Temple of Apollo, Corinth, built about 600 B.C. This would have been one of the most imposing structures in Corinth in Paul’s day. Temples and shrines housing images of pagan deities were prevalent throughout the Greco-Roman world, and members of the Church in cities like Corinth would have encountered them daily. Paul noted that before the saints in Corinth had converted, they had been carried away unto these dumb [voiceless] idols, even as [they] were led (1 Cor. 12:2).
Mendo për ndikimin negativ që grindja, krenaria, mësimet e rreme dhe imoraliteti kanë në botë sot. Anëtarët e Kishës së hershme të cilët jetonin në Korint, hasën vështirësi me po këto sfida. Ndërkohë që predikoi në Efes gjatë udhëtimit të tij të tretë misionar, Apostulli Pal u shkroi shenjtorëve korintas për t’i forcuar ata dhe për t’u kujtuar atyre që të mbështeten te Jezu Krishti. Ky mësim mund të të ndihmojë të kuptosh se si ndërtimi i jetës sonë mbi themelin e Jezu Krishtit mund të na ndihmojë t’i kapërcejmë sfidat e botës.
Dëshmimi për doktrinën e vërtetë. Kërkoni mundësi që të dëshmoni për doktrinën e vërtetë. Teksa jepni dëshmi për doktrinën e vërtetë, Shpirti do ta pohojë të vërtetën e doktrinës në zemrat e atyre, të cilëve u jepni mësim.
Përgatitja e nxënësve: Ftojini nxënësit t’i kërkojnë një pjesëtari të familjes apo miku që t’u shpjegojë mënyrën se si ndërtimi i jetës së tij/saj mbi themelin e Jezu Krishtit e ka ndihmuar atë të përballet me sfida të ndryshme në jetë.
Veprimtari të Mundshme të të Mësuarit
Të qëndruarit besnik në rrethana të vështira
Përfytyro sikur një mik i ngushtë, i cili jeton në një qytet tjetër, të dërgon mesazhin vijues:
“Është shumë e vështirë të jesh i rrethuar nga ndikime negative kudo. Shumë njerëz këtu nuk i zbatojnë urdhërimet dhe disa prej tyre janë kritikues ndaj Kishës. Unë njoh të tjerë që e kanë humbur dëshminë e tyre në situata të ngjashme dhe nuk dua që kjo të më ndodhë mua. A ke ndonjë këshillë?”
Çfarë do t’i thoshe mikut tënd?
Cilat janë disa nga ndikimet negative dhe të dëmshme që ke vënë re aty ku jeton?
Si e bëjnë këto ndikime me raste sfiduese të qëndruarit besnik ndaj besimit tënd?
Ndërsa e studion këtë mësim, mendo se sa besnik je kur përballesh me sfida të botës ose ndikime negative. Kërko udhërrëfim nëpërmjet Frymës së Shenjtë për të ditur se si ta forcosh themelin tënd te Jezu Krishti dhe kërko të vërtetat që mund të të ndihmojnë t’i kapërcesh sfidat e tua.Në udhëtimin e tij të dytë misionar, Apostulli Pal e predikoi ungjillin në Korint për rreth dy vjet (shih Veprat e Apostujve 18:1–18) dhe organizoi një degë të Kishës atje. (Për ta gjetur qytetin e Korintit, shih Hartat e Biblës, nr. 13, “ Udhëtimet Misionare të Apostullit Pal ”.) Korinti ishte një qendër e pasur tregtare dhe kryeqyteti i provincës romake Akaia. Shumë qytetarë të Korintit adhuronin idhuj dhe ishin imoralë. Disa ishin gjithashtu përçarës dhe kundërshtues. Në këtë mjedis, të qëndruarit të vërtetë ndaj ungjillit të Shpëtimtarit u bë i vështirë për shumë anëtarë të Kishës. Kur Pali u shkroi shenjtorëve korintasve për t’i ndihmuar ata për sfidat e tyre, foli për themelin që ai kishte vendosur për ta.
Si mendon, çfarë do të thotë ta ndërtosh themelin tënd mbi Jezu Krishtin?
Në Librin e Mormonit, Helamani i nxiti gjithashtu bijtë e tij të ndërtonin mbi themelin e Jezu Krishtit. Lexo te Helamani 5:12 , duke kërkuar bekimet që Helamani premtoi.
Çfarë mund t’i tregosh mikut tënd nga këto vargje që mund të jenë të dobishme?
Një e vërtetë që mund të mësojmë nga këto shkrime të shenjta, është se ndërsa e ndërtojmë themelin e jetës sonë mbi Jezu Krishtin, ne mund t’i mposhtim ndikimin e Satanit dhe sfidat e botës.
Çfarë di, ndien ose beson rreth Shpëtimtarit që të ndihmon të duash ta kesh Atë si themelin tënd?
