Zotërimi Doktrinor: 1 Korintasve 6:19–20

“Trupi Juaj Është Tempulli i Frymës së Shenjtë”

Two youth walk across a bridge. It is fall. The boys seem to be in conversation. The bridge goes over a lake. In the distance you can see fields and playground equipment.

Në studimin tënd të kapitullit te 1 Korintasve 6, ti mësove për standardin e Zotit për pastërtinë seksuale dhe rëndësinë e trupit tënd fizik. Ky mësim do të të ndihmojë ta rritësh zotërimin e këtyre mësimeve duke të të dhënë mundësinë ta mësosh përmendsh referencën dhe frazën kyç të shkrimit të shenjtë për vargjet te 1 Korintasve 6:19–20, ta shpjegosh doktrinën dhe t’i zbatosh në një situatë nga jeta reale parimet e marrjes së njohurisë shpirtërore.

Mësimdhënia e së vërtetës me dashuri. Përpiquni ta jepni mësim ungjillin ashtu siç bëri Shpëtimtari. Jepeni mësim të vërtetën në mënyrë të qartë, por gjithnjë me një frymë dashurie. Mësimdhënia me dashuri do t’i ndihmojë nxënësit që mund të kenë vështirësi me disa parime të ungjillit, ose që mund të kenë njerëz të dashur që nuk po e jetojnë ungjillin, ta mësojnë të vërtetën dhe të ndiejnë nxitjen për ta jetuar atë. (Shikoni “The Two Sides of Teaching: A Message from Brother Chad H Webb [“Dy Anët e Mësimdhënies: Një Mesazh nga Vëlla Çad H. Ueb”], si.ChurchofJesusChrist.org.)

Përgatitja e nxënësve: Merreni parasysh t’u tregoni nxënësve skenarin e vënies në zbatim në këtë mësim dhe t’i ftoni ata të fillojnë të mendojnë për mënyrën se si mund të përgjigjen.

Veprimtari të Mundshme të të Mësuarit

Ky mësim i fragmentit të zotërimit doktrinor është hartuar për t’u dhënë pas mësimit “1 Korintasve 6”, që është mësimi kontekstual për fragmentin e zotërimit doktrinor te 1 Korintasve 6:19–20 . Nëse ky mësim për fragmentin e zotërimit doktrinor duhet të zhvendoset në një javë tjetër, sigurohuni që të jepni edhe mësimin përkatës të kontekstit gjatë asaj jave.

Shpjego dhe mëso përmendsh

Përfytyro sikur je në një klasë ose diskutim midis kuorumit kur një shok klase më i ri e pyet mësuesin: “Çfarë është me saktësi ligji i dëlirësisë?” Mësuesi kërkon nga nxënësit e tjerë, përfshirë ty, të përgjigjeni.

Duke përdorur të vërtetat e dhëna mësim në fragmentin e zotërimit doktrinor te 1 Korintasve 6:19–20 , planifiko atë që mund t’u tregosh shokëve të klasës për t’i ndihmuar ata të kuptojnë standardin e Zotit për pastërtinë seksuale, ose dëlirësinë, dhe arsyen përse është e rëndësishme.

• Duke përdorur mësimet e shënuara te 1 Korintasve 6:19–20 , si mund t’ia shpjegoje dikujt se çfarë është ligji i Zotit për dëlirësinë dhe përse ai është i rëndësishëm?

Dëgjojini me kujdes përgjigjet e nxënësve dhe vlerësojeni kuptueshmërinë e tyre. Nëse është e nevojshme, përsëritini shkrimet e shenjta dhe parimet nga mësimi për kapitullin te 1 Korintasve 6.

Jepuni nxënësve mundësinë që ta mësojnë përmendsh referencën për fragmentin e zotërimit doktrinor te 1 Korintasve 6:19–20 dhe frazën kyç shoqëruese të tij të shkrimit të shenjtë. Më poshtë është një shembull se si ta bëni këtë.

Që të të ndihmojë ta mësosh përmendsh referencën për fragmentin e zotërimit doktrinor te 1 Korintasve 6:19–20 dhe frazën kyç të tij të shkrimit të shenjtë, “Trupi juaj është tempulli i Frymës së Shenjtë”, merre parasysh të krijosh një figurë, meme ose kolazh me fotografi që të përfaqësojë këtë fragment dhe doktrinën e dhënë mësim. Materiali pamor që krijon, duhet të jetë i paharrueshëm, por duhet të jetë gjithashtu nderues dhe respektues i shkrimit të shenjtë dhe doktrinës që ai na mëson. Ti mund ta përdorësh figurën që vizatove të personit që qëndron pranë tempullit, në këtë veprimtari për mësimin për kapitullin te 1 Korintasve 6. Sigurohu që ta shkruash referencën 1 Korintasve 6:19–20 dhe frazën kyç të shkrimit të shenjtë diku pranë figurës tënde.

Ndërsa e shikon paraqitjen pamore që ke krijuar apo zgjedhur, përsërite referencën e fragmentit të shkrimit të shenjtë dhe frazën kyç të shkrimit të shenjtë në mendjen tënde derisa ta ndiesh se i ke mësuar përmendsh.

Ushtroje vënien në zbatim

Ndihmojini nxënësit që t’i përsëritin parimet e marrjes së njohurisë shpirtërore. Më poshtë është një shembull se si ta bëni këtë. Si një alternativë, merreni parasysh të ftoni tre nxënës që të përgatiten paraprakisht për t’i përmbledhur shkurtimisht dhe për t’ua dhënë mësim këto parime shokëve të tyre të klasës.

