Kanaani në Kohët e Dhjatës së re

Dani (Laishi) Jeroboami ngriti një viç të artë për mbretërinë veriore për ta adhuruar (1 Mbr. 12:26–33). Dani ishte kufiri verior i Izraelit të lashtë.

Mali Karmel Elija sfidoi profetet e Baalit dhe hapi qiejt për shiun (1 Mbr. 18:17–40).

Megido Një vend i shumë betejave (Gjy. 4:13–16; 5:19; 2 Kro. 35:20–23; 2 Mbr. 23:29). Salomoni mblodhi një grup levitësh për të ngritur Megidon (1 Mbr. 9:15). Mbreti Josia i Judës u plagos për vdekje në një betejë kundër faraonit Neko të Egjiptit (2 Mbr. 23:29–30). Në Ardhjen e Dytë të Zotit, një konflikt i madh dhe përfundimtar do të ndodhë në luginën e Jezreelit si pjesë e betejës së Armagedonit (Joe. 3:14; Zbu. 16:16; 19:11–21). Emri Armagedon është fjalëzim në greqisht i emrit hebraik Har Megidon ose mali i Megidos.

Jezreeli Emri i një qyteti në luginën më të gjerë dhe më pjellore të Izraelit, e cila ka të njëjtin emër. Mbretërit e mbretërisë së veriut ndërtuan atje një pallat (2 Sam. 2:8–9; 1 Mbr. 21:1–2). Mbretëresha e ligë Jezebel jetoi dhe vdiq atje (1 Mbr. 21; 2 Mbr. 9:30).

Beth-sheani Izraeli u vu përballë kanaanitëve këtu (Joz. 17:12–16). Trupi i Saulit u lidh në muret e kësaj fortese (1 Sam. 31:10–13).

Dothani Jozefi u shit në skllavëri nga vëllezërit e tij (Zan. 37:17, 28; 45:4). Eliseu pati një vegim të malit plot me kuaj dhe karroca (2 Mbr. 6:12–17).

Samaria Kryeqyteti i mbretërisë së veriut (1 Mbr. 16:24–29). Mbreti Ashab i ndërtoi një tempull Baalit (1 Mbr. 16:32–33). Elija dhe Eliseu kryen shërbesa (1 Mbr. 18:2; 2 Mbr. 6:19–20). Më 721 para K. asirianët e pushtuan atë, duke përfunduar robërimin e 10 fiseve (2 Mbr. 18:9–10).

Shikemi Abrahami ndërtoi një altar (Zan. 12:6–7). Jakobi jetoi pranë këtij vendi. Simeoni dhe Levi i masakruan të gjithë meshkujt e këtij qyteti (Zan. 34:25). Nxitja e Jozueut të “zgjedhin…këtë ditë” për t’i shërbyer Perëndisë ndodhi në Shikem (Joz. 24:15). Këtu Jeroboami ngriti kryeqytetin e parë të mbretërisë së veriut (1 Mbr. 12).

Mali Ebal dhe Mali Gerizim Jozueu e ndau Izraelin në këto dy male—bekimet e ligjit u shpallën nga mali Gerizim, ndërsa mallkimet erdhën nga mali Ebal (Joz. 8:33). Samaritanët më vonë ndërtuan një tempull në Gerizim (2 Mbr. 17:32–33).

Penueli (Penieli) Këtu Jakobi u ndesh gjatë gjithë natës me një lajmëtar të Zotit (Zan. 32:24–32). Gideoni shkatërroi një fortesë madianite (Gjy. 8:5, 8–9).

Jopa Jona lundroi nga këtu drejt Tarshishit për t’iu shmangur misionit të tij për në Ninive (Jon. 1:1–3).

Shilohu Gjatë kohës së Gjyqtarëve, kryeqyteti i Izraelit dhe tabernakulli ishin vendosur atje (1 Sam. 4:3–4).

Betheli (Luci) Këtu Abrahami u nda nga Loti (Zan. 13:1–11) dhe pati një vegim (Zan. 13; Abr. 2:19–20). Jakobi pati një vegim të një shkalle që arrinte në qiell (Zan. 28:10–22). Tabernakulli u vendos këtu për një farë kohe (Gjy. 20:26–28). Jeroboami ngriti një viç të artë që mbretëria veriore ta adhuronte (1 Mbr. 12:26–33).

Gabaoni Populli hivit nga këtu e mashtroi Jozueun për një armëpushim (Joz. 9). Dielli qëndroi i palëvizur derisa Jozueu e fitoi betejën (Joz. 10:2–13). Ky ishte gjithashtu një vend i përkohshëm i tabernakullit (1 Kro. 16:39).

Gaza, Ashdodi, Ashkaloni, Ekroni, Gathi (pesë qytetet e filistinëve) Nga këto qytete filistinët shpesh filluan luftë kundër Izraelit.

Bethlehemi Rakela u varros pranë këtij vendi (Zan. 35:19). Ruthi dhe Boazi jetuan këtu (Rut. 1:1–2; 2:1, 4). U quajt qyteti i Davidit (Llu. 2:4).

Hebroni Abrahami (Zan. 13:18), Isaku, Jakobi (Zan. 35:27), Davidi (2 Sam. 2:1–4) dhe Absalomi (2 Sam. 15:10) jetuan këtu. Ky ishte kryeqyteti i parë i Judës nën mbretin David (2 Sam. 2:11). Besohet se Abrahami, Sara, Isaku, Rebeka, Jakobi dhe Lea u varrosën këtu në shpellën e Makpelahut (Zan. 23:17–20; 49:31, 33).

En-Gedi Davidi u fsheh nga Sauli dhe ia kurseu jetën Saulit (1 Sam. 23:29; 24:1–22).

Gerari Abrahami dhe Isaku jetuan këtu për një farë kohe (Zan. 20–22; 26).

Beer-Sheba Abrahami gërmoi një pus këtu dhe lidhi besë me Abimelekun (Zan. 21:31). Isaku pa Zotin (Zan. 26:17, 23–24) dhe Jakobi jetoi këtu (Zan. 35:10; 46:1).

Sodoma dhe Gomora Loti zgjodhi të jetonte në Sodomë (Zan. 13:11–12; 14:12). Perëndia e shkatërroi Sodomën dhe Gomorën për shkak të ligësisë (Zan. 19:24–26). Jezusi më vonë i përdori këto qytete si simbole të ligësisë (Mt. 10:15).