Në një kohë “përndjekje[je të] madhe kundër kishës” (Veprat e Apostujve 8:1), Sauli hyri me forcë në shumë shtëpi, duke i arrestuar dhe burgosur ata që besonin te Jezu Krishti (shih Veprat e Apostujve 8:3). Ndërsa Sauli udhëtoi për në Damask për të vazhduar presionin ndaj shenjtorëve, Jezu Krishti ia zbuloi Veten Saulit (shih Veprat e Apostujve 9:3–5). Me habi të madhe, Sauli pyeti Zotin: “Ç’don ti të bëj unë?” (Veprat e Apostujve 9:6.) Ky mësim ka për qëllim të të ndihmojë të përsiatësh për atë që Zoti bën për të të ndihmuar të ndryshosh për mirë dhe të kërkosh të dish atë që Ai do që ti të bësh.
Përdorimi i rrëfimeve të shumëfishta nga shkrimet e shenjta. Ndonjëherë shkrimet e shenjta përmbajnë rrëfime të shumëfishta të së njëjtës ngjarje. Kërkoni mundësi për t’i ftuar nxënësit të studiojnë çdo ndodhi dhe të përcaktojnë të vërtetat e tjera që mund të mësohen duke e bërë këtë. Nxitini ata të kërkojnë mundësi për ta bërë këtë edhe në studimin e tyre vetjak të shkrimeve të shenjta.
Përgatitja e nxënësve: Ftojini nxënësit të flasin me një anëtar të familjes ose shok për mënyrat se si Jezu Krishti na fton dhe na ndihmon të ndryshojmë.
Veprimtari të Mundshme të të Mësuarit
Një ndryshim drejtimi
Pamja
Back of young woman on soccer field, with soccer ball in hand, contemplating goal. (horiz)
Ftojini nxënësit të hedhin një zar qelqi ose top mbi një sipërfaqe të sheshtë dhe shikojeni të ndryshojë drejtim kur përplaset me diçka.
Çfarë duhet që zari prej qelqi ose topi të ndryshojë drejtimin?
Duke e krahasuar sendin që rrotullohet me një person, cilat janë disa nga arsyet që dikush mund të ndryshojë për mirë dhe të ndryshojë drejtimin e jetës së tij? Cilat janë disa arsye që mund të mos e bëjë?
Jepuni nxënësve një mundësi për të vlerësuar jetën e tyre. Paragrafi vijues ofron një mënyrë për ta bërë këtë. Nxënësit mund t’u përgjigjen disa prej këtyre pyetjeve në ditarët e tyre të studimit.
Mendo për drejtimin e jetës sate. Në çfarë mënyrash e ndien dashurinë dhe miratimin e Zotit? A ka ndonjë ndryshim të drejtimit në jetën tënde që Zoti mbase po të fton që ta bësh? Kërko zbulesë për këto pyetje ndërsa e studion këtë mësim.
“Saul, Saul, përse më përndjek?”
Zoti ndihmoi një njeri me emrin Saul të ndryshonte jetën e tij. Në fillim Sauli ishte farise i cili “po shkatërronte kishën” ( Veprat e Apostujve 8:3). Ai miratoi vdekjen e dishepullit Stefan (shih Veprat e Apostujve 7:58 ; 8:1 ; 22:20) dhe të “burgos[te] dhe rrih[te] nga një sinagogë te tjetra ata që besonin në [Zotin]” ( Veprat e Apostujve 22:19).
Ndaj në gjysmë një faqe të ditarit tënd të studimit dhe njërës anë vendosi titullin “Si e ndihmoi Zoti Saulin të ndryshonte”. Pjesës tjetër vendosi titullin “Përgjigjja e Saulit ndaj Zotit”.Lexo një ose disa rrëfime rreth përvojës së Saulit në rrugën për në Damask dhe plotëso tabelën në bazë të asaj që zbulon.
Nxënësit mund të ndahen në grupe të vogla, në të cilat çdo nxënësi i caktohet të lexojë një rrëfim të ndryshëm. Ata mund të punojnë së bashku për të renditur atë që zbulojnë në bazë të çdo rrëfimi të përvojës së Saulit. Kur e ndani klasën në grupe të vogla, merrini parasysh nevojat dhe aftësitë e nxënësve. Vendosini nxënësit së bashku në grupe që mund të përmirësojnë përvojën e të mësuarit për të gjithë.
Nëse nxënësit kanë nevojë për ndihmë për të kuptuar frazën të “godasësh me shkelm kundër gjembave” ( Veprat e Apostujve 9:5), përdorni shpjegimin që gjendet në pjesën “Komente dhe Informacion për Rrethanat” të këtij mësimi.
