Doktrinal nga Kahanas: Pagsukod sa Nakat-onan 1
Mateo 5:14–16 hangtod Juan 17:3
Panahon sa unang katungang bahin niini nga kurso, ang mga estudyante nagtuon sa 11 ka mga tudling sa doktrinal nga kahanas nga anaa makita sa Mateo, Lucas, ug Juan. Kini nga pagsukod gidisenyo aron sukdon ang abilidad sa mga estudyante sa pagpangita niini nga mga tudling ug gamiton nila sa mga sitwasyon sa tinuod nga kinabuhi. Masukod usab niini ang ilang pagsabot sa mga baroganan sa pag-angkon og espirituhanong kahibalo.
Buhata kini nga pagsukod sa doktrinal nga kahanas bisan unsang panahona human matudlo ang tanang mga tudling sa doktrinal nga kahanas sa Mateo, Lucas, ug Juan. Mahimong gikinahanglan nga itudlo ang pipila sa mga leksiyon sa doktrinal nga kahanas sa dili pa magbuhat og pagkasunod-sunod sa mga kasulatan aron ang pagsukod mahimong mabuhat sa dili pa matapos ang semester.
Kon mahimo, buhata kini nga pagsukod sa personal aron ang mga estudyante makakorekr dayon sa pagsukod isip usa ka klase human nila makompleto kini.
Agi og dugang sa pagsukod sa kasamtangang kahibalo sa mga estudyante, ang kasinatian sa pagkuha ug pagkorekr sa maong pagsukod nagtumong alang sa usa ka mahinungdanon, makapalig-on sa pagmatuod nga kasinatian alang sa mga estudyante. Samtang nagkorek sa mga pangutana 7–12, awhaga ang mga estudyante sa pagpahayag nganong ilang gipili ang maong tubag ug sa pagpasabot giunsa sa maong tudling nga ilang gipili pagtabang sa mga sitwasyon nga nahulagway sa maong pagsukod. Tabangi ang mga estudyante sa pagpasabot sa bisan unsang mga pangutana nga lagmit ilang sayop nga natubag. Paggahin og oras sa pagtubag sa bisan unsang dugang nga mga pangutana nga lagmit aduna ang mga estudyante.
Doktrinal nga Kahanas sa Bag-ong Tugon: Pagsukod sa Nakat-onan 1
Mga pakisayran sa doktrinal nga kahanas
Alang sa mga pangutana 1–3, isulat ang letra nga nahiuyon sa pakisayran sa blangko sunod sa matag hugpong sa mga pulong. Palihog ayaw gamita ang inyong mga kasulatan alang niini nga bahin sa pagsukod sa nakat-onan.
1. _____ “Gawas kon ang tawo igaanak sa tubig ug sa Espiritu, dili siya makasulod sa gingharian sa Dios.” | |
2. _____ Si Jesukristo nagsugo, moambit sa sakramento “sa paghandom kanako.” | |
3. _____ “Umari kanako, kamong tanan nga nabudlay ug nabug-atan, ug papahulayon ko kamo.” | |
d. Juan 3:5 | |
e. Juan 3:16 |
Mahinungdanong hugpong sa mga pulong sa kasulatan
Alang sa mga pangutana 4–6, pun-i ang kulang nga mga pulong sa mga nag-unang hugpong sa mga pulong sa kasulatan sa doktrinal nga kahanas. Palihog ayaw gamita ang inyong mga kasulatan alang niini nga bahin sa pagsukod sa nakat-onan.
4. Si Jesus miingon, “Ako __________ ngadto kanimo sa __________ sa __________” ( Mateo 16:15–19).5. “Kay karong gabhiona, _______ sa lungsod ni David ang inyong ______, ang Kristo nga _______!” ( Lucas 2:10–12).6. “Kay ang __________ walay __________ ug __________, ingon sa inyong nakita nga ania kanako” ( Lucas 24:36–39).
Mahimo kamong mogamit sa inyong mga kasulatan alang sa nahibilin nga pagsukod sa nakat-onan.
Alang sa mga pangutana 7–9, ilha ang usa o daghan pang mga tudling sa doktrinal nga kahanas nga mahimong makatabang sa usa ka tawo sa mosunod nga mga sitwasyon.
7. Kauban nimo ang mga misyonaryo diin adunay nangutana kon sila ba kinahanglan nga bunyagan o kon sila mahimong modawat lamang ni Jesus diha sa ilang kasingkasing. | |
8. Sa Sunday School, usa ka miyembro sa inyong ward nangutana unsaon nila pagkasayod nga ang doktrina nga gitudlo sa Simbahan gikan sa Dios. | |
9. Ang usa ka tawo nag-andam og leksiyon sa family home evening mahitungod kon unsaon nato pagkahimong mas maayong mga disipulo ni Jesukristo. |
Sa mga pangutana 10–11, ihulagway ang inyong kahibalo ug abilidad sa paggamit sa mga baroganan sa pag-angkon og espirituhanong kahibalo.
10. Unsaon ninyo pagpasabot sa mosunod nga tulo ka baroganan sa pag-angkon og espirituhanong kahibalo sa usa ka tawo nga dili sinati niini?
-
Lihok uban sa hugot nga pagtuo.
-
Susiha ang mga konsepto ug mga pangutana uban sa mahangtoron nga panglantaw.
