Seminare
Faatomuaga i le Atamai Faaleaoaoga Faavae

Faatomuaga i le Atamai Faaleaoaoga Faavae

O Le Faamoemoega o le Atamai Faaleaoaoga Faavae

Seminary student studying in Ecuador

O le lesona lenei o le a faatomua atu ai ia te oe le atamai faaleaoaoga faavae ma le ala e mafai ai ona faamanuiaina lou olaga ma fesoasoani e fausia ai lou faavae faaleagaga i luga o Iesu Keriso.

Musuia ma le taimi tonu e fai ai. Na faia e Peresitene M.Russell Ballard o le Korama a Aposetolo e Toasefululua le tautinoga lea i faiaoga seminare ma le inisitituti: “[O le Atamai Faaleaoaoga Faavae] e musuia ma ua oo i le taimi tonu e fai ai. O le a i ai se tosinaga matagofie i luga o o tatou tagata talavou. Peitai, o le manuia o le Atamai Faaleaoaoga Faavae … o le a faalagolago i le taua o le mamafa ia te oe” (M.Russell Ballard, “O Avanoa ma Tiutetauave o Faiaoga CES, o le Seneturi 21” [faasauga ma se Pulega Aoao, Fep.26, 2016], broadcasts.ChurchofChrist.org).

Tapenaga a le tagata aoga: Valaaulia tagata aoga ina ia filifili se mea e tasi o fuaitau o le atamai faaleaoaoga faavae latou te fiafia i ai, e mafai ona fesoasoani i se manaoga patino, po o tali o a latou fesili. O loo maua se lisi o fuaitau i le app o le Atamai Faaleaoaoga Faavae po o le lata i le faaiuga o le Pepa o Faamatalaga Autu Faaleaoaoga Faavae.

Gaoioiga e Mafai Ona Aoao Ai

Fausia se faavae i luga o Iesu Keriso

Tornado, building and power lines in Cordele, Georgia, on April 5. 2017. (vert)

Na lapatai mai Elder Neil L. Andersen o le Korama a Aposetolo e Toasefululua e uiga i asiosio faaleagaga:

Official portrait of Elder Neil L. Andersen of the Quorum of the Twelve Apostles, 2010, August.

O mea e sili atu ona popole i ai nai lo o mafuie ma taua sa valoia, o asiosio faaleagaga e mafai ona liaina ai oe mai lou faavae faaleagaga ma tuuina lou agaga i tulaga e te le i mafaufauina e mafai, ma o nisi taimi e te tau le iloaina ua sii ese oe mai lou faavae faaleagaga.

(Neil L. Andersen, “O Asiosio Faaleagaga,” Ensign po o le Liahona, Me 2014, 18)

  • O a nisi o asiosio faaleagaga o loo taumafai e lia’ina tatou mai o tatou faavae faaleagaga?

Mafaufau e uiga i asioasio faaleagaga atonu o feagai ma oe. Faitau le Helamana 5:12 ma vaavaai mo auala e tetee atu ai i lenei asiosio.

  • O a mea na e matauina e mafai ona fesoasoani ia oe e tetee atu ai i asiosio faaleagaga?

  • O le a sou manatu o le a le uiga o le fausia o se faavae i luga o Iesu Keriso?

  • O a ni auala o le a aoga patino ia te oe mai le fauina o se faavae malosi i luga o Iesu Keriso?

Color Handouts Icon

O faamatalaga nei e faa-agaga e fesoasoani i tagata aoga e toe tomanatu ai pe o a o latou lagona e uiga i o latou faavae faaleagaga. E mafai foi ona latou fesoasoani i tagata aoga ia vaavaai i isi vaega o le atamai faaleaoaoga faavae e mafai ona fesoasoani ia i latou. Mafaufau e faaali atu faamatalaga nei pe tusi i luga o le laupapa.

