Mataio 1:18–25; Luka 1:26–35

Iesu Keriso: Alo o le Atua ma Maria

Frontal head and shoulders portrait of Jesus Christ. Christ is depicted wearing a pale red robe with a white and blue shawl over one shoulder. Light emanates from His face.

Na fai atu le agelu o Kapelielu ia Maria, o le tama na te fanauina o le “Alo o le Silisili Ese” (Luka 1:32). O le faamoemoe o lenei lesona o le aoai atu oe i uiga o Iesu na maua mai i lona tina faaletino ma lona Tama e faavavau, o le tuufaatasiga o nei uiga eseese ua na o Ia lava na mafai ona manumalo i luitau o le olaga faaletino.

Tuu atu se molimau atoatoa ia Iesu Keriso. Vaavaai mo avanoa e masani ai ona tuuina atu ai se molimau atoatoa ma le mamana ia Iesu Keriso. Faatulaga ni avanoa mo tagata aoga e molimau atu ai ia Iesu Keriso i totonu o le vasega. E mafai ona fai molimau a tagata aoga o se vaega o galuega tusitusi, gaoioiga a vaega toalaiti, po o talanoaga a le vasea atoa. Manatua foi e faamamafa molimau e tuuina atu e uiga ia Iesu Keriso i tusitusiga paia ma i upu a perofeta o aso e gata ai.

Tapenaga mo tagata aoga: Valaaulia tagata aoga e mafaufau i luitau e masani ona feagai ma tagata o le latou tupulaga.

Galuega e Mafai ona Faaaoga e Aoao Mai Ai

Faatoilaloina o Luitau

Faaali atu le atatusi lenei. Mafaufau pe talafeagai le valaaulia o le vasega e tusi i le laupapa le tali i le fesili muamua o fesili nei.

O le a sau tala o a nisi o luitau aupito masani e feagai ma lau tupulaga?
O a mea e liliu atu i ai talavou a o latou taumafai e taulima nei luitau?

Na faasoa mai e Elder Ronald A. Rasband o se tasi o le Korama o Aposetolo e Toasefululua lenei molimau ia Iesu Keriso:

O Iesu Keriso o le tali i taimi uma. O le malamalama ai i Lana misiona ma Lana talalelei, o lo tatou alofa mo Ia, ma lo tatou talitonuga ma le faalagolago ia te Ia, tatou te maua ai le malosi.

(Ronald A. Rasband, “O Iesu Keriso le Tali,” [afiafi faatasi ma se Pulega Aoao, Fep. 8, 2019], broadcasts.ChurchofJesusChrist.org)

Mafaufau e tusi le faamatalaga “O Iesu Keriso o le tali i taimi uma” i autafa o le atatusi ua i luga o le laupapa. Atonu e aoga foi le toe faasino aū i lenei ata ia faasaga i le faamatalaga lea.

Aisea e te manatu ai o Iesu Keriso lava le tali pea sao mai luitau ma fesili i lo tatou olaga?

Faaaoga sina taimi e mafaufau ai i lou faatuatua ma lou talitonu mautinoa ia Iesu Keriso. O le a le tele o taimi e te faalagolago ai ia te Ia mo le malosi ma le lagolago? Ao suesue i lenei aso, saili musumusuga mai le Agaga Paia e fesoasoani ia te oe ina e aoao mea moni e uiga ia Iesu Keriso o le a faateleina ai lou faatuatua ia te Ia ma taitaia ai oe e liliu soo atu ia te Ia mo le filemu ma le malosiaga.

O tuaa o Iesu Keriso

O Iesu Keriso e tumatila Lona gafatia ona fesoasoani ia i tatou i soo se luitau po o fesili tatou te fetaiai i le olaga nei, i se isi itu ona o uiga sa Ia maua mai Ona tuaa.

Suesue i mau nei, ma vaavaai mo aoaoga e uiga i matua o le Faaola:

O le a se mea na e aoaoina e uiga i le tina ma le Tama o Iesu Keriso?

O se tasi o mea moni e mafai ona tatou aoao mai nei fuaiupu o Iesu Keriso o le Alo paia o le Atua le Tama ma Maria.

A moomia e tagata aoga se faamaninoga e uiga i tuaa o le Faaola, mafaufau e faasoa atu nei faamatalaga o loo e maua mai le vaega o “Tala ma Faamatalaga o Talaaga” i le faaiuga o le lesona.

Tusi le ata lenei i luga o le laupapa, pe faaali atu le ata.

Diagram with the words Mary and Heavenly Father and arrows pointing to the words Jesus Christ.

Faitau le faamatalaga lea mai ia Peresitene Rusell M. Nelson, ma vaavaai mo uiga o Iesu Keriso sa maua mai le Tama Faalelagi ma mai ia Maria.

Mai Lona Tama faavavau tino ola pea, na mautofi ai Iesu i le mana e soifua ai e faavavau. Mai Lona tina faaletino sa Ia maua mai ai le tulaga le maalofia o le oti faaletino.O uiga o ia tulaga eseese sa tatau ai mo Lana misiona e togiola mo agasala a tagata uma. O le mea la na soifua mai Iesu le Keriso ina ia maliu (tagai i le 3 Nifae 27:13–15). Na maliu o Ia ina ia mafai ona tatou ola. Na fanau mai o Ia ina ia mafai e tagata uma ona ola i tala atu o le tuugamau.

(Russel M. Nelson, “Ua Fanau mai Keriso le Faaola,” New Era, Tesema 2006, 5)

O le a se mea ua e iloaina mai lenei faamatalaga e uiga ia Iesu Keriso?

A faapea na tusi se ata i luga o le laupapa, e mafai ona aoga le lisi o tali a le vasega i lalo o le vaega “Iesu Keriso.”

Mai Lona tina, o Maria, o se tina faaletino, na maua mai ai e Iesu le tino faitino, e aofia ai ma le oti faaletino. Mai le Atua, lo tatou Tama Faalelagi, na maua mai ai e Iesu le tino ola pea, ma le mana e ola faavavau ai e ala i le toetu mai. Na mafai ona Ia oo i tiga, o faaosoosoga ma faanoanoaga e o faatasi ma le olaga faaletino ma onosai i tiga ma mafatiaga o le Togiola e le mafai ona gafatia e se isi tagata faaletino (tagai i le Mosaea 3:7).

Faitau le Mosaea 7:33, ma vaai mo ni malamalamaaga pe faapefea ona tatou maua le fesoasoani a le Faaola i o tatou luitau faaletino.

O le a se mea ua e aoao mai nei fuaiupu e uiga i le auala tatou te maua ai le fesoasoani a le Faaola?

E mafai ona aoga le valaaulia o le vasega e suesue tusitusiga paia mo se faataitaiga o se taimi sa liliu atu ai se tagata po o se vaega o tagata i le Alii mo se fesoasoani a le Alii mo se fesili po o se faafitauli. Ia vaai auiliili le vasega i nei faataitaiga ma maitau poo a gaioiga sa fai e lea tagata poo lea nuu e talosagaina le fesoasoani a Keriso ma pe faapefea ona Ia fesoasoani iai latou. E mafai foi ona latou autilo i uiga tonu a Iesu o loo faatino i lea faataitaiga ma lea faataitaiga. A maea valaaulia ni sui e faasoa ma le vasega atoa i faataitaiga sa o latou maua pe faatino nei galuega i paaga.

Fuafua e tuu sina taimi mo tagata aoga e tusi ai a latou tali i fesili nei i a latou api talaaga mo suesuega. A maea loa, ona valaaulia lea e faasoa mai a latou tali ma se paaga pe faasoa i le vasega atoa.

Ona o Ia

Matamata le vitio “Ona o Ia” (2:36), ma vaavaai nisi mea na mafai e le Faaola ona fai ona sa afio mai o Ia i le lalolagi, oo i le tulaga faaletino, manumalo i mea uma. O loo maua lenei vitio i le ChurchofJesusChrist.org.

2:36

Mafaufau e saunia ni anomea mo tagata aoga e pei o ni peni vali ma ni pepa e faamae’a ai le gaoioiga lea.

Fatu sau lava feau e uiga i le Faaola e amata i upu nei “Ona o Ia.” E mafai ona e faaumiina le fasifuaitau i se tasi pe sili atu foi faamatalaga e uiga i mea e nao le Faaola lava e mafai ona fesoasoani atu ia te oe poo se mea ua maea ona Ia fesoasoani atu ai i lou olaga. Mafaufau e faaaoga anomea e faalautele ai lau fatufatuga pe afai e lava se taimi ma mea e fai ai.

A maea galuega a le vasega, valaaulia i latou e tuu i luga a latou feau po o savali ina ia iloa uma e isi. Valaaulia nisi o le vasega e faamalamalam mai mea sa latou tusia. Mafaufau e valaaulia tagata aoga e faasoa a latou faamatalaga i isi i le fale poo le lotu.

Mafaufau e faasoa atu se molimau i tomai o Keriso e fesoasoani ia i tatou e faatoilalo luitau o le olaga nei.

Tala ma Faamatalaga o Talaaga

Mataio 1:18 . O le a le uiga o lenei faamatalaga o Maria “ua to o ia i le Agaga Paia”?

Sa aoao mai e Peresitene Ezra Taft Benson (1899–1994) e faapea:

E le taitai ona fesiligia matua o Iesu Keriso ona o mau ua tuuina mai e molimau filifilia. O le Atua o le Tama o Lona tino faaletino, a o Maria, o se tamaitai i le tino, o Lona tina. …

… E le o Ia o le atalii o Iosefa, e lei fanaua foi o Ia e le Agaga Paia. O Ia o le Alo o le Tama Faavavau!

(Ezra Taft Benson, “Lima Vaaiga e Uiga i le Paia o Iesu Keriso,” Ensign, Tesema 2001, 10, 11)

Na saunoa mai foi Peresitene Harold B. Lee (1899-1973) e tatou te faaeteete i le taumafai ia maua uma faamatalaga e uiga i le vavega o le fanau mai faavavega o le Faaola.

Afai e atamamai ia faiaoga pe a tautatala e uiga i [le faaautamaina o Iesu Keriso] lea na fetalai ai le Alii ae matua itiiti lava, o le a latou tuu ai la latou talanoaga e uiga i lenei mataupu ia tau lava o upu o loo tusia e uiga i lenei mataupu i le Luka 1:34–35. … Ia lava tatou i nei faamatalaga a le Alii e uiga i lea mataupu ma tatou faatali seia silafia e Ia ua tatau ona tuu mai ni isi faamatalaga.

(O Aoaoga a Harold B. Lee, ed. Clyde J. Williams [1996], 14)

O a mea sa mafai ona fai e Iesu ona o uiga sa Ia maua mai Ona matua?

Sa aoao mai e Peresitene Ezra Taft Benson (1899–1994) e faapea:

I le taimi sa faamaualalao ai le Atua Mamana o le Atulaulau e sau i lalo e fanau mai i se tamaitai faaletino, na Ia auina atu mai o Ia lava i vaivaiga o le tino, ia “mafatia o Ia i faaosoosoga, ma tiga o le tino, ma le fia ai ma le fia inu, ma le lailoa, e sili atu i lo le mea e mafai e le tagata ona i onosaia, vagana ai ua oti” ( Mosaea 3:7). O nei mafatiaga sa Ia maua mai Lona tina faaletino. Ae ona o Lona tama o le Atua, na iai ia Iesu Keriso le mana e lei maua muamua e se isi poo se isi tagata taluai. O Ia o le Atua ua liutinotagata- le Alo o le Atua. O nei mana sa mafai ai ona Ia faatino vavega, faaaliga, mea ofoofogia, le Togiola sili, ma le Toetu-o mea uma nei o ni faailoga faaopoopo o Lona paia.

(Ezra Taft Benson, “Lima Faailoga o le Paia o Iesu Keriso,” Ensign, Tesema 2001, 10)

Mataio 1:25 . O le a le uiga o le faaupuga e “lei iloa o ia” e Iosefa?

O le uiga o le upu iloa poo le sa iloa i le Tusi Paia e mafai ona faasino i feusuaiga [sei tulou] (tagai i le Kenese 4:1). I le taimi e lei fanau mai Iesu e lei i ai ni sootaga feusuai a Iosefa ma Maria. O nei faamatalaga e toe faamalosia ai le mea moni e le mafai ona avea o ia ma tama o Iesu ma o le faaautamaina o Iesu o se vavega.

Galuega Faaopoopo e Aoao Mai Ai

Faalaniga o le Faaola

Mafaufau e suesue i suafa eseese o le Faaola o loo tusia i le tusi Mataio 1 ma le Luka 1 . (E mafai ona e vaavaai mo faamatalaga i le Lomi Fefiloi o le Tusi Paia, Taiala o Autu, po o le i le Taiala i Tusitusiga Paia.) O a mea e mafai ona tatou aoaoina e uiga ia Iesu Keriso mai nei faalaniga?Iesu ( Mataio 1:21 ; Luka 1:31)Emanuele ( Mataio 1:23)Alo o le Silisili Ese ( Luka 1:32)Alo o le Atua ( Luka 1:35)