Cornelius greets Peter outside of his home. Outtakes include Cornelius kneeling, Peter raising Cornelius from the ground, surrounding landscape, and others involved in the filming.
Kur Jezusi iu shfaq dishepujve të Tij pas Ringjalljes së Tij, Ai i urdhëroi ata t’ia shpërndanin ungjillin të gjithë botës (shih te Mateu 28:19–20). Më përpara ungjilli u ishte shpërndarë kryesisht judenjve dhe Pjetri dhe dishepujt e tjerë vazhduan t’i përqendronin përpjekjet e tyre misionare tek ata. Korneli, një johebre që e donte Perëndinë dhe kërkonte udhërrëfimin e Tij, u udhëzua nëpërmjet një lajmëtari qiellor të kërkonte Apostullin Pjetër. Në të njëjtën kohë, Pjetri pati një vegim që e ndihmoi atë të kuptonte më mirë mënyrën se si Ati Qiellor ndihet për të gjithë fëmijët e Tij. Ky mësim mund të të ndihmojë t’i shohësh njerëzit e tjerë më shumë në mënyrën siç i shohin Ati Qiellor dhe Jezusi.
Të bëhemi më shumë si Krishti. Ndihmojini nxënësit të shohin lidhjen ndërmjet të jetuarit të ungjillit dhe bërjes më shumë si Jezu Krishti. “Bërja është një proces i ndryshimit të karakterit dhe të vetë natyrës së nxënësit. Ajo vjen nëpërmjet fuqisë shëlbuese dhe forcuese të Jezu Krishtit” (Kim B. Klark, “Të Mësuarit në Thellësi dhe Gëzim në Zotin” [fjalim dhënë në transmetimin e trajnimit vjetor për Seminaret dhe Institutet e Fesë], 13 qershor 2017, broadcasts.ChurchofJesusChrist.org).
Përgatitja e nxënësve: Ftojini nxënësit t’i kushtojnë vëmendje mënyrës se si ata i shohin dhe i trajtojnë njerëzit rreth tyre dhe mënyrës përse ata sillen në këtë mënyrë. Kërkojuni atyre të jenë gati të tregojnë disa ide nga vëzhgimet e tyre.
Çfarë sheh?
Pamja
Clouds in a sunny sky
Vështroji retë (jashtë në natyrë ose në këtë foto) dhe përshkruaj atë që sheh.
Përse dy njerëz mund të shohin të njëjtat re dhe të shohin gjëra të ndryshme?
Përse dy njerëz mund të shohin një person tjetër dhe ta shohin atë ndryshe?
Çfarë di ti për mënyrën se si Ati Qiellor dhe Jezu Krishti e shohin secilin prej nesh?
Ftojini nxënësit të japin vëzhgimet dhe idetë e tyre nëse e kanë përfunduar veprimtarinë e përgatitjes së nxënësit.
Ndërsa studion, kujto se mënyra se si ti i sheh njerëzit mund të ndryshojë ndonjëherë nga mënyra se si Ati Qiellor dhe Jezu Krishti i shohin ata. Lejo që Fryma e Shenjtë të të udhërrëfejë rreth asaj që mund të të duhet të bësh për t’i përputhur më plotësisht pikëpamjet e tua me pikëpamjet e Atit Qiellor dhe Jezu Krishtit.
Pjetri i jep mësim Kornelit, një johebreu
Deri në këtë pikë në kohët e Dhiatës së Re, ungjilli u qe predikuar, me pak përjashtime, vetëm judenjve, sipas udhëzimit nga Shpëtimtari (shih te Mateu 10:5–6). Ishin disa anëtarë të Kishës së Krishtit të cilët ishin johebrenj (jojudenj) nga lindja, por ata ishin të kthyer tashmë në besim në Judaizëm përpara se të ndiqnin Krishtin. Mirëpo, Shpëtimtari u tha dishepujve të Tij se pasi Fryma e Shenjtë të vinte mbi ta, ata do ta predikonin ungjillin “deri në skajin e dheut” ( Veprat e Apostujve 1:8). Te Veprat e Apostujve10 ne lexojmë rreth një ndryshimi të rëndësishëm në mënyrën se si vepronte Kisha, që do ta lehtësonte këtë gjë.
Lexo nga Veprat e Apostujve 10:1–8 për të mësuar rreth Kornelit. Kërko tregues të mënyrës se si Ati Qiellor e shihte atë.
Çfarë mësove rreth Kornelit nga këto vargje?
Çfarë gjete që tregon mënyrën se si Ati Qiellor u ndje për Kornelin?
Ndërkohë që njerëzit e Kornelit po udhëtonin për të gjetur Apostullin Pjetër, Zoti po e mësonte Pjetrin rreth mënyrës se si Ai i sheh të gjithë njerëzit.Lexo te Veprat e Apostujve 10:9–16 dhe vizato një figurë të mënyrës se si ti mendon se mund të ketë qenë vegimi i Pjetrit.
