesoasoani faapefea ia te oe le ono manatuaina o nei mea?

Fuafua e faataga tagata aoga e faasoa a latou tali i le vasega, e aofia ai a latou molimau i mea na aoaoina ai i latou e le Agaga Paia i le taimi o le lesona e uiga i le faatino i le faatuatua Faailoa i tagata aoga o lo latou taimi atoa i le seminare, o le a faaauau pea ona latou maua avanoa e faataitai ai le faaaogaina o lenei mataupu faavae. Valaaulia i latou e amata pe faaauau ona faataitai le faaaogaina o lenei mataupu faavae i o latou lava olaga.

Tala ma Faamatalaga o Talaaga

Pe sese le i ai o ni fesili e uiga i le talalelei?

Na aoao mai e Peresitene Dieter F. Uchtdorf o le Au Peresitene Sili le taua o fesili:

O se mea masani le i ai o fesili—o sina fatu itiiti o le fesili faamaoni ua tele lava ina tupu ae ma avea ma se laau mafalā o le malamalama. O loo i ai ni nai tagata o le Ekalesia o e, po o le a lava le taimi, e lei tauivi lava ma ni fesili matuia pe maaleale. O se tasi o faamoemoega o le Ekalesia o le faafailele lea ma atiae le fatu o le faatuatua—e oo lava i nisi o taimi i eleele matutu o le masalosalo ma le le mautonu. O le faatuatua o le faamoemoe lea mo mea e le vaaia ae ua moni.

O le mea lea, ou uso e ma tuafafine pele—au uo pele—faamolemole, ia muamua e masalosalo i ou masalosaloga ae e te lei masalosalo i lou faatuatua. E le tatau lava ona tatou faatagaina le masalosalo e faapagotaina i tatou ma taofia ai i tatou mai le alofa paia, filemu, ma meaalofa ia e oo mai e ala i le faatuatua i le Alii o Iesu Keriso.

Dieter F. Uchtdorf, “Sau, Auai Faatasi ma i Matou,” Ensign po o le Liahona, Nov. 2013, 23.

E mafai faapefea ona faatuputeleina lou tomai e faatino i le faatuatua?

Na aoao mai Perestene Russell M. Nelson e uiga i se faagasologa e mafai ona tatou faia e faateleina ai lo tatou faatuatua

E faatuputeleina lo tatou faatuatua i taimi uma tatou data-aid=“b4ef14ae-904c-4020-be57-3e905b279aff” data-pid=“61”>faaali atu ai o tatou faatuatua ia te Ia O le uiga lena o le aoao e ala i le faatuatua.

Mo se faataitaiga, o taimi taitasi tatou te maua ai le faatuatua ina ia usiusitai ai i tulafono a le Atua—e oo lava i manatu e taua ua tuu ai tatou i lalo—po o taimi taitasi tatou te teena ai faafiafiaga po o metotia e faamanatuina ai le soliga o feagaiga, o loo tatou <aid=“a7d58c0e-b770-41fd-a9a0-68d422980ee9” data-pid=“62”>faatinoina lo tatou faatuatua, faatuputeleina lo tatou faatuatua.

Russell M. Nelson, “Faasaga Atu ma le Faatuatua i le Lumanai,” Ensign po o le Liahona, Me 2011, 36.

O se ata faataitai moni o tagata na faatino i le faatuatua.

Mafaufau e matamata se tasi pe lua o vitio nei, vaavaai po o a mea e mafai ona e aoaoina mai nei tagata taitoatasi e mafai ona fesoasoani ia te oe e faatino ai i le faatuatua pe a i ai ni au fesili po o ni luitau faigata.

<h3 class=“cms-Headings-H3”>Aisea e le tatau ai ona ou fefe i fesili ua le maua tali?

Gaoioiga Faaopoopo e Aoao Mai Ai

Saili tali o fesili

Ina ia fesoasoani i tagata aoga ia malamalama atili pe aisea e faataga ai e le Tama Faalelagi tatou ia tuputupu ae e ala i le sailia o tali i a tatou fesili, mafaufau e faaali atu faataitaiga o uepisaite o loo i ai se itulau o “Fesili e Fesili soo Ai” (FAQ). Fesoasoani i tagata aoga ia malamalama i le faamoemoe o le itulau o fesili (FAQ) ia maua ai tali vave, faigofie ona maua i faafitauli e ono tulai mai.

• Aisea e te manatu ai faapea e le na o le aumaia vave e le Tama Faalelagi ia i tatou tali uma i a tatou fesili e pei ona faia e le itulau a le (FAQ)?