O Lo’u Faavae Faaleagaga

Mafaufau i lou faavae faaleagaga ma faaaoga faaupuga nei “Ioe,” “Ioe Teisi,” “Le Ioe Teisi,” po o le “Le Ioe” e fua i ai lou tagata.

  1. O loo ou fausia se faavae malosi i luga o Iesu Keriso ma Lana talalelei.

  2. O loo ou faateleina lo’u malamalama ia Iesu Keriso ma Ana aoaoga faavae.

  3. Ou te lagona le lagolelei e faaaoga tusitusiga paia e faamalamalama ai le aoaoga faavae a Iesu Keriso.

  4. E mafai ona ou maua tali i a’u fesili po fesili a isi e uiga i le tala lelei.

Spiritual Foundation handout

Atamai faaleaoaoga faavae

E mafai ona fesoasoani le seminare ia te oe e fausia lou faavae i luga o Iesu Keriso a o e aoao i Ana aoaoga faavae autu, sau ia te Ia, ma avea ma Ona soo (tagai i le 3 Nifae 11:39). Faitau parakalafa muamua e lua o le “Faatomuaga i le Atamai Faaleaoaoga Faavae” mataupu o le Pepa Autu o le Atamai Faaleaoaoga Faavae (2022), vaavaai mo auala e mafai ai e le seminare ona fesoasoani ia te oe e fausia lou faavae I luga o Iesu Keriso.

  • O le a se mea na e mauaina?

E lua taunuuga autu mo le atamai faaleaoaoga faavae o le a fesoasoani ia te oe e fausia ai lou faavae i luga o Iesu Keriso. Faitau taunuuga e lua o le atamai faaleaoaoga faavae i le “Faatomuaga i le Atamai Faaleaoaoga Faavae” mataupu o le Pepa Autu o le Atamai Faaleaoaoga Faavae.

I vaiaso taitasi i le seminare o le a e galue ai i le atamai faaleaoaoga faavae. I le tele o lesona nei, o le a e suesueina se tasi o fuaitau o mau e 24 mai le Feagaiga Fou ua ta’ua o fuaitau o le atamai faaleaoaoga faavae. O le ata lenei e faapupula ai mea o le a e faia i lesona o le atamai faaleaoaoga faavae.

Mafaufau e faaali atu le ata pe tusi i luga o le laupapa. O lenei ata ua faailoa ai le auala o loo faatulaga ai lesona o le atamai faaleaoaoga faavae.

Flow chart for doctrinal mastery

Iloa ma faamatala le aoaoga faavae

Ia nofouta i le matua faaleagaga o tagata aoga taitoatasi. Saili ma le agaga tatalo le taitaiga a le Agaga Paia a o e faapatinoina le lesona e tusa ai ma manaoga o tagata aoga.

I le taimi muamua o le lesona sa e iloiloina ai oe lava ia pe faapefea ou lagona i le faaaogaina o tusitusiga paia e faamatala ai aoaoga faavae autu a Iesu Keriso. Tusa lava pe faapefea ona e iloiloina oe lava ia, o le suesueina o le atamai faaleaoaoga faavae o le a faalauteleina ai lou iloa o le Faaola ma Lana aoaoga faavae. O lou mafai ona faamatala Lana aoaoga faavae e faaaoga ai tusitusiga paia o le a tuputupuae.

Vaavaai i le lisi o fuaitau o le atamai faaleaoaoga faavae o le Feagaiga Fou ma o latou fasifuaitau autu o mau. E mafai ona e maua lea lisi e lata i le faaiuga o le Pepa Autu o le Atamai Faaleaoaoga Faavae. Filifili se fuaitau se tasi e te fiafia i ai, e mafai ona fesoasoani i se manaoga patino, pe mafai foi ona fesoasoani i sau fesili o loo i ai.

E ono aoga i tagata aoga le faatalanoaina o fesili nei faatasi ma se paga.

  • O le fea fuaitau o mau sa e filifilia?