Nxënësit mund të vizatojnë pamje të veçanta ose një nxënës mund ta vizatojë vegimin në tabelë. Mbajeni kohën e vizatimit të shkurtër në mënyrë që nxënësit të kenë kohë të mjaftueshme për pjesën tjetër të mësimit.
Ftojini nxënësit të tregojnë se çfarë kanë vizatuar. Merreni parasysh t’i ftoni nxënësit të tregojnë mendimet e tyre rreth kuptimit që vegimi ka për ta.
Përse Pjetri ishte i shqetësuar për atë që u udhëzua të bënte në vegim?
Pjetri u rrit si jude, duke ndjekur urdhërimet dhe traditat e ligjit të Moisiut. Ky ligj përmbante kërkesa të rrepta mbi mënyrën se si njerëzit duhet dhe nuk duhet të ushqeheshin (shih te Levitiku11). Kafshët që judenjtë lejoheshin t’i hanin, quheshin “të pastra” ndërkohë që kafshët që Perëndia i ndalonte judenjtë t’i hanin, quheshin “të papastra”.
Pjetri nuk e kuptoi në fillim kuptimin e plotë të vegimit. Ndërsa e përsiaste atë, burrat e dërguar nga Korneli arritën. Shpirti i tha Pjetrit të shkonte me këta burra në shtëpinë e Kornelit (shih te Veprat e Apostujve 10:17–20).
Kërko te vargu34 të vërtetën që Pjetri mësoi rreth mënyrës se si Ati Qiellor i sheh të gjithë fëmijët e Tij. Merre parasysh të shenjosh të vërtetën që gjete.
Pjetri mësoi se Perëndia nuk tregohet i anshëm. Nëse nxënësit do të përfitonin nga leximi i shkrimeve të shenjta të tjera që e theksojnë këtë të vërtetë, lexoni së bashku nga 2 Nefi 26:13, 28, 33 ; Doktrina e Besëlidhje 1:34–35 .
Merreni parasysh të shpërndani thënie nga pjesa “Komente dhe Informacion për Rrethanat” sipas nevojës gjatë këtij diskutimi.
Shkruaj në ditarin tënd të studimit domethënien që ka për ty fjalia “Perëndia nuk tregohet i anshëm”.
Si mendon se zbulesa e Atit Qiellor e ndryshoi zemrën dhe këndvështrimin e Pjetrit? Si mund t’i ndryshojë të kuptuarit e kësaj zbulese zemrat e njerëzve sot?
Ftoni vullnetarë të tregojnë atë që shkruan.
Kur Pjetri e kuptoi se Perëndia donte që ungjilli t’u mësohej të gjithë njerëzve, ai ia predikoi mesazhin e Jezu Krishtit Kornelit dhe familjes e miqve të tij (shih te Veprat e Apostujve 10:36–43).
Pamja
Clouds in a sunny sky
Si mendon se jeta dhe misioni i Jezu Krishtit e demonstrojnë dashurinë e Perëndisë për të gjithë njerëzit?
Si mund të ndikojë mbajtja mend e mënyrës se si Ati Qiellor dhe Jezu Krishti i vlerësojnë të gjithë njerëzit në mënyrën se si ti i sheh dhe i trajton të tjerët?
Çfarë mund të bësh për të kërkuar ndihmën e Atit Qiellor për t’i parë të tjerët ashtu siç i sheh Ai?
Ndërkohë që Pjetri dëshmoi për Jezu Krishtin, Fryma e Shenjtë erdhi mbi Kornelin dhe familjen e tij. Më pas Pjetri i ftoi ata të pagëzoheshin (shih te Veprat e Apostujve 10:44–48). Zbulesa e Perëndisë ndaj Pjetrit ndryshoi praktikat e Kishës dhe ungjilli filloi t’u predikohej të gjitha kombeve.
Nxënësit mund ta plotësojnë veprimtarinë vijuese në ditarin e tyre të studimit. Merreni parasysh gjithashtu t’i ftoni nxënësit të tregojnë në familjet e tyre atë që kanë mësuar nga ky mësim.
Mendo për mënyrën se si bota ose vendi, lagjja, shkolla ose familja jote do të ishin ndryshe nëse të gjithë fëmijët e Atit Qiellor do ta shihnin njëri-tjetrin në mënyrën se si Ai na sheh ne.
Përzgjidh një nga këto mjedise. Shpjego çfarë ndryshimesh mund të shihje nëse njerëzit në këtë mjedis do t’i shihnin të tjerët në mënyrën që Ati Qiellor dhe Jezu Krishti i shohin ata.
Komente dhe Informacion për Rrethanat
Kë do të pranojë Jezu Krishti në Kishën dhe në mbretërinë e Tij?
Presidenti Rasëll M. Nelson shpjegoi:
Pamja
Official portrait of President Russell M. Nelson taken January 2018
“Secili prej nesh ka një potencial hyjnor ngaqë secili është një fëmijë i Perëndisë. Secili është i barabartë në sytë e Tij. Nënkuptimet e kësaj të vërtete janë të thella. Vëllezër e motra, ju lutem dëgjojeni me kujdes atë që do t’ju them tani. Perëndia nuk e do një racë më shumë sesa një tjetër. Doktrina e Tij për këtë çështje është e qartë. Ai i fton të gjithë të vijnë tek Ai, ‘të zinj dhe të bardhë, skllevër dhe të lirë, burra dhe gra’ [ 2Nefi 26:33 ].
