Mataio 1; Luka 1

Vaaiga Aoao

Mataio, o Levi o le isi ona igoa, o le tusitala o le Evagelia muamua a le Feagaiga Fou. O se tasi o ona faamoemoe i le tusitusiga o le faaali atu lea sa faataunuuina e Iesu valoaga o le Feagaiga Tuai e uiga i le Mesia (tagai i le Mataio 1:1—17). Na sau le agelu o Kaperielu ia Maria e faalauiloa mai le fanau mai o Iesu Keriso, o le “Alo o Le Silisili Ese” (tagai i le Luka 1:1—38). A’o ma’itaga ia Iesu, sa asiasi Maria i lona tausoga o Elisapeta ma olioli faatasi ma ia i le agalelei o le Atua (tagai i le Luka 1:39—79).

Sauni e Aoao Atu

O faamatalaga nei ua saunia ai ni manatu mo faiaoga mo ni mea e ono vave saunia mo lesona taitasi.

Mataio 1:1–17

Faamoemoega o le lesona:O lenei lesona o le a fesoasoani i tagata a’oga e aoao ai e uiga ia Iesu Keriso o le Mesia folafolaina ma lagona ai le talisapaia sili atu mo Ia.

Tapenaga mo tagata a’oga: Valaaulia tagata a’oga e o mai i le vasega ma le mafaufau pe aisea e taua ai Iesu Keriso ia te i latou. E mafai foi ona latou fesili i o latou aiga po o uo po o a ni o latou lagona e uiga i le Faaola.

Ata: “O ai Iesu Keriso? O se Vaaiga Aoao e 60-Sekone” (1:23)
Vitio: “Ua Ta’utino atu E Iesu o Ia o le Mesia” (3:23; matamata mai le faailoga taimi 0:00 i le 2:05)

Fautuaga mo vasega e fai i fesootaiga faavitio: I le amataga o le lesona, a’o tusi e tagata a’oga faamatalaga taua e uiga ia Iesu Keriso i se fasipepa, mafaufau e valaaulia i latou e ta a latou tali ma ave i luga e faaaoga ai le matapule o talanoaga. Tuu atu ia lava se taimi i tagata a’oga e faitau ai mea sa tusia e isi o le vasega.

Luka 1:1—38

Faamoemoega o le lesona:O le lesona lenei o le a fesoasoani i tagata a’oga e aoao ai pe faapefea ona tali atu i le finagalo o le Alii ma le faatuatua e sili atu ia te Ia.

Tapenaga mo tagata aoga:Valaaulia tagata a’oga e mafaufau loloto i nei fesili: O le a se mea e te iloa e uiga i le Tama Faalelagi ma Iesu Keriso e fesoasoani ia te oe e tuu lou faatuatuaga ia te i La’ua?

Ata:“O Le Faasilasilaga: Na Sau le Agelu Kaperielu ia Maria,” Tusi Ata o le Talalelei (2009), no. 28
Vitio: “Ua Muai Ta’u Mai e Se Agelu le Soifua mai o Keriso ia Maria” (4:07)

Fautuaga mo vasega e fai i fesootaiga faavitio: Afai e avanoa potu e vavae i ai, e ono fesoasoani le tuuvaega o tagata a’oga e talanoaina fesili e lua e sosoo ma le saunoaga a Peresitene Nelson i le faaiuga o le lesona. Tofi se tasi o tagata a’oga i kulupu taitasi e ta’ita’ia le talanoaga. A toe faatasi mai le vasega valaaulia i e na ta’ita’ia le talanoaga e fai se talaaga i mea na talanoaina e a latou vaega.

Mauaina o le Malamalama Faaleagaga, Vaega 1

Autu o le lesona: O lenei lesona o le a fesoasoani i tagata a’oga e malamalama ma faatatau le mataupu faavae o le faatino o le faatuatua ia Iesu Keriso pe a tula’i mai lu’itau ma fesili faigata.

Tapenaga mo tagata a’oga: Fesili i tagata a’oga e mafaufau loloto i a latou aafiaga o le tauiviga faigata po’o fesili e le faigofie ona tali (a le mai i latou lava olaga pe mai olaga a isi). O nei aafiaga e ono aofia ai mea e pei o se fesili faaleagaga e le’i talia po’o se puapuaga faigata. Valaaulia i tagata a’oga ona mafaufau loloto i auala na latou tali atu ai pe faapefea foi ona latou tali i nei tulaga.

Tufaaga: “O le a le uiga o le faatino i le faatuatua?”

Fautuaga mo vasega e fai i ala fesootai: Mafaufau e sauni se ata faasolo ma ni faamatalaga mai le tufaaga po’o le lafo atu o tufaaga i tagata a’oga e ala i le imeli po’o le faiga puleaga o le aoaoina. Valaaulia i tagata a’oga e faaaoga o latou tufaaga ina ia latou taga’i iai i le taimi o le vasega.

Mataio 1:18–25; Luka 1:26–35

Autu o le lesona: O lesona lenei o le a fesoasoani i tagata a’oga e malamalama i uiga o Iesu na Ia maua mai se tina faitino ma se Tama tino ola pea e mafaia ai e na’o Ia ona fesoasoani ia i tatou e manumalo i lu’itau uma o le olaga nei.

Tapenaga mo tagata a’oga: Fesili i le vasega e mafaufau i luitau e masani ona vaaia i le latou tupulaga.

Ata: “Ona o O ia” (2:36)

Meafaigaluega Mo Tagata A’ogaPepa, penitala lanu, penivali, ma faapena atu ai lava.

Luka 1:39–79

Autu o le lesona:O lenei lesona o le a tuu atu avanoa i tagata a’oga e faailoaina le agalelei o le Atua ma vivii atu ai ia te Ia.

Tapenaga mo tagata a’oga:Valaaulia i tagata a’oga e o mai i le vasega ma sauni mai se fuaiupu mai se viiga e faamatilatila ai le agalelei o Iesu Keriso.

Fautuaga mo vasega e fai i ala fesootai: Sauni e faaali fesili mafaufau loloto o loo lisi atu i le faaiuga o lenei lesona ina ia tagai ai tagata a’oga. Afai e talafeagai, mafaufau e faatagaina tagata a’oga e pule i le faaata o lau komepiuta ina ia mafai ona latou tusitusi uiga ma amioga a le Faaola e sili ona taua i latou taitoatasi.