Udhëtimet Misionare të Apostullit Pal

Gaza Filipi predikoi për Krishtin dhe pagëzoi një eunuk etiopas në udhën e tij për në Gaza (Vep. 8:26–39).

Jeruzalemi Shih harta 12 për ngjarje në Jeruzalem.

Jopa Pjetri mori një vegim që Perëndia u jep dhuratën e pendimit johebrenjve (Vep. 10; 11:5–18). Pjetri e ngriti Tabithën së vdekuri (Vep. 9:36–42).

Samaria Filipi shërbeu në Samari (Vep. 8:5–13) dhe Pjetri e Gjoni më vonë i mësuan njerëzit atje (Vep. 8:14–25). Pasi dhanë dhuratën e Frymës së Shenjtë, Simon magjistari kërkoi ta blinte këtë dhuratë prej tyre (Vep. 8:9–24).

Cezarea Këtu, pasi një engjëll i shërbeu një centurioni të quajtur Kornel, Pjetri e lejoi atë të pagëzohej (Vep. 10). Këtu Pali bëri mbrojtjen e tij përpara Agripës (Vep. 25–26; shih gjithashtu JS—H 1:24–25).

Damasku Jezusi iu shfaq Saulit (Vep. 9:1–7). Pasi Anania i riktheu shikimin Saulit, ai u pagëzua dhe filloi shërbesën e tij (Vep. 9:10–27).

Antiokia (në Siri) Këtu dishepujt fillimisht u quajtën të krishterë (Vep. 11:26). Agabi profetizoi për zinë e bukës (Vep. 11:27–28). Shumë grindje u përhapën në Antioki lidhur me rrethprerjen (Vep. 14:26–28; 15:1–9). Në Antioki Pali filloi misionin e tij të dytë me Silën, Barnabën dhe Judë Barnabën (Vep. 15:22, 30, 35).

Tarsi Qyteti i lindjes së Palit; Pali u dërgua këtu nga vëllezërit për të mbrojtur jetën e tij (Vep. 9:29–30).

Qipro Pasi u përndoqën, disa shenjtorë u arratisën për në këtë ishull (Vep. 11:19). Pali udhëtoi përmes Qipros në udhëtimin e tij të parë misionar (Vep. 13:4–5), ashtu sikurse bënë Barnaba dhe Marku më vonë (Vep. 15:39).

Pafo Pali mallkoi një magjistar këtu (Vep. 13:6–11).

Derba Pali dhe Barnaba predikuan ungjillin në këtë qytet (Vep. 14:6–7, 20–21).

Listra Kur Pali shëroi një të paralizuar, ai dhe Barnaba u përshëndetën si perëndi. Pali u godit me gurë dhe u mendua i vdekur, por u ringjall dhe vazhdoi predikimin (Vep. 14:6–21). Shtëpia e Timoteut (Vep. 16:1–3).

Ikoni Në misionin e tyre të parë, Pali dhe Barnaba predikuan këtu dhe u kërcënuan se do të vriteshin me gurë (Vep. 13:51–14:7).

Laodika dhe Kolosi Laodika është një nga degët e Kishës që Pali vizitoi dhe nga e cila mori letra (Kol. 4:16). Ajo është gjithashtu një nga shtatë qytetet e renditura në librin e Zbulesës (të tjerët janë Efesi, Smirna, Pergami, Tiatira, Sarda dhe Filadelfia; shih Zbu. 1:11). Kolosi shtrihet 18 kilometra në lindje të Laodikës. Pali u shkroi shenjtorëve që jetonin atje.

Antiokia (në Pisidi) Në misionin e tyre të parë, Pali dhe Barnaba u mësuan judenjve se Krishti erdhi nga fara e Davidit. Pali ia ofroi ungjillin Izraelit, më pas johebrenjve. Pali dhe Barnaba u përndoqën dhe u dëbuan (Vep. 13:14–50).