Ndihmojini nxënësit ta thellojnë kuptueshmërinë e tyre dhe ta ndiejnë të vërtetën dhe rëndësinë e këtij parimi. Veprimtaria e mëposhtme është një mënyrë për ta bërë këtë. Nxënësit mund ta zhvillojnë veprimtarinë si klasë në tabelë ose mund të paraqitin udhëzimet dhe nxënësit mund ta përfundojnë veprimtarinë në ditarin e tyre të studimit.
Vizato një shtëpi ose ndërtesë të thjeshtë me një bazë ose themel të fortë. Rreth shtëpisë shkruaj disa sfida ose ndikime negative me të cilat përballesh.
Brenda ose rreth themelit shkruaj gjëra që mund të bësh për ta bazuar jetën tënde te Shpëtimtari.
Merreni parasysh t’i ftoni nxënësit të shkruajnë në tabelë përgjigjet e tyre për dy veprimtaritë e mëparshme.
Përgjigjju pyetjes në vijim: Si të kanë ndihmuar këto veprime ose si mund të të ndihmojnë ato kur përballesh me sfida apo ndikime negative?
Veprimtaritë vijuese u japin mundësi nxënësve që të studiojnë më shumë nga mësimet e Palit në lidhje me përçarjen dhe grindjen si edhe rreziqet e përvetësimit të diturisë së botës kundrejt urtësisë së Perëndisë. Merrini parasysh nevojat e nxënësve dhe kohën që është në dispozicion për të përcaktuar nëse do t’i bëni këto veprimtari në klasë. Nxënësit mund të zgjedhin njërën nga veprimtaritë për ta bërë vetë ose si një grup i vogël. Përndryshe, e gjithë klasa mund të bëjë njërën nga veprimtaritë.
Në letrën e Palit drejtuar korintasve, ai trajtoi disa çështje dhe dha mësim për mënyrën se si Shpëtimtari dhe ungjilli i Tij përmbanin fuqinë për t’i ndihmuar korintasit t’i kapërcenin sfidat e tyre (shih 1 Korintasve 1:23–24). Veprimtaritë vijuese përqendrohen në dy nga këto çështje. Lexo alternativat vijuese dhe zgjidh njërën që do të jetë më kuptimplotë për ty për t’u studiuar.
Alternativa A: Përçarjet dhe grindja
Një sfidë që i mundonte shenjtorët korintas, ishte grindja. Përçarjet filluan të shtoheshin pjesërisht pasi ata besonin se pozicioni i tyre në Kishë përcaktohej nga rëndësia e personit që i kishte pagëzuar (shih 1 Korintasve 1:12).
Afër vizatimit tënd të shtëpisë, ti mund të duash të renditësh ndonjë mënyrë se si ti përballesh me përçarjet ose grindjen në lagjen, familjen ose komunitetin tënd.
Bëni kujdes për t’u siguruar që shembujt që nxënësit japin, të mos sjellin një shpirt zemërimi apo grindjeje në përvojën e të mësuarit. Nëse shfaqen grindje, nxitini nxënësit të jenë mirëkuptues dhe të dashur në mënyrë që Shpirti të jetë ende i pranishëm.
Cilat janë disa pasoja të përçarjeve dhe grindjes?
Lexo te 1 Korintasve 1:10–13 dhe 1 Korintasve 3:3–9 , duke kërkuar mënyrën se si Pali po përpiqej t’i ndihmonte njerëzit të ndërtonin mbi themelin e Jezu Krishtit.
Çfarë pe në këto vargje që mund t’i ndihmojë njerëzit t’i kapërcejnë përçarjet dhe grindjen?
Si mendon, përse ndërtimi i jetës tënde mbi Jezu Krishtin të ndihmon të jesh i bashkuar dhe më pak i grindur me ata që ke rreth vetes?
Alternativa B: Dituria e botës
Shumë njerëz që jetonin në Korint, e vlerësonin diturinë e botës. Mesazhi i Mesias së kryqëzuar nuk kishte kuptim për shumë judenj dhe johebrenj. Në botën romake, ndëshkimi me kryqëzim simbolizonte turp e disfatë. Ideja e dikujt që vuan vullnetarisht për të tjerët, ishte “marrëzi” për grekët ( 1 Korintasve 1:23). Për judenjtë, një Mesia që vdiq në kryq, ishte një “skandal” ( 1 Korintasve 1:23) për shkak se ata prisnin që Mesia t’i mposhtte armiqtë e tyre.
Lexo te 1 Korintasve 1:17–25 , duke kërkuar mënyrën se si Pali iu përgjigj këtyre qëndrimeve.
Diku afër vizatimit tënd të shtëpisë, rendit mënyrat se si dituria e botës mund të ndikojë ose ta sfidojë dëshminë tënde për Jezu Krishtin dhe ungjillin e Tij.
Përse disa njerëz mund të mos e kuptojnë ose vlerësojnë Jezu Krishtin dhe Shlyerjen e Tij sot?
Çfarë ndryshimesh mund të ndodhin kur një person arrin të dijë dhe ndiejë që Shpëtimtari ka fuqi të vërtetë në jetën e tij? (Shih 1 Korintasve 1:24 .)