Back of young woman on soccer field, with soccer ball in hand, contemplating goal. (horiz)
Ftojini disa nxënës të tregojnë për atë që gjetën. Merreni parasysh të bëni pyetje të tjera si këto në vijim: Çfarë dinte Zoti për Saulin dhe atë që ai mund të bëhej? Si e përuli Zoti Saulin? Kë dërgoi Zoti për ta ndihmuar Saulin? Përse?
Nisur nga ajo që shkrove në ditarin tënd të studimit, mendo rreth të vërtetave ose mësimeve që mësove nga ky rrëfim.
Ftojini nxënësit të tregojnë disa nga të vërtetat që ata mësuan. Një e vërtetë ku mund të përqendroheni më në hollësi, është që Jezu Krishti mund të na ndihmojë të ndryshojmë dhe të realizojmë potencialin që Ai sheh te ne.
Zoti dëshiron ndryshimin tonë
Gjej një çast për të menduar rreth një personi që ti njeh, i cili ka ndryshuar për shkak të ndikimit të Jezu Krishtit në jetën e tij.
Merreni parasysh të tregoni një përvojë vetjake rreth kthimit në besim te Zoti Jezu Krisht. Mund t’u kërkoni gjithashtu nxënësve të raportojnë për përgatitjen për orën mësimore.
Si mendon se ndikoi Jezu Krishti që ky person të ndryshonte?
Pamja
Back of young woman on soccer field, with soccer ball in hand, contemplating goal. (horiz)
Për Saulin, i cili është gjithashtu i njohur shpesh me emrin e tij në latinisht Pal (shih Veprat e Apostujve 13:9), ndjekja e udhëzimeve të Zotit e ndryshoi jetën e tij plotësisht. Pali ndaloi së përndjekuri të krishterët dhe, përkundrazi, u bë një dishepull i madh i Jezu Krishtit. Pali udhëtoi në shumë kombe si misionar dhe u shkroi shenjtorëve letra nxitëse dhe udhëzuese. Katërmbëdhjetë nga këto letra janë të përfshira në Dhiatën e Re (shih Udhëzuesi për Shkrimet e Shenjta, “ Pali ”, scriptures.ChurchofJesusChrist.org). Vendimi i Palit për ta ndjekur Jezu Krishtin vazhdon të bekojë njerëz të panumërt sot.
Merreni parasysh të paraqitni diagramin informativ të jetës së Palit dhe t’i ftoni nxënësit ta shqyrtojnë atë. Mund të jetë e dobishme t’i referoheni këtij diagrami informativ herë pas here ndërsa nxënësit studiojnë jetën dhe shkrimet e Palit.
Zoti na njeh edhe ne dhe na fton të bëjmë ndryshime në jetën tonë. Këto mund të jenë përshtatje të mëdha, por ato mund të jenë gjithashtu ndryshime të vogla.
Në ditarin tënd të studimit, ndaj një fletë tjetër në gjysmë dhe në një anë vendos titullin “Si më fton Zoti të ndryshoj” dhe në anën tjetër “Përgjigjja ime ndaj Zotit”. Përsiat pyetjet vijuese që të të ndihmojnë të shkruash një përgjigje në ditarin tënd të studimit nën titullin “Si më fton Zoti të ndryshoj”.
Megjithëse ka gjasa që Zoti të mos të të jetë shfaqur në një vegim, çfarë ka bërë ose çfarë po bën Ai për të të ndihmuar që të bësh ndryshime pozitive në jetën tënde?
Kë ka dërguar Ai të të ndihmojë që të ndryshosh për mirë?
Nën titullin “Përgjigjja ime ndaj Zotit” shkruaj për mënyrën se si ti do të doje t’u përgjigjeshe përpjekjeve të Zotit për të të ndihmuar të ndryshosh për mirë.
Mund të jetë e dobishme t’u thoni nxënësve që në një mësim në të ardhmen ata do të kenë mundësi të mendojnë mbi përpjekjet e tyre për t’iu përgjigjur Zotit dhe të vlerësojnë rritjen e tyre vetjake.
Dëshmojuni nxënësve që Zoti do të na ndihmojë të ndryshojmë dhe të arrijmë potencialin që Ai sheh brenda nesh, nëse ne u përgjigjemi me përulësi ftesave të Tij.
Një shigjetë apo shkop i mprehtë përdoret shpesh për të shpuar kafshët që t’i bëjnë të ecin përpara. Kafshët që reagojnë duke shkelmuar në vend që të ecin përpara, mund t’i shkaktojnë më shumë dhembje vetes së tyre. Duke përdorur këtë analogji, Zoti e ndihmoi Saulin të shihte që lufta kundër Tij do t’i sillte dhembje vetëm atij.
Çfarë ndryshimesh mund të jetë duke më kërkuar Zoti që të bëj?
Motra Beki Krejvën, Këshilltare e Dytë në Presidencën e Përgjithshme të Të Rejave, dha mësim:
Pamja
Sister Rebecca L. Craven, second counselor, Young Women general presidency. Official Portrait as of October 2018.