Në ditarin tënd të studimit mbaj shënim shkurtimisht atë që di dhe mban mend për parimet e marrjes së njohurisë shpirtërore pa iu referuar burimeve të tjera. Kur të kesh mbaruar, referoju materialit Dokumenti Bazë i Zotërimit Doktrinor (2022) për të kontrolluar njohurinë tënde dhe për të shtuar ndonjë informacion të rëndësishëm që mund të të ketë kaluar pa u vënë re.

Përsiat për situatën në vijim. Më pas përgjigju për pyetjet që vijojnë, duke përdorur parimet e marrjes së njohurisë shpirtërore dhe doktrinën e dhënë mësim te 1 Korintasve 6:19–20 që trupat tanë janë tempujt e Perëndisë ku mund të banojë Fryma. Përndryshe, ti mund të krijosh edhe një skenar tjetër që ka më tepër lidhje me ty ose me të rinjtë në zonën tënde.

Parimi i përjetshëm që trupat tanë janë tempulli i Perëndisë ku mund të banojë Fryma, mund të zbatohet në situata të ndryshme nga ajo e dëlirësisë. Merreni parasysh ta përshtatni skenarin vijues për ta bërë atë më të përshtatshmin për nxënësit.

Një adoleshent është rritur duke i ditur standardet e Zotit për dëlirësinë, por, pasi ka qenë në një marrëdhënie serioze për ca kohë, ndien dëshirën për t’i shprehur ndjenjat e tij nëpërmjet përfshirjes në një marrëdhënie seksuale me të dashurën e tij. Ai ka pjesëtarë të familjes dhe shokë që kanë kryer marrëdhënie seksuale përpara martese dhe të gjithë duken të lumtur.

Shqyrtoji konceptet e pyetjet me një këndvështrim të përjetshëmPlaku Dejvid A. Bednar, i Kuorumit të Dymbëdhjetë Apostujve, theksoi se “rëndësia e përjetshme e dëlirësisë mund të kuptohet vetëm brenda kontekstit më të gjerë të planit të lumturisë të Atit tonë Qiellor për fëmijët e Tij” (“Ne Besojmë në Qenien të Dëlirë”, Ensign ose Liahona, maj 2013, f. 41).

• Cilat aspekte specifike të planit të Atit Qiellor për shpëtimin do të doje që dikush në këtë situatë t’i kuptonte dhe mendonte?

• Si ndikojnë të vërtetat te 1 Korintasve 6:19–20 në mënyrën se si ti e sheh ligjin e dëlirësisë dhe marrëdhënien tënde me Kreun-Perëndi?

Kërko kuptueshmëri të mëtejshme nëpërmjet burimeve të caktuara në mënyrë hyjnoreMerre parasysh të zgjedhësh një ose më shumë nga burimet vijuese të caktuara në mënyrë hyjnore për të kërkuar të vërtetat që do të zbatoheshin dhe do të të ndihmonin në skenarin që zgjodhe.

• 1 Korintasve 6:19–20

• Eksodi 20:14 ; Alma 38:12 ; Alma 39 ; 3 Nefi 12:27–30 ; Doktrina e Besëlidhje 42:22–23

• Udhëzuesi për Shkrimet e Shenjta, “ Dëlirësi ”, scriptures.ChurchofJesusChrist.org

• Dejvid A. Bednar, “Ne Besojmë në Qenien të Dëlirë”, Ensign ose Liahona, maj 2013, f. 41–44

Përgjigju për pyetjen vijuese:

• Çfarë gjete që mund të të ndihmojë në këtë skenar?

Vepro me besim

• Cilat janë disa mënyra të ndryshme se si një individ mund të zgjedhë që të veprojë me besim në këtë situatë?

• Çfarë përvojash ke pasur me Atin Qiellor dhe Jezu Krishtin që do të të ndihmonin t’u besoje Atyre dhe t’i ndiqje mësimet e Tyre?

Përmblidh se si secili prej parimeve të marrjes së njohurisë shpirtërore mund të zbatohet në këtë skenar. Nëse krijove skenarin tënd, sigurohu gjithashtu që të përfshish një përmbledhje të shkurtër të asaj situate.

Pasi nxënësit të kenë pasur kohë për të përsiatur dhe për t’u përgjigjur për pyetjet e mëparshme, merreni parasysh t’i ftoni ata të tregojnë skenarin që përdorën dhe t’i diskutojnë përgjigjet e tyre. Një mënyrë për ta bërë këtë mund të jetë të vendosni një karrige bosh në krye të dhomës dhe t’i ftoni nxënësit të përfytyrojnë që personi në skenar është i ulur në atë karrige. Kërkojini një nxënësi të mendojë për një gjë që ai mund t’ia tregojë atij personi. Më pas pyetni nëse një nxënës tjetër do të dëshironte ta plotësonte atë që nxënësi i parë tha. Ftojini disa nxënës që të japin ide që mund ta ndihmojnë personin në këtë situatë. Nxitini nxënësit t’i përdorin të tre parimet e marrjes së njohurisë shpirtërore.

Përsëritja e zotërimit doktrinor

Veprimtaria vijuese e përsëritjes duhet të përdoret për një mësim që do të jepet së afërmi:

Ftojini nxënësit të kujtojnë ose të paraqitin figurën që krijuan për të përfaqësuar vargjet te 1 Korintasve 6:19–20 . Ftojini ata të shohin nëse mund ta mbajnë mend frazën kyç të shkrimit të shenjtë që lidhet me këtë fragment. Sipas nevojës, ushtrojeni thënien përmendsh të referencës së shkrimit të shenjtë dhe frazës kyç të këtij fragmenti të zotërimit doktrinor.