Si mundet ndërtimi i jetës sate mbi Jezu Krishtin dhe ungjillin e Tij të të ndihmojë kur përballesh me ide sfiduese të botës?
Ndërtimi i jetës sonë mbi Jezu Krishtin
Gjej disa minuta për ta vlerësuar jetën tënde. Në çfarë mënyrash e ke ndërtuar themelin tënd mbi Jezu Krishtin? Në çfarë mënyrash mund të duash të përmirësohesh? Si mundet ndërtimi i jetës sate edhe më tepër mbi Shpëtimtarin Jezu Krisht dhe ungjillin e Tij, të të ndihmojë të përballesh me sfidat e tua dhe ndikimet negative? Merre parasysh t’i shkruash mendimet dhe synimet e tua në ditarin tënd të studimit.
Merreni parasysh t’i ftoni nxënësit të tregojnë mendimet e tyre për ta përfunduar orën mësimore. Shtoni idetë dhe dëshminë vetjake gjithashtu.
Komente dhe Informacion për Rrethanat
Përse duhet ta ndërtoj themelin tim mbi Jezu Krishtin?
Plaku Çi Hong (Sam) Uong, i Të Shtatëdhjetëve, shpalli:
Pamja
Official Portrait of Elder Chi Hong (Sam) Wong. Photographed in March 2017.
“Nëse e ndërtojmë themelin tonë mbi Jezu Krishtin, ne s’mund të biem! Ndërsa durojmë besnikërisht deri në fund, Perëndia do të na ndihmojë që ta ngremë jetën tonë mbi shkëmbin e Tij dhe ‘portat e ferrit nuk do të triumfojnë ndaj [nesh]’ ( Doktrina e Besëlidhje 10:69). Ne mund të mos jemi në gjendje të ndryshojmë gjithçka që po vjen, por mund të zgjedhim se si të përgatitemi për atë që po vjen.”
Merreni parasysh të këndoni me nxënësit himnin “Sa i Fort’ një Themel” (Himne, nr. 41) përpara se ta filloni mësimin. Ftojini nxënësit të përsiatin për rëndësinë e një themeli të fortë ndërsa e studiojnë këtë mësim.
Alternativa C: Gjykimi dhe krenaria
Në vijim është një alternativë tjetër për studim për veprimtarinë e fundit të mësimit.
Te 1 Korintasve 4:1–3 , me sa duket disa anëtarë të Kishës në Korint e kishin gjykuar ose kritikuar rendimentin e punës së Palit si misionar dhe udhëheqës i Kishës. Ata mund ta kenë vënë në dyshim gjykimin e tij apo të kenë menduar se dikush tjetër mund të kishte bërë një punë më të mirë.
Përveç vizatimit të shtëpisë, renditni çdo mënyrë që ju mund të ndiheni të tunduar t’i gjykoni udhëheqësit tuaj.
Lexoni te 1 Korintasve 4:1–7 dhe bëni një listë të fjalëve ose frazave që mund të jenë të dobishme për ju ose dikë tjetër që e ka të vështirë t’i rezistojë të qenit krenar dhe gjykimit të gabuar të të tjerëve.
Cilat fjalë ose fraza ishin më të dobishmet për ju?
Përse është e rëndësishme të kujtoni që Zoti i njeh mendimet dhe qëllimet e zemrës sonë? (Shih 1 Korintasve 4:5 .)
Si mundet ndërtimi i themelit tuaj mbi Jezu Krishtin t’ju ndihmojë kur ju ose të tjerët jeni krenarë ose i gjykoni gabim të tjerët?
Vendosja e unitetit nëpërmjet Jezu Krishtit
Materiali filmik vijues mund të përdoret për të ilustruar mënyrën, edhe në rastet kur ka larmi të madhe të racave dhe kulturave, se si ne mund të jemi të bashkuar si dishepuj të Jezu Krishtit duke e ndjekur Atë. Mund t’i ndihmojë nxënësit t’i përgjigjen pyetjes në vijim: Si mundet ndërtimi i jetës suaj mbi Jezu Krishtin dhe ungjillin e Tij t’ju ndihmojë të jeni më të bashkuar me ata që keni përreth vetes?
Gjërat e dobëta të botës
Merreni parasysh të lexoni me nxënësit te 1 Korintasve 1:26–27 dhe të bëni pyetje si ato në vijim:
Si mendoni ju, përse Perëndia zgjedh ata që bota i konsideron të marrë dhe të dobët për ta predikuar ungjillin e Tij?
Si mundet ndërtimi i një themeli të fortë mbi Jezu Krishtin t’ju përgatitë për ta shpërndarë ungjillin tek të tjerët?
Ftojini nxënësit të tregojnë përvoja misionare vetjake ose përvoja nga pjesëtarët e familjes që shërbyen në misione, në të cilat Zoti punoi nëpërmjet tyre për t’i ndihmuar të tjerët të vinin te Krishti.