-
Pagtinguha pa og dugang nga panabot pinaagi sa balaang gitudlo nga mga tinubdan.
11. Aduna kamoy higala nga nanglimbasog sa pagtuo nga ang Langitnong Amahan ug si Jesukristo nahigugma kaniya ug buot nga adunay usa ka personal nga relasyon ngadto kaniya. Tubaga ang mosunod nga mga pangutana:
-
Unsa nga piho nga mga butang ang inyong iawhag kaniya nga buhaton ingon nga lihok sa hugot nga pagtuo?
-
Unsaon ninyo pagtabang niya nga makit-an ang iyang sitwasyon uban ang usa ka mahangtoron nga panglantaw?
-
Ang mga tudling sa doktrinal nga kahanas mao ang mga ehemplo sa balaang gitudlo nga mga tinubdan. Unsa nga (mga) tudling sa doktrinal nga kahanas ang lagmit ninyong mapaambit kaniya? Ngano man?
12. Sa 11 ka mga tudling sa doktrinal nga kahanas nga inyong natun-an hangtod karon, hain ang labing naka-impluwensiya kanimo, ug ngano? Unsa ang gitudlo niini nga baroganan diha kanimo mahitungod sa Langitnong Amahan ug ni Jesukristo?
Hatagi ang mga estudyante og igo nga panahon sa paghuman sa pagsukod sa nakat-onan. Kon mahuman na ang mga estudyante, rebyoha kini isip usa ka klase. Isip ang magtutudlo, hukmi kon mas makatabang ba sa mga estudyante ang pagkorek sa ilang kaugalingong trabaho o ipasa kini ngadto sa klasmeyt aron ilang ikorek.
Mga Tubag
1. d. Juan 3:5
2. c. Lucas 22:19–20
3. a. Mateo 11:28–30
4. naghatag; mga yawe; gingharian
5. natawo; Manluluwas; Ginoo
6. espiritu; unod; mga bukog
7. Usa ka posible nga tubag mao ang Juan 3:5 , apan ang mga estudyante makadawat og kredito sa paggamit og bisan unsang tudling sa doktrinal nga kahanas aron matabangan sila pagpasabot sa kinahanglanon sa pagbuhat ug paghupot sa mga pakigsaad sa Dios pinaagi sa sakto nga awtoridad sa pagkapari.
8. Usa ka posible nga tubag mao ang Juan 7:17 , apan ang mga estudyante makadawat og kredito sa paggamit og bisan unsang tudling sa doktrinal nga kahanas aron mapasabot unsaon pag-angkon og usa ka pagmatuod sa tinuod nga doktrina.
9. Daghang mga tudling sa doktrinal nga kahanas ang mahimong makatabang sa mga estudyante sa pagpasabot unsaon pagkahimong mas maayong tinun-an ni Jesukristo. Pipila sa mga tudling nga lagmit magamit sa mga estudyante naglakip sa Mateo 5:14–16 ; Mateo 22:36–39 ; Lucas 22:19–20 ; ug Juan 17:3 .
10. Tugoti ang mga estudyante nga ipasabot sa mubo nga paagi ang mga baroganan sa pag-angkon og espirituhanong kahibalo. Ikonsiderar ang pagtandi sa ilang mga tubag kauban sa mga parapo 5–12 sa “Pag-angkon og Espirituhanong Kahibalo” nga seksiyon sa Mahinungdanon nga Dokumento sa Doktrinal nga Kahanas (2022).
11. Ang mga estudyante kinahanglan makapasabot sa mga buhat nga may kalabotan sa paglihok nga may hugot nga pagtuo ug pagsusi sa mga konsepto ug mga pangutana nga adunay mahangtoon nga panglantaw. Kinahanglan usab nilang maila ang usa ka tudling sa doktrinal nga kahanas nga nakatabang kanato sa pagsabot nga ang gugma sa Dios ug ang Iyang tinguha alang kanato mao ang pagkaadunay personal nga relasyon ngadto Kaniya. Pipila sa mga tudling nga lagmit magamit sa mga estudyante mao ang Mateo 11:28–30 ; Juan 3:16 ; ug Juan 17:3 .
12. Basta sinsero ug kompleto ang pagtubag sa mga estudyante niini nga pangutana, sila mahimong hatagan og kredito. Kini usa ka bukas nga pangutana ug kinahanglan nga ibilin kanila.
Aron matabangan ang mga estudyante sa pagpasabot, pagpaambit, ug pagmatuod, awhaga sila sa paghisgot sa tudling sa doktrinal nga kahanas nga ilang gipili alang sa pangutana 12 ug nganong gipili nila kini. Mahimong epektibo ang pagpaambit sa mas daghang estudyante sa nahibilin nga oras. Awhaga sila sa pagpaambit unsa ang gitudlo kanila sa tudling nga ilang gipili mahitungod sa Langitnong Amahan ug kang Jesukristo. Isip ang magtutudlo, mahimo usab kamong mopaambit og usa ka mahalaron nga tudling sa doktrinal nga kahanas.
Taposa ang pagsukod pinaagi sa pagpaambit og pagmatuod sa gahom sa pagkasayod sa doktrina ni Jesukristo nga anaa makita sa Iyang mga kasulatan ug pagkaandam sa paggamit sa Iyang mga pagtulon-an sa mga sitwasyon sa tinuod nga kinabuhi.