Militina Ndërsa ishte këtu në misionin e tij të tretë, Pali i paralajmëroi pleqtë e Kishës se “ujqër grabitqarë” do të hynin në tufë (Vep. 20:29–31).

Patmosi Gjoni ishte i burgosur në këtë ishull kur ai pati vegimet që ndodhen tani në librin e Zbulesës (Zbu. 1:9).

Efesi Apollo predikoi këtu me fuqi (Vep. 18:24–28). Pali, në misionin e tij të tretë, dha mësime në Efes për dy vjet, duke kthyer shumë njerëz (Vep. 19:10, 18). Këtu ai u dha dhuratën e Frymës së Shenjtë me anë të vënies së duarve (Vep. 19:1–7) dhe kreu shumë mrekulli, duke përfshirë largimin e shpirtrave të ligj (Vep. 19:8–21). Këtu adhuruesit e Dianës ngritën një thashethem kundër Palit (Vep. 19:22–41). Një pjesë e librit të Zbulesës iu drejtua Kishës në Efes (Zbu. 1:11).

Troasi Ndërsa Pali ishte këtu gjatë udhëtimit të tij të dytë misionar, ai pa një vegim të një njeriu në Maqedoni duke kërkuar ndihmë (Vep. 16:9–12). Ndërsa ishte këtu gjatë misionit të tij të tretë, Pali ngriti Eutikun nga vdekja (Vep. 20:6–12).

Filipia Pali, Sila dhe Timoteu kthyen në besim një grua të quajtur Lidia, zbuan një shpirt të lig dhe u rrahën (Vep. 16:11–23). Ata morën ndihmë hyjnore për t’u larguar nga burgu (Vep. 16:23–26).

Athina Pali, ndërsa ishte në misionin e tij të dytë për në Athinë, predikoi në kodrën Mars (Areopagu) rreth “perëndisë së panjohur” (Vep. 17:22–34).

Korinti Pali shkoi në Korint në misionin e tij të dytë, ku qëndroi me Akuilën dhe Priskilën. Ai predikoi këtu dhe pagëzoi shumë vetë (Vep. 18:1–18). Nga Korinti, Pali shkroi letrën e tij drejtuar romakëve.

Thesalonikia Pali predikoi këtu gjatë udhëtimit të tij të dytë misionar. Grupi i tij misionar u nis nga Berea, pasi judenjtë kërcënuan sigurinë e tyre (Vep. 17:1–10).

Berea Pali, Sila dhe Timoteu gjetën shpirtra fisnikë për t’i mësuar gjatë udhëtimit të dytë misionar të Palit. Judenjtë nga Thesalonikia i ndoqën dhe i persekutuan ata (Vep. 17:10–13).

Maqedonia Pali i mësoi njerëzit këtu në udhëtimet e tij të dytë dhe të tretë misionare (Vep. 16:9–40; 19:21). Pali përlëvdoi zemërgjerësinë e shenjtorëve maqedonas, të cilët i dhanë atij dhe shenjtorëve të varfër në Jeruzalem (Rom. 15:26; 2 Kor. 8:1–5; 11:9).

Melita Palit iu mbyt anija në këtë ishull në udhën e tij për në Romë (Vep. 26:32; 27:1, 41–44). Ai ishte i padëmtuar nga kafshimi i një gjarpri dhe shëroi shumë vetë që ishin të sëmurë në Melita (Vep. 28:1–9).

Roma Pali predikoi këtu për dy vjet ndërsa ishte në arrest shtëpie (Vep. 28:16–31). Ai gjithashtu shkroi letra drejtuar efesianëve, filipianëve e kolosianëve dhe Timoteut e Filemonit, ndërsa ishte i burgosur në Romë. Pjetri e shkroi letrën e tij të parë nga “Babilonia”, që ndoshta ishte Roma, pak kohë pas përndjekjeve të Neros ndaj të krishterëve në vitin 64 pas K.. Në përgjithësi besohet se Pjetri dhe Pali u martirizuan këtu.