“Mund të jetë një ndryshim mendimi, një ndryshim zakoni ose një ndryshim në drejtimin që kemi marrë. Në këmbim për pagesën e Tij të paçmueshme për secilin prej nesh, Zoti na kërkon një ndryshim të zemrës. Ndryshimi që Ai kërkon prej nesh, nuk është për dobinë e Tij, por për dobinë tonë.”
(Beki Krejvën, “Mbajeni Ndryshimin”, Ensign ose Liahona, nëntor 2020, f. 58.)
Çfarë duhet të kuptoj për zgjedhjet e mia dhe drejtimin e jetës sime?
Plaku Xhefri R. Holland, i Kuorumit të Dymbëdhjetë Apostujve, dha mësim:
Pamja
Official Portrait of Elder Jeffrey R. Holland. Photographed January 2018.
“Perëndisë nuk i intereson aq shumë se ku ke qenë sa i intereson se ku je dhe, me ndihmën e Tij, ku je i gatshëm të shkosh.”
(Jeffrey R. Holland, “The Best is Yet to Be”, Ensign, janar 2010, f. 27.)
Plaku Diter F. Uhtdorf, i Kuorumit të Dymbëdhjetë Apostujve, dha mësim:
Pamja
Official portrait of Elder Dieter F. Uchtdorf of the Quorum of the Twelve Apostles, 2006. Called as Second Counselor in the First Presidency, 3 February 2008. Made official portrait in 2008 replacing portrait taken in 2004.
“Satani do që të mendojmë se, kur kemi mëkatuar, ne kemi [shkuar përtej] ʻpikës pa kthimʼ – pra është tepër vonë për të ndryshuar [drejtimin tonë]. …
Krishti erdhi për të na shpëtuar. Nëse kemi marrë [drejtim] të gabuar, Shlyerja e Jezu Krishtit mund të na japë sigurinë se … [një] kthim i sigurt është i mundshëm nëse do të ndjekim planin e Perëndisë për shpëtimin tonë. …
Dhurata e Shlyerjes së Jezu Krishtit na jep gjithnjë dhe kudo bekime të pendimit dhe të faljes. Në saje të kësaj dhurate, mundësia për të bërë një kthim të sigurt nga drejtimi shkatërrimtar i mëkatit është e [disponueshme] për të gjithë ne.”
(Dieter F. Uchtdorf, “Pikë Kthimi të Sigurt”, Ensign ose Liahona, maj 2007, f. 99, 101, [Konferenca e Përgjithshme, prill 2007, f. 123, 126])
Veprimtari Plotësuese të të Mësuarit
Ripërtëritjet dhe ftesa e Zotit për të ndryshuar
Për t’i ndihmuar nxënësit të dallojnë nevojën për të bërë ndryshime në jetën tonë me ndihmën e Zotit, merreni parasysh të përdorni një analogji. Një ide do të ishte të lexoni një pjesë ose të gjithë bisedën e Presidentit Nelson “Mesazhi i Mirëseardhjes”, në të cilin ai krahason restaurimet rreth Tempullit të Solt-Lejkut me ftesën e Shpëtimtarit që ne “të vazhdojmë të ndryshojmë, të rritemi dhe të bëhemi më të pastër” (shih Liahona, maj 2021, f. 6–7). Pyetjet në vijim mund t’i ndihmojnë nxënësit të mendojnë rreth mënyrës se si ata kanë bërë ndryshime ose mënyrës se si ata mund të bëjnë ndryshime:
Si ju ka bekuar Zoti më parë ndërsa keni bërë hapa të vegjël përpara për ta ndjekur Atë?
Çfarë tha Presidenti Nelson që ju ndihmon të shihni mënyrën se si të bëni ndryshime në jetën tuaj?
Shembuj të ndryshimit nëpërmjet Jezu Krishtit
Në vijim keni shembuj shtesë të njerëzve që ndryshuan duke pranuar ftesën për të ndjekur Jezu Krishtin.
Një i ri u pagëzua dhe, duke dëshmuar ndryshimin e tij, pjesa tjetër e familjes së tij pranoi ftesën për të ndjekur Jezu Krishtin gjithashtu (shih Sam Lofgran dhe Annelise Gardiner, “His Example for Change”, NewEra, gusht 2020).
Huan Mendoza ndjeu një boshllëk përbrenda që u përpoq ta mbushte duke ndjekur nxitjet e Frymës. Kjo e ndihmoi Huanin të arrinte në njohjen e Zotit dhe të ndiente një dëshirë për t’i shërbyer Atij.
Dominik Stilli ndjeu ndikimin e Zotit për ta ndihmuar atë ta ndryshonte jetën për mirë. Kini parasysh që ky shembull përfshin temën e ndjeshme të vetëvrasjes.