Fotografi të Vendeve të Shkrimeve të Shenjta

Këto fotografi të vendeve të rëndësishme janë shembuj të vendeve ku eci Jezusi, ku profetët e Biblës jetuan e i mësuan njerëzit dhe ku ndodhën shumë ngjarje të shkrimeve të shenjta. Për t’ju ndihmuar t’i përdorni më mirë fotografitë në studimin tuaj, një përshkrim i shkurtër shoqëron çdo fotografi. Numri e titulli i përshkrimit dhe numri e titulli i fotografisë janë të njëjtë. Paragrafi i parë që pason titullin e përshkrimit shpjegon vendndodhjen e fotografisë, duke përfshirë gjëra të rëndësishme për t’i parë dhe shpesh në cilin drejtim po shihte fotografi. Ngjarje domethënëse të shkrimeve të shenjta nga ajo zonë renditen më pas, së bashku me referencat e shkrimit të shenjtë me qëllim që ju të mund të dini se ku të lexoni më shumë rreth atyre ngjarjeve.