  • O le a se mea o aoao atu ia te oe e lenei fuaitau e uiga ia Iesu Keriso ma Ana aoaoga faavae?

  • O ā ni auala e manuia ai lou olaga i le iloa ona faamatala le aoaoga faavae mai lenei fuaitau?

Mauaina o le malamalama faaleagaga

O le a eseese aafiaga o tagata aoga i mataupu faavae o le mauaina o le malamalama faaleagaga. Fetuunai le vaega lea o le lesona e tusa ma manaoga ma tomai o tagata aoga. E eseese lesona i se taimi mulimuli o mataupu aoaoina mo mataupu faavae taitasi e tolu o le mauaina o le malamalama faaleagaga. Afai o le tele o tagata aoga e laitiiti pe leai foi se poto masani i le faaaogaina o mataupu faavae o le mauaina o le malamalama faaleagaga, mafaufau e aoao atu le vaega “Mauaina o le Malamalama Faaleagaga” lesona 1, 2, ma 3 a o lei aoaoina atu le lesona muamua o le atamai faaleaoaoga faavae.

I lesona o le atamai faaleaoaoga faavae, o le a i ai lou avanoa e aoaoina ai nisi mea ma faataitai le faaaogaina o mataupu faavae o le mauaina o le malamalama faaleagaga e fesoasoani ia te oe e tali fesili patino ma fesili faaagafesootai faapea foi fesili e uiga i le aoaoga faavae autu, faiga, po o le talafaasolopito o le Ekalesia. O le aoaoina e uiga i nei mataupu faavae ma le faaaogaina o le a fesoasoani ia te oe e fausia lou faavae i luga o le Faaola ma liliu atu ia te Ia pe a e feagai ma fesili. O mataupu faavae e tolu o le mauaina o le malamalama faaleagaga o le a e faataitai ona faaaoga i le seminare o:

  • Faatino i le faatuatua.

  • Iloilo manatu autu ma fesili faatasi ma se vaaiga e faavavau.

  • Saili le malamalama atili e ala mai punaoa faaleagaga ua filifilia.

Afai e te le masani i nei mataupu faavae, atonu e te manao e faitau parakalafa 5–12 o loo i le “Mauaina o le Malamalama Faaleagaga” mataupu o le Pepa Autu o le Atamai Faaleaoaoga Faavae.

  • O le a se mea e te iloa e uiga i nei mataupu faavae?

  • O a ni aafiaga na e maua i nei mataupu faavae?

  • O a auala e te manatu e mafai ona fesoasoani ai nei mataupu faavae ia te oe e fausia lou faavae i luga o Keriso ma tetee atu ai i asiosio faaleagaga?

Fuaitau o mau o le atamai i aoaoga faavae

O tausaga taitasi i le seminare o le a faamalosiauina ai oe ia tauloto se mau autu mo fuaitau e 24 o mau o le atamai faaleaoaoga faavae.

Na aoao mai Elder Richard G. Scott (1928–2015) o le Korama a Aposetolo e Toasefululua e uiga i le taulotoina o mau.

2:3
Final official portrait of Elder Richard G. Scott of the Quorum of the Twelve Apostles, 2004. Passed away 22 September 2015.

E mafai ona oo mai se mana maoae mai le taulotoina o mau. O le taulotoina o se mau o le faatuina lea o se faigauo fou. E pei lava o le mauaina o se tagata fou e mafai ona fesoasoani mai i se taimi e manaomia ai, tuu mai musumusuga ma faamafanafanaga, ma avea o se punavai o faaosofiaga mo suiga manaomia.

(Richard G. Scott, “O Le Mana o Tusitusiga Paia,” Ensign po o le Liahona, Nov. 2011, 6)

  • Aisea e te manatu ai o le a aoga le tauloto o mau eseese?

  • O a ni auala e te manatu e mafai ai e le tauloto o mau ona fesoasoani ia te oe e fausia lou faavae ia Iesu Keriso ma tetee atu ai i asiosio faaleagaga?

Faaalu ni nai minute e toe iloilo ai mau e 24 mai fuaitau o le atamai faaleaoaoga faavae ma fuaitau autu o mau o le kosi o le Feagaiga Fou. E mafai ona e faaaogaina le polokalama o le Atamai Faaleaoaoga Faavae po o le Pepa o Autu o le Atamai Faaleaoaoga Faavae. Atonu ua e manao e amata ona tauloto ia mau faasino ma fuaitau autu o tusitusiga paia mo le fuaitau na e filifilia muamua.

Tala ma Faamatalaga o Talaaga

Aisea e taua ai le atamai faaleaoaoga faavae?

Na aoao mai Peresitene M. Russell Ballard o le Korama a Aposetolo e Toasefululua:

Official portrait of President M. Russell Ballard of the Quorum of the Twelve Apostles, 2004.

[Atamai faaleaoaoga faavae] o le a taulai atu i le fausiaina ma le faamalolosia o le faatuatua o o tatou tagata aoga ia Iesu Keriso ma faamausali i latou i le tomai faateleina e ola ai ma faaaoga le talalelei i o latou olaga. O le utuvai mai tusitusiga paia ma upu a perofeta, o le a latou aoao ai pe faapefea ona faatino ma le faatuatua ia Keriso ina ia maua ai le malamalama faaleagaga ma le malamalamaaga i Lana talalelei. Ma o le a latou maua avanoa e aoao ai le auala e faaaoga ai aoaoga faavae a Keriso ma mataupu faavae o le talalelei i fesili ma luitau latou te faalogo ma vaaia i aso taitasi i o latou tupulaga ma luga o ala o faasalalauga.

(M. Russell Ballard, “O Avanoa ma Tiutetauave a Faiaoga o le CES i le Seneturi 21” [o se afiafi ma se Pulega Aoao, Fepuari. 26, 2016], ChurchofJesusChrist.org)

Gaoioiga Faaopoopo e Aoao Ai

Gaoioiga e faailoga ai mau o le atamai faaleaoaoga faavae

Ina ia fesoasoani i tagata aoga e faailoga mau o le atamai faaleaoaoga faavae, mafaufau e faaaoga le gaoioiga lenei. Filimaoti le aofaiga o mau e faaaoga i le gaoioiga lenei, ma atofa i tagata aoga taitoatasi se mau (e tele tagata aoga e mafai ona atofa i ai le mau lava lea e tasi).

Tuu se taimi i tagata aoga e tapena ai, ma valaaulia i latou e fai mea nei: (1) asiasi i se isi tagata o le vasega, (2) faasoa a latou mau o le atamai faaleaoaoga faavae i le tasi ma le isi, ma (3) faailoga ia fuaitau o mau. Toe fai le gaoioiga lenei mo ni nai taimi.

Ina ia faaopoopo le tele o mea eseese i le gaoioiga, mafaufau e valaaulia tagata aoga e tali se fesili ia fesoasoani ai ia i latou ia masani le tasi ma le isi, pe faasoa se tulaga latou te manatu o le a aoga ai lenei mau.

Polokalama o le Atamai Faaleaoaoga Faavae

Fesoasoani i tagata aoga e sii mai le polokalama o le Atamai Faaleaoaoga Faavae i telefoni feaveai. Faaaoga le taimi o le vasega e fesoasoani ai i tagata aoga ia masani i le polokalama ma galulue ai i nisi o gaoioiga. Faamalosiau i tagata aoga ina ia fa’aaoga le polokalama i fafo atu o vasega.

Taulotoina o mau

Valaaulia tagata aoga e manatu faapea o latou o se faifeautalai, o se matua, po o le taliina o se fesili a se uo e uiga i le talalelei. Fai i tagata aoga e faasoa mai auala e fesoasoani ai le taulotoina o mau ia i latou i na tulaga.