Ju siguroj se gjendja juaj para Perëndisë nuk përcaktohet nga ngjyra e lëkurës suaj. I favorizuar ose jo nga Perëndia varet nga përkushtimi juaj ndaj Perëndisë dhe urdhërimeve të Tij dhe jo nga ngjyra e lëkurës suaj.”
(Rasëll M. Nelson, “Lejoni Perëndinë të Triumfojë”, Ensign ose Liahona, nëntor 2020, f. 94.)
Te Veprat e Apostujve 10:45 , fraza “dhurata e Frymës së Shenjtë” i drejtohet fuqisë së Frymës së Shenjtë, që kishte ardhur mbi këta johebrenj. Kjo është e ndryshme nga dhurata e Frymës së Shenjtë, të cilën e marrim nëpërmjet ordinancës së konfirmimit pas pagëzimit (shih te Veprat e Apostujve 8:14–17 ; shih edhe Mësimet e Presidentëve të Kishës: Jozef Smith [2009], f. 94).
Si e ndryshoi vegimi i Pjetrit praktikën e Kishës?
Plaku D. Tod Kristoferson, i Kuorumit të Dymbëdhjetë Apostujve, shpjegoi:
Pamja
Portrait of Elder D. Todd Christofferson. Photographed in March 2020.
“Me anë të kësaj përvoje dhe zbulese ndaj Pjetrit, Zoti i ndryshoi praktikat e Kishës dhe u zbuloi dishepujve të Tij një kuptueshmëri më të plotë. Dhe kështu predikimi i ungjillit u zgjerua për të përfshirë të gjithë njerëzimin.”
(D. Tod Kristoferson, “Doktrina e Krishtit”, Ensign ose Liahona, maj 2012, f. 88.)
Çfarë ngjashmërish ka vegimi i Pjetrit me zbulesën për ta shtrirë priftërinë te të gjithë anëtarët meshkuj të denjë të Kishës?
Burimet vijuese mund të jenë të dobishme nëse dëshironi të kuptoni më shumë rreth zbulesës së vitit 1978 në të cilën Ati Qiellor e shtriu shugurimin e priftërisë te të gjithë anëtarët meshkuj të denjë të Kishës:
Merreni parasysh t’i ftoni nxënësit të lexojnë te Veprat e Apostujve 10:38 dhe të mendojnë për mënyrën se si Shpëtimtari “e përshkoi vendin duke bërë mirë” në mënyrën se si Ai i shihte dhe i trajtonte të tjerët. Më pas nxënësit mund tʼi ftoni të mendojnë për atë që mund të bëjnë për ta ndjekur shembullin e Shpëtimtarit në bërjen e së mirës.
Mësojini të tjerët rreth Shpëtimtarit
Kur Pjetri e mësoi Kornelin dhe ata që ishin me të, ai foli në fillim për Jezu Krishtin dhe Shlyerjen e Tij dhe më pas i ftoi ata që po i mësonte, të vepronin sipas atyre mësimeve duke i pranuar ordinancat (shih te Veprat e Apostujve 10:35–48). Misionarë të tjerë e kanë përsëritur këtë model (shih te Mosia 18:1–10 ; Alma 18:24–39). Nxënësit mund tʼi ftoni të lexojnë mësimet e Pjetrit ndaj Kornelit dhe të përgatisin përvijimin e tyre mbi atë çfarë mund të ndajnë me një shok i cili është i interesuar të dijë më shumë rreth ungjillit. Gjithashtu, ata mund të marrin parasysh thënien e Presidentit Dallin H. Ouks, i Presidencës së Parë:
Pamja
Official Portrait of President Dallin H. Oaks taken March 2018.
“Ndërsa u flasim të tjerëve, ne duhet të kujtojmë se një ftesë për të mësuar më shumë rreth Jezu Krishtit dhe ungjillit të Tij është më e parapëlqyer sesa një ftesë për të mësuar më shumë rreth Kishës sonë. Ne duam që njerëzit të kthehen në besim te ungjilli. Ai është roli i madh i Librit të Mormonit. Ndjenjat rreth Kishës vijnë pas kthimit në besim te Jezu Krishti; ato nuk i paraprijnë atij. Shumë që janë dyshues për kishat, gjithsesi kanë dashuri për Shpëtimtarin. Vendosni të parat gjërat e para.”
(Dallin H. Ouks, “Shpërndarja e Ungjillit të Rivendosur”, Ensign ose Liahona, nëntor 2016, f. 59.)
Nxënësit mund të kërkojnë rrëfime ose mësime në Librin e Mormonit që tregojnë se Ati Qiellor i fton të gjithë fëmijët e Tij të vijnë tek Ai (shih te 2Nefi 9:21–22 ; 2Nefi 26:28 ; Mosia 27:23–25 ; Mosia